Balalaika (已結業)

一入去D人好nice !好似一家人咁! 有果叫ROY 既好細心咁講闣成本MENU 既主打菜比我地知!菠菜雲吞(一碗得3大粒) 同豬肉雲都正! 因係大夥兒食