Baron cafe & restaurant

营业中

休息中

☕️.下個月開始就要喺荔枝角區返工，所以係時候搜羅一下附近嘅平民餐廳，比我遇上Baron cafe & restaurant，位置喺工業區度，但入到去又大又舒服，最緊要係啲嘢食抵食又飽肚👍🏻.🍜 B6 早餐 蕃茄濃湯螺絲粉餐 $38加奶油脆豬 +$8法蘭克福腸煎蛋配薯餅 +$6市面嘅港式茶記都係通粉做麵底，但呢間餐廳會以螺絲粉做麵底，大條得嚟又飽肚🤭 奶油脆豬脆又大份.🍽️ B13 美式早餐套餐加多士 $40農場雞扒炒蛋腸仔轉 牛角酥 +$5配薯餅 +$6雞扒除了厚身之外，肉質亦十分軟嫩🐔 炒蛋同腸仔嘅味道也不過不失，配上牛角酥同薯餅嘅酥脆口感整體嘅感覺更為平衡.🍯 熱海鹽焦糖咖啡 $24（跟餐加$8）轉大杯 +$5大杯以金屬銅杯送上，保溫得嚟味道不會變，味道剛剛好.☕️ 熱雲呢拿咖啡 $24（跟餐加$8）轉大杯 +$5咖啡口感順滑濃郁，雲呢拿嘅香氣中和咗咖啡嘅味道，平日喜愛喝鮮奶咖啡嘅人可以嘗試一下這杯咖啡特飲.餐廳設計以黑色配原木為主，行工業風，襯返荔枝角區環境，但不忘為餐廳增添一點時尚感。職員亦會提醒食客點餐嘅份量，以免做大嘥鬼👻 整體感覺都很好👍🏻💰沒有加一服務費

朝早去荔枝角，竟然俾我遇上一食難忘嘅脆脆豬仔包😋 雖然係港式茶餐廳，但裝潢都好時尚清新，空間好寬敞，可以慢慢嘆早餐都有成19款咁多，估唔到都有廚師推介，咁我哋都要試吓，包括係奄列套餐及美式早餐！ 奄列可選煙三文魚作配料，其他餐廳好少有，賣相唔算好靚，但裡內流心有驚喜！ 配蕃茄濃湯螺絲粉，湯底的確濃郁，而且份量好多。 炸魚柳、飛碟三文治、煙肉亦都好香脆，飛碟仲有拉絲！ 豬仔包香脆，外層一咬即碎，裡面鬆軟，加上香甜煉奶😋，回味無窮！另外餐廳不單有奶茶咖啡，仲有好多特色咖啡，如cappuccino, espresso,mint mocha , hazelnut latte

星期六去食lunch餐廳地方寬敞乾淨坐得好舒服，嗌咗兩個套餐燒美式西冷牛扒同德國黑椒，蜜糖豬手份量都唔少.朋友話西冷牛扒幾好食，唔會 ‘拿’ 到塊扒淋晒. 黑椒蜜糖豬手有少少脆皮，又唔會太鹹，而且蜜糖唔會搶咗豬手本身嘅味道，而係令到成個味道層次更加豐富，真係好好食！螺絲粉又唔會太淋，煮得啱啱好~價錢親民，食物質素高，而且職員服務態度💯！係一間會令人再回頭嘅餐廳！

這間位於荔枝角工廠大廈的餐廳，表面普普通通，打開餐牌非常有驚喜，選擇非常多，特別飲品的選擇也很多，居然會有乳酪、果汁、益力多等等的選擇，非常有驚喜。我們叫了午市套餐泰式海南雞飯，配雞油飯及湯$69午餐的份量非常多，有我最喜愛的雞油飯，海南雞的雞肉也非常厚鮮嫩滑。柚子燒汁烤黃金牛油雞扒配飯$69雞扒非常大塊，飯的份量也非常多，以這個價錢，絕對非常抵食。飲品方面，我們叫了雪梨汁和五青汁，果汁配快餐，感覺非常健康。服務員的態度也非常好，滿有笑容，有禮貌。😄#荔枝角 #荔枝角美食 #茶餐廳 #工廠區茶餐廳 #hkfoodie #foodie #yummy

