Bamboo Thai (如心廣場一期)

营业中

休息中

一路都好想試如心廣場嘅呢間泰國菜，今日早收終於黎左食！以為同區黎講佢會較貴，但以呢個地點同格局黎講，餐牌望落普遍都唔算貴，食物選擇都好多。豬肉碎生菜包，豬肉炒得好香，夠乾身，加左冬蔭公湯汁，好香又帶點香料味！食落少少辣，不過就好惹味！軟殼蟹米紙卷，軟殼蟹夠熱同脆卜卜，唔會預先整定，有誠意！入面包住紅蘿蔔、黃椒、芒果等，清新得黎口感又豐富，仲解到軟殼蟹嘅油膩感添！火山排骨，餐廳推介菜式！上菜時賣相雖然麻麻，不過味道就好得！原本估唔到呢道菜會係點，食落先知醬汁係酸酸地嘅，帶好少嘅微辣，似串燒嘅醬汁，排骨入哂味，而且份量有好多，好扺食！泰式大蝦炒金邊粉，大蝦好爽口，金邊粉唔會好濕，味道調味亦啱啱好！飲品方面，柑橘咸檸梳打同芒果牛奶沙冰，後者可能用現成芒果汁，味道無咁香濃。

今次又去到荃灣覓食，見到有間新開嘅泰國餐廳，又見個個必食嘅火山排骨都幾吸引就過嚟試吓啦！呢個排骨一定要用手食先會原汁原味，餐廳會提供膠手套，就連軟骨都可以食埋，純粹食佢啲肉味道唔算特別只係好稔，但係加埋啲汁酸酸味味少少辣，又有我喜愛嘅香茅味，再加上大量蒜頭芫荽蔥感覺煥然一新，超開胃，最後連啲湯汁都飲埋！蟹肉臘腸炒飯份量比較少，飯炒得幾乾身，臘腸鹹鹹地，有啲蔬菜同埋蟹肉撈埋一齊食味道都唔錯。軟殼蟹米紙卷味道普普通通啦，軟殼蟹夠大隻可惜唔夠脆。黃金蝦餅好彈牙炸得啱啱好，配個泰式醬汁好食，通常食泰國菜我都會叫呢個小食。珍多冰一般好飲因為椰汁味唔夠濃。甜品唔多選擇，心太軟over cook冇流心，不過蛋糕上面有橙皮乾食落又好夾，而楊枝甘露真係好好食，唔同一般甜品舖嗰d，佢有啲合桃薄荷葉同埋雪糕係似雪糕車嗰啲咁滑，口感豐富真係食到舔舔脷

泰式火車頭和牛炒飯和牛好腍入口即溶有蔥芥蘭洋蔥青瓜蕃茄仔。隨飯附上醬汁一碟。醬汁係魚露加辣椒整成，又鹹又辣。個人認為唔使點魚露都得，因為個飯本身已經好夠味。軟殼蟹米紙卷入面有薄荷葉勁香，重有芫茜紅蘿蔔絲青瓜絲同芒果。芒果又甜又多汁！點埋魚露添上少許鹹味同水份食落冇咁乾。招牌冬蔭雞翼隻隻都好大隻！有冬蔭公香但唔會太辣。火山排骨(小)有小同大兩個份量揀。估唔到嗌「小」份都咁大份！😱排骨擺放成火山🌋形狀，唔係「得排骨」，而係啖啖肉！個汁先係重點！酸酸嘅汁🤤食落超開胃！唔覺唔覺連續食左幾嚿排骨！😱最欣賞係佢上枱時附送手套同濕紙巾，方便食客大快朵頤。😋對手套唔會太貼手，好易除，幾好👍🏻。泰式燒豬頸肉豬頸肉好香香茅味旁邊嘅醬汁入面有炸蒜片同芫茜，味道酸酸甜甜。點埋豬頸肉一齊食，份外滋味！😋配菜酸蘿蔔絲有香葉味。我好鍾意飲花茶，估唔到呢度有花茶飲😍！嗌左壺玫瑰黑糖薑茶。玫瑰嘅香、黑糖嘅甜同埋薑嘅辣完美融合在一起，飲完好舒服～🥰龍眼椰子冰有好多粒龍眼，粒粒都大大粒，食落好甜～重有玫瑰花瓣🌹浮喺面，好靚～

環境舒服，店長非常親切有禮，店員亦很有禮貌，食物質素非常好，落order好快就上菜，唯一嘅係唔夠熱辣辣，值得推薦的食店👍🏻👍🏻👍🏻我唔喜歡飲冬陰功湯嘅，但係今日嘅冬陰功湯我試過非常好飲,肥肉炒芥蘭非常出色，我好鍾意芥蘭細細條肥肉又好好味，但係其實佢都唔係好肥啫超好味嘅一個菜，炒飯都好出色，炸蝦餅嘅醬並非一般嘅酸甜醬好好味😋如果想有一個舒適環境嘅地方呢度值得推介😉

