Baron cafe & restaurant

营业中

休息中

週末係荔枝角搵食唔係好易，因為大多數餐廳都只做上班人士生意。今日嚟到呢間門口，見到裝修幾有心思，入去試吓！聽店員講，今日附近學校有家長會，所以氣氛特別熱鬧！要等一等位先入得。就連星期六都有午市套餐同常餐選擇，包埋嘢飲。我哋試咗：- 龍蝦汁煙三文魚帆立見蟹籽意粉 $71龍蝦汁調味掌控剛剛好，唔會太鹹或者太濃稠，配上鹹鮮味嘅煙三文魚，好夾！店家亦好勁多粒帆立貝，數埋真係差唔多有10粒！加埋粒粒蟹籽，口感100分。- 日本櫻花蝦粟米蘑菇蕃茄濃湯螺絲粉配香茅豬扒奶油脆豬 $60性價比高！一個常餐包咁多。勁讚脆豬，好脆好香。點落蕃茄濃湯，正！而香茅豬扒都煎兩面都脆，好入味。蕃茄湯螺絲粉都好大碗，湯底濃。見食物咁高質，加錢飲埋抹茶latte! 好滿足！性價比高，推薦！

上個星期五happy friday，去左附近一間西式餐廳慶祝下 li間餐廳空間好大 好多位 一行五人 好快就搵到位👍🏻👍🏻👍🏻 lunch time一間唔使等位既餐廳真係好重要叫左杯三青汁，用左青瓜，西芹，蘋果三種蔬果嚟整，有蘋果既甜味，又有西芹，青瓜既草青味，問左侍應，無落糖，感覺好清新同埋好健康🙈🙈🙈叫左個燒美國12安士T骨牛扒配洋蔥汁，個牛扒夠大份，煎得好好，好入味，配埋個洋蔥汁，送飯一流👍🏻👍🏻👍🏻

荔枝角雖然係工廠區但係以前喺度做過嘢就知道入面有好多高質素嘅餐廳今次要推介呢一間係西式快餐價錢相宜但係份量同質素都令人滿意德國黑椒蜜糖豬手意粉呢個係lunch set唔好睇佢蜜糖豬手得嗰幾塊但係每塊嘅份量都好大份要再用刀切開幾舊欣賞佢嘅豬手外皮燒得焦香蜜糖味令到口感更加好日式粟米忌廉吉列厚切豬扒聽落去係一般頹飯不過豬扒確實係炸得好靚吉列炸粉唔太厚肉質好軟熟 食落好香口粟米汁嘅甜度剛剛好和風燒牛肉玉子野菜沙律想要健康午餐嘅人可以一試薄身嘅燒牛肉大大塊沙律嘅份量好飽肚女仔食啱啱好又唔會有罪惡感奇異果汁益力多哈蜜瓜汁乳酪呢間餐廳好多健康嘅主打其中鮮榨果汁可以配唔同嘅飲品果汁嘅選擇勁多睇到眼花撩亂頗為推薦奇異果汁益力多酸酸地喺夏天飲都幾開胃喺附近返工值得一試

今日中午嚟到荔枝角，可以去隱世工廈嘅西餐廳Baron Cafe 食返個午餐，佢哋餐牌有好多不同選擇Lunch Set 揀左兩款，一款係德國豬手🍖，另一款係煙三文魚帆立貝蟹籽意粉🍝德國黑椒蜜糖豬手配意粉蜜糖味豬手好味好吸引，一片片已豬手肉入味又鬆軟，加上黑椒汁好惹味，可以配薯菜飯或意粉，最後揀左意粉配搭龍蝦汁煙三文魚帆立貝蟹籽意粉煙三文魚好大片，加上龍蝦汁好juicy美味，有帆立貝加蟹籽，整個意粉都好味和風燒牛肉玉子野菜沙律餐前食個沙律開胃一下，點了一個和風燒牛肉加玉子嘅野菜沙律，清新之餘，又有和式風味，薄片燒牛肉好香奇異果汁🥝甘筍雪梨汁🥕兩款果汁🍹都好健康，新鮮榨果汁好味道

喺公司附近工廈地下搵到間西式餐廳未試過一於去試下先☺️☺️內裡裝修簡約，乾淨企理空間亦幾大，都多座位提供🪑🪑💜德國猪手拼雞肉串燒配洋蔥蜜糖汁🐷🐔豬手同雞肉都用左串燒方式上🍢🍢豬手幾入味，又唔會好韌而雞肉串啲肉都幾滑，洋蔥汁味道好濃配螺絲粉就岩岩好👍🏻👍🏻💜美式黑椒牛仔柳配黑椒配薯條🐮🍟今次呢間好好呀，有兩大塊牛仔柳仲煎得幾嫩幾冧，又係唔會好韌而且仲醃到好入味，唔使點汁件扒都已經好好食👍🏻👍🏻💜檸檬蜜🍋🍯檸蜜真係值得一讚👍🏻👍🏻👍🏻檸檬同蜜糖味道濃郁唔係淡而無味，真材實料🤩🤩🤩