📍Baron cafe & restaurant🇭🇰 荔枝角通州西街1059-1061號新光工業大廈地下A室個日做完瑜珈落好大雨求其搵咗間餐廳就衝咗入去點知好有驚喜🤩本身以為係茶餐廳 但原來入面裝修好不錯食物選擇係帶啲fusion感覺平靚正 同埋大大份 好適合附近上班族！如果想食light啲佢都有沙律/焗薯/包😋 B 泰式海南雞飯 配雞油飯及湯 $69呢個午餐係每日都有 證明佢係招牌😆😆超大份 飯係油飯雞皮薄肉嫩 啖啖肉😆😋 C 香煎美式公司雜扒 配黑椒汁 配薯條 $81三塊扒超大塊 就係傳統薄扒～但啲肉都好淋 最讚係個雞扒 好滑😙😋 奇異果益力多😋 牛油果乳酪兩杯都好fresh 明顯真係鮮果整👍🏼

戶外工作，做到身水身汗。差唔多2點鐘，係兩餸飯同佢之間作選擇，見有個乜乜黑松露豬扒飯，$69。揀佢啦，有冷氣有得坐。-----入到去見都幾多人，再望望隔離食龍蝦餐，應該ok啦呢間。再見餐牌有得轉螺絲粉，即轉。-----快餐預左快，但望一望已唔對路，個樣好頹喎。兩塊扒，一細兜汁，一pat螺絲粉, 一堆仔菜，全部預製組件。-----食落仲衰，螺絲粉有部份凍嘅，啲菜又係，黑松露味唔知係咪擺得耐，消失埋。豬扒同凍0T已算正常-----$69喎俾啲咁嘅野，垃圾-----我食香工樓下兩餸飯仲好味

行過荔枝角就試吓呢間餐廳，今日係平常日子，都好多人嚟幫襯！餐廳空間都好大，大把位坐，坐得都幾舒服！先叫咗一客「煙三文魚凱撒沙律」（$50），連埋餐咁嗌都係加$4，不過諗住呢個只係前菜就無叫套餐喇，一嚟到，真係好有驚喜！沙律超級大碟，菜量極多，煙三文魚都唔少，拼埋隻杯度就更加感受到佢有幾大份，十分抵食！生菜好新鮮，加上酸酸甜甜嘅沙律醬，又有麵包碎，好開胃，煙三文魚好香口，係一個好好嘅前菜！主菜就叫咗「燒美式黑椒西冷牛扒」（$71），嚟到時又係嘩一聲咁大碟！牛扒可以切到9、10塊，燒得剛好唔會韌，黑椒汁好香濃，點醬嚟食好滋味。跟餐可以配飯、意粉等等，我就揀咗薯條。薯條份量有好多，點茄汁同黑椒醬都得，一定夠曬飽肚！最後餐飲就叫咗「熱鮮奶咖啡」，加埋大都係加$13，杯咖啡都真係好大杯，飲極都有，咖啡味道好香濃，仲有好多唔同飲品選擇！呢餐真係又豐富又好食，好推介大家去試吓！

好友喺荔枝角返工，趁住返Half Day嚟個快閃Lunch佢帶我嚟公司樓下呢間餐廳入到嚟好震撼呀，係要用人山人海嚟形容滿場都係食客，雖然人多座位多但上菜速度係超驚人每日都有特選餐單呢間餐廳，抵食性價比高✨燒雞肉柚子汁田園沙律沙律菜片片都爽脆新鮮配上柚子汁酸酸甜甜，仲有雞肉．青瓜同蕃茄味道好清新✨ 燒美式牛扒配黑椒汁牛扒唔靭，沾上黑椒汁更惹味仲可以跟飯 / 意粉 / 螺絲粉 / 薯菜✨黃金牛油炸豬扒配洋蔥汁外層炸得金黃香脆，充滿鹹蛋香裡面豬扒夠腍，亦唔會太Dry配埋意粉，份量充足單是飲品都有好多選擇✨香蕉奇異果益力多可以自由配搭唔同嘅水果新鮮果肉打製，酸酸甜甜味道好fresh✨香蕉胚芽芝麻奶好少餐廳有呢個配搭，因為奶類口感較杰身加入香蕉 同胚芽，唔會太甜，係健康之選

