Bamboo Thai (屯門市廣場1期)

营业中

休息中

懶出遠門又想吃美食 在屯門市中心逛逛發現這間新開的 裝修特色別緻的泰國菜掛滿籐製吊燈 木系清新也充滿異國風情最啱我這種打卡愛好者 而且食物好吸引招牌是火山排骨 去曼谷旅行時夜市吃過太懷念了 拉著母親大人進去想給她試試-⧫軟殻蟹米紙卷⧫ $88煙韌的米紙 包著軟殻蟹芒果青瓜牛油果各種材料配搭出多重層次口感 足料清新-⧫招牌冬蔭雞翼⧫ $68比較不常見的款式 一碟有五隻都幾大隻炸得香脆肉質嫩滑 外層沾上冬蔭功醬汁惹味之餘辣度剛剛好 個人來講相當喜歡-⧫火山排骨⧫ $118 (small)拉差達夜市名物 賣相與泰國有幾分相似排骨層層疊成小山 細份兩個人吃頗多的慢火熬煮的排骨 肉質軟腍骨肉輕易分離以青辣椒芫荽蒜頭等調配秘製醬汁 惹味酸酸辣辣開胃不膩 辣度比夜市吃的溫和戴上手套豪邁撕咬 非常有泰國街頭風味-⧫招牌蟹肉臘腸炒飯⧫ $128說是招牌的確幾出色 飯粒炒得乾身分明配料有臘腸豆角櫻花蝦等 咸香又有口感面頭蟹肉也不少 香口不油膩媽媽很喜歡-一家都愛泰國菜環境食物都幾好 會再來

2020的最後一天還是要發食物，希望2021年繼續不斷食由韓國菜變泰菜的新餐廳Appetizer四選一:我地揀咗泰式生蝦刺身 一嚟到有少少嚇親，佢個冰底太大，令到成個賣相好似好多咁😂Salad/Vegetables 四選一:冬陰公不過不失嘅味道，好夠味而且蝦大隻，菇夠多Main Course:火山排骨(細）由於去骨大顯得佢好似好大份咁，而且賣相好似火山咁Noodle/rice：招牌蟹肉臘腸炒飯有選擇困難症嘅我最後揀咗呢個嘅原因係因為泰國菜中未食過呢個，免頭真係有好多嘅蟹肉同埋臘腸，用咗泰國嘅配料去炒呢個飯成個飯好香好入味！成個餐嘅份量好夠，有機會下次再試埋其他

［屯門] Bamboo Thai.泰式生蝦刺身食剩指數：0/100 生蝦好新鮮配上蒜片同辣椒🌶️好傳統泰式風味蘸佢個辣汁好香係好辣不過幾過癮.軟殼蟹米紙卷食剩指數：0/100 米紙好薄包住牛油果芒果軟殼蟹同蔬菜食落好fresh好爽芒果既甜味同牛油果既口感配軟殼蟹原來好match.火山排骨(小）食剩指數：0/100 火山排骨影相啱哂！一條條長型豬排骨堆成火山配上酸酸辣辣既青辣椒蒜頭荽茜醬汁肉質好淋又唔油膩加埋個汁好開胃好惹味佢仲提供埋即棄手套方便進食Ps雖然係(小)但係份量都唔細😂.泰式火車頭和牛炒飯食剩指數：0/100 和牛真係唔同肉質軟熟好多整個炒飯都幾夠鑊氣炒得好均衡好香味道濃得嚟唔會太咸

新開既特式泰國菜😍🇹🇭位置好大 可容納多人👍🏻裝飾亦都好華麗☺️都幾推薦食👏🏻 味道幾好!會再去食!😁泰式生蝦刺身生蝦都ok大隻 有鮮味😋重點係醬汁 好辣好juicy🤩軟殼蟹米紙卷非常之足料🤪仲有埋芒果 真係最夾嘅配合😛軟殼蟹熱辣辣之餘 仲食到蟹膏😆好有驚喜😙火山排骨 (小)第一次食呢個泰國地道菜式😌 本身以為好重蔥味 但原來冇咩蔥味 🤣(利申平時要走蔥)排骨都香排骨味 個汁係酸酸辣辣 好正！所以係好好食🤤 我個人係一試愛上😈泰式大蝦炒金邊粉例牌必點😎 大蝦🍤堅大隻 冇令我失望😂味道方面 正常 唔會太濃味🥰 亦都冇辣味大人小朋友都好啱食👍🏻

