Billidart Restaurant & Bar (已結業)

第一次黎Billidart Restaurant & Bar一入到去氣氛十分正 有得督波有得掟鏢🎯但係我去到當然係食野啦🤤你睇下我地叫左幾多野我想講燒德國咸豬手超好食 皮好脆👍🏼記住要趁熱食喔 不然啲皮會太硬🤣水牛城雞翼比起我食過嘅辣 但辣比酸更好味而燒汁焗芝士薯條真係不錯👍🏼酥炸魷魚鬚夠脆啊 而且夠大條🦑夏威夷波羅雞柳薄餅就麻麻 可以選其他💁🏼最後黑松露野菌意粉 松露味係有嘅但稍嫌太淡 松露味不太濃😂而本人係唔飲酒 所以飲Peach Smoothie好奶啊 下次叫strawberry 穩陣啲🤣_________________________裝修環境：✨✨✨✨✨服務態度：✨✨✨✨食物質素：✨✨✨✨(5個✨為滿分)價錢：$188+88+78+78+130+168________________________唔信我嘅可以自己去試試😂地址：灣仔杜老誌道6號群策大廈7-8樓全層

用OpenRice book jor Friday night 嚟慶祝同事生日，上到去感覺氣氛都幾好，而且d侍應好有禮貌又會好快response. 係值得加分嘅，而且仲有得篤波同玩遊戲，嚟relax下亦幾舒服。但敗筆真係係野食度，因為happy hour 時間，叫左個combo,有3樣小食，揀左雞翼,pizza &串燒。等左成個鐘先上野食，仲要全部都係凍 味道還好，但凍哂就好差。之後叫個豬手，又係等左45分鐘都有，竟然都係凍哂 明明幾好食，但熱翻會好好多！跟手嗌左d炸雞，又係要成個鐘先嚟！但終於係熱架啦，不過，係冇味，一d味都冇cocktails overall 亦麻麻地，冇乜酒味，都係beer好d

話說同成班朋友一齊黎諗住飲杯野，食下野今，7點45分到左 開始叫野飲同埋野食，去到成9點正先黎D野食，仲要係凍冰冰。一D質素都冇，最後等到9點20分決定Cancel order。 👎🏼👎🏼👎🏼 係我見過最差既酒吧！聽到隔離好多張台都投訴，愈黎愈多人等到好唔耐煩!👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼

之前食過兩次覺得呢度氣氛好、食物質素又高。今次就帶埋班大學同學嚟食下！果然不負眾望～又好玩又好食！環境夠曬放鬆，燈光啱曬飲酒傾計，三五知己嚟到一定唔肯走～上菜！黑松露醬野菌意大利粉黑松露夠曬香，即叫即整，上檯熱辣辣先最正炸魚潛艇包底烘完夠鬆脆，炸魚大條，match埋好好食，仲有薯條伴碟～芝士焗肉醬意粉看似很平凡，食起嚟有啲驚艷，同一般餐廳唔同，好有味但又唔會太膩口因為氣氛太好，傾計、篤波已經夠曬，所以唔記得影其他菜式～不過絕對推薦！

聽聞呢到Happy Hour 買一送一同埋D 野食都唔錯好耐嫁啦, 今日終於有時間來試下啦.燒汁焗芝士薯條～燒汁真係好正，配埋新鮮炸既薯條！讚！酸辣忌廉大蝦意大利粉～酸酸辣辣好開胃！正～冇諗過竟然同忌廉夾得咁好～整體黎講都唔錯食到咁上下見到有人玩呢個game, 好似叫 Slap Cup, 好似好刺激咁, 下次約埋一班 frd 上來玩先.其實仲有食其他野但係唔記得影相！每人叫左2 round 野飲, total先食咗五百幾，以呢個水準嘅食材，算係幾抵。會再encore～～～

朋友生日我地揀左呢間闊落D既BAR諗住可以玩得盡興D~ 點知竟然有意外收獲~ 人唔算多所以都唔係嗌左好多野食, 不過就樣樣都好精緻!燒汁焗芝士薯條~ 酒配薯條很正! 燒汁是我至愛芝士焗西蘭花~ 以為平平無奇既焗西蘭花, 點知芝士很夠味!! 唔係平時係咁2放D HEA CHEESE既感覺~~德國咸豬手~ 招牌菜大大隻豬手, 點唔同醬有唔同感受~ 食極都唔夠煙三文魚蟹籽忌廉汁意大利粉~ 量雖然唔多但係勝在夠香!本身一黎到覺得D人周圍走又打下桌球扔下Beer Pong咁,  勝在呢度夠晒闊落, 兩杯落肚個人盡興D打成一片好開心! 唔洗乖乖坐定定食飯

