BB辣

营业中

休息中

放咗工，去咗荔枝角香港工業中心攞啲野，見到地庫有間叫BB辣嘅餐廳，個名咁特別，當然要試一試。見到餐牌先知原來係食四川菜，好多好野味嘅菜都有得食，例如雞煲，酸菜魚等等，因為無咁多人食飯，所以都係揀咗食少份量啲嘅小菜沖爆牛肉，好香好有葱味無骨口水雞，因為怕食辣會喉嚨痛，所以揀咗走辣，但係都一樣咁夠味，雞嘅質感都唔錯夫妻肺片炸三鮮餃，好香口，脆卜卜。黃金芝士豆腐，好濃芝士香味當然唔少得甜品啦，叫咗個黑糖糍粑加啲黑糖漿，好好味

香港而家想食野都幾麻煩，辛辛苦苦返完工都唔可以懶，仲要去買野返去煮／外賣先可以返屋企舒舒服服咁食！今日就係懶既一日，決定去買外賣，同事周圍食完之後，介紹左呢間，位置都幾難搵既舖頭！首先要去到荔枝角香港工業中心C座，入到商場會有好多賣衫舖，跟住就會有好多好清晰既指示去落下一層，因為而家呢個時候，街上都冇咩人，呢個位置更加好多舖開曬門，不過只要跟住電梯落樓下就可以見到呢間BB辣。非常滿意佢地既清潔做得好全面，証書都拎左，好勁，好安心。終於拎到返屋企，兩大兜滿滿，咁遠拎到返黎都冇流，包裝都非常好，放左一段時間都仲好熱，正！自己煲個飯就可以開始食啦，喜出望外！見到必食酸菜魚(小辣)，本身我唔鐘意食酸野，但估唔到呢個酸菜魚唔係好酸，仲好香，配飯一流，魚勁滑，又嫩，好似入口即溶既感覺，有Ｄ仲連帶魚皮，令到有Ｄ膠質感，魚大部份都冇骨，可以放心大啖大啖食。水煮肥腸叫左(微辣)，因為聽到水煮都知好辣，唔夠擔叫咁辣，點知(微辣)又真係唔錯喎，都辣既，不過香味緊重，如果太辣就會蓋過個香味，呢個辣度我推薦！肥腸份量好多，好大，勁入味，超！好！味！絕對要食！底下仲有小量薯粉，粗粗既一條條薯粉，本身薯粉冇味，但水

之前同同事食過地庫呢間bb辣既烤魚放題，性價比好高，而家暫時無左堂食，就試下佢既小菜外賣~晚市外賣有折，都好抵~川菜必食既小菜呢度都有齊~lunch睇落都好吸引~之前食過佢既烤魚放題只係$108一位~餐廳門口擺放左幾款消毒用品供客人使用~前菜，主菜，甜品都買齊~見佢可以揀唔辣，所以全部揀哂唔辣~唔辣既川菜究竟係點既呢？食川菜必食涼伴皮蛋~橙黃色既大蛋黃好靚，而且係溏心，入口即溶~酸酸地既醬汁配埋芫茜好開胃~ 酸菜魚更加係不得不點~我地買左細size，份量都不少，魚件很多~魚件下面有少少寬薯粉同大豆芽~湯頭味道濃郁，酸菜味突出口~魚肉嫩滑肉厚~雞絲涼麵麵條上面鋪滿了雞絲，一夾下去發現麵條是預先分成一份一份的，更方便衛生，看出店家既細心~味道方面醬汁帶醋香，蒜香，香口既芝麻同花生作點綴，味道清新，麵條口感清爽。口水雞我地都係揀左細份選用雞脾肉，肉質非常嫩滑亦入味，份量唔算多，驚唔夠食量可以點大size~最後當然唔小得甜品，黑糖糍把因為外賣關係，拎到回家已凍左，需要叮反軟身先食，口感軟糍，配黑糖同黃豆粉食，大滿足~

