Big Chill (已結業)

這2個蔬菜意粉都是我至愛。一個是雜菜忌廉汁長通粉，另一個是西蘭花青醬意粉。2個意粉都屬味清淡，但份量非常足夠，意粉及長通粉都彈牙有質感，不是偏冧的那種，我非常喜歡。午市人流不多，地方乾淨企確，座位有足夠間距。

因為疫情關係，大家都少左堂食，多左外賣，但因為唔想產生外賣餐具廢物，所以一直都搵一些企理一點的餐廳堂食。呢間係工作地點附近，在牛頭角工廠區來說，是難得比較乾淨企理，座位間隔較闊，人流比較少的食店。員工很有禮貌，仲會主動送上一杯熱水給每位人客。最難得係早餐頹麵上有好食的生菜葉(沒有硬的部分)及粟米，成個麵健康左，條腸好食，唔會死鹹，個麵仲係黑蒜味丁麵，真係誠意十足，感動。

我甚少俾👎🏻，因為我唔係好嘴刁，對食物要求唔高！今日lunch 同d同事試吓哩間，十二點鬆啲，冇乜人都正常嘅...我叫左一個海鮮喇沙，$58仲有杯野飲，中規中矩啦！點知，目測冇乜海鮮，淨係得幾隻雪藏蝦，同埋兩粒墨魚丸，都算.....喇沙最重要係個湯，點知係＂媽媽麵”嗰個湯底，淡兼且得嗰少少辣味，冇喇沙應有嘅椰奶味，嗰個金邊粉本身已經冇味，加埋個冇味嘅湯底，我真係冇辦法K.O到成碗野囉。不過我都會再比多次機會佢，下次嚟試吓其他野。

今日去咗牛頭角地鐵站附近做咗半日嘢，早餐食Big chill午餐又係揀返佢。其實唔係話好特別，只係覺得佢哋做得唔錯有心機，環境都算幾舒適又乾淨價錢又唔貴，可以話係快餐店價錢但比到你餐廳嘅質素咁啦😊😊早晨款式都算多選擇，食物整體唔算差，兩個早餐set比軟鐘意份磨菇蛋好滑好香、煙肉同火腿啲質素都食到佢唔係cheap 貨👍🏻👍🏻👍🏻配埋即磨咖啡☕$38️👌滿意！至於份午餐係$48咖喱雞🍛🐔，味道唔太濃，食到咖喱嘅香同微辣，可惜雞肉部分比軟「嚡」一啲。

開左業幾年, 冷氣唔涼呢個問題一直無改善, 眼見係好多部冷氣, 但入到餐廳好焗熱, 食個早餐, 一路食一路出汗, 確實趕客, 夏天餐廳既溫度居然同室外無溫差, 吹漲! 

今日收工 晚上要跳舞一個人食野又冇乜興趣 因為一個人食唔可以食好多類型😞本心諗住買支豆漿頂肚就算數點知行去搭車途中 見到買一送一慳錢既我又點會唔望望係咩 原來係本時返工必經之路既Big Chill每日3點後都會買一送一咁都幾低 咪買個試下料都幾足！ 味道唔錯 醬料唔算多（本人唔係咁中意食醬料）見到淨返個大三文治 姨姨話大三文治可以跟兩個細既三文治Total : $22 有3個三文治係手 又真係幾平可能放耐左小小 出左d油係包裝到 但冇溜出嚟 3點後推薦 平 靚 正 三文治

聽聞今日有大折扣，滿$300 全餐8折，堂食都有9折，梗係要來試一試啦入口比較隱蔽要穿入鴻圖道1號大廈先搵到正門🕞輪後時間🕤先去排隊點餐，由於今日有折扣特別多人排隊，足足排左差唔多10分鐘🥢推介食品🥢1️⃣ 溫泉蛋雞扒肉操飯 $62 （堂食9折，要12:45前買） 認真賣相一般，個溫泉蛋完全唔係洗心嘅，最估唔到肉燥飯，肉燥同飯竟然係分開，不過個汁唔錯，雖然飯都有少少硬，誤打誤撞勝在多汁味道 😋😋賣相 👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳佈置好西式 🧑🏻‍🍳侍應服務🧑🏻‍🍳：服務員態度幽默🔆總結一下🔆：整體來講份量比較細價錢有啲貴，性價比唔高