荃灣區近期開咗好多泰國菜，Bamboo Thai 成功突圍而出! 在芸芸新店中留下深刻印象。成功之道是不謂傳統所侑。Menu內盡是眼花撩亂的新派菜式。單是這一道小吃「冬陰功炸雞翼」也值得一讚！酥脆香口的外皮包裹着嫩口的雞肉。冬陰功的酸辣從外皮蔓延知內層。令人回味。這一碟大蝦檳榔外型別緻，用香葉包承載着大蝦炸蒜和柚子。把葉子一卷，豪邁的一口送進口。正！大蝦肉厚，整體味道帶點清爽，炸蒜亦給了恰到好處的調味。蟹肉臘肉炒飯- 蟹肉和蝦米落足料，啖啖肉！炒飯乾身有嚼勁，味道已經很濃郁，就是欠缺辣味，旁邊的辣椒碎混着魚露⋯加了又太鹹⋯最後請了店員另上辣椒把辣椒和魚露分開上，會更出色吧。（或者乾脆多炒一些辣椒在炒飯）餐廳整體感覺不錯，已Mark低成為飯堂之一！期待逐一試吓其他推介菜式

疫情左成年幾，好想去旅行，朋友介紹呢間泰國野，決定去試下止下泰國癮～裝修好靚，坐得好鬆動好舒服～Menu選擇多，由前菜到飲品，好多泰國特色食物～除左泰國野外，亦有好多東南亞特色菜～前菜當然係試我最愛嘅泰式生蝦刺生（8隻，$148)好鮮甜的生蝦，完全無雪味，用料讚👍🏻綠色辣椒無咁辣，紅色辣味重啲，嗜辣朋友唔好錯過～泰式虎蝦檳榔菜包（$88)特色小食，香菜帶好濃香嘅香草味，夾住椰子、蝦、柚子同花生，口感相當清新～泰式大蝦炒金邊粉（$112)完全無得輸的Padthai～香港好多時食嘅padthai都係好乾身，味道較淡～呢碟完全係勁local，唔會太乾身，濃濃香料配埋爽口大蝦，大讚👍🏻👍🏻👍🏻火山排骨（小，$118)我係為左呢道菜而來，果然無拎我失望～味道同曼谷train night market有8-9成相似，大大啖肉，配上酸酸辣辣的汁，正～香茅薑茶（$42)好local的飲品～特別的地方在於愈浸味道愈濃厚，薑味十足，女士們必飲～九層塔青檸梳打（$38)清新，食完濃味野飲好舒服～總結，好出色的泰國菜，會再幫襯～

經過見開了一段時間就在開工大吉前試試。在店外的食物賣相:火山排骨，但個人口味影響下沒有嘗試。直到結賬時服務員再次推介，這個菜式希望食客都一試。座的都是卡位，每枱分隔很好。水杯是最喜歡的藍色，很漂亮。後來發現還有另一個顏色綠色。餐具有點原始的風格··似在竹/木的碟用餐。看過餐牌就點了3款食物:泰式大蝦炒金邊粉軟殼蟹米紙卷泰式燒豬頸肉:野味，食完一塊接一塊店舖位置在商場內，方便容易找到。如有商場的App,記得儲分。

味道: 火山排骨的實物賣相跟餐牌上的賣相有點距離，係有少少失望，但是幾好味。如果炒金邊粉的酸甜味可以濃一點點會更好。青檸荔枝沙冰好飲，反而果汁類就普通環境: 滿意服務: 扣分位~ 訂位時指明要卡位，但入座時竟安排普通4人枱，要主動出聲先可以轉返卡位。加分位~ 食唔晒打包，女店員主動幫忙入盒（而且仲汁還汁、餸還餸一盒），夠貼心衛生: 滿意抵食: 唔算非常抵食，但位處如心廣場又有靚裝修，都要咁上下了建議: 希望餐牌可以加多幾款走辣的小食/主菜（我明我明，食泰國菜就係要食辣😅 但老人家及小朋友食唔到辣，有多些選擇就更好），另外唔明點解椰青要咁貴（$68/個）？價錢令人卻步