撞啱冬至可以放半晝，就可以同細佬出去食餐好既。我近排唔係好想出去市區，都係喺屯門搵食啦。呢間泰菜好似啱啱新開，見到佢似係新派fusion 菜咁，啲菜式好少係其他typical 餐廳見到。泰式紅咖喱魚餅新鮮滾熱辣，咬落去勁彈牙，外皮炸得少少香脆。入邊帶點紅咖喱嘅香，但冇其辛辣。如果想開胃啲嘅話，可以蘸埋佢勁開胃既汁，酸酸甜甜咁，佢個青瓜都好好食。泰式虎蝦檳榔菜包上面有啲柚子肉 ，佢一入口有種香氣，勁特別，加埋虎蝦肉既爽口彈牙，食落去好refreshing。一望落呢個招牌蟹肉臘腸炒飯上面有爆多蟹肉同埋啲櫻花蝦仔，飯炒得幾乾身。好鐘意佢入面加啲豆，唔會覺得厭，食完一羹又一羹。最後主角出場，呢道火山排骨真係堆砌到好似一座山咁，舊舊骨都大大舊，係要用手食先得。佢唔係得啲骨架，肉都有唔少，個汁帶酸，食落冇咁膩，兩個人食叫個細版都已經好滿足。真心今次既experience 好有驚喜，值得再返黎試下其他dishes

屯門市中心新開左一間泰國嘢，叫做bamboo Thai ，冇得去泰國旅行，梗係周圍搵唔同國家嘅特色菜餐廳試吓啦首先我哋叫咗一個泰式生蝦刺身，呢度嘅刺身都好新鮮再加埋秘製醬汁，同埋生蝦上面分別有紅椒同青椒，再加埋蒜片一齊食，口感好豐富然後我哋叫咗一個軟殼蟹米卷，呢個卷物裏面仲有甜甜嘅芒果肉，每一舊米卷都有軟殼蟹喺入面，真係幾足料同埋去親泰國餐廳一定要食嘅泰式大蝦炒金邊粉，金邊粉炒得好乾身，而且花生碎嘅配料亦都好多，拌勻左非常好食同埋叫咗呢度嘅主打菜火山排骨，呢個菜式真係非常特別，好少地方會見到，聽聞係依度嘅主打菜之一，而且係限定發售嘅，排骨非常入味同埋肉質好嫩滑，真係一試難忘總括嚟講呢一間泰國菜餐廳走fushion風格，裝修亦都好別字，嘢食亦都好有泰國嘅風味，值得一試

去屯門市中心閒逛個陣，無意中發現有一間用竹為主做裝修既泰色餐廳，而且燈光調教得好柔和，感覺好放鬆，就決定入去試一試。泰色紅咖喱魚餅$68叫左一個辣辣地既魚餅作為開胃小菜。一碟有4塊，而且好大塊，一件成個拳頭咁大，咬落好彈牙，而且配埋白醋，酸酸辣辣胃口大增。泰色虎蝦檳榔菜包$88泰式生菜包就食得多，檳榔菜包就未食過。首先賣相已經比人一種清新既感覺，檳榔葉上面有大大隻虎蝦，而且仲有花生、椰絲同柚子，咬落口感好豐富，估唔到呢個配搭加檳榔葉都幾襯，令成個口腔都有一陣清香，我忍唔住一個人食左3件火山排骨（小）$119去泰國見就見得多，但係第一次食，佢既份量唔細，就算3-4人share都可以。一上碟成座山仔咁，已經好值得打卡。佢既調味係用左青檸，芫茜、白醋同蔥，帶住手套拎住舊龍骨咁啃，索曬d汁，成件事好raw，好特別。泰式火車頭和牛炒飯$128呢個炒飯真係好唔錯，和牛食得出有濃濃肉味，炒飯加左蛋絲同芥菜苗，炒得好乾身，粒粒分明，而且都算大碟，食落香口，性價比好高呢個價錢都合理，最重要坐得舒服，下次限聚令解除，會約埋三五知己再食過。

