Bay's Kitchen & Bar (已結業)

食物選擇多，質素性價比極高，有即開生豪，薄切牛扒，勁厚三文魚，又有吾同款式的雪糕同蛋糕，芝士同朱古力噴泉，服務態度一流，有海景遠望青馬大穚，環境優心，可以返單，100分推介

不過不失， 西鐵站有shuttle bus， 服務尚算不錯， 食物一般， 景觀唔錯， 衛生還可以， 食物新鮮度一般，味道一般， 種類不算多， 樣樣有啲咁啦， 望住去食都唔錯㗎喇， 咁嘅價錢可以接受嘅。

今次生日想試新嘢，嚟咗汀蘭居呢間餐廳食自助餐。一入到嚟，環境清幽，無敵海景，果然賞心樂事。食物方面，海鮮味道鮮甜， 刺身夠厚， 兩位小朋友好鍾意菠菜忌廉湯，每人包一個drink， 總括味道良好。服務方面，侍應很快手，密密清走食完既碟，職員態度良好，食物refill速度快。大家可以 一嘗

今日 入嚟Staycation 及享用Semi-buffet!Bays_Kitchen_and_Bar!因為疫情關係所以逢一至四都只做半自助晚餐,今晚就order咗兩set,一個就係牛扒,另外一個就係酥皮焗魚柳! 味道方面就不過不失, 牛扒我叫咗五成熟但嚟到都比較乾身一啲, 個魚柳就不俗!另外可以出去自助吧度攞沙律 及生果,甜品,咖啡或茶!另外職員仲會派發雪糕券可以出去任選兩球雪糕,結果就揀咗個咖啡同紅莓雪葩,今日酒店仲做 特價生蠔每份88蚊!

食物豐富，雪糕都好多款式，非常之好食，環境優美，服務好好，地點雖然不在荃灣市中心，由荃灣西站沿海旁一路行，風景優美，過麗城花園便很快到達，食飽後又可以出露台走走，欣賞青馬橋夜景，一定會再約家人和朋友再來歡聚。

生蠔好新鮮 特別係愛爾蘭生蠔牛扒都好好食！！ 員工服務態度好好！！甜品都好多選擇！！如果鍾意食甜品嘅可以過嚟試下環境都好靚 可以望住青馬大橋夜景我同屋企人影咗好多靚相

上年媽媽生日來食過一次，性價比非常高，所以今年再食多次👍🏻無敵海景，影相一流👍🏻服務人員十分用心，勤於取走用過的餐盆，亦主動查問要不要飲品。今年多左個芝士火鍋，都好好味😋

有生蠔，凍蟹，凍蝦，價性比很高的自助餐海鮮十分新鮮很新鮮 ，食物選擇不算多，但很每樣也不錯，甜品選擇也不少，環境也很好，有海景，服務員的態度也十分親切，主動幫我們換碟

食材新鮮，服務一流海鮮幾掂雖然唔係五星酒店的水準甜品幾好最正係有mövenpick 同朱古力噴泉甜品有好多選擇，幾好唔錯。空中都幾闊落，坐得好舒服。鄰近係海，風景唔錯。

今天來到這酒店吃自助餐。價錢498元打75折, 折後連加一423元。坦白說這個價格這種質素實在非常失望。先不說食物質素，衹是服務已經有很大問題。壽司吧和甜品吧經常沒有厨師工作，經常要叫其他服務員過來臨時代替厨師提供服務。另外生蠔雖然有提供，但是體積非常細小的南非生蠔，口感衹是一般。海鮮也只提供青口，凍蝦，東風螺和凍蟹。除青口較為新鮮外，凍蝦和東風螺衹是一般並不新鮮。凍蟹更加不用說，蟹肉完全是霉的。魚生吧提供帶子，白肉豚，吞拿魚八爪魚等魚生。除帶子好一點外其它衹是一般。熟食更加慘不忍睹。唯一可取的是美極大蝦，檸汁煎魚和印度薄脆。其他串燒和燒雞翼等都是平價食物。煎魚的魚肉基本上又干又難吃。這裏唯一可取的祇有環境對海較為舒適漂亮。其他服務一般食物質素差基本上不會再來。

和家人食半自助午餐，食物不錯，salad bar 餐湯 甜品都不錯，餐廳風景也很好，人均百幾二算是很抵。值得一讚是員工Simon，雖然在餐廳一腳踢，但仍保持非常好的服務態度。

因為武漢非典呆在家裡的日子太多，難得孩子又改為網上崇拜，所以一家人可以極少的在星期天來個午餐。也是疫情關係，Bay's Kitchen and Bar妀了以往的進餐方式，以往是午餐是半自助餐，主菜加前菜和甜點任食；晚餐是生蠔自助餐。今天午市套餐是三道$168，四道$208，分別是四道係沙律加餐湯。我點了六成熟的牛肉眼扒(需要加$30)，小兒吃煎魚及太太的烤豬肋骨。餐湯是青豆蓉湯，甜品是生菓吉士 。全部食物合乎水準。

自助餐我就食得多，但可以邊食邊睇海景既餐廳真係唔多啊💕最近我就去左Bay's Kitchen & Bar 荃灣呢間自助餐廳，享受好美味既海鮮😋首先係沙律，放上幾片新鮮既三文魚，食落去好夾🙆🏻‍♀️再黎，就係呢間餐廳出名既海鮮啦！種類都算多，有凍蟹，蝦，青口，蠔等等。😆肉質鮮甜，可以無限拎黎食，食到飽為止，對住汀九橋個夜景，別有一番風味。海鮮食到差唔多，就係我最鐘意既甜品，款式包羅萬有💕，想食既呢度都有，好味！🤤餐廳設計精美，座位寬敞，室外仲有一個長既走廊，可以望住個海，一邊食一邊睇住香港夜景，簡直賞心悅目❤️

晚餐buffet 款式不算多，但質素唔差。海鮮有生蠔食，正!甜品款式再多啲會更好! 有七五折,價錢，不過適合有車人士,因為位置比較隔涉。環境非常之一流，無敵海景。今日人流很少所以都好清靜。

今日食半自助餐，選擇主菜後，就可以自由選擇沙律同埋一啲冷盤。最得意係有一個大嘅巴馬臣芝士，可以自己刮啲芝士碎岀黎放喺沙律上。甜品就每人兩球movenpick 雪糕，好好味。主菜嗌咗半隻烤雞，一上枱就聞到好香嘅烤雞味，皮脆肉嫩，一切就有肉汁流岀，不錯。伴碟嘅薯條亦夠熱同香脆。牛扒外面煎得略脆，牛味濃郁。不過地點比較偏僻，但環境幽靜，仲有得對住嗰海。