BB雞蛋仔

营业中

休息中

每次經過都未必開的雞蛋仔店！今次終於比我見到佢有開啦🤤我就叫咗原味雞蛋仔加 Cookies and cream 的雪糕😻佢哋的雞蛋仔，真係外脆內軟的👍🏻仲要可以keep到一段時間。雖然等待的時間有啲耐，因為佢哋太多客人啦！但食物絕對唔會跌quality 🤫次次食都會有驚喜。雞蛋仔配合雪糕，真係好match，勁好食！仲要有少少的朱古力醬係上面，中意食朱古力嘅人一定一定要去試下🤤但要選擇啱的時間，應該每日2點到7點的時候係最好的！

由小西灣行出柴灣話近唔近話遠唔遠我腳比教短大約行20分鐘左右行行下見到呢間bb雞蛋仔本身諗住行下當減肥宜家睇黎無可能🐷比利時朱古力雞蛋仔好吸引即叫即整大約5分鐘就有得食🍫等等下忍唔住叫多左杯好立克珍珠奶茶🥛🍵雞蛋仔一攞上手超級熱辣辣好似比平時食開既雞蛋仔大塊雖然唔知係唔係真係比利時朱古力🍫但都唔會太膩幾香濃，同雞蛋仔幾夾我自己就覺得底雞蛋仔乾咗少少蛋香唔太強表皮唔太脆但內裏既朱古力溶左中和返🍫比返少糧水份出黎總括黎講尚算合格杯野飲幾好味好立克同奶茶味道分明唔會有奶茶既苦澀味🥤甜度剛剛好珍珠唔會難咬開比起出面真係好平只係$14🍬🍬🍬

本身係諗住當下午茶食，冇諗到佢份量都唔細，講緊係雪糕嘅size。佢有超過十種口味，咁我就揀左自己最鍾意嘅曲奇味。 唔能夠講得上細滑，貌似巢雀嘅質素。對比起平時就咁食格仔餅加牛油煉奶，雪糕係一個唔錯嘅選擇。

諗住去行去小西灣搵食,經過bb雞蛋仔,比佢既香味吸引左,明明就黎食晚飯都要買番底黎食下。佢地款式好多又新穎有創意。有傳統雞蛋仔同格仔餅，有好多不同口味同埋有夾左好厚雪糕既格仔餅。我係個鐘意原味道既人，就叫番原味既爆醬格仔餅。即叫即整熱辣辣，熱到係咁轉手拎，明明叫爆醬格仔餅，攞到手覺得點解咁少花生醬，原來花生醬太稀，流哂落個紙袋度，變左花生醬味冇咁濃。格仔餅好香脆好好味，但覺得可以再鬆軟d，唔洗幾分鐘就消滅哂。

好立克珍珠奶茶 $12又平又正，珍珠和好立克都是我的最愛，珍珠穠纖合度，好立克傳統味道，推薦推薦！希望第時可以試到更多classic野飲配珍奶啦。分數（五星滿分）：⭐⭐⭐⭐

聽人介紹過好耐，又成日都係雜誌到見到，其實一直都好想去食，仲要好近我屋企，今日早左放工終於有機會去食本身自己都好鍾意食格仔餅，然後佢竟然主打雪糕格仔餅，原本以為會好唔夾，因為好凍嘅雪糕夾埋好熱嘅餅皮可能會好奇怪，點知原來係非常之夾我嗌左個綠茶雪糕，個雪糕格仔餅真係名不虛傳，厚過一本字典，一啖只可以食到個餅，或者個雪糕，如果要一齊食真係要好用牙力，仲要將個口抹到勁大哈哈，建議可以同朋友一齊食，我自己一個食咗一半已經好飽。值得一讚嘅係個格仔餅餅皮非常之脆，而且價錢好平，只係$22，極度推介

📍🇭🇰 BB雞蛋仔BB Egg Waffle.下午茶小食另一選擇，吃返個雞蛋仔同格仔餅先！等我介紹一下係柴灣無咩人認識的店，呢度有平民又抵食的雞蛋仔組合，係新食法，格仔餅夾雪糕，雪糕仲可以自由配搭，自揀到中意的口味！大大份都係買HK$22/一底，店員仲好好人可幫你一分為二份！原味雞蛋仔{HK$16/一底} 都好新鮮熱騰騰、脆卜卜，有質地有口感，平民的價錢就可以食到飽，抵食！除左原味之外，仲有其他的款式添！

BB雞蛋仔，不單止有售多款口味的雞蛋仔，還有傳統格仔餅和夏日受歡迎的雪糕格仔餅，味道眾多，有雲呢拿、朱古力、綠茶、曲奇等多款選擇，此外還有特色的味道如珍珠奶茶、金枕頭榴槤、冧酒提子、忌廉芝士等，本想叫一份珍珠奶茶雪糕格仔餅可惜巳售罄 就叫曲奇雪糕格仔餅吧!職員細心地問及是否需要一分為二，這比較方便進食周末日子特別多人來買，所以要取籌號等候片刻🕰即叫即做的格仔餅份外香脆曲奇雪糕配上格仔餅，滋味無窮! 沒有像吃雪糕那麼單調，份量也挺多的，難怪這款雪糕格仔餅如此受歡迎呢!

每次在等候巴士的時候，都很想光顧這間位於柴灣的BB雞蛋仔，今天終於願望成真了！格仔餅有多款選擇，比較特別的應該是雪糕雞蛋仔，而且雪糕味道也挺多，例如珍珠奶茶、金枕頭榴槤、薑汁撞奶，相信這些味道平時也很難可以品嚐到的。幾經掙扎，最後選擇了金沙格仔餅。首先在店內買飛，不用5分鐘金莎格仔餅便出爐了！格仔餅充滿蛋香，十分香脆可口，內裏的金莎醬非常澎湃，吃了一底也不會覺得太膩，喜歡吃朱古力的人千萬不要錯過啊！

格仔餅即叫即整 夠熱夾住一大舊雪糕，冰火二重奏😂🤣我最中意曲奇雪糕😚店員好好禮貌，提出將格仔餅分兩份都好樂意幫我👍🏻好方便朋友仔share嚟食，每人都係$10咋！美中不足嘅係雪糕溶嘅時候整濕左個紙袋，個紙袋穿左滴晒啲雪糕汁出嚟！搞到好狼狽😢😢希望店家可以提供膠袋/更好嘅包裝方法另外都唔建議夏天食，會溶得好快，冬天食就一流😚

呢間其實不論食雞蛋仔定夾餅都係無敵，抵食好味夾大份就呢隻，#雞蛋仔拼雙球雪糕 $20，一底雞蛋仔再加兩球正常球雪糕 $20 真係抵食，對於我呢個咩天氣都要食雪糕嘅人簡直係窮人福音，雖然窮，但係平得黎都絕對有要求，唔係話擺得落口就算，呢到嘅口味都比出面嘅特別，雞蛋仔我揀左香橙朱古力，味道真係朱古力帶少少橙嘅香味啦，都唔錯 🤘🏿 而雪糕方面就揀左香蕉曲奇雪糕同埋薑汁撞奶雪糕，都係一啲特別嘅口味，市面普遍都係曲奇雪糕啦，咁呢到就加多左個蕉味，食落就更加令人陶醉，但係我最中意就係薑汁撞奶雪糕，個味係真係薑汁撞奶，唔會太薑，唔難入口，係真心正嘅 ❤️ 識食嘅人就會識雞蛋仔點雪糕食，你懂的 🤤🤤-BB 雞蛋仔柴灣柴灣道 350 號樂軒臺地下 413 號舖

柴灣基本上都無別家專賣雞蛋仔格仔餅既店，有時都會見到少少人龍在門外，雞蛋仔既味有幾款，但無芝士，又唔太想食朱古力，就食返原味，原味16蚊底係勁經濟既價錢，太部份原味雞蛋仔都上到廿幾蚊既水位等左一陣，有得食，熱烘烘，都幾期待個味道，質感係軟熟，唔乾，但係食來食去都好似無乜蛋香味，食頭幾粒食唔出蛋香都有少少懷疑自己味蕾，但食到最後都無蛋香就真係......可能個粉漿蛋既比例唔高，所以沒有蛋味或許下次無選擇下都會再食，希望下次可以好啲

雪糕格仔餅($20)格仔餅幾脆 唔算好重蛋味 即叫即整 熱辣辣格仔餅夾住凍冰冰雪糕 冰火交融 雪糕超大舊 有好多種味道選擇 例如 芒果、曲奇、熱情果 今次簡左綠茶味 奶味較重 不回甘 店員仲可以幫忙切開一半♪( ´θ｀)ノ

係柴灣見到有間雞蛋仔見到價錢唔你好貴咁就試下啦最後就揀左金沙朱古力雞蛋仔$20俾完錢等左四分鐘到有得食起見到好冇咩朱古力好唔開心一落黎去 個餅底內脆內軟好好食由於啲朱古力係有小小流沙feel所中間中最先會勁多科個朱古力底應該係用Nutella加油同奶煮好香 另外入面係有啲白色嘅脆脆 食落有啲似金沙 但我就覺得好食過金沙嘅不過一個人食就會有啲濟 最好有人share就好市面上有一間好多分店又係買雞蛋仔，我覺得個間x咪雞蛋仔唔夠呢間好食，加上仲要貴多幾蚊。我覺得bb雞蛋仔性價比幾高，但門面一定冇x咪雞蛋仔咁好，所以整體上會俾9分。

柴灣區除左小西灣應該得e間食雞蛋仔同夾餅，16蚊件雞蛋仔同原味夾餅，市場上算合理因區內冇咩對手，不過食落得面粉味，圍持左成年都係咁，應該係佢一開始太好生意被加租後要減其他成本. 如果加ice cream只為雞蛋仔口感應該好d. anyway cant compare to 媽咪雞蛋仔 coz its a really local shop. Hope it improves a bit after seeing this or i dont think the shop will last long