Bamboo Thai (屯門市廣場1期)

营业中

休息中

又見Bamboo Thai ，但今次唔係如心廣場，而係喺屯門廣場，心裡有少少開心，因為今日有點想食泰國菜，咁啱得咁巧，就呢度喇，同荃灣一樣的舒適，寬敝。『火山排骨』絕對少不了，喜歡食肉的食肉獸有福了，可以大大啖，用手拿住來食，不知幾爽，當然店家有提供膠手套嘅; 一般來講，都會嗌冬蔭公湯，但今次見有『冬蔭雞翼』，就嗌咗呢樣，享受了冬蔭的酸辣，又有絲絲入味的雞翼，仲有伴碟嘅蘿卜絲，唔錯吖。見到隔離台的『軟殼蟹米紙卷』似乎幾好，又叫咗，有大大件的蟹鉗，又有啲蔬菜，芒果，葷素配搭，恰到好處;『泰式臘腸蟹肉炒飯』炒飯乾身，既有泰式臘腸又有青木瓜絲相伴，好泰式嘅一餐，當然米紙卷計落係越菜多D。

肉體冇得去✈思鄉病又發作🤣🤣近近地就這一站去屯門一次過食曬泰/越式嘢食🌴位於一期3樓這間餐廳環境正ar 設計同攞件木色系列配塔好有度假 feel😚氣氛休閒 輕輕鬆鬆食食食😋食咗啲乜？#脆炸魷魚🦑新鮮配埋醬汁 惹味😋#大🦐青木瓜沙律大蝦彈身鮮味 酸辣適中 配料蝦米仔醎香質感好😚#炸豬肉春捲香脆鬆口 塔配生菜 九層塔滿口香氣 中和咗啲油膩感😋#越式生牛肉湯河 湯底香濃 牛肉幾有牛味河粉彈牙 晶瑩幼身可口😋

是咁的，放假無聊入屯門踩踩點，係屯門市廣場睇完戲，路過依間泰國餐廳「Bamboo Thai」見到有火山排骨食，於是就決定試試呢間嘅泰國菜。餐廳裝修色調溫暖明亮，沿用咗好多竹嘅元素，例如竹製嘅燈飾同竹製嘅藤椅，甚有異國風情。餐廳環境舒適，乾淨企理！ 甚少見香港嘅泰國餐廳有做火山排骨呢味菜，呢間嘅火山排骨份量好多，肉占嘅比例都好重，同埋d肉煮得好腍，可以享受到大啖大啖食肉嘅樂趣！調味方面個人覺得有少少略鹹同略酸，不過夠哂開胃就真！配料方面都落幾多芫茜碎，啱哂鐘意重口味嘅食肉獸或者芫茜控！泰式大蝦炒金邊粉炒得好惹味，帶有少少甜鮮味，比較偏香港人嘅口味，個人幾鐘意！冬蔭公香料味好重，偏鹹咗少少。椰青價錢偏貴，不過清甜可口，好好飲！🧡火山排骨【小】（$118）🧡泰式大蝦炒金邊粉（$112）🧡冬蔭公（$68）🧡新鮮椰青（$68）

見此店新開不久，周末到此一試。店子採開放式設計但冷氣亦很夠，有大約二十桌很寬敞，設水吧不過飲品要另叫，如果加設套餐則更佳，試了生牛湯河($82)及生菜肉碎包($68)。生牛河有九層塔葉乃傳統越式做法，牛肉上菜時已偏熟，味道尚可。生菜肉碎包不要輕視價錢，有頗多菜及肉，可以走辣，菜新鮮而肉带香茅及檸檬酸，十分清新醒胃。而服務也很到位，可以揀位及勤於加水，午市較人多所以早點到較方便。地点也是十分方便，屯門市中心商場毗鄰大公園，很適合一家大細。