去咗呢間餐廳食早餐，餐廳喺荔枝角工業區，裝修得好靚，係可以打卡嘅餐廳，但係價錢就非常平民，食物質素都唔錯，性價比非常高早餐有好多選擇，扒類、麵類、全日早餐，咩都有，除咗基本飲品外，仲有好多特飲可以揀，有果汁、生果+奶！蕃茄濃湯螺絲粉餐配左粟米同煙肉，再加咗個牛角酥，蕃茄濃湯好濃蕃茄味，份量好多，好食西冷牛扒配炒蛋+奶油脆豬西冷牛扒味道唔錯，份量多，食得飽，奶油脆豬外皮脆，唔錯👍🏼蘋果加雪梨汁清新又健康嘅配搭

經開荔枝角買嘢順便食個快lunch～ 小店裝潢簡約，地方好大，午餐選擇十分豐富，一至六嘅餐單都唔一樣，唔怕食到悶，而且價錢親民化，食物款式繁多，係連鎖店快餐廳見到嘅，幾適合附近嘅上班族😋見唔少人點燒美式西冷牛扒，牛扒煎至全熟但估唔到入口唔嚡，牛味都幾出，本身已經夠入味所以唔洗點黑蒜汁都好食，旁邊可以搭配飯/意粉/螺螄粉/薯條/薯菜，薯菜有冬菇、薯仔、雜菜等，唔會好乾，容易入口～ 飲品有西芹甘筍，新鮮果汁，即叫即整，性價比高👍🏻店員推介和風燒牛肉玉子野菜沙律，上面有三小片燒牛肉，鹹香味突出，雖然menu寫住玉子但原來係普通蛋一隻🤣 不過撈埋一齊又幾唔錯，下面有滿滿嘅新鮮沙律，感覺健康！餐湯有雜菜湯同南瓜忌廉湯，濃稠度啱啱好，南瓜味十分香濃，出面好少整到呢個質素，有料！

🍴美式早餐 39 蚊西冷牛扒🐂 加煎蛋餐肉🐷 加多士 加薯餅 6 蚊 🥔牛扒薄但闊身 幾軟林 煎蛋剛熟 薯餅幾香脆 佢多士用麥包整 冇甘肥 仲有邪惡餐肉。正加蘋果牛油果鮮奶 加14 蚊 雙拼5 蚊 🥑🥛牛油果同蘋果鮮奶都好 match鮮奶比例剛好 唔會蓋過生果味🍴蕃茄濃湯螺絲粉餐 38 蚊配彈牙既烤雞肉 烤牛肉🐂 烤牛肉比較煙 un入味加5 蚊炒蛋🥚加5 蚊轉出前一叮 🍜加麻油邪惡👍🏻加5 蚊轉奶油豬🐷奶油豬好多牛油同煉奶 個包夠香脆 好食加14 蚊轉凍海鹽焦糖咖啡轉加大加5 蚊☕聞落去海鹽味香 飲落去就焦糖多 d#牛油果 #蘋果 #烤肉 #海鹽 #咖啡 #鮮奶 #牛扒 #出前一叮 #多士 #奶油豬 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#娑羅婆納印度素餐廳 尖沙咀彌敦道36 至44 號重慶大廈105 室~~~~~~~~~~~~#fafaf

