Beefar's 鹿兒島燒肉

营业中

休息中

今日細老生日，book左Beefar’s鹿兒島燒肉食晚餐慶祝。位置好易搵，尖沙咀B2出口行2分鐘就到，餐廳係2樓。餐廳環境簡約高雅，餐牌種類多選擇，來自日本產地出和牛鹿兒島，岩晒鍾愛食肉既生日細老。食物方面點左beefs全牛盛合（2人用），每款和牛，雪花分明，擺放精緻。可以品嘗和牛不同部位：牛腹脅肉、上等牛舌、牛肉群邊、特上西冷、極上牛小排、特上牛柳、牛後腿肉、澳洲和牛封門柳。先用塊牛脂去掃一掃爐個網，再放上和牛上去慢慢燒，肉質嫩口，牛脂味濃郁、口感層次分明，真係塊塊都甘好味。另外叫左個韓式和牛石窩飯，賣相豐富吸引，還配了兩種味道的醬汁同生雞蛋撈埋一齊食，味道好好味。飲品叫左兩杯巨峰提子乳酸梳打，好飲。食飽飽仲可以出面揀一款好正日本雪糕作為甜品。

今日午飯時路經尖沙咀。見星期五不如放縱下食燒烤。記得之前係YouTube見過介紹佢嘅姊妹店，都好想去試架喇。佢地專賣薩摩牛，加上我係鹿兒島嘅fans當然想捧場。咁啱經過Beefars咪入去試下。環境唔係好大，但座位好寬敞亦好乾淨。2個人首先來個lunch set。份量都大，牛肉超嫩。食完個set打左底當然唔好蹝左個爐啦。叫左個2人和牛set同厚切牛舌。牛舌老實講，有少少靭，但味道好。無計嘅，厚切就係咁，但都ok嘅。個2人set份量都好合理。油花都好靚。尤其個塊4%奇蹟真係入口即溶。以咁嘅價錢咁嘅質素算好抵！服務方面都好細心。友人跌了筷子，侍應好快主動俾過對。醒！一間餐廳，廁所都好緊要。環境衛生非常好。食得安心去得安心。一個滿足的星期五下午！

一向鍾情日本料理既我，日式和牛是其中之一。今日去左一間高水準的日式和牛店 "Beefar's 鹿兒島燒肉"。餐廳是來自鹿兒島，主打由當地出產然後直送的薩摩和牛，可以選擇不同部位品嚐，而且更以大眾化價錢推出各種set。餐廳裝修型格，地方寬闊，有長枱或卡位選擇，坐得舒適  ;  環境方面以暖色的燈光下，營造出柔和的感覺。一到餐廳門口仲見到有Kubota雪糕杯任食，有抹茶、士多啤梨、芝麻、雲呢拿味及井川屋雪糕㖭 ~餐牌內的午市定食有6款選擇，包括慢煮和牛、澳洲封門柳扒、吉列和牛咖喱、蒲燒鰻魚、日式豚角煮、慢煮雞胸  ;  另可以優惠價追加小食 : 燒汁和牛酥皮盒、鐵板煎薩摩和牛餃子、和牛芝士春卷。如果不想吃熟食，可以選擇日式燒肉，有多款燒肉揀，一律採用鹿兒島產和牛，而其中部份貴價牛肉更選用被評核為A4或A5級的薩摩  ;  亦可以優惠價$28升級溫泉蛋香蔥飯，以及追加沙律、日式炸和牛丸等。我哋揀咗兩個午市定食 : 慢煮和牛後腿肉定食及蒜片香蔥樂天澳洲和牛封門柳扒定食，所有午餐都有前菜、沙律、味噌湯、茶碗蒸、餐飲。味噌湯幾清甜，裡面有豆腐和海帶，茶碗蒸口感細滑，材料包括海鮮和蔬菜，食起來份外鮮

今日係情人節，緊要搵間正嘢俾Honey 食啦～吾同人迫，揀左食中午，一早就book定位啦😍 Beefar's 出名食牛，啲牛肉好正👍原先想燒肉，但男朋友喉嚨痛，唯有食定食啦😜 慢煮和牛後腿肉定食$178牛後腿肉，肉色紅潤、質感色澤鮮明，脂肪含量很低，所以牛肉瘦，口感扎實，雖然沒有大理石花紋，但超級嫩，多汁，充滿肉味。經過嫩化處理---慢煮，所以口感效果非常好😋😋😋 將雞蛋和飯一齊攪拌均勻，好滋味🥰蒜片香蔥樂天澳洲和牛封門柳定食$158 封門柳是成隻牛，肉味最濃的一部分，脂肪不多，但肉味濃👍其肉質鬆軟，吾會韌，而且牛肉味極為濃郁，入口滑溜香甜。 米飯粒粒分明，香軟糯口感一流，配上牛肉汁，正😍不得不提蒜片，它是飯嘅靈魂，香脆嘅蒜片令啖飯錦上添花，啖啖都滋味無窮😋😋😋 食飽飽仲可以雪糕放題😜 仲有我最鍾意嘅麻糬雪糕，我食左兩杯，真係好滿足呢😍🤩🥰