疫症期間大家都冇啖好食， 今日真係好想食啲四川辣嘢酸菜魚刺激吓。這間《BB辣》在 《香港工業中心》3座地庫一樓， 會經過好多服裝批發零售店， 女士們可順道行街。店舖有點隱世， 不在大街地鋪， 曝光率較為遜色。 餐牌好吸引，中午各式小菜套餐 ，晚市多款四川美食～  主菜外賣自取有85折， 當然也可以透過外賣平台送餐。必食酸菜魚$168講咗係必食😋～平時一定會小辣， 今次有屋企人唔食辣， 揀了走辣。 分量是整個長方盒， 魚片真係相当嫩滑， 入口即溶完全唔需要咀嚼， 控制得啱啱好剛剛熟👍 雖然走辣不過都有少少麻嘅感覺， 配合酸菜相當惹味滿足 ！配料仲有粗嘅麻薯粉和芽菜， 魚片肉夾極都有～ 外賣嚟講質素相當滿意！👍❤️😋蔥油海蜇$39也可以揀唔辣～ 充滿蔥油麻油味！海蜇爽口夠粗壮唔会碎上， 墊底還有許多青瓜絲， 口感豐富， 美味可口。👍😋另一重點主菜梗係要揀個《重慶雞煲》， 分量也是很足， 雞件嫩滑， 秘製醬汁劲香， 配合大量嘅洋蔥，京蔥，芫茜非常惹味😋👍。 雖然攞到返屋企都仲係好熱， 建議可放喺小鍋內再翻熱製造雞煲嘅效果會更滋味！

BB呢兩個字講起嚟都幾受歡迎，BB代表得意又趣緻，無論嬰兒BB、狗 BB、貓BB都系得意又趣緻，很受歡迎。原來辣都有BB， 一樣咁受歡迎，講嘅系荔枝角香港工業中心C座地庫BB 辣川菜館。香港地當然有人無辣不歡，但大部分人BB辣度就最合心意。BB辣菜式好細心，小辣、中辣、大辣、任君選擇，最妙就系連走辣都可以，都算照顧周到。BB辣有主打的酸菜魚、水煮魚、麻辣雞煲，食完主菜可以加湯打邊爐放題，一個價錢，多種享受。此外還有各式小炒，同樣出色。午市更有打工仔恩物的午市小炒飯餐、午市粉麵套餐和單點粉麵，經濟抵食。BB辣雖然位於地庫，但地方開揚寬敞，環境舒適，可惜疫情嚴峻，晚市堂食暫停，惟有外賣，不然會安坐BB辣，先吃個醒胃麻辣雞煲，再加湯慢打邊爐放題。本來想吃這裡聞名的酸菜魚和麻辣雞煲，但想起帶回家要再翻熱，懶懶的我，還是簡單叫了幾個小菜，乾手淨腳，回家即食。叫了三個小菜，有回鍋肉、蔥爆牛肉、農家小炒肉、少爺炒飯和炸三鮮餃。回鍋肉選用五花腩，配料有蔥段、韭菜和紅椒。薄切回鍋肉肥瘦相間，吃起來有醬香味又不會太肥膩，不錯呢。蔥爆牛肉，牛肉份量十足，有好多塊。牛肉用大蔥段猛火爆炒，牛肉保持嫩滑，蔥香肉香

好耐都未試過放工可以行香工啊！趁機會買咗幾件靚衫，然後經過見到地庫有食神推介！如果唔係疫情嘅關係，可以坐低食好抵食，任食雞煲或者酸菜魚。不過唔緊要聞到香味，川味小菜同樣出色，一於買個 BB辣外賣返屋企同老公撐枱腳。泡椒牛肉 $88鍾意食辣，十分刺激又惹味，小小一粒鮮紅色的泡椒，辣勁十足，一啖咬落去真的要飲一支汽水也不夠。炒牛肉熟度恰到好處，入口鮮嫩多汁，肥瘦均勻；配料仲有萵筍，吸收了所有辣汁的精華，回味無窮。無骨口水雞 $68兩個人叫例牌份量已經好足夠，最喜歡吃口水雞，雞肉嫩滑多汁，辣汁帶點花生香味，冇骨啱晒懶人食，連雞皮吃也不會覺得肥膩。麻辣牛𦟌 $62一向喜歡吃牛𦟌，配上麻辣醬汁，令肉香更豐富有層次，還有青瓜絲作伴碟菜，吸收了辣汁更加開胃。涼拌藕片 $32開胃小吃十分抵食，雖然這裏叫BB辣，但其實辣度係可以選擇的，涼拌藕片一向是我杯茶，今次就來挑戰一下中辣，果然係辣到舌頭麻痹，藕片爽脆清甜口感，好味道！尖椒皮蛋 $38如果堂食的話我一定放棄了尖椒，因為真係辣到不得了，但外賣返屋企我就慢慢嘆。皮蛋流心，入口即溶，很好吃。少爺炒飯 $62我屋企大少係飯桶，每晚都一定要食飯，鍾意辣嘅朋友

