Ben哥米線

营业中

休息中

因為好少見麻辣藥膳，所以就心思思想試下😆 試完之後覺得都係普通藥膳湯底好食好多！藥膳湯底有杞子，但啲杞子應該經過浸酒處理，啲酒味唔係好夾麻辣味🥲 嗌咗蒜香豬血同腩肉做配料，食落都幾好味，出色過三哥～ 不過味精濃度亦相對地濃過三哥好多，食完第二日都仲好口渴😅

不評價食物，評價服務，明明要走蔥，無走到，咁我就挑反出嚟，只係碗側邊有一堆蔥，個啊姐走嚟叫我食完執反好，呆左一兩秒，我話ok，未試過出面食野要自己執反，咁我做咩唔叫外賣，不如我入廚房煮埋啦，都忽忽地

聽講呢一間米線連鎖店嘅湯底好正，但係一直冇機會試，今晚終於幫襯咗，味道真係唔錯。佢嘅湯底都有好多款式可以揀，不過因為我同我個friend都唔食辣，所以就不約而同咁揀咗豬骨藥膳湯底。我個friend就揀咗兩個餸，分別係白蘿蔔同埋豬紅，佢就唔要芫荽同埋蔥，至於我就為食啲叫咗四個餸，分別係豬耳仔、腐竹、芥蘭同埋魚皮餃。我個friend嗰碗豬紅同埋蘿蔔就唔夠熱，所以要推落個湯底入面淥一陣間，我嗰碗又冇呢個問題。各款餸嘅味道都唔錯，都算新鮮，特別喜歡豬耳仔，因為出邊耳通常都係麻辣嘅，難得呢度有唔難梗係跳啦。整體唔錯，最欣賞個湯底。

芫茜菠菜湯米線配菜：芫茜、蒜香豬紅、啫喱豬軟骨個麵一嚟到成個面都係個湯芫茜菠菜打碎嘅青綠色，所以一路食麵個陣麵會有呢啲碎渣掛住麵上面，呢個樣對於怕青人士嚟講應該相當驚嚇😂🍲湯底底味似係普通食港式湯底嘅清湯，加上有淡淡菠菜同芫茜嘅味道，唔濃烈，如果當日想食清清地其實係個唔錯嘅選擇。由於小編係芫茜控，生芫茜味道同香氣上一定重過熟嘅，所以其中一項配料加咗芫茜，令成個芫茜味升華返～但啲芫茜可能冇晾乾透，所以有啲啲嗡味🫢🐽蒜味豬紅，豬紅表面會包住一層偏透明又少少杰身嘅蒜醬，好輕微嘅辣，食落覺得有啲似膠袋撈冷麵小食個種蒜蓉味，豬紅正常發揮，唔會有怪味，同埋唔會好鬆散，會食得返豬紅嘅質感🍖而個啫喱豬軟骨，本身係比「啫喱」兩個字所吸引，對於豬軟骨要炆到啲骨好軟，呈啫喱膠質口感，定係有少咬口脆骨口感，呢兩種口感小編都會食，但會偏好膠質多啲。但呢個啫喱豬軟骨係完全冇做到膠質個質感，係屬於脆骨個邊🤥，而味道方面係合格嘅，同埋都入味。

時令藥膳麻辣湯底：麻辣味適中，不會過麻且味道正宗。唯一不足係個人口味覺得枸杞既藥膳同酒味太濃，唔小心食到會味蕾難受。芫荽菠菜湯底：賣相影響食慾，但味道正常，湯底會有菜青味全部有卡位，坐得都舒服，清潔可以做得再好d

聽人講呢一間米線舖嘅自家製湯底好出色都聽咗好耐一直都未有機會試，今日終於試到。我揀咗芫荽湯底嘅米線，至於餸方面我就叫咗推介嘅豬皮同埋墨魚頭，另外就仲有豬大腸同埋豬耳。咁多樣餸之中墨魚頭最出色，新鮮彈牙而且份量都幾足，比想像中多，至於推介嘅豬皮就冇想像中咁好，佢係同平時車仔麵店食到嘅唔同嘅，佢嘅豬皮好大塊而且都爽脆，佢個豬大腸都幾好，因為感覺上洗得好乾淨同埋冇乜脂肪，豬耳仔就難得唔係麻辣，所以見到即刻嗌。芫荽湯底其實芫荽味唔算重，不過味道真係好正，值得encore。碗米線都幾大碗，雖然$82食碗米線係有啲貴嘅，不過我覺得物有所值。

今日趁着午餐時間，有套餐優惠，叫咗個二餸米線，配料份量頗多！蘿蔔10分清甜，韓國魚糕足足有兩大塊！今次揀咗酸辣湯底，唔太辣，酸度同辣度配合得好好👍🏻令到湯底10分惹味！下次經過會再食

#20230617 🤍📍 Ben哥米線 @bengor_noodles 大埔翠怡街3號翠怡花園A座地下35號舖 🍽️觀塘｜美孚｜九龍灣｜將軍澳均有分店➖➖➖➖➖➖➖➖➖➖➖➖➖➖➖➖➖➖#4重優惠 #午餐 $45 🥢 #芫茜菠菜湯米線 #原味米線 🫧 #秘製腩肉 +$5 🫧 #啫喱豬軟骨 #招牌蝦餅 +$7 🥢 #茉莉花檸檬茶 #熱 💭 有個午餐優惠包碗3個$7餸既米線，貴餸就補錢，仲有杯野飲，幾抵🤭芫荽菠菜湯味道濃烈，係芫荽愛好者唔可以錯過既😏蝦餅食落似蝦丸既味道，但好似無落鹽咁淡得有點兒太健康😅腩肉辣辣地好香口，不過配芫荽湯有啲互相污染左😂豬軟骨食落有酸味仲以為係平時啲落左黑醋咁，聽到隔離枱問樓面姐姐先知原來係壞左，但係🐷已經食晒喇🥶撇除變壞左，口感都幾好食既，見廚房知道左都即刻換個餸仲送小食，雖然🐷無份受惠，不過都想讚下佢地處理手法，唔會就咁cancel單就算🫂.#4重優惠 #午餐 $45 🥢 #酸辣米線 #小辣 #原味米線 🫧 #冰糖蘿蔔 🫧 #蒜香豬紅 +$1 🫧 #鮮味墨魚頭 +$7 🥢 #白桃茉莉花茶 #凍 +$2💭 講酸辣🐷始終都係鐘意有酸菜肉碎既酸辣，佢啲

附近新開左間新米線 今日放工買外賣返屋企食。一打開蓋真係O哂咀 我叫左2個餸 一個係魚腐 一個係花枝卷。個魚腐剪半都唔緊要 拼返埋得1粒半 仲要細舊 勁似食淨帶飯咁！$10得一粒半會唔會太過份？呢間有食過其他分店都唔係咁 係岀面食都至少有2舊完整。衰啲咁講攝牙罅都唔夠 我忍唔住打去問 個呀姐仲好肯定答我有3舊 我話你嗰3舊係剪半 佢話係呀！佢處變不驚 我覺得應該我都唔係第一個客有呢個反應。我食過咁多間米線都未見過咁精緻嘅魚腐 真係好矜貴！