之前食過一次薩摩牛之後就深深愛上今次搵到呢間酒店入面既薩摩牛薩摩牛本身係日本只有好少數既飼養員可以有飼養薩摩和牛既資格而呢間餐廳用既更係4%奇蹟之牛，即係最高級別既牛肉🤪🤪之前我就食過打邊爐同燒肉，雖然呢間係食燒肉，但我反而想試試佢既刺身同熟食，所以叫左個壽司同餃子海膽薩摩牛軍艦 好邪惡呀，薩摩牛代替左平時軍艦既紫菜，而飯上面有滿滿既海膽，再放上三文魚子佢既牛唔係好薄既牛，而且見到佢好紅好新鮮，滑到筷子要夾都有d困難，真係大滿足呀😋😋鐵板煎薩摩和牛餃子🥟鐵板上，店員會提醒鐵板好熱，餃子一份有4隻，佢係日本好流行既起網既餃子呀唔係得鐵板熱，餃子都好夠熱，薩摩牛既肉打醉再放入餃子，成個餃子好綿，唔洗點餃子汁都夠味珍寶帶子刺身蟹肉味噌三文治最中意食帶子夾住野食，今次呢間夾左我最愛既蟹肉蟹膏，食落口係新鮮既蟹肉蟹膏味道呀，又係好中意好滿足既刺身🥰🥰食到最後仲可以出去拎雪糕，雪糕係任食既，你以為係平時放題食既cheap雪糕既話就會走寶，因為佢真日本雪糕，係平時出面買都要成二十蚊一杯呀有7款味道，勁想食曬7隻味今次我食左兩杯，芝麻味同黃豆牛奶味麻薯兩杯都好好食，黃豆麻薯係勁正，真係有平時食日本甜品

呢間係地鐵B出口出黎就見到The Otto Hotel，超近好方便❤️今日特登過黎食佢既午市定食😍一坐低會先斟兩杯玄米茶比我地，同埋店員服務態度都好好，見我地有咩需要都會即刻有人過黎👍🏻👍🏻-蒜片香蔥樂天澳洲和牛封門柳扒定食 $158定食入面有開胃酸酸地既前菜、有紫菜既沙律、味噌湯、香噴噴又滑溜既茶碗蒸😋蒜片好香口封門柳扒啲肉質好軟淋脂肪唔多同埋牛味超濃，超正😍佢有啲汁撈飯一齊食又暖暖地好夾😋食完齒頰留香就係呢種🥰-慢煮和牛後腿肉定食 $178和牛後腿肉又係濃濃既牛味又係冇咩脂肪因為用左慢煮呢個方法食落就柔軟啲又唔會乾上面有隻蛋黃係我食和牛最愛的🥰佢加埋甜甜既汁同洋蔥🧅夾埋一齊食好快食碗食哂🤪-最後食飽飽店員話仲會送埋日本雪糕🤩我哋揀咗草莓味同埋黄豆牛奶味麻糬🍓草莓味偏向少少雪芭嘅感覺-黄豆牛奶味麻糬面層就有啲黃豆粉麻糬加少少黑糖食落仲係煙煙韌韌下面就係牛奶味雪糕都幾有層次～-成餐飯都好完美～定食同雪糕都高質的🥰

耐久冇來TST，而家好多店舖都改頭換面哂，趁啱啱通關唔多人就快快去左鹿兒島食燒肉，呢間一直好想食晚燒肉店我地食燒肉夢嗌左個慢煮牛油果手卷開開胃先，牛肉味香濃，牛油果好夠味，將牛肉既肉味帶出，好好味呀主菜來了，我地嗌左特上二人份$598每個部位都有介紹，而且和牛油花分布平均，好靚好新鮮，肉味亦好濃，燒完仲好嫩好juicy!我地仲叫左兩杯特飲，杯飲品大得誇張，但好味最後呢到仲有日本雪糕任食，有多款口味，真係大滿足

要食一定要食A5和牛，入口即溶A4就做唔到呢個效果，而且還要煮到7／8成熟先吞到落個肚，可能部位唔同都有分別。環境都好舒服，可能客人唔多，得幾張枱。服務態度都好好，招呼周到，又幫手煎埋。最後甜品都唔錯，可以任食

