Ben sir豆花店

Ben sir 豆花，响佢最初响新蒲岗开舖嘅时候已经食过，当年只觉得麻麻，芝麻糊食落无味🤷‍♀️🤷‍♀️。所以，后来佢越来越出名，成为新蒲岗“名物”嘅时候，我完全摸不著头脑。🤔🤔事隔多年嘅今日，又再试一次。买嘅时候，我话要“芝麻豆花”，阿姐俾“黄糖”时，我话“咦，芝麻糊唔洗黄糖啦”😑😑…呢个时候，阿姐一脸不肖咁话“你要芝麻糊果只呀？咁就唔系芝麻豆花啦！”😕😕…然后倒咗碗中嘅“芝麻豆花”，再用原碗载“芝麻糊豆腐花”…… 搞到个碗笠痴痴。最后阿姐仲放下一句“下次要芝麻糊豆花，讲黑白豆花呀。”😳😳……讲返碗“芝麻糊豆腐花”！$18...真心觉得唔值！芝麻糊，完全食唔到芝麻味，亦闻唔到芝麻香香。豆腐花，食唔到豆味，而且一啲都唔滑。真心，附近间豆浆大王嘅豆腐花绝对好过佢。真心唔明点解咁多人话ben sir 好食，又话“新蒲岗名物”！完全系吹大咗！我敢讲，我唔会帮衬第三次。😒😒…查看更多

之前都买过几次，不过系好耐之前，今日再经过，就买咗碗红豆沙豆腐花，呀姐听错绿豆沙，我同佢讲返系要红豆沙唔系绿豆沙。结果佢用同一个碗倒返d绿豆沙落煲，再笔红豆沙但系其实我大肚真系唔食得绿豆沙，会头晕，佢望住我个肚死撑话可以食，唔洗怕下次唔敢再帮衬。$18一碗又唔系特别好食又细碗，只系佢位置就脚。…查看更多

同两老饮完茶，老爸钟意食糖水。就醒起附近有间糖水舖，就决定买几碗外卖返屋企先食。其实路口唔算起眼，不过上次买唔到其他，路过见到就买过绿豆沙俾老爸食，而佢又几钟意，所以今次encore，顺便试埋佢其他糖水。绿豆沙都足料里边落咗海带香草。红豆沙都起沙，另外陈皮味都突出，不过妈子就觉得佢冇刮瓜囊就差少少。红豆沙绿豆沙纯粹试味，自己就食咗一碗芝麻糊同埋黑豆腐花。芝麻糊唔太甜，虽然系冻但系芝麻香味十足。唔太甜亦啱我口味。豆腐花豆味都重，比起一般豆腐花啲味系浓厚d。相对出面新式糖水舖真系食唔到呢啲味道，难得可以食到有心制作嘅糖水，当然要推介一下。因为佢冇堂食，返屋企又远，所以冇叫热，觉得佢热食应更加好味。…查看更多

今日食完下午茶经过呢间路边立食嘅小店，试咗呢度个芝麻糊～佢个芝麻味好香浓，唔太甜又够滑，冇啲即冲嘅粒粒；完全系生磨芝麻糊先有嘅水准～有惊喜！下次嚟新蒲岗都会再帮衬！…查看更多

咁啱线做野经过 见到价钱牌俾一般豆花舖贵但系都见叫做有人排队买紧所以试下叫左一冻一热 冻既完全无味热既叫做好少少但系味道同口感都非常一般完全唔明点解新蒲岗够胆死卖咁贵…查看更多