Binary (已搬遷)

食品饮品都有几多选择，感觉吸引嘅，waffle 新鲜热辣，味道唔错，饮品够靓又几好饮，同行朋友叫咗咖啡都话味道可以，唯独价钱有啲贵，不过都系香港地方贵租，实在冇办法。…查看更多

一间以木系装修的cafe, 感觉清新。位置不多，适合二至四人的组合光顾。事实上椅高台矮，对比较高嘅我来说唔算特别好坐，亦唔太喜欢疫情缓和立即将所有隔板拆掉，台和台距离本身很近，撞正隔离位狂喷鼻涕其实令成餐饭感觉麻麻。讲番食物，点餐用QR Code方便， 但无即时update售罄或无货的食品，点完才说没有有点扫庆。是次点了：富士山苹果芝士蛋糕：味道清新都算多苹果，但成件蛋糕细件，性价比唔算高芥末火腿三文治：够大份香脆，芝士微微流出，好香好味，配有沙律菜，成件事又靓又好味又健康。牛奶咖啡：配饼干，好饮。整体食物质素是好的，亦适合打卡，但性价比略为一般。另外侍应唔戴口罩无问题，但拎住食物一直唔上餐，挂住和其他客讲嘢，倾一轮先送俾另一台客，又系令人感觉麻麻。…查看更多

好多时想支持小店，但小店嘅营运同态度系唔抵帮。去完维园谂住帮衬小店，点咗all day breakfast, ham and cheese sandwich, ginger latte and apple juice，食物正常，咖啡唔错。店内卫生一般，服务普通，惟坐窗傍吧枱，食食吓有职员隔离坐低食外卖。门外标示2:30-6pm店内用餐咖嘛茶可获半价，遂折返询问。店员不清楚不紧要，店内经理或东主正眼不敢看顾客，推说周末并不适用，手机点餐点不到半价云云。再三询问下，终承认没标明不适用日子为误导消费者并会更正。帮衬得小店都预咗价钱会稍贵，但门外大张告示明显为吸引顾客并误导消费者一定唔会再光顾，天后有更好选择。…查看更多

好想食梳乎厘，食晏之后就专登走嚟呢度，因为知道呢度有朱古力同云呢拿梳乎厘。下午茶时间饮品半价 ，两个人无所事是，最好就系饮下午茶倾下计，食下靓甜品，真系开心。呢度系坐得好舒服， 全玻璃橱窗装修，光猛企理，视野开阔， 点咗一个why not both，有两种口味， 都系108蚊。不过就要等一啲时间，因为现叫现整， 梳乎厘局得好靓，胀卜卜， 肥嘟嘟 ， 再配朱古力酱同云呢拿酱，好滑好香。又可以饮多杯咖啡， 我唔知点解啲咖啡都够热，系咪因为沟咗啲冻奶落啲咖啡度，成杯都变咗唔热，如果杯咖啡热啲就更加完美啦。😘😘…查看更多

紫薯酱窝purple  抹茶拿铁 &Mocha 最近去了位于天后嘅Binary试佢哋嘅甜品同咖啡，真系唔错！紫薯酱窝夫松软，配上淋上嘅紫薯酱，真系够味。仲有抹茶拿铁，淋上层层细致嘅抹茶粉，加上一啖啱啱烘焙过嘅咖啡，味道浓郁。如果你唔系抹茶控，不如试下佢哋嘅 Mocha，混合热巧克力同咖啡，啖落去有层次感同香浓味道。环境同埋装修都好舒适，系一个可以好好坐低休息嘅地方。另外佢哋嘅职员都好友善，服务都好好，不妨下次黎紧试下！…查看更多