放大假同母親大人去咗附近屯市行街買嘢順便食埋餐晏先番屋企中央廣場電梯直上三樓開左間新泰國餐廳環境唔錯決定試吓泰式紅咖喱魚餅手打魚餅口感厚實彈牙混合紅咖喱醬香辣刺激配搭醬汁酸辣以及茴香清新幾正清新柚子蝦沙律鮮蝦蝦肉爽嫩而且柚子果肉飽滿同時水潤清甜配搭泰式醬汁酸辣醒胃加啲金不換同薄荷整體清爽輕盈火山排骨(小)小份火山排骨份量依然唔少加埋大量芫荽賣相都幾震撼荷蘭豬頸骨經過慢火燘煮肉質軟腍濕潤而且骨肉可以輕易分離配搭落咗多種香料熬製而成嘅湯底同埋用泰國香草以及辣椒秘製嘅酸辣醬汁食落微辛惹味泰式火車頭和牛炒飯和牛肉汁豐富香濃而且油脂豐腴甘香配搭甘蔥以及芥蘭爆炒鑊氣十足再加埋啲特調魚露酸辣鹹鮮好食

香港人鍾意去泰國旅行多，更鍾意食泰國菜，屯門市廣場新開左間泰國餐廳叫bamboo Thai,今日第一次去試，完全係合符我要求同口味，我們點了這裡的招牌菜式，頭盤點了泰式生蝦刺身，前菜點了軟殼蟹米紙卷，主食是必食火山排骨，最後點了一個招牌蟹肉臘腸炒飯。四樣菜式真係樣樣特色樣樣皆好味😋，首先係泰式生蝦刺身，每一顆蝦都配蒜頭和辣椒，再沾點醬真的很鮮很好吃。軟殼蟹米紙卷，米紙又薄又香，軟殼蟹夠脆，包在裡面沾點醬真的又脆又香。必食火山排骨更是絕頂好吃，大大盤的大排骨，每一塊都夠厚肉，骨與骨之間的軟骨很脆，加上這個醬汁泡著排骨特別好吃，真的是必食啊。最後招牌蟹肉臘腸炒飯也是炒得夠香，蟹肉加點蟹籽，還有臘腸碎混一起吃，真的口感豐富，值得一試。這裡的服務態度也是棒棒的，服務員殷勤招待，大家可以來吃吃喔。

最近屯門市中心的三樓新開了一間新泰國餐廳，見到餐牌有泰國酸辣「火山排骨」，就覺得好吸引！雖然到達時已過了午飯時間，但門口依然見到不少人正準備入座，看來大家都很喜歡嚐試新事物。環境：環境很寬敞，餐廳分為兩部分，在餐廳門口外亦有座位，內部裝修富有編籐風格，不論是椅子或吊燈，連牆上面的裝飾都有織籐，有泰式風調之餘，亦顯得雅致大方。前菜：泰式肉碎生菜包$78我喜歡吃這個前菜，份量足夠兩個人吃，肉碎配香料炒得乾身不油膩，再包生菜使人吃得卜卜脆聲，雖然附送了數條炸辣椒，但依然沒有勇氣包下去吃。冬陰功湯$68酸酸甜甜味濃，帶有微辣，材料有一分開兩邊的大蝦、蕃茄、秀珍菇、草菇和香茅等，有點湯潤侯開胃是不錯。主菜：火山排骨（小）$98雖然是半份，但份量一點不含糊，一上桌時已感到驚喜，吃下肚後更滿足了。不過這一份並不辣，應該是適合香港人的口味，層層疊的豬肋骨上佈滿青辣椒蒜頭荽茜，底下是酸辣湯汁。服務員已貼心送上兩對手套來拆肉，肉質相當細嫩，帶有膠質，不過未夠入味，再點湯汁會更好吃。招牌蟹肉臘腸炒飯$118朋友大讚這碟炒飯一流，飯粒炒乾身，碟底沒什麼油，炒飯上不吝嗇添滿蟹肉，配菜除了臘腸，有豆角、櫻花蝦乾和

屯市3層新開左間泰國菜就算疫情之下 都好多人排隊😳感覺幾受歡迎.環境寛敞多卡位，有室外同室內位置，幾岩gathering 或者靜靜傾計.2個人叫左個2人餐試下👇-泰式肉碎生菜包菜肉balance，肉碎炒得唔柴，份量埋成一個小山丘，作為前菜黎食幾豐盛.-冬陰功我嘅偏愛菜式之一，用湯殼一撈， 湯料幾足，入口酸辣帶椰香.-火山排骨（小）泰國夜市名物！ 大大件排骨好似層層疊咁樣 疊到成座山一樣！食肉獸必叫！而排骨醬汁酸酸辣辣 開胃解膩！.-泰式大蝦炒金邊粉外型擺盤靚，青檸辣椒粉炸蒜粒放左係盤邊，味道份量想要幾多自己可以調整.Bamboo Thai (屯門)屯門屯順街1號屯門市廣場1期3樓3226號舖