門口比較難搵~ 經酒店個位入， 午餐專登食少D， 期待今日既鹿兒島燒肉😍前菜已經令我拍案叫絕！！！海膽三文魚籽和牛刺身極奢華嘅搭配！海膽、三文魚籽同和牛一齊食原來咁夾✨ 海膽鮮甜口感𝗰𝗿𝗲𝗮𝗺𝘆，加埋和牛個種油潤軟滑感覺，好滿足～～～～兩個人食呢個和牛拼盤已經超級飽，因為和牛油脂比例真係好高和牛拼盤好在各部位都有, 可以貪心咁試晒唔同口感~ 呢個部位好有牛肉濃味, 有別於其他部位~牛腹位都係我最愛, 油脂同肉夾起來味道豐富! 最驚喜係入座後發現原來日本雪糕任食! 便利店都要賣成廿蚊杯~ 呢到任食, 超開心! 口味都好多! 食食下雪糕又有驚喜! 原來叫燒肉盛合有得送日本紅豆魚餅~成日睇日劇女主角食既甜品~～今餐先滿足左咸既胃， 再填飽埋甜既胃~ 大滿足！ 

不得了！不得了！下得了！重要事情要講三次🤣平時係香港好少食咁貴既燒肉，因為覺得唔抵，但係實在太耐無得去日本，朋友就介紹呢間鹿兒島燒肉俾我喇！我地四個人去食晚餐，叫左啲小食，有個拼盤，炒飯，和牛壽司小食我揀左燒雞泡魚乾，欣賞佢個蛋黃醬加左7味粉令到更加香口，雞泡魚乾都燒得岩岩好，入口非常香濃估唔到魷魚都好鮮甜味呀再叫左個和牛海膽壽司，呢個真係不得之了，入口即浴，海膽勁大聲pat，魚子都相當鮮甜，俾我想像中大舊，真係超級出色，我忍唔住食左兩舊呀！到主角出場，我地叫左個和牛拼盤，啲肉真係好靚，每舊肉都好香口，入口即化，好好味呀我地除左燒肉，仲叫左甲羅燒，由於我係唔食蟹膏，我就無食到，但係朋友話超香濃，好食！食左咁多肉類其實都飽屎左，但係我地都係忍唔到叫多個和牛海膽炒飯，用石鍋上既飯，出哂煙，好暖胃，冬更食真係一流，無得頂超級推薦大家去試下呢間燒肉！食到既除左係環境仲係食到高質既牛牛呀！

從日本返嚟香港差不多一個月，第一次去食日式燒肉，隨意揀了「Beefar’s 鹿兒島燒肉」。餐廳 logo 以綠色作底色，並襯以一個手拿長叉的牧民；寓意飼養牛隻的綠色大牧場，而長叉正是牧民堆疊牧牛飼料(和桿草)的必要工具 ⋯⋯ 還不是食燒肉？室內裝修有點似貨倉，用了很多木柱分開不同餐枱區。可能樓底唔高，天花用了很多鏡片作裝飾以反射餐枱影像，視覺上拉高了樓底空間。正價餐牌內的多款燒肉一律採用鹿兒島產和牛，其中部份貴價牛肉更選用被評核為A4或A5級的薩摩牛；甚至是霜降級別在BMS 10級以上、並被稱為「4%奇跡の牛」的食材。午市餐牌有三款選擇：盈量級、輕量級及重量級，可以在12款燒肉中自選組合。簡單總括一下；盈量級有6片，輕量級有8片，重量級有12片。計性價比，重量級烤肉午餐最抵食。午飯食量唔高，三個人叫兩份重量級啱啱好。睇價錢已經好懷疑係唔係A4或A5級薩摩牛，餐牌又冇標明甚麼牛肉；見到實物後就肯定只是普通牛肉，不過到底係美國牛抑或澳洲牛？又或者是普通日本國產牛(未有評級)？真係唔知。另外加 $28 將重量級 Level 3 燒肉午餐（$288）升級，除了基本的前菜、茶碗蒸及牛肉湯，細細碗

