Barista Jam

营业中

休息中

<疫情下放風一下> Barista Jam - Flat White $44 & Lamon Tart $39 經歷左大半年嘅疫情，令我真正深深感受到自由同生於活於香港的珍貴，雖然我哋要忍口唔可以成日周圍食，但仲可以買外賣透過外賣平台叫美食。放假嘅時候仍然可以自律地帶住口罩同洗手液去幫襯自己喜歡嘅餐廳同試吓新餐廳，給自己放放風～😌_很高興香港疫情終於有好轉嘅跡象，但世界其他地方仍然有新情個案喔。所以大家仍然要注意衞生勤洗手帶口罩。今日享受下好耐冇食嘅Flat White 同 Lemon Tart ，Baritsa Jam 位於上環蘇杭街，入面亦售賣好多咖啡用具喔。今次嘅Flat White 亦喺水準之上，奶味唔會太濃，咖啡豆味亦突出。至於Lamon Tart 呢，撻底牛油味香，亦夠硬，帶有Lamon 味少少酸，整體甜酸平衡得幾好👌

➖➖➖#上環黃店 cafe🤩➖➖➖.餐廳6月已經表態7月1號。8月5號都有參與罷市.▪️Flat white $36▪️Chocolate raspberry ganache $39.咖啡味道個人覺得較淡不過拉花好靚件蛋糕有驚喜，整件被朱古力包圍一啲都唔漏唔會太甜，Raspberry 平衡返甜味.門口真係打卡位限聚令關係，Cafe入邊有種自修室嘅感覺😂座位與座位之間被分隔開了，感覺反而增加了不少私隱度。餐廳樓高兩層，二樓係售賣咖啡配件、咖啡機等等產品呢

Hand Drip 海拔: 1400 - 1500 m   處理法: wet-hulled👉 風味: 入口時係熱帶水果味 其後煙燻木味👉 Body 一定要圓滑厚身啦👍 同店員所講一樣 前後對比較強烈👍 冇印尼豆好多時偏酸感覺 尤其豆既處理方法👍 入口好順 好強既After taste 木味回香不散 好正好特別推介指數: ⭐⭐⭐⭐/5👉精品咖啡講求成件事的感覺 檸檬批👍唔會太酸 好有鮮檸檬皮的感覺 有好少的涰味👉不過有少少甜左D 推介指數: ⭐⭐⭐/5

中上環一帶值得一去的咖啡店， 很少咖啡店有不錯的咖啡之餘，除了輕食類食物， 還有不錯的pasta, 是lunch time 值得一去的地方。從舊店開始光顧到新店， Barista Jam 的水準一直保持得很好， 值得推介。後來在黃店地圖中見到Batista Jam 的名字， 成為我更多光顧的理由。 現在有防疫法， Barista Jam 仲特意改了座位安排， 避免對坐的情況， 符合要求之外， 亦很細心的為食客度體溫、 提供消毒搓手液， 絕對是良心食店之選。

#上環 #黃店✿/they offer a selection of coffee beans from around the world 𓊘𓊘𓊘plus, a tasting menu for ice drips ☻ /喺中上環真係好多咖啡店依間環境算大 而且都可以坐得耐啲house brew black coffee $36嗰日哩杯咖啡味唔太濃，好順滑，幾易入口iced drip coffee $50偏fruity帶有少少甘香味，少少酸味/💕————————————〰️Barista Jam 〰️Shop 1, G/F, 97 Jervois Street, Sheung Wan————————————

今日要出去上環辦年貨，行到腳軟，又碰啱lunch time ，都係醫肚飲番杯咖啡提下神先。見到呢間門口有幾個OL好寫意嘆緊咖啡，於是毫不猶意就入去。呢間要自己在收銀處落柯打比錢,之後侍應會送餐.我選擇了Spaghetti with asparagus 和flat white, 意粉軟硬適中, 咖啡又昏又滑

