BB雞蛋仔

营业中

休息中

香蕉曲奇雪糕格仔餅 $25評分：🌟🌟🌟-如果你女朋友生到好似雪糕格仔餅咁吸引，就算佢係柴灣相信你每日都好樂意去搵佢😂🙈香蕉曲奇香蕉味香濃，就係食香蕉味雪條咁味，曲奇碎都食到但被香蕉味蓋左好多，特別係佢份量超超超超超多，食勁耐都食唔完，感覺好抵食😝格仔餅就略嫌唔夠脆又唔夠軟，但都有蛋香味。夏天食的確好消暑～

一點幾就唔使排隊但放學時間應該好多學生哥雪糕有種口味唔係咩大牌子勝在份量多到爆！夾餅即叫即烘厚實的餅身配上凍冰冰的雪糕✨綠茶雪糕夾仔餅 ($18)✨綠茶雪糕甜奶味重 少許綠茶味 非回甘 但頗滑！雖沒回溯 但雪得硬實的雪糕倒沒融得過快！😍剛上手輕輕的脆身 內裹綿綿的質感 沉實的感覺咬一口 好！煙！韌！蛋味淡 有麻糬的錯覺非輕盈空氣感的格仔餅喜歡這種實在的飽腹感 但未必人人prefer可惜一點是温度欠奉 微甜的味道配上雪糕恰好比較硬的餅身 也剛好沒令漸溶的雪糕浸濕夾餅當然最好快少少食完 以免濕腍了 食快少少啦！做下午茶可以兩個人分 自己食就當lunch都得！

晚飯食到好飽，但經過呢間雞蛋仔店，內心好爭扎👉"好飽，但又好想食，點算好呢😩" 👈 但身為#吃貨 既我最終當然都係入左去~9點未到已經無晒雞蛋仔，得返格仔餅~格仔餅可以夾一種口味既雪糕，🍵可惜至hit既綠茶味（$18）都售罄。。。唯有加錢要Rum&Raisins味 （$25）🍇一見到即刻"， "好大件呀OMG😱" , 雪糕真係好重手! 而格仔餅比我預期中既硬淨，唔會軟瀨瀨👍. 因為要夠力承受雪糕既重量~ 但口感都ok, 帶點脆，加埋雪糕一啖食落口 真係好滿足 （仲好肥🐷).服務: 只可外賣. ☺一件太大份，店員會好貼心甘問你"使唔使幫你切開一半?" ☺

晚飯過後,甜品癮起！這兒平時經過也看見一大班學生排隊,這晚看見這店仍在營業,很想過口癮在這炎熱的天氣,有得選擇雪糕格仔餅，想冰涼一下,看見整店也貼滿各款照片,也標榜著採用健康食材,大為吸引！親切的店員也可應要求把格仔餅切半,可以和姐姐分甘同味!真的吸引！這個雪糕的size是與相中一模一樣,而且雪糕夠冰凍,就算夾在格餅中,也不會極速溶掉還有相當多款味道選擇！這回選了芒果味！格仔餅鬆脆,是我喜歡的口感,熱中帶冰涼,炎炎夏日的首選！

呢間小食店一向在柴灣都keep住有人排隊，今日經過，於是決定一試今次叫左綠茶雪糕格仔餅 ($18)。叫到埋黎發現都幾大份，於是叫店員幫我cut開2份，等我同朋友可以share。Cut開左的格仔餅都有一隻手咁大。中間夾住的綠茶雪糕奶味比較重，不太食得出綠茶味。而格仔餅底是新鮮整的，表面十分脆，夾住雪糕食，口感一流!BTW，食完半個覺得份量剛剛好，如果一個人食曬一個可能會幾飽下。

綠茶雪糕格仔餅 $18因為即叫既整，都要預等十分鐘左右。格仔餅非常厚實，略為有點硬。十幾蚊就有既小食，對綠茶雪糕唔好抱太大期望，絕對唔會係香醇回甘果種，不過雪糕份量好多，夾滿成件夾餅。*小提醒：要食快啲呀，雪糕好快融。