第一次寫食評，食物不過不失，只要唔好帶住期望去食就得。食物最大缺點係叫左碟炸雞翼，係唔熟既！不過都會即時換返。成間舖最大問題係一黑衫女侍應服務態度超差，工作能力超級有問題。落單唔寫單，就咁聽完就算，結果當然係落漏單😑大家食食下野，毫無預兆、成枱碟同野食就咁好似上菜咁放低個生日蛋糕。叫佢執枱就一張枱，要分三次，叫三次先執好，一邊執一邊跌野落地，最恐怖係單膝跪上客人張櫈度執枱😧！執好之後勁無禮貌咁話：Ok喇可？🙄簡單來說，無下次！

之前到了荃灣如心廣場的「Bamboo Thai」與友吃了一餐美味的泰國菜，今次來到屯門廣場的分店再為一道招牌菜「火山排骨」吸引再來。這次前菜是「泰式紅咖哩魚餅」，魚餅煎得香口，點上青瓜浸魚露更增滋味。「 冬陰功」是我在泰國菜館愛喝的湯，蝦肉彈牙，湯底酸辣醒胃，滿口香茅味，是很惹味的湯。是次為了「火山排骨」來訪屯門分店，震撼的賣相，單看已經很興奮。份量十足，可供2至3人吃，排骨的肉很入口，肉味香濃，湯汁是甜中帶酸，還有辛辣感， 超過癮的一道菜。另外，令我懷念的是「泰式臘腸蟹肉炒飯」，這次也回頭再點，這炒飯炒得很乾身，粒粒分別， 鑊氣十足，臘腸及蟹肉惹味，值得再來品嘗。

早前試過超好食，今天又再來訪 ♥️😍😋🙏🏻📍軟殼蟹米紙卷🦀🥭脆卜卜軟殼蟹，配合酸酸甜甜芒果，包裹着爽脆蘿蔔絲青瓜絲生菜和芫荽，一道很出色的頭盤！📍泰式肉碎生菜包🌶🥬🐷豬肉碎混合蔥頭、辣椒等香料，風味濃厚😋👍🏻用生菜包著吃，肉碎香辣，肥瘦平均，清爽不油膩😋🤤🤤🤤👍🏻📍招牌蟹肉臘腸炒飯🦀🦀🦀一絲絲的蟹肉分量相當豪邁，滿滿蟹肉，調味香濃😋😋 泰式臘腸惹味！📍火山排骨🌋🍖每枱客都點了一份的招牌菜👍🏻👏🏻賣相吸引🐷，肉質腍嫩😋😋醬汁有香茅、芫荽、青檸葉、南薑等香料，調味夠酸夠辣👍🏻🌶🌶📍珍多冰椰汁味香濃，綠色珍多粉條煙煙銀銀，斑蘭味香，大大粒紅豆，口感豐富🍸😋📍龍眼冰新鮮龍眼肉，清香解暑，配合玫瑰花瓣裝飾點綴，很稱職的經典泰式特飲 🍹😋

同朋友黎食呢間出晒名有「火山排骨」既餐廳，香港應該只此一間，夠晒特別。清新柚子蝦沙律真係啖啖柚子啖啖蝦，蝦肉結實又解甜，柚子好多，個汁小小咸但好惹味。招牌冬蔭雞翼叫得招牌應該做得好好，呢樣係最後一樣食既菜式，但竟然仲係熱辣辣脆下下，好神奇呀味道都唔錯成隻雞翼沾左濃濃冬蔭醬，唔過咸。招牌蟹肉臘腸炒飯炒飯相對稍為普通，因為我本身鍾意食濃味食物，呢個偏淡口，如果加少少辣椒粉就更好味啦。雖然係咁，炒飯有好多體育館臘腸，大部份人食應該會覺得夠味。火山排骨（小）重頭戲黎啦，呢個小份量都幾唔野少。大大話話都有五至六舊超大嘅豬頸骨層層疊疊堆砌而成，近骨頭既肉好好咬唔會鞋，仲食到滑滑既骨髓，加埋個魚露汁正。

