Ben sir豆花店

营业中

休息中

之前沒有發現這個路口轉角位有一間小店,其貌不揚,不過每次到放工時間都幾多人買糖水,見它中式糖水款式也眾多,也是大眾熟悉的口味,像豆腐花,芝麻糊,價錢並不算太貴,而旁邊也會有生曬的黑芝麻,看剛前面的客人點下單點芝麻糊,就興起叫了一客芝麻糊外賣。一碗純黑色的芝麻糊,幾滑的質地,但質地就偏稀,不夠味濃,而且芝麻香也不算突出,反而是覺得加了好多糖水的感覺,不過價錢都算親民。相信要是多落一些芝麻的話,味道會佳。

因為係附近番工關係，成日食飯都會經過呢間Ben sir 豆花店，6蚊碗豆花己經好平，仲有黑豆同黃豆俾你揀。咁今次就揀左熱黃豆豆腐花食，豆味香濃，豆腐花亦都相當滑，一下滑入你嘅喉嚨中，非常滿足！佢嘅豆花同一啲老字號嘅豆品鋪比真係差不多質素，重覆多次仲要係6蚊，仲唔係性價比高？

昨天路過和女友去食碗豆腐花，黑豆花賣哂只有食黃豆花，但豆花又便宜又有水準，沒有積水。之後食了碗芝麻糊，發覺超濃芝麻味和香味，與一般食的芝麻磨粉加糖水有明顯分別👍👍，值得一試。

成日食飯經過呢間豆花店，好平一碗豆花，只賣6蚊，好想試下。今日終於有幾會試。不過係因為午餐食左個好難食嘅飯，食到一半無食，跟住肚餓，先有機會試。買左個凍豆腐花試。凍都好滑，又吾會太甜。佢仲有緣豆沙同芝麻糊。下次有機會要試下先。

今日因為lunch前要開會，俾老細呃左15mins食飯時間，唯有簡簡單單去食個車仔麵啦。普通的車仔麵就無謂講，要講就講之後路過的Ben Sir豆花，首先佢應該係新開的，雖然唔知老闆係唔係叫Ben Sir，但就算係我都覺得佢係抽緊Ben Sir水嫁啦！標價12蚊，但實收8蚊，應該係新開大特賣掛。一碗豆腐花有得揀黃豆或黑豆，咁當然試黑豆啦，未試過呀嗎! 一試就不得了，好“啪”香，好“啪”滑...無可能講係食過最好味的，但賣8蚊(即使正價12蚊)，個人都覺得十分低食。再講除左正常的黃糖同糖水外，佢仲有薑汁可以加...以後lunch都要食少D，留肚整多碗豆腐花先得

見新開張有特價就黎幫襯下，豆腐花/黑豆花新張期內5蚊碗咋，收工時間都現人龍，同事介紹豆腐花好食，不過我就叫左三碗芝麻糊溝豆腐花試一試（$8)。豆腐花係幾滑，但係個芝麻糊真係唔多掂。。我未食過水咁希既芝麻糊，唔香唔甜帶點苦，如果想做好個招牌，希望你地會努力改善下