第一次踏入呢度並唔係我鍾意既地方，不過當你真係置身於呢度，你一定會愛上呢個BAR！！尤其係佢地既野食實在太好食，好難想像可以係香港呢個地方搵到一間又玩得又食得既BAR泰式魚餅前菜份量岩岩好夏威夷菠蘿雞柳薄餅唔係薄到紙片既薄餅！鬆脆批底超正，足料、夠味～蟹籽吞拿魚配香蒜法包脆卜卜夠曬香口呢度氣氛好FREE，岩曬禮拜5收左工同同事朋友黎飲番杯癲番晚, 仲有 Beer Pong 同 Slap Cup 玩添！

昨天工作好忙，收工和同事上左8/F happy hour relax下，上到去個環境好寬敞。有桌球枱、飛標機和beer pong玩 小食$168元3款，超抵。試左個法包、魚餅和pizza，小食有水準。再叫左個卡邦尼意粉，好好食。我就中意飲紅酒，happy hour買一送一，啲waiter 服務態度都可以，其他客睇落都好斯文，係一個休閒傾計既好地方

Fairly large place by Hong Kong standards, with a couple of Beer pong tables, a pool table and a couple of dartboards.  Great for group games. Decent ambience.  Visited on a Saturday evening just in time for happy hours.  Had some beer and deep fried chicken with fries. Food was mediocre - nothing to rave about.Careful with the popcorn - One of the first things the servers do when you enter is to serve you popcorn.  If it is your first time, you will assume it is complimentary and start munching

一放工就收到老友call我，問有冇時間今晚食個飯見個面。本身諗住一放工就返屋企休息既我難以推約，又諗起同佢地都好耐冇見，最後停頓左３秒後，我先話：好!一上到去，個裝修都幾靚，入面又有幾張波枱，成個格調都好岩一大班人飲下野，聚下舊，感覺好relax，好快就唔記得左我有幾咁攰。個個都係放工過黎，肚餓到爆，梗係直接嗌野食。蟹子煙三文魚沙律，個外貌不過不失，味道冇咩特別，如果有多啲沙律醬會好啲既。水牛城雞柳薄餅，一拎上枱，個個都留晒口水，勁多水牛芝士鋪面，芝味撲鼻，岩晒我地一班鍾意芝士既人，加上雞柳好嫩滑，同芝士陣味好夾。另一個令人意外既地方係餅底好鬆軟，係我最鍾意既果種質感。哩個pizza 唔錯。卡邦尼意粉，個人幾鍾意食卡邦尼意粉，去到邊都要試下，食後覺得幾creamy，每一條意粉都會有奶油香味，不過份量上男仔可能唔係好夠食，岩晒女仔既輕食。仲有嗌左個燒汁焗芝士薯條，熱辣辣的薯條淋上大量芝士，真心岩晒芝士迷，加上佢係焗既，口感比起平時我地食既冇咁油膩，香口又可以拉絲唔錯，可以再食過。哩度既環境唔會太嘈，氣氛都幾岩一班人happy hour，又有野玩，想飲下酒都有選擇，我鍾意。下次同同事hap

