Bento Express By AEON (已結業)

夜咗收工,返到青衣城見到兩間壽司店將近收舖,所以都做緊特價優惠,見到Aeon壽司外賣店做半價優惠,,見有我喜歡食嘅帶子同三文魚二話不說買咗一盒及三件飯糰,回家慢慢品嚐😋特選壽司拼盤一盒原本$79現在$40我揀佐我喜歡帆立貝拼三文魚腩壽司帆立貝夠大粒,質地柔軟,口感仍保持清甜,頗為新鮮😋三文魚壽司🍣三文魚肉質鮮甜油脂亦算豐富,口感順滑肥美😋只是壽司飯底有D硬🙊飯糰特價$20元有3個🍙選擇可以肉鬆,鰻魚,三文魚外層紫菜鬆脆,飯團從餡料不算多,味可以,飯糰嘅飯質感好過壽司飯😅

唔記得8點半定9點後係做半價放工未食飯，買壽司食就啱啱好了。有折，平之餘又可以當減肥其實一個舖位之隔仲有間壽司店但感覺上aeon 好似質素好啲呢到加埋只係50蚊左右，好抵食！三文魚油脂分佈好平均，幾好。三文魚腩好抵食

行經青衣城，又咁岩要買外賣。唔知食咩好，見到Bento Express就決定買壽司了。咁岩過了七點鐘，又有九折！雖然青衣城有另一壽司店，但始終擔心質素問題，都係免了。買了兩盒壽司，埋單都係$80有找。而且壽司款式都多選擇，仲有沙律同飯糰等任君選擇。

旁邊的爭鮮沒有沙律供應，可是自身又想吃冷冰冰的沙律消暑一番，便到了這所小店購買了兩盒沙律。店子是普通外賣店風格，擺放著幾個雪櫃及一個收銀櫃台，故無特別之處。付款時之服務仍可接受，最少店員有多謝顧客光顧。至於衛生應該也不俗的，相信小店知道不多人光顧，而將雪櫃之空調溫度調得特別低，也能反映店子注重衛生。買了兩客沙律回家，而自己則吃了蟹柳沙律($10-)。蟹柳十分大條，而且十分冰凍，有著吃雪條之感覺，而且雜果頗為鮮甜。整體來說，這盒沙律有著甜品的功能，能在夏日消除暑氣。

今晚行經青衣城, 路經這問店舖再加爭鮮, 買sushi回家。前者8:30去到已有特價, 平均$2.x 多一件, 一過己用盒裝包裝, 什款;而爭鮮則要最少 $3一件, 有得選擇, 兩間都買晒 。12件壽司特價後都係 $45, 飯實偏凍, 但食完好有飽的感覺。三文魚都大大塊, 魚子夠多, 魷魚夠滑, 真係另外一個特式 。由於爭鮮再隔離, 個勢當然無得比, 但老實講, 這就是夠實際。

2-1-2012(Mon)同男友去完挪亞方舟回程,去到青衣城行經呢間睇睇,有$15.90o既朱古力毛士(慕斯),於是把持唔住買返一盒.返到屋企食完晚飯,就拎出攤暖啲至同男友食,食o左一啖,感覺唔係太滑,朱古力味道唔甜亦唔太濃,只靠面上o既朱古力碎粒補充,食食吓,原來中間有層朱古力蛋糕,呢個位置都同樣唔係好甜同濃,不過男友就話幾好食,因佢食得清淡啲o既o野.感覺呢種size o既外賣甜品有market,o岩我呢啲只想食mousse,而且又唔食得多o既人.