位於屯門市廣場頂層，地點算好方便，裝修都好有時上的泰式風格！👍🏻👍🏻👍🏻👍🏻👍🏻今次揀咗食呢間餐廳，因為呢間野唔使排隊，好彩早去唔使排隊，食下食下已經見到好多人排！⭐️⭐️🙏🏻見到每台都有叫火山排骨，我又叫一碟細嘅嚟試吓，味道真係好唔錯，酸酸辣辣，超好食😋戴上手套把肉直接撕下來，點上湯汁，放入口，超好吃呢個豬肉生菜包都好出色，唯獨是覺得有啲辣，調味好有層次，質素超高，好好食😋建議大家都叫來試吓，好值得一試😋😋

鋪位由裝橫黑紅色的韓國餐廳轉為光鮮明亮的泰國餐廳，確實耳目一新餐廳為半開放式設計，就是從圍欄外看到食客食物相當吸引，決定進內試試。內裡主要以淺啡色及藤物為主，帶出清幽及溫和泰國的一面，枱與枱之間有足夠空間與距離，坐得舒適自在餐牌過目後發現沒有晚市套餐，只有單點食物，我倆東張西望鄰枱餸菜，決定點了4款食物及2杯飲品品嚐一碟五隻冬蔭雞翼醃料十足，炸雞翼撈上醃料後質感濕潤，醃料酸辣香粉味帶蒜香，辣度屬中小辣，非常惹味！而且雞肉豐富嫩滑，嗒嗒肉好滿足近排天氣潮濕漸熱，總想點個輕形小吃。透明薄如紙的米紙包裹著蘿蔔青瓜絲、牛油果、沙律菜、軟殼蟹及芒果。紙米卷卷摺紮實，一口咬下也未曾鬆散，可以一次過品嚐到來瓜菜、炸物與果物爽脆的多重口感與層次，軟殼蟹炸至金黃色，還能保持脆身，大小剛好令較濃味的炸軟殼蟹不會覆蓋了新鮮瓜菜鮮味，而芒果為較淡味的米紙卷提升了不少清甜軟滑感呈上枱面時被那擺盆氣勢震驚，原來是一段段排骨堆砌而成的火山排骨，確實餸菜如其名。大概3-4段的排骨浸在透明酸鹹帶蒜味醬汁中，還灑上大量蔥花與芫茜碎。豬肉雖不算特別嫩滑，但肉質熬至軟腍鬆動如湯渣，加上骨質骨之間的軟骨與骨中的骨髓汁，既有口感

早排留意到屯市有新開既泰菜，一到食飯時間就有唔少人排隊，好似都幾吸引！菜式選擇都幾多，而且有唔少特色飲品同甜品。泰式生蝦刺身佢地用冰墊底上枱，生蝦刺身上面有蒜頭同辣椒，另外仲有一碟醬料專for呢個刺身。生蝦肉質新鮮彈牙，亦都幾厚肉。醬料好惹味，比平時係其他店食到既味道更突出。清新柚子蝦沙律超級多柚子，好有誠意！印象中既柚子沙律通常都係柚子碎多，佢地既係大大舊柚子肉～柚子香甜多汁，蝦肉厚實彈牙。成個組合好清新，好適合配搭濃味既主菜。火山排骨呢間餐廳既招牌菜～小份既份量已經超～～～大！好多肉！肉質尚算唔錯，碗入面既湯汁比較咸同濃味，但係襯埋個肉就剛剛好，可以令到味道有更多層次。招牌蟹肉臘腸炒飯媽媽想食既一道炒飯。我本身對佢期望不高，但又意外地好食～～味道配搭剛剛好，唔會太咸太油膩。飯粒有咬口，又唔會痴埋一舊舊。旁邊仲有少少木瓜沙律配搭，可以幫助消化～擺設都幾有心思同泰國既氣息。