身為一個滴啡不沾既我，當想relax一下既時候竟然會諗起Barista Jam!!回想第一次去呢間咖啡小店已經是幾年前了，一入開門，見到店內好似一個咖啡博物館，擺設了各式各樣不同風格的咖啡相關產品。最近呢年搬咗去對面街既新店，新店同樣地充滿咖啡既氣息!老實說，我就唔識欣賞咖啡啦。大家可能會問點解唔好咖啡既我會鍾意Barista Jam???  因為呢到非咖啡飲品同埋野食都好正!!放假黎到叫杯熱朱古力、叫碟意大利粉，感受呢到悠閒氣氛!! 唔小心再來一個甜品，relax晒=)

星期六日的時候很想找一個地方坐下和朋友傾計做下功課 跟朋友來到了上環這間走簡約風的咖啡店入到去感覺非常之舒服 也可以選擇坐在外邊不過我朋友覺得入面較為舒適 朋友點了一杯細的泡沫咖啡$36 我就點了一杯士多啤梨沙冰$42 個人來講覺得這裏的咖啡比較優勝拉花挺美的還有就是咖啡入口比較細滑 士多啤梨沙冰其實也挺好喝 如果能夠更重士多啤梨味會比較好 上環這一帶也有很多特色的咖啡店 這家的空間感不錯在這裏坐一會兒也很寫意 下次會再來🤣

上環的蘇杭街最近多了兩三間咖啡店，非常熱鬧，都是好事來的，有競爭才有進步。不過我始終鐘情嚟一間，當初店舖細細人流不斷，現在搬到對面店舗，比以前大了，寛敞了，不用再等位了...嘻嘻嘻！House Brew我對咖啡不是太有硏究，對於加奶的咖啡感覺浪費了，喜歡最簡單的。這款聞下去香味不太特出。勝在飲後餘韻持久。Iced Drip Coffee這款香味比較顯著。口感順滑，甘香，餘韻的持久力一樣耐，口腔充滿著回甘味。

新一次去Barista Jam 已經是八、九年前。我每幾個月都會去一次，Barista Jam 可以算是我開始飲精品咖啡的啟蒙店之一。但係寫食評算係第一次，幾個月前知道佢搬咗新店，位置就正正在對面街。新店比舊店寬敞，裝修光明几靜😇先來一柸Dried Blossom Coffee Tea, 用咖啡花冷泡的茶，既有咖啡香亦有淡淡茶韻，細膩不俗套💖之後再來一杯Ethiopia Yirgacheffe Kebel Aricha G1 咖啡師把豆的特質發揮得很好，西柚、檸檬焦糖恰到好處⋯⋯很久沒有遇上這麼合心意的。💘

星期六喺上環搵間cafe食個brunch嘆下咖啡～呢間聽聞左好耐都未試過，咁啱又喺附近所以就去左試。我地叫左一份三文治同一個蛋糕同埋兩杯咖啡。呢個三文治幾好食～ 個雞胸好嫩滑，味道剛好，唔會太咸或冇味。牛油果醬都有粒粒肉喺入面，正值得一讚係底面個toast，烘得好脆，時間控制好好，一啲都唔燶。呢個蛋糕個皮係焦糖，入面係芒果mousse cake。個皮都幾硬同厚，雖然味道冇問題，但口感有啲奇怪入面好食，正常芒果mousse咁。啲朱古力牌同條都係真朱古力黎，唔會有好假嗰陣味。成個蛋糕唔會太甜，唔錯。咖啡好飲，好夠味，溫度都好，暖至熱，可以即時飲又唔會太快凍。Cappuccino 啲泡打得好滑，亦都好夠泡叫野食+咖啡有折扣。蛋糕櫃～收銀處仲擺左啲muffin同crossaint。呢度係比錢落左order先有野食嘅。會有staff拎野食比客人，算係一半self-service。入面環境唔錯，唔會太迫。出面都有位坐～整體黎講唔算有咩驚喜，但想食個悠閒嘅brunch係唔錯嘅選擇。