牛頭角工業區出名無咩野食，早餐更加係難有放鬆既好地方，呢間算係其中一個，名符其實。選擇亦好多元，有出前一丁餐，有英式靚早餐。我自己就叫左份，面包係少有的牛角包，my favour,整得極之香脆，配埋牛油簡直一流。至於其他野食就唔多評價，都係一般早餐見開既食材，煎好就食得。炒蛋扺讚既，煎得滑又香，對於細食的我來說，份量係夠夾飽肚架，cafe點可以唔點評咖啡呢，我 中意重乳，而服務員確有做到，係一杯合格令你提神既咖啡🤪👍

這間店開係商廈樓下嘅，lunch time 有唔同嘅外賣款式可以揀，堂食就有意粉嘅。😍我今次揀左外賣東玻肉飯，東玻肉好入味，都唔會好硬身。但飯唔係用日本珍珠米😥😥😥明明之前係用珍珠米嘅白飯，仲要今次d 飯係凍凍地，有d 唔熟咁😩😩好失望呀🤢希望可以轉返珍珠米就好喇🤧

日日都落雨，搞到個人心情好鬼差😣好唔容易捱到星期五，你以為係happy Friday 😑觀塘工廠區冇乜好食🤔又唔想行咁遠，於是就喺附近搵咗間餐廳坐低食嘢！咦！原來又唔錯喎兩個人，分別叫咗鎮江骨飯同梅菜扣肉飯！梅菜呢就唔係好夠味，扣肉就肥瘦適中，同埋蚊得好冧同唔好入味！飯呢就略嫌硬左少少同乾身咗啲。不過份量十足，10分飽肚！鎮江骨呢就普通，可以撰唔會再食餐廳環境舒適乾淨，人流都好多，而且仲包埋杯嘢飲價錢實惠！可以一試

今日落超大雨就求其係附近搵餐廳，雖然佢就話要係棟大廈做野的員工先可以食，但唔知係唔係因為太大雨所以都唔理。去到都要等位咁我就叫左三文魚菠菜意粉碟意粉的size係正常，但作為工廠大廈的餐廳尼講我覺得有D貴，要$60幾，但係有service，佢係比完錢之後有個牌，然後坐底就ok，野食會有人拎過尼比你，咁可以價錢就係貴係service到汁係夠的，但略X唔夠味三文魚正常，都幾靚，唔腥菠菜就有D少意粉就超大碟，食完好飽

食物ok，但有位四眼呀姐員工態度唔太好..........我地一行8個人去食lunch, 等左差唔多十五分鐘我個餐仲未到，同事都食左一半，我仲要係第一個買飛，我驚會漏單所以叫個呀姐幫我追下。跟住聽到係收銀附近有一位四眼長髮呀姐大聲咁講“吹乜野，咪整緊囉!叫佢等下啦“ 用啲語氣仲要好差。因為我地坐係收銀對出，所以大家都聽得好清楚。幫我追問個位呀姐都走埋黎同我講唔好意思，位同事語氣唔好。食物就ok, 不過份量唔多........

同事今天帶我去試新嘢，位置好隱閉吓。門口冇招牌，唔係有人帶路，跟本唔會知道。內𥚃是 food count 的格局，大約有三十張枱，坐滿都有一百人架。首先排隊俾錢＋落 order ， 餐牌有呢D，中式碟頭飯約 $50日式飯或麵，大約 $60意粉就貴D，要 $70左右。俾完錢，然後阿姐會俾個號碼牌你，再自己揾好位，將個號碼牌放枱面，舒舒服服等食。有樓面姐姐會送餐架！與同事 order 左兩個碟頭飯齊齊分享。叫左是日 K6 ，東坡肉飯$48嘩 ！ 五花腩仲多過白飯，正呀😍！而且粒粒都有四至五層，用黑醋汁煮過，唔會油唔會膩，入口即溶，送飯簡直一流呀！可惜，菜都冇一條，唔夠健康喎😩另一個餐叫左豉汁釀涼瓜$48， 其實係苦瓜圈釀魚肉。苦瓜完全唔苦，亦冇乜味，小小失望。而釀魚肉就好足料，少粉夠實淨。豉汁好香，咸甜適中，送飯唔錯。食完阿姐都冇即刻收碟趕客，而且個場算大，流轉快，keep 住有吉位，所以都坐得幾舒服。跟餐附送飲品 （咖啡、奶茶、檸茶、檸水），呢個價錢觀塘區算唔錯。

Good place.A new western-styled food restaurant, great coffee, salad and Japanese items.Open for breakfast and lunch and soon to open outside bakery with great cold pressed fresh juices.A place to visit for freshly made pasta and spaghetti and salad lovers.