聽朋友介紹黎食，見係屯門市中心新開，裝修環境都唔錯，決定一戰！當日同行5人，等左大概1小時先有得入，可能係星期六既關係，等既人比較多🥲入到去叫左冬蔭公湯，火山排骨，串燒，和牛炒飯，生菜包同埋豬頸肉。Bamboo Thai ge 冬蔭公湯真係畢生難忘，好似飲緊魚露甘，細細一碗，但5個人都飲唔哂，真係好咸。火山排骨同串燒味道都中規中矩，排骨味道酸酸地，幾得意，未食過既可以一試。和牛炒飯啲炒飯好似又搵魚露浸過甘，咸到入心，建議有腎病嘅人唔好食😂😂最後生菜包同豬頸肉係最清淡既2味菜，食豬頸肉千祈唔好點汁，因為都係魚露味，好咸，剩食肉就ok! 生菜包生菜偏少，得幾片，不過勝在唔咸，食得最開心既一道菜。總括而言，菜色賣相呃得下人既，不過味道偏咸，非常咸個種，喜歡超重口味既屯門牛牛可以黎挑戰😂😂

見到有好多好評去試試點野食鹹到x咁 真心唔知師父心情唔好定點 叫左4 5個餸個個都鹹到痴線個冬陰功好似飲魚露咁 飲1淡湯要飲2淡水 你都唔好話唔過癮其他仲食左火山排骨，雞翼，豬頸肉，和牛炒飯同生菜包 全部都係好鹹我一家人食完飯都話一陣要去洗腎 真係唔知d好評係買架定真係大家都咁重口味真係你地食埋我個份啦 我唔識欣賞 話過以後唔會再黎呢間食價錢我都唔緊要啦 大家食飯想開開心心 但咁鹹 我點食得開心啊下次廚房大哥煮完自己試味先好出菜啊大佬

招牌冬蔭雞翼雞翼外皮炸到好香脆，有冬蔭功湯味，幾特別，肉質嫩滑juicy。配酸蘿蔔絲，可以解油膩。軟殼蟹米紙卷煙韌軟糯嘅米紙卷，包住豐富嘅餡料，有青瓜絲、紅蘿蔔絲、沙律菜、薄荷葉、牛油果、芒果同香脆嘅軟殼蟹，味道同口感都好豐富，好fresh。仲有酸酸辣辣嘅汁可以蘸住食，味道更佳。火山排骨一上枱已經畀佢份量嚇親，堆到成座山咁，我諗係因為咁所以先叫火山，而唔係炸又唔係辣，係煮到好腍嘅排骨，肉質雖然偏瘦但好腍易入口。關鍵係個湯汁，好多蔥蒜好香，酸辣味道恰到好處，仲有魚露嘅鹹香味。招牌蟹肉臘腸炒飯炒得都幾乾身，夠油。配料好多，有臘腸粒、蘆筍、芽菜、蛋白、蟹肉、蝦米、番茄仔，仲有辣椒圈，所以有小小辣，但刺激食慾，冇咁油膩。

弊：1. 晚市無訂座無取票系統2. 質素普通3. 收費比小店略貴、與連鎖餐廳睇齊一行三人晚餐，主要想試咖哩蟹，點知冇供應，難怪全場只食辣膏炒蜆。炸蝦餅，普通貨色，$7X 四件，不過不失冬陰功超咸！燒豬頸肉，超薄片.... 薄過.... 護墊，我講真！味道一般，無燒/ 烤/ 炭火味，失望。招牌火山骨，有d 似湯渣舊骨，汁醬酸咸，似魚露，唔鍾意既會抗拒。肉質軟淋，細份有三大件，近骨頭位置d 肉更soft。還可以，不過可以唔洗試，冇特別，幾個人食會濟冇火喉、冇獲氣、咸和牛炒飯，都係咸，不過都ok ge!超失色，冇獲氣，唔多熱，同炒菜一樣，都係用醬撈埋一堆就搞掂，係撈。食得出烚完蜆、再落三色椒、加辣膏兜勻，而唔係生炒。加一，盛惠$751，無需再去，下午茶可以考慮。