Big Apple (已結業)

今日去西營盤分店, 叫o左個tea set, $12, 有個蛋撻咁大gei腸仔薯蓉同野飲~ 個女老闆好好好好人ga~ 勁nice~~~地址:香港西營盤西邊街4A地下電話:25479000

撞著我哩個熱狗痴，一連兩日都走去幫襯，之前食哩個燒汁雞柳，首先，真係冇諗過會咁大件，以十二雞黎講，若同美心果o的熱狗價錢相比，同價錢但份量就相差好遠喇。食完有點兒感動，因為佢果o的燒汁味道，同我兒時係快餐店食開果隻豬扒包味相似喇，但略嫌味精重左o的同埋唔夠熱。跟住試左佢個牛肉腸熱狗，嘩！好味道呀，加埋佢o的Topping真係一流：酸粟米，酸青瓜，酸辣椒同我至愛o既芥辣（走茄汁，因為已經好夠酸，同埋自己唔多好茄汁），無得頂！十六雞真係抵呀．．蘑姑芝士同事試過都唔差，不過都係嫌唔夠熱同埋佢地鍾意食‘脆皮’包instead of哩類軟身包。長八吋寬三吋（度過）熱狗，即叫即做，我就即拎即食，咁咪夠熱咯！真係好飽肚o架！真係令我諗起加拿大街邊果o的熱狗車，正～

買過一隻洋蔥雞柳飽，$12，但無諗到size都幾大份，加埋罐裝汽水=$16，個飽又多sauce又惹味，呢個lunch真係抵食~~

今日早左少少返工，可以周圍搵下早餐食。除左下午serve熱狗，原來呢度朝早都有賣早餐，價錢仲相當平tim，各款都只係十蚊，有腿通、雞肉三文治同熱飲，涷飲就加兩蚊。味道不過爾爾，但價錢咁平都算係咁。

D外藉人仕硬係唔肯坐定定食碗麵，結果就俾個鬼妹捉左去呢度sidewalk食熱狗。<br />這裡舖面較細，選擇不多，熱狗都可以做到即叫即製，但要等成個幾字，如果趕時間就要諗諗！所以佢地lunch hour 通常會整定幾隻o係度等人買。茄汁芥辣同其他配菜任你落，我就喜歡加大量芥辣同少量茄汁(8:2!)，再配合酸菜同吃。我的牛肉腸熱狗熱辣辣幾好食，但因加了很多配料，D 汁料又好似好想滴出來咁，所以都係坐低慢慢食無咁狼狽。鬼妹的芝士蘑菇熱狗賣相都唔錯，聽佢講都幾好食。另原本想叫埋個buffalo wing兩份食，因16 蚊有8 件好似幾抵食，但在街上徒手食雞翼是高難度動作，所以都係留番下次至買番office 食。望見炸薯條只一般茶餐廳貨色，所以都係無order 到。<br />包汽水兩罐兩個人夾埋36 蚊，唔算太貴。可惜這裡沒有啤酒供應，一向都認為一邊食熬狗一邊隊啤至過癮的。