又再一次重遊舊地，您在那啊？係度做緊咩呢？記得 101014？記得史迪仔嗎？返完舖頭曉廚軒打點好一砌就自由活動喇 ﹗又走去滅的先，晨早抵達又包場，任打 ﹗雷史棋隊遠征灣仔探的神 ﹗lift 口貼滿寶麗來照片，捉緊歡樂時光 ﹗有 American Pool、有鏢掟、有 beer pong、有挑杯、有飛碟，好多新奇玩意呢。今晚飲紅酒算喇，希望啦，哈哈。過海飲藥水都預備攬炒齊齊爆，三英戰的神，飲夠返屋企瞓覺，我地老遠係大埔出黎同您死過 ﹗爆完可以再爆，連環爆破 ﹗先黎杯 margarita 濕濕口先，之後紅白酒、shooter 唔少得啦 ﹗得四條麻甩好悶既，試下 BB 得唔得閒啦，幸運地附近收工又無約，非常好 ﹗BB 居然唔識由銅鑼灣行過黎，最終醉醉地的我花了 30 分鐘先接到佢呢。今晚難得老陳係附近放工，今次試試四皇衝去突擊的神先，誰知居然放假，突擊完全失敗呀 ﹗又比佢走甩左添，哈哈。每人一支雪茄嘆一嘆，呼出鬱悶與怨氣，爽乎 ﹗呼出煙圈，您記掛著誰？每 round American pool 飲 1 杯紅酒，連飲四五杯搞到我都斜斜地。Game 2 玩飛鏢繼續飲 ﹗Round 1 Ameri

由寫食評的那時候起，就抱着一個小小的遺憾。那起銹的齒輪就停在那裡，一恍兩年多，中學的那一班，每次每次，都好像缺少了什麼，或是多了什麼，就像在鞋子裹的一顆沙子般，一起走的路還是馨逸美麗，仍是走不遠。然後，悄來了一個電話。一小班，又再次聚首。走過了兩間餐廳，吃過兩次閉門羹。一路從波斯富街走到駱克道，抬頭只見那沒有月光的天空，一遍暗啞的漆黑，在高樓間的縫隙擠出來的夜空無味得不像是夜空，是一大片的黑。然後，無意地瞥到了Billidart Bar那小小的燈牌掛在某大廈裹，我想這夜，我們這一小群都需要一點點未到醉卻需迷濛的酒精，去陪伴這星期五美好的夜。L小姐難得這麼聰穎，遲得剛剛好。一坐下就響起了鈴聲，就好像夾好了似的。毫無意外，她還是遲到和迷路的結晶品，閃耀璀璨得要人下去迎接。一下樓，就看到她呆在旁邊大廈的入口，那天真無邪的身高和笑容仍是如此，仍不沾任何胭脂彩粉，兩年不見容貌仍如昨天。「我以為是這一個門口。」她像不懂中文的指着群策大廈的名字，也不能全怪，那牌坊竪立在兩個門的中間，但我想因為設計者都如凡人般覺得這是再明顯不過的事，我不怪他。「都是設計者的錯。」我無奈地的啼笑皆非，只好口是心非的懶作

吃過團年飯後，本來想行花市，但最後又是去了飲野。友人說這兒有免費桌球臺，贏了就可以繼續打。去到說因為今天是年三十晚，所以波枱是斷鐘計，$90小時。那我們還是飲野好了。雞尾酒沒有特別的選擇，Kittie cat，$88。是酒加士多啤梨茸加糖浸生果。味道清新。Stella 生啤，$98。預設的爆谷，$28。鹹爆谷配啤酒不是最佳選擇，都是甜爆谷比較好。快要到羊年了，原來在年三十晚，酒吧還是很多後生仔女去的。

夜晚同d女仔朋友去食飯，想搵個舒舒服服的餐廳食下野傾下計，就去左呢個billidart restaurant &bar。環境夠大都幾舒服，仲有卓球台，飛標同一d beer game provide可以玩。Pool table $95/ hr  Beer Pong table normal table $148 challenge table $298 with house beer or house whisky with any mixerflip cup $45/ bottle house beer我地7:30去到仲係happy hour 時段 (happy hour 由4:30-8:30)，drinks買一送一，可以揀兩杯唔同既野飲，淨係收貴d個杯既錢，所以其實係好抵飲。arm晒大家坐係到飲下野傾下計。Blue Hawaiian $88 (buy 1 get 1 free)Bacardi Rum, blue curacao, pineapple juice, coconut cream 我本身唔太鐘飲椰子，但呢個椰子cream既味好香，都幾順口。yellow submarine

After a long day at school we girls tried to go for dinner at a pretty unusual place- bar. We're not exactly the kind of people who hit the bars at lkf every weekend, (more like once a year lol) BUT somehow, on that usual mundane tuesday, we decided to do things a little different. Explored wan chai a lil and found out this bar and restaurant in a commercial building. There were two floors, so we pressed the one on the upper floor. At around 7 pm, the place was quite empty, I guess it was quite