今日同d朋友行完香工買衫，到lunch時間，周圍睇吓有咩好食，就上網search吓見到呢間西餐廳，d食物好似唔錯就去試吓，睇睇餐牌d價錢都幾大眾化，好多款式嘅午餐選擇，花多眼亂，最後決定叫呢2個餐。香煎美式公司雜扒配薯條，貪心嘅我叫雜扒就最啱，呢度雜扒包括芝華力腸，牛扒，雞扒，豬扒，非常豐富，扒嘅size都唔細，佢雖然配咗黑椒汁比我，但d扒已經好好味，唔使點汁都ok,另外d薯條炸得好脆卜卜，熱辣辣，食完呢個餐真係捧住個肚走。德國黑椒蜜糖豬手配意粉，d豬手已經係拆咗骨上碟，所以食落d都唔論盡，個皮好煙煙韌韌，仲有甜甜地嘅蜜糖味，好好味，而d意粉唔會煮得過淋，啱啱好。榛子咖啡，成杯野都好夢幻，好有層次，棒子味同咖啡味都好濃郁，飲落好香滑。哈蜜瓜乳酪，飲落好creamy同好濃厚嘅感覺，佢應該冇落糖，因為飲落唔太甜，哈蜜瓜味好香，真係健康之選。下一次一定試埋其他午餐。

Baron cafe & restaurant 餐廳喺新光工業大廈地下，油站對面。我同朋友下午1點左右到，去到嘅時候正值放飯時間，入面差不多坐滿人，好熱鬧！好彩唔使等太耐就有位。Lunch set餐牌寫左星期一至六嘅菜式，天天不同。我同朋友星期三去，分別嗌左「日式蒲燒原條鰻魚奄列飯」同每天供應嘅「泰式海南雞飯」。❤️日式蒲燒原條鰻魚奄列飯紫菜、木魚絲和黑芝麻撒在炒蛋上，撈埋入飯度一齊食入口好香。原條鰻魚好長身好大條！😱😍😍😍加左鰻魚汁甜甜地好食。❤️泰式海南雞飯 配雞油飯及湯是每天供應的。海南雞有雞味，雞肉嫩滑冇血水👍🏻，啖啖肉。點埋旁邊嘅醬汁食好滋味～😋喜歡的可以食埋酸蘿蔔，好開胃～飯都大碗，一啖飯加一件雞啱啱好。湯夠清，入面重有湯渣。有紅蘿蔔🥕和翠玉瓜粒和菇片。個人覺得海南雞整得好味過d海南雞專門店，唔怪得剩係海南雞飯係每天供應啦～😌Lunch set送熱飲，凍飲加$3。兩個餐分別嗌左熱檸茶和熱阿華田。❤️三青汁用了青瓜、西芹和蘋果三種蔬果來製。望落青色好似唔多好飲，試左一啖——咦，又ok喎～飲落十分清新，似飲緊蘋果汁🍹，有蘋果的甜味，一d都唔難飲，好好飲！👍🏻顛覆左我對五青汁難飲嘅印象

上周六下着大雨，既想避雨又想食午飯，幸好遇到了這間荔枝角的飯堂😆這家飯堂位於一幢工廈內，環境十分寬敞。菜單豐富多樣，提供西式意粉、港式雜扒、海南雞飯和沙律等多種選擇😜我點了龍蝦汁煙三文魚帆立貝蟹籽意粉😍😍這看上去份量非常充足，海鮮的份量都豐富，有三至四片煙三文花及帆立貝，另外龍蝦汁味道惹味😋😋意粉的口感剛好，海鮮和醬汁的搭配不錯飯堂的飲品種類也非常豐富，我點了少見的三青汁，裡面包括青瓜、西芹和蘋果，喝起來非常清新，感覺真才實料，健康排毒

呢間餐廳位於荔枝角通州西街既茶餐廳,除左午餐之外仲有好多唔同款式既下午茶,下午茶餐超多選擇同埋好平好抵食,我地叫左一份西多士一客有4件咁多,每件都由迷你多士炸成,入面仲有花生醬,西多士外脆內軟加埋牛油好香口,呢外,叫左一份炸魚柳拼沙律,生果沙律大大份好多果肉有蘋果薯仔菠蘿等等,炸魚柳好大塊好香脆,魚肉切開熱辣辣軟淋,職員好友善,呢度好闊落仲有D畫同擺設響餐廳度,小食拼盤有炸蝦角,炸魚餅少少辣,炸薯條同埋香脆唔油膩既炸雞翼,呢度仲有特色飲品好似海鹽焦糖咖啡,香濃焦糖味,仲有鮮榨果汁都好新鮮好飲。