昨日1pm到達3:15pm離開，一行九人包括兩個小朋友，小朋友一家四口點了$688，2人餐分享，五個大人每人一份套餐，另有追加啤酒和小食，結帳 $1,8xx。到達至離開，連我哋只有四組客人。兩位女侍應態度平平，到我們結賬離開，才知道有任食雪糕，問女侍應，佢哋話：「係呀，有㗎。」完。離開餐廳後我哋醒起夠$1,500應送現金劵，人係附近，都諗住再食，所以上去攞番，個女侍應一見到我哋，毫不猶豫知道發生咩事，攞咗我手上張收據，就去準備現金券。感覺好奇怪，佢嘅反應似係慣犯，根本就冇諗住主動根據promotion，送現金券俾客人。講返個任食雪糕，其實就算早知，我哋都唔會個個食，因已經好飽。呢種服務模式和價值令企業形象大大下降！感覺好差！既然推得promotion，應該主動提醒客人和主動提供，唔情願就請唔好做promotion！

秋天又係食燒肉既季節，收工就約埋姐妹去尖沙咀食下好西，今次試下呢間Beefar's 鹿兒島燒肉。採用產地直送的鹿兒島薩摩牛，應該幾吸引。一到餐廳門口位置就見到有KUbota雪糕杯任食，有雲呢拿、草莓、芝麻、抹茶味，還有井川屋10周年的紅豆麻糬雲呢拿雪糕，記得戴口罩去拎，可以飯前飯後都食。極上和牛盛合 2人用 $598Ultimate Assortment 特選盛盒職員細心講解燒牛牛既次序由淡到濃味。燒肉次序：1. 上等牛舌 > 2. 上等牛後腿肉 > 3. 特上肩胛肉 > 4. 4% 奇跡之牛極上牛肋肉 > 5. 特上西冷 > 6.肉眼心（沾生雞蛋）其中最好食有4% 奇跡之牛極上牛肋肉油香滿溢。特上西冷就肉味濃厚。肉眼心就最滑。薩摩和牛湯烏冬 $158薩摩和牛薄切4片爽滑有牛味，還有紫菜碎和溫泉蛋，彈牙烏冬。白飯 $20食燒肉緊係要叫番碗白飯啦，可以增加牛肉既香味又唔會咁油膩。夏漾 $48內有菠蘿汁、青檸、梳打水。酸酸甜甜清新解油膩。

位於尖沙咀The Otto酒店 2樓Beefar's 鹿兒島燒肉主打高質燒肉ꔐBeefar s 全牛盛合（$638 /2人用）用牛造型的托盤盛載牛肉總共有8款不同部位的牛肉有小木牌寫明是那一款牛肉不用左猜右猜最喜歡是當中的西冷柳粒非常厚切的西冷粒牛肉軟腍而且油脂感十足和牛封門柳的脂香感更濃烈而牛腿肉肉味最濃郁但肉質比較札實ꔐ海鮮特盛 ($298)原條大魷魚/超大隻鮮蝦/生蠔/甲羅燒還有刺身級別的大帶子 厚切帶子爽嫩鮮甜魷魚燒到香口配上燒汁非常惹味甲羅燒加入蛋汁再烤焗蟹味很香很濃郁ꔐ日本紅豆魚餅配抹茶蕨餅只要點燒肉拼盤就會附送紅豆魚餅還是暖笠笠馬上叫朋友去自助櫃取雪糕一冷一熱很過癮雪糕櫃是客人免費自取還是日本雪糕啊一口氣食左兩杯¨̮ ᴴᴬᵛᴱ ᴬ ᴳᴼᴼᴰ ᵀᴵᴹᴱ દ ᵕ̈ ૩餐廳的抽風系統十級讚食完完全無燒肉味連頭髮都不會油笠笠

✨Beefar's 全牛盛合牛牛擺盤造型有趣 點左二人盛 每款肉各兩件 共八款肉 包括特上牛柳粒 極上牛小排 牛後腿肉 西冷牛扒粒 牛內裙邊 上等牛舌 牛腹脅肉 澳洲和牛封門柳肉當中個人最鐘意嘅係西冷牛扒粒 油花好靚 油脂好豐富 肉質鮮嫩 咬一啖爆肉汁 滿口油脂甘香 正正另外極上牛小排 牛內裙邊都唔錯肉質軟嫩 油花分佈平均 而上等牛舌 牛後腿肉就較為普通燒肉最佳拍檔就梗係白飯啦所以最後都忍唔住叫番碗😆✨鹽燒白燒鰻點左半條 上枱時已經熟成過唔使燒好耐就食得鰻魚 完全冇骨啖啖肉 食得安心幾肥美 味道甘香 肉質爽彈輕輕調味 已經足夠✨鯛魚燒外層香脆 內餡紅豆蓉幼滑味道唔太甜 幾好味✨綠茶蕨餅甘香抹茶粉包住軟糯蕨餅 唔錯食物可以 用料唔錯感覺下次主力食和牛會比較好環境唔錯 服務都好 價錢少貴但偶爾一餐冇問題啦