行過如心廣場，本來想試吓非常出名嘅段純貞牛肉麵，但望見門口嗰條早早出現嘅超長人龍，唯有放棄呢個念頭，轉戰呢間同樣人氣旺盛嘅泰國菜，門口有得拎飛，行一陣街返嚟就差唔多可以入座。餐廳食物選擇唔少，仲有啲比較少見嘅菜式，例如黃薑脆炸魷魚、招牌冬陰雞翼、泰式紅咖喱魚餅同火山排骨之類，而且價錢唔貴，嗌多幾個小菜都唔會肉赤。魚餅一客四件，加入紅咖喱同泰式香料，香口彈牙，配上酸酸甜甜嘅泰式醬汁，非常開胃。冬陰公湯酸辣醒神，香料嘅味道亦夠重，而且材料豐富，非常抵食。見幾乎每枱都有嗌呢道火山排骨，當然要湊下熱鬧，一上枱果然氣勢十足，份量超大，細份嘅都足夠三四個人分享。排骨每件都大大件，煮到夠哂軟腍，配上特製嘅酸甜醬汁同大量蔥蒜，惹味開胃。泰式大蝦炒金邊粉份量雖然唔算多，但炒得乾爽夠火候，大蝦亦可口彈牙。先生食泰國菜一定唔少得青檸梳打，加入九層塔取代一般會用到嘅薄荷葉，令到成件事更加泰式，清爽解渴。玫瑰黑糖薑茶係我嘅至愛，香甜暖胃，最適合飯後慢慢嘆。餐廳嘅食物質素唔錯，而且夠晒創新，價錢亦合理，加上舒適嘅環境同優質嘅服務，係享受泰菜嘅好選擇。

餐廳門口幾新，新開幾靚，坐我幾好。有卡位坐，都算幾舒服。餐牌多選擇，服務都ok~~生蝦刺身$148賣相唔錯，生蝦幾大隻，夠凍夠爽、有8隻～正常！泰式臘腸蟹肉炒飯$128呢個有驚喜，味道豐富，足料。炒飯夠乾身，有臘腸咸咸地，蟹肉夠多，又有豆角等配料，一碟清光~~火山排骨🌋 $118大大件，都幾多，好多蔥，味道偏淡，幾好特別。 另有一番風味。軟殼蟹米紙卷$88有紅蘿白絲、生菜🥬口感爽口，軟殼蟹幾爽脆。

🇹🇭 𝐁𝐚𝐦𝐛𝐨𝐨 𝐓𝐡𝐚𝐢🌶⊹火山排骨$𝟏𝟏𝟖泰式生蝦刺身$𝟏𝟖𝟖柚子蝦沙律$𝟕𝟐蟹肉臘腸炒飯$𝟏𝟐𝟖紅豆珍多冰$𝟒𝟐青檸梳打$𝟒𝟐⊹如心新開一間泰國菜 最想試係火山排骨😍😍火山排骨好大分量 我地只係叫細粉 湯汁酸酸辣辣 好惹味開胃 有𝐝似韓國薯仔排骨湯 不過呢個清新𝐝 有無人都覺🤣 至於泰式生蝦刺身同柚子蝦沙律正常水準 柚子蝦沙律加左青木瓜絲同羅望子汁 即刻有地道返 😛紅豆珍多冰都唔錯 😋似是一杯甜品 好掛住以前細個姐姐整個杯✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：𝟑.𝟓/𝟻𝚁𝚎𝚟𝚒𝚜𝚒𝚝﹕𝟒/𝟻𝙿𝚛𝚒𝚌𝚎﹕ $𝟑𝟎𝟎/𝙝𝙚𝙖𝙙˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 𝐁𝐚𝐦𝐛𝐨𝐨 𝐓𝐡𝐚𝐢 (荃灣)荃灣楊屋道𝟖號如心廣場一期𝟏樓𝟏𝟎𝟓-𝟏𝟎𝟕號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

火山排骨 冬蔭功湯 肉碎生菜包 大蝦金邊粉 我唔會講埋D咩去唔到旅行就要食泰國菜呢D廢話,本來泰國菜係香港就係好受歡迎,唔係邊會開到全香港都有?想食就食架啦呢間Bamboo Thai由舊年已經打響左名氣一個火山排骨就好多人為左佢衝去食所以話,餐廳最緊要有一味招牌菜！餐廳環境乾淨，可以填資料記錄唔用ＡＰＰ記錄，會記低名電話時間入場，客人隔離亦好足感覺上似高級泰菜走西餐風格食到有蔥花，洋蔥，撈埋脆豬皮一口肉碎一口豬皮，有脆有軟既口感包住辣椒食更加正，生菜洗得夠乾淨包住肉碎對折做成包型一口咬下香而不辣，辣味好輕，唔好辣朋友都岩食招牌冬蔭功湯食到有辣椒，各類切片菇片，大蝦仲有細碎辣椒，辣得黎唔搶侯，酸辣得宜味道唔會單純死辣炒金邊粉　粉身幼，炒得夠爽身伴有青檸大蝦，芽菜，花生碎辣椒粉將之拌勻同加青檸汁，少少酸辣好開胃火山排骨可說是這餐廳既招牌，用了荷蘭豬頸骨加入香茅，青檸南薑等唔同食材慢煮上菜加上魚露檸檬汁再加上大量蔥同辣椒碎店家更附上手套，方便食用，排骨，骨多肉少，手撕肉再沾上底下的醬汁酸辣酸辣食落唔油膩，清爽易入口做前菜最岩食#BambooThai荃灣楊屋道8號#如心廣場 一期1樓105-1