雞蛋仔是香港著名的地道小食，在街上都不難發現賣雞蛋仔的小食店。近年更有不同口味的雞蛋仔。想不到連柴灣也有不同口味的雞蛋仔。bb雞蛋仔不單有雞蛋仔，還有格仔餅，雪糕，長洲大魚蛋等小食。今次叫了兩款不同口味的雞蛋仔，焦糖口味和朱古力口味。兩款雞蛋仔的外皮是脆脆的，內部十分飽滿軟棉棉。加上岩岩烤起，熱騰騰的，口感十足。想像到即使是原味也比一般的雞蛋仔吸引許多。朱古力口味雞蛋仔（$18）朱古力內餡的雞蛋仔中間，熱騰騰的。而朱古力是黑朱古力，吃完整個也不會太膩，不愛好太糖的就適合不過。另一個口味是焦糖雞蛋仔（$16）焦糖口味的雞蛋仔比較少見。焦糖口味的比朱古力口味的更甜。一咬下去時，甜甜的焦糖流心從中間滲出，真的是十分邪惡又十分滿足。 不過一提，因為是即下單即做，所以需要等一會兒呢。不過可以吃到熱騰騰的雞蛋仔，等一會兒也值得

吃完飯，又來到甜品時間。目的地尚未開門，卻聞到附近另一間舖傳來誘人的牛油香。抬頭一看，BB雞蛋仔。記得有天報紙介紹柴灣的美食，BB雞蛋仔正是其中一間。雞蛋仔有原味、焦糖粒粒和比利時朱古力。有Oddies的雞蛋仔雪糕簡陋版，半底雞蛋仔加兩球雪糕。格仔餅則有傳統的花生醬、煉奶和砂糖，也有新式的夾雪糕。邊等著店員即叫即做，邊欣賞可愛的雞蛋。焦糖粒粒雞蛋仔相比常見的朱古力味，罕有的焦糖較吸引。份量都幾大，暖暖的，屬硬脆。甜度低，表面光滑無油，但欠蛋香，味道偏淡。明明在遠處聞到香噴噴的牛油香，怎麼來到手裡卻消失得無影無蹤？蛋漿下得夠，雞蛋仔實心，但口感偏實。並不是每粒都有焦糖餡，大概只有一半。焦糖味道一般，少少甜，毫不突出。店員的友善和佈置，十分地道和親民。雖然質素一般，但有不少街坊光顧。跟相距幾個站的低調高手，還差得遠。

係雜誌見過介紹，香港人對雞蛋仔係有份情意結，去開柴灣等巴士時見到就買個試下。買果日落住微雨吾算多人等，不過佢即叫即整都等左差不多十分鐘，店員(老闆娘 )好有禮貌又好有笑容。雞蛋仔好香，因為係焦糖味所以好甜，可惜一啲都吾脆，有啲似食緊麵包，應該無下次。

身為一個柴灣人，成日都覺得呢個地方無啖好食。呢一排，樂軒台就愈開愈多食店，當然包括呢個bb雞蛋仔啦！鋪頭細細由兩公婆打理，主打5同味雞蛋仔同雪糕格仔餅。我食過兩三次都係食格仔餅，原因？又平又抵食呀！朱古力大王格仔餅 （$18） 你無睇錯，呢個咁大舊嘅雪糕格仔餅只係18蚊。可能係柴灣啦，平時出街食類似嘅野都要三四十。個雪糕有一粒粒嘅朱古力碎，朱古力味都幾濃。個格仔餅熱辣辣，夾住啲雪糕又熱又凍咁都咪話5過癮 店主會好細心見你兩個人就會幫你一開二一人一半方便食，但我今次獨毒自私食，一個人食哂咁大件就當係lunch，超級飽！蜜糖芥末大魚蛋 （$10） 因為星期日好多人幫襯，我等嘅時候就叫咗個大魚蛋食。無錯，就係平時係長州食到嘅大魚蛋。大大粒有兩粒，有三種味揀，我就食咗蜜糖芥末。甜甜地又有啲攻鼻嘅感覺，魚蛋彈牙好味，買嚟過下口癮一流以前岩岩開5使點等，宜家比網上介紹過後，一到三四點就開始好多人，想食嘅就最好避開放學時間嚟喇，嘻！