我在荔枝角品嚐的燒鰻魚黃金炒飯的食評：首先，燒鰻魚的份量相當慷慨，而且口感鮮美，魚肉鮮嫩多汁。 燒鰻魚黃金炒飯的香氣十分迷人，炒飯的筋道剛好，並且用料實在，豆角、紅蘿蔔和青椒都非常新鮮。 另外，魚肉與炒飯的融合度也相當好，令人回味無窮。綜觀整餐午餐體驗，荔枝角店午餐人客人十分多，需要等位，但環境空間十分大，坐位也相對非常舒適，讓人感到放鬆自在。 店員的服務態度也十分周到，令整個用餐過程更加順暢。 當然，燒鰻魚黃金炒飯也是整個午餐的亮點，$81元包一杯冷飲，雖然午餐價格相對偏高，但讓人物超所值。總體而言，荔枝角店的燒鰻魚黃金炒飯是一款非常值得推薦的午餐選擇。 品質優良、環境舒適、價格實惠，為用餐者帶來多重享受。 感謝您閱讀我的食評，希望對您有幫助。:整體評分：服務4分，環境4分，食物4分，價錢4分

係荔枝角站C出口油站對面新開左間餐廳，每到食飯時間都派長龍，今日早左放飯，見人龍未開始，決定試吓～選擇非常之多，有男人啱食嘅大大碟，都要keep fit嘅沙律常餐特餐，啱晒一大班人一齊食飯～特餐 日式櫻花蝦粟米蘑菇蕃茄濃湯配螺絲粉 + 柚子汁烤雞田園沙律 $62 又想食蕃茄邪惡野，又想扮下健康嘅我，揀左呢個特餐～份量十足，一位男士食到會夠飽～沙律大大碟，菜好新鮮～灣仔濃湯味好濃，蕃茄狂大讚～F 原條日本鰻魚蒲燒炒飯 $81哇！真係好用心嘅製作，除左原條大鰻魚外，炒飯再落咗鰻魚汁同鰻魚碎粒，口感level up！抹茶咖啡 港式咖啡底配香濃嘅味茶鮮木瓜果汁 新鮮即打嘅果汁，100%純果汁，完全冇溝水，健康首選

荔枝角發掘到一間幾用心既工廈小店，味道唔錯，價錢合理，終於搵到連鎖店以外嘅選擇。重點係提供鮮榨果汁同沙律，食得健康啲😋黃金忌廉湯鮮菌海鮮飯 $71忌廉湯鹹香，下飯一流。配料有青口、帆立貝、魷魚同魚肉，全部味道都唔錯，唔會有唔新鮮既情況～四式芝士鮮茄菠蘿焗厚切豬扒飯 $63有驚喜！豬扒厚切得黎肉質香軟，咬落去仍有肉汁，份量亦足夠，差啲食唔哂😋香蕉肧芽芝麻奶，香蕉味道十足！哈密瓜牛奶無咁甜，牛奶同水果既比例岩岩好！

荔枝角「Baron Cafe & Restaurant」，係一間食物選擇豐富，而且味道出色嘅餐廳。首先我哋試嘅係香煎美式公司雜扒配黑椒汁。一望見呢道菜，真係食指大動。雜扒煎得啱啱好，外皮酥脆，入口即化。而隨菜附上嘅黑椒汁，味道香濃，加上雜扒一起食，真係令人回味無窮。跟住我哋食嘅係惹味麻醬雞絲台式豬肉湯烏冬。烏冬Q彈，麻醬雞絲味道鮮美，配上台式豬肉湯，實在是絕配。我同我朋友食得好滿足，如果下次再黎，一定會再叫。另一道菜係黑松露炒牛乳滑蛋配奶油脆豬，一開始我哋都覺得呢個配搭有啲特別，但一食之後就發現，原來呢個配搭好美味。黑松露嘅香味與滑蛋相融，再配上奶油脆豬，簡直係味覺上嘅一場盛宴。講到飲品，凍奶茶同熱檸茶都清新可口。凍奶茶味道濃郁，熱檸茶酸酸甜甜，清新解渴。我哋過程中，餐廳嘅服務都幾好，店員好有禮貌，見到我哋有需要都會即刻幫忙。最後，我哋走嘅時候，個肚真係好滿足，唔單止食物好味，而且份量都足夠。有機會真係會再黎。