呢間在荃灣新開咗分店的泰國餐廳真係超多人幫襯，由於已暫時停止預約，晚餐拿籌號後等咗 1 小時先可以入座！因為知道這餐廳供應的不是一般的泰國菜式，我和小夥伴們入座前已經想好咗心儀的 dishes, 我哋 order 咗以下呢啲美食：火山排骨(小): 係 signature dish, 雖然係 small size ，上菜後發覺都幾大碟，啲排骨堆到火山咁，相當有氣勢！ 🌋🌋🌋 醃過啲排骨酸酸辣辣的，挺入味！ 而且口感軟腍，啲肉不費吹灰之力就輕易咬開，淋上充滿葱和蒜蓉的酸辣汁，真係好美味，果然名不虛傳！ 🤤🤤🤤泰式紅咖喱魚餅： 熱辣辣上桌，魚肉很爽口彈牙，最精彩的是食落真係有紅㗎喱味，必吃推介 😋😋😋軟殻蟹米紙卷： 呢個真係可以用外冷內熱嚟形容，煙煙韌韌的半透明米紙裹著青瓜、紅蘿蔔，再配上金香鬆脆熱呼呼的軟殼蟹，口感一流！ 🥒🥕🦀泰式火車頭和牛炒飯： 啲炒飯粒粒分明很有嚼勁，和牛肉份量都幾多而且很 juicy 又肉質鮮嫩，味道香濃！ 👍🏻👍🏻👍🏻馬拉盞通菜：這道通菜是很有水準的，菜很嫰綠，很入味！ 作為一個通菜控都可以把其放到較後位置先講，就知上面介紹嗰幾個 dishes 有幾 yummy!

非一般泰菜！好有驚喜嘅新派菜式...泰好食...食完已經想再食😜卡位私隱度高😎座位好舒適！服務質素好仲好有效率！讚👍🏽兩個人叫咗：泰式肉碎生菜包🥬：每逢食泰菜都係必點！豬肉碎炒香加上微微辣的確好惹味😋呢度仲有配埋脆咯咯豬皮夾埋生菜一齊食，口感豐富我鍾意❤️清新柚子蝦沙律 🥗：同個名一樣好清新😜超多柚子，啲柚子又甜勁多汁！大蝦配埋索晒味嘅木瓜絲，好味道😋泰式火車頭和牛炒飯🍚：味道會濃味啲但啱哂我口味，和牛夠哂多，肉嫩一啲都唔韌👍🏽火山排骨🍖：全晚重中之重就係佢啦🤩🤩一入到餐廳見到枱枱都有一碟，一定係招牌菜啦！果然係有原因...堅係好好食💯酸酸辣辣嘅汁加上大量葱茜蒜，排骨炆到好淋好入味，唔洗用力就已經離晒骨，開胃又唔油膩，完美🤗我哋叫咗細size都係$118，上菜以為係大size添！好鬼抵食😬😬

.#哈比四圍食 #位於荃灣西鐵站附近嘅如心廣場，近年經過翻新之後，多咗好多新嘅食肆，之前我哋就試過台灣麵今次就試吓喺隔離嘅泰國菜😁🐷 泰式肉碎生菜包 $78呢個菜式係我每次食泰國嘢必點嘅😎因為我真係好鍾意食生菜包，好自然就好想試吓每間餐廳唔同嘅做法所整出嚟嘅生菜包有咩分別，通常生菜包都係用好多唔同嘅香料爆香然後再加入豬肉碎炒，但呢到幾特別嘅係會加埋好鬆脆嘅炸豬皮，食起上嚟令到成個口感更加有層次😋🦀 軟殼蟹米紙炸到金黃色嘅軟殼蟹，唔會油淋淋，加埋青瓜絲、紅蘿蔔、生菜，入口有幾種層次，有米紙嘅煙韌、蔬菜嘅爽、軟殼蟹嘅脆👍🏻🦴 火山排骨呢個真係不得了😆唔好以為排骨就冇乜肉，淨係食呢個都會飽😋排骨炆得好淋，連軟骨都好似啲骨膠原咁🤤醬汁有少少酸酸地辣辣地係好泰國風味嘅一種.