屯門市中心開咗新餐廳，坐得舒適，價錢大眾化的泰國菜館 🎉🎊🌈🎈📍泰式肉碎生菜包🥬🐷豬肉碎混合蔥頭、辣椒等香料，辣度適中，風味濃厚😋👍🏻用生菜包著吃，清爽不油膩😋🤤🤤🤤👍🏻📍清新柚子蝦沙律🥗泰式酸辣調味，惹味濃郁，柚子清爽，一道好開胃的頭盤！📍招牌蟹肉臘腸炒飯🦀🦀🦀一絲絲的蟹肉分量十足，泰式臘腸惹味，調味香濃😋😋📍火山排骨🌋🍖賣相吸引，使用荷蘭豬頸骨，肉多腍嫩😋😋醬汁加入香茅、芫荽、青檸葉、南薑等香料，調味酸酸辣辣，十分開胃😋 每枱客都點了一份👍🏻👏🏻

極力推薦嘅一個 #泰國菜 #火山排骨塔 ，用上新西蘭排骨、豬骨湯底、香茅、檸檬葉、乾葱… 首先煲煮個半鍾，再淋上用泰國芫荽、蒜頭、青辣椒等秘製醬汁，好有泰式酸辣味道，豬骨好大隻，肉質好軟滑，味道好好，依家只要俾200泰銖就食到，係原價嘅一半，冇錯，係喺香港俾泰珠銖去食，冇得去泰國住唔緊要，喺香港食啦

最近經過屯門市廣場，發現最頂層3樓嘅餐廳好似大部份都換咗新，離遠就被呢一間裝修特別嘅餐廳吸引住目光，勁有阿拉丁feel，超級適合打卡係咪去一題先發現原來係食泰式嘢嘅真係好友異國風情食物方面見到招牌嘅火山排骨，我哋就叫咗一個嚟試吓！估唔到叫半份份量已經有咁多，超香嘅魚露，肉質超軟熟，入口融化，餐廳仲有提供手套，俾你可以成舊骨拎起豪邁地咬之後先發現原來有期間限定嘅辣味活火排骨，都好吸引，想試嘅記得係12月要去試啦如果鍾意啖啖肉嘅話，我就超級推薦呢個招牌冬陰功雞翼！一盒有五隻雞翼，裹住嘅炸粉有濃郁嘅冬陰功，表皮嘅醬汁非常好食，而且肉質仲好嫩滑，出面比較少食到呢個口味食咗幾款重口味嘢食，就食返個軟殼蟹米紙卷中和一下，入面有好多蔬菜，仲有超香甜芒果，一口咬入去好fresh！最後仲叫咗一個泰式火車頭和牛炒飯，人生中未食過咁多餸嘅炒飯！啲和牛多到每一啖都可以食到牛，性價比超級高！啲牛肉好好食，超級推薦！滿足嘅一餐，等之後一定要再約多啲朋友嚟一齊試多啲唔同嘅菜式！

Bamboo Thai (屯門)屯門屯順街1號屯門市廣場1期3樓3226號舖屯市開左新既泰國餐廳，我當然第一時間衝去試啦😎 裝修好有泰國風，空間都算大，所以坐得幾舒服😌食左乜? 泰式肉碎生菜包 $78食泰國野必嗌既生菜包!! 果然無令我失望，肉碎炒得好香🤤 食落唔算好辣，包埋生菜食就啱啱好👍 炸到脆卜卜既豬油渣好正呀!! 軟殼蟹米紙卷 $78除左軟殻蟹、青瓜絲、蔬菜絲，仲有我最愛既牛油果🥑 仲超級甜呀!! 軟殻蟹剛剛炸起熱辣辣，一啖咬曬成舊米紙卷好滿足🙊火山排骨 (小) $98好彩無嗌大，原來細既份量都咁多😱 真心夠3-4人食!! 依款排骨既size好大，亦都好厚肉😋 最誇張係鋪係排骨上面既蔥同芫茜，鐘意香料既朋友仔一定不能錯過😳 浸住排骨既汁都幾酸，越食越開胃🤭招牌蟹肉臘腸炒飯 $118依個炒飯好足料!! 睇下堆蟹肉多到呢...臘腸甜甜地，用黎炒飯臘腸既香味出曬黎😋 好喜歡依個炒飯有好多露荀、豆莢粒，口感好豐富!! 泰式檸茶 $38食左咁多重口味野一定要嗌番杯泰式檸茶，茶底有種好特別既香味🧐 有啲似香草味，係泰國當地飲過檸茶都有類似既味，夠曬正宗👍