朋友之前試過一次話食完之後會上癮，話我一定一定要去試同男朋友去開港島區，佢就特登帶我去試離遠已經見到人龍，都有十個八個喺度排緊隊 店員都好好人、好有禮貌。見到一個女仔做收銀同埋落單，我估佢就係老闆娘，佢笑容滿面，令到啲顧客排隊都排得開心啲男朋友之前食過朱古力雞蛋仔，佢話都好食嘅，不過試過雪糕格仔餅之後就覺得雪糕格仔餅仲好食我哋三個人叫咗一個綠茶格仔餅、一個朱古力格仔餅，  等咗大概十分鐘就有得食啦咬咗一啖，真係好好食，格仔餅夠脆，雪糕又好厚，大啖大啖咬落去好正，同埋雪糕雪到好凍所以無咁快融如果一人食半份，時間啱啱好，食到最後佢都係有少少融，唔會啲雪糕滴到周圍係。如果一人食一份就要食快啲，因為會融小店來講我會推介大家支持呢間，價錢合理又高水準

(圖中為半份) 傳統格仔餅夾超大舊雪糕 ($18)，雪糕味道可選雲呢嗱/抹茶/朱古力/芒果/曲奇。 格仔餅較煙靭 ，如想較脆口可向店員要求。餅即叫即整，但嫌不夠熱，做不到冰火交容的感覺。但雪糕勝在夠大舊，試了抹茶和芒果夠香滑，加上夾餅不會太乾。足料抵食，適合二人分享，可要求店員分一半上。

因家人住附近，常見到有人等夾餅，今日買了雪糕夾餅和朱古力雞蛋仔。前者還可以，但講真佢特別係因附近無同類，比分的話10分還有7.5分，但後者呢，5分比盡，雞旦仔谷完唔脆架，仲要分開了上下層，加了朱古力失了旦香味！可能焗得唔夠，人多便是這樣，無興趣再試了！

這店近期好評如潮，於是今日來買一客雪糕格仔餅試試。綠茶雪糕格仔餅($18)：綠茶雪糕份量非常多，雪糕雖然不是很幼滑但也頗有綠茶味。格仔餅烘得色澤均勻，裡面軟熟。格仔餅與雪糕配起來，很好吃。不過因雪糕很大件，一咬便擠了出來，雪糕又溶得很快，所以雪糕汁不停漏出來，吃得很論盡。味道很好，價錢合理，只是吃的時候不停流出雪糕汁會有點麻煩論盡。下次試試特色口味的雞蛋仔。

自從被雜誌介紹, bb雞蛋仔被更多朋友知道友人由藍田來到柴灣, 為了一試這特色的雪糕格仔餅!店舖不大, 客人揀好食物後, 就可以上前與店員叫心水雞蛋仔/格仔餅喇價格列明在易拉架上, 別以為只有朱古力味的雪糕,更有綠茶、雲哩拿、芒果、香芋等等, 都是十八元一件. 選擇不少呢, 店內有不少的圖片作參考但亦要看看運氣, 因為有可能心水口味已經賣光啦 付款後, 會給一張飛仔, 在店外靜待一會兒, 職員會叫number的。不少附近的學生都會光顧, 等大約十分鐘左右吧~中秋佳節將近, bb雞蛋仔還有燈籠賣阿! 有很多款式, 真的有街坊舖的感覺我們原本想叫巧克力味的, 可惜沒有了, 轉叫了香芋味十八元大大件, 而且雪糕很有分量, 比價性很高!雪糕是一般的牌子, 談不上香滑, 但勝在便宜阿而格仔餅都很香口, 外脆內軟, 蛋味滿滿的, 蛋漿是真材實料阿!一口咬下去, 熱哄哄的格仔餅及冰凍的雪糕, 爽!始終雪糕是凍冷的, 融的速度很快, 雪糕水會被格仔餅吸收, 有點像發水麵包, 口感就大大不同了...店舖很貼心, 一開始就已經以膠袋袋好, 即使紙袋被弄濕也不會弄髒身上。即使兩人吃都相當飽肚, 真真正正都值