由恒生總行隔離走了很遠很遠路繞路上山再下彎今次走不順心了終於來到朋友介紹說「好好味」的cafe 店.他有內涵 ｛ 滿是外表誘人的甜品 } 😝在戒口時遇見但沒外表 ｛ 白灰牆深灰台像工作室 } 🤷🏻‍♀️卻是寫意 的 ｛ 放在一旁的不同書籍📚隨您看 }.同事「很」喜歡 我喜歡這裡的那種不經意地寫意☕️就來試試吧還有一點 ｛ 他的食物很不錯 ｝😁

Barista Jam 環境舒適，格調放鬆，氣氛親切真的加了很多分。因為一杯沖得再香再好飲的咖啡，在擠迫背景喧鬧的環境下， 亦無心情享受。和諧的工業風裝潢， 撲鼻的咖啡香氣。叫了杯Cappuccino , 味道拉花平實，但店員一句問候「咖啡☕️味道可以嗎？」卻令人貼心。Chicken avocado sandwich 🐓🥑🥪 用料足但可惜麵包較乾，整體普通， 但價錢親民。二人用餐二杯咖啡， 一份三文治，再黎scone 一客 $ 155 在中上環地段 真的不容易。 👏🏻👏🏻👏🏻

小妹不嬲都好鐘意飲咖啡，今日放工，同朋友行去上環試下啲咖啡小店。經過呢間，店面好吸引，裝修好文青，好有空間感。里面都好多客人嘆緊咖啡。所以決定幫襯兩個人叫左兩杯咖啡，一份三文治，一個scone，一共$155。港島區呢個價錢，係算好抵熱cappucino (large size $44)熱Flat white(large size$44)兩杯咖啡都好味，奶入口滑，咖啡味都算濃郁。跟餐仲平$10，性價比高Herbal chicken avocado sandwish $59三文治好大份，tea time兩個人share都夠食雞肉滑，牛油果新鮮，份量足，沙律菜都新鮮既唯一不足係如果包係用sourdough，更加好味見plain scone ($18) 賣相吸引，都叫左一個試試。有整番熱先上枱，都好食原來有上一層。上面擺左好多咖啡用品除左食物，環境都唔錯之外，有兩位女員工都十分值得笑容可掬，平易近人，有禮貌，好nice，令人坐得好舒服仲有第一次去飲咖啡，有人問我，啲咖啡好唔好飲呀好難得呀，呢種服務態度係香港真係極之少見。一定會再幫襯

中上環區真的有很多cafe，尤其是獨立經營的特色小店。在周末想跟三五知己找個地方談天說地，有時也會特意走來這一區，今天就是其中一天了。蘇坑街有好幾間不錯的cafe，價格也比中環區廉宜。跟朋友逛了一陣子，最後選了這家看起來是新開的cafe。餐廳裝潢以白色、水泥色與木色作基調，開揚乾淨。店裡擺放了不少紙袋裝的咖啡豆，吧枱後有咖啡師用大大部的咖啡師製作咖啡，想必這店對咖啡製作挺有自信的。Mocha 朱古力咖啡 （大）$50 （跟餐可減$10）不太懂如何品咖啡，感覺味道不錯，香醇濃郁。Herbal chicken and avocado sandwich $59 意外的美味！麵包有烘底，很香脆。內餡有生菜、烤雞胸肉與牛油果🥑蓉，口感清爽不油膩，雞胸肉灑了黑椒，烤得香口。平衡感不錯。然而，這餐廳最需要改善的地方就是其餐牌了。竟然貼在紙皮上就算了，開業不算久，這已經有些皺了。飲品餐牌也是隨意印在牛皮紙上，其實走這種樸實文藝風也沒關係，但不知是否氧化的原因，有些字都退色了。餐牌不能夠清晰顯示食物種類與價錢，就失去其意義了。總結來說，環境食物飲品都不錯雖然沒有太大驚喜，價錢也合理，惟餐牌真的需要更換。