係公司附近工廈地下搵到間西式餐廳，有ALL DAY BREAKFAST、SET LUNCH~有每天之選，就日日都有新意~ 外賣自取-$8~薄燒美國12安士T骨牛扒 配 蒜蓉汁 $80配飯/意粉/螺絲粉/薯條包熱飲 / 凍飲+$3，亦都有其他特飲/特色咖啡等~上碟個下係嘩！咁大份！不過可能係下午多人就預先做定，熱度可以再好點點~但都能夠接受的~焗薯套餐 $59揀左個吞拿魚沙律 (含煙肉碎) + 迷你凱撒沙律個焗薯薯仔味好出，加埋D醬料都幾入味~迷你凱撒沙律係幾FRESH既，所以夾埋上面個餐，同個同事一齊食都好夠飽lu~咖啡都係即磨嘅，我地叫左奶茶個茶底都幾濃~仲有其他全日早餐、常餐等，食早餐、TEA都好多選擇，餐廳裝潢都幾西式，位置亦都多，下次經過去試下啦！

行荔枝角D2 PLACE前想食飽先搵到呢間餐廳好似幾抵食餐廳係MTR C出口行去幾分鐘就到位於工廈區 內裡裝修簡約 乾淨企理食物以西式為主 價錢親民抵食選擇好多 有唔同既SETS LUNCH/ 常餐/特餐簡單地叫左2個餐 份量好足料 味道唔錯 係呢頭番工既人有福了💥日本櫻花蝦粟米磨菇蕃茄濃湯螺絲粉配香煎雞排 牛角包又係比想似中大碗同足料😎上面有好多櫻花蝦 粟米同蘑菇湯底係蕃茄湯 好濃郁螺絲粉唔會煮到太淋😝雞排大大塊 煎得好香口肉質唔會乾☺️牛角包焗得好香脆😎💥龍蝦汁煙三文魚帆立貝蟹籽意粉有好幾塊煙三文魚 仲有蟹籽佈滿意粉入面仲有幾粒帆立貝仔 好足料個龍蝦汁都好多 令每條意粉都掛到汁仲配紅蘿白絲 椰菜絲 令整個意粉相對輕身😝💥柚子蜜 咸檸七潤一潤喉😀

黎開荔枝角做野，同事介紹左間幾高質抵食既餐廳食lunch🍴餐廳係香工附近，都好易搵到，入到去裝修都比一般工廈食肆企理同寬敞，就算lunch hour坐滿人都唔會太逼👍🏻🐥日式黃金滑蛋唐揚雞球飯 $64色彩繽紛既配搭🌈金黃色既滑蛋、香脆既炸雞件配上紅綠黃椒粒，真係賞心悅目💖炸雞件炸得外脆內多汁，雞肉都嫩滑，好惹味，雖然預先淋左醬汁係飯面，但因為配菜有好多三色椒，食落口感都好清新🌱🐷黃金牛油脆豬扒配洋蔥汁飯 $66呢個黃金牛油豬扒係同事極力推介😆豬扒外衣有薄薄既炸粉，香脆得黎食落啖啖肉，唔會皮肉分離😆重點係邪惡既黃金牛油汁，每塊豬扒都充滿咸蛋黃香味，而且豬扒份量好多，鍾意食肉既朋友岩晒🤣

同事咁岩出晒去，可以提早食晏，搵左間餐廳比自己好好enjoy my lunch hour因為時間尚早，好彩唔使排隊，哈哈呢間每日都有唔同既set lunch menu, 日日黎食都唔悶今日我既選擇係拿破崙鮮茄烤香草雞脾扒，因減肥中，所以揀左薯菜加，另加六蚊件扒仲大過我手掌，肉質好滑，醃到好入味，唔掂汁件扒都已經好好食。薯菜方面有椰菜花，西蘭花，薯條，少量菇，應該用牛油既水浸熟，哈哈，咁仲好冇咁肥最後加左8蚊要latte, 完美一餐

我過茘技角開會周圍行見到間好有規模還境裝修直得一讚坐得好舒服我本人一向喜歡周圍食周圍玩我睇完menu今次食海南雞、估佢唔到去皮嘅海南雞飯外表已經減分食隻雞髀肉仲要係妹大失所望、希望下次嚟有所改善

BARON CAFE & RESTAURANT荔枝角通州西街 1059-1061 號新光工業大廈地下A室經開荔枝角，超多餐廳和小店，老友介紹 Baron Cafe & Restaurant，入去試吓先。😄泰式海南雞飯配雞油飯及湯大廚處理得不錯，雞肉新鮮嫩滑，肉味香濃，雞油飯夠香、煙韌、不油膩。配菜漬物有白蘿蔔、紅蘿蔔和西芹，醃製得剛剛好，很開胃。餐湯配菜豐富，真材實料，沒有味精。套餐配酸辣醬、醬油和泰式辣醬，吃到一半可以提升層次，推薦。🤤黃金牛油脆豬扒配洋蔥汁豬扒即叫即炸，份量十足，香脆的外層，煙韌的豬扒，再加了超級邪惡的黄金牛油醬汁。薯菜夠新鮮，種類豐富，有椰菜花、西蘭花、紅蘿蔔、白蘿蔔、蘑菇和薯蓉。洋蔥汁調配得很好，又香又甜，和配菜很夾。😍薄荷朱古力咖啡海鹽焦糖咖啡甜度適中，層次分明，天氣開始熱，大大杯凍飲，舒暢又醒神，一定要試！😹Baron Cafe & Restaurant 環境舒適，侍應服務好，仲有好多菜色未試，還會再來。😎