今晚去咗荔枝角嘅BB辣度買外賣，一去到見到個餐牌，包羅萬有，花多眼亂。最後叫咗個重慶麻辣花膠雞煲，非常非常之足料，花膠同雞都非常入味，只係二百幾蚊港紙，有成大半隻雞仲有花膠，好抵食。我仲叫咗一啲店員推介嘅小食，酸辣土豆絲，六個炸小饅頭，黃金芝士豆腐。酸辣土豆絲配花膠雞煲非常一流。炸饅頭點煉奶，好似食緊甜品咁，勾起左一啲童年回憶。而我最鍾意嘅係黃金芝士豆腐，金黃嘅炸豆腐，入邊包住香濃半溶化嘅芝士，每一淡都好享受。希望快啲可以試吓佢哋嘅堂食火鍋，一定好正。

今日路經荔枝角順便買埋外賣番家想食四川菜揾到bb辣 係新開冇耐既店可以試下叫左酸菜魚水煮肥牛大碗花菜外賣效率好高10-15mins就攞得而且好大盒份量好足料先講酸菜魚既質素味道非常好 酸辣適中魚肉片既份量非常多而且真係好滑好嫩 係片片都保持一樣咁高水準酸菜亦都要讚非常爽脆 而且仲有金菇索哂汁送飯一流 食唔停口水煮肥牛片片都係肥牛 油脂好香濃但又唔會太肥膩而且有芽菜伴底 中和一下花菜都非常好食新鮮爽脆 有咬口 而且有加肉片一齊炒整體黎講好味道 抵食堂食開番會再黎食過

疫情期間加上全日禁止堂食，依家餐餐都要買返屋企或者公司食，日日都要食外賣。喺長沙灣廣場收工，就去到對面新開張的BB辣買我最鍾意嘅酸菜魚返屋企食。位於香港工業中心地庫的BB辣，一入大廈沿着扶手電梯落一層就係餐廳，餐廳環境裝修好舒適潔淨，餐牌仲有多款食品揀選，款式都比較多元化。隨即我就order左一個大大份例牌的必食酸菜魚，仲有半隻泡椒雞煲加兩個白飯。必食酸菜魚仲有得自己揀酸辣程度，魚片份量都比較多，而且真係冇乜骨，入面嘅配料-酸菜仲可以索晒酸菜湯的精華味道，仲有水晶粉，飲一啖酸菜魚湯非常滋味，另外配以白飯撈飯撈汁好滋味。而泡椒雞煲的雞件份量也頗多，雞肉肉質很滑嫩，泡椒嘅辣味都另有一番風味！這個外賣晚餐真係食得好滋味，而且大約$350有找，性價比很高，所以之後會再encore再食！

拎啲嘢去長沙灣比朋友，本來話一齊食飯，但政府近日下令全日不准堂食，唯有買外賣去朋友屋企食，朋友說佢工作的荔枝角工廈樓下有間川菜火鍋店，叫BB辣，食物水準唔錯，而家有外賣自取重有85折。一於買些回家食。食物即叫即做，新鮮熱辣，所有食物辣度都有得揀，由大辣到走辣都有，不需擔心過辣或不夠辣，客人可以選擇適合自己口味。食物製作都好快，包裝亦妥妥當。必食酸菜魚（BB辣）：份量都好多，用切成片的魚肉作為主料，配以酸菜、花椒、乾辣椒煮制而成。湯㡳濃厚而不膩，可以直接喝的，酸酸辣辣帶點鮮，非常開胃。雪白的魚肉非常嫩滑，湯裡還有爽脆的豆芽菜和煙韌的薯粉。無骨口水雞半隻：雞已去骨啖啖肉，口水雞醬汁味道層次豐富，辣中帶香、香中帶麻，麻辣的醬汁更令人再三回味！麻婆豆腐：主要食材有豆腐、肉碎、辣椒、和花椒等。 其中，麻的味覺是来自花椒，而辣的味覺則是来自辣椒。味道包含麻、辣、鮮、 香，濃油味厚。加上超滑的豆腐和有口感的肉碎，十分惹味！

係荔枝角發現到一間隱世既麻辣烤魚超級好食，位置雖然比較難搵，但做到隱世美食呀食物出色之外，價錢仲出色每位$108就有任飲任食火鍋而且無加一添有麻辣烤魚、雞煲、水煮魚、酸菜魚選擇～～我哋今次食麻辣烤魚，係即叫即燒，原條魚上😍用左魽魚，肉質好滑重點係無咩骨，可以啖啖肉咁食我哋叫左小辣，本身我哋都自問食得辣而呢個小辣已經reach到我哋既頂點....麻味&辣味都好平均，唔會互相搶咗大家既味道令我哋越食越想食仲有我最愛既竹笙添食完辣野，要食返個甜品 — 黑糖糍粑連甜品都令我好有驚喜好軟糯呀，唔會好硬，糯米感唔會好重！加埋黑糖食，味道更正呢度既黑糖糍粑係我食過數一數二最好食的紅糖桂花冰粉冰粉有助解辣，所以食川菜既餐廳通常都會有呢個冰粉！不過呢度既冰粉有啲遜色，冰粉唔夠滑......

<108 蚊高質任食邊爐>😍呢間喺荔枝角站側邊既 bb辣 主打川菜 新業開張優惠 108 蚊 任食兩個鐘 可揀雞煲 魚煲 等等 食完煲就可以點打邊爐料 出面有一部分野食 自助 例如 魚蛋 冬菇 麵等等 肉類就用紙點 除左 豆漿外 所有可樂汽水任飲 👍🏻🍴雞煲 🐤雞煲一上枱聞到 好香辣椒味🌶️ 中辣 都幾辣下 鍾意食辣既朋友一定鍾意 👍🏻青椒 辣椒 乾辣椒 胡椒 落足料 雞煲好夠惹味 雞肉好足料 佢個口感偏爽彈 而且十分入味 食到甘上下就落湯打邊爐 出面既材料我主要點粟米 菇 米線 而用紙點既 肥牛口感好好 肉味濃🐮而豬肉都好爽彈 肥瘦適中 牛柏葉同水魷都十分新鮮 🦑正🍴麻辣肥腸 55 蚊🐖冰盤肥腸 花生 辣粉 葱花🥬仲有底層既爽口既青瓜絲🥒 肥腸 口感比較彈牙 咬落入面充滿肥膏😈而且吸哂惹味既麻辣汁 正🍴脆香雞軟骨55 蚊🐤雞軟骨 好夠鑊氣 咬落去好香脆 入面既雞軟骨熱辣辣 帶 d彈牙 點 d甜酸汁都好正🍴紅糖冰粉23 蚊🧊有 d杞子乾同花點綴 食落幾香 冰粉晶瑩食落好爽 甜甜地幾得意 最啱食完辣野既飯後甜品👍🏻Score 平均分 <7.9/10>

今日在香港工業中心逛街時找到這間新餐廳，餐廳熙來攘往，食客滿座。看看餐牌，價錢非常合理，2點後更有折扣～我們叫了紅燒牛腩麵，加$5轉至晶絲薯粉。牛腩煮得夠腍，薯粉細滑有咬口。配上傳統酸辣粉的辣湯、榨菜、肉碎、花生和芫荽，食得夠喉！蔥爆牛肉$38份量絕對不少，牛肉片冇筋又入味，爆香過的蔥配飯一流主角的重慶酸菜烤魚到了，魽魚夠大條，肉質厚實冇腥味，更能從魚皮吃得出烤香味。配料都份量十足，有酸瓜、豆卜、芽菜、金菇等，為湯汁吊味總括：物有所值，餐廳受歡迎果然有原因，下次再來！

公司樓下最近新張開左間吃川菜的，位置非常就腳，辣妹的我，點都要試吓先，一走入去，店舖裝修色調光猛，感覺開揚，座位都算坐得舒服，食物方面，都算幾多選擇，一般川菜款式都有，但又唔係一味辣辣辣既，唔食辣都有其他套餐選擇點了個口水雞飯（中辣），味道相當唔錯，份量正常，雞好嫩滑，雞皮爽脆，皮肉之間呈啫喱，麻辣夠香，唔會一味死麻死辣，另外也點了麻婆豆腐飯（大辣），同樣惹味，而且下午茶餐有八五折，抵食！晚市還有雞煲、水煮魚、火鍋等等，下次拉埋同事收工一齊試！

去香工行街，行到攰揾嘢食，發現呢間新開嘅舖仲係我最鍾意食嘅辣嘢，梗係試吓啦！ 我地兩個人點左放題雞煲 $108/位，放題有肥牛，牛柏葉，腩肉，土魷，仲有各類丸，菇，菜，豬紅等等！汽水任飲！雞煲點左 BB辣，味道好正，雞好滑又多，其他放題配料肥牛，土魷，牛柏葉，全部好新鮮！仲有個厚切午餐肉放落雞煲又係超正，基本上呢個價錢真心係超值抵食好味～ 估唔到係呢頭都可以食到咁正宗美味雞煲！下次會再試埋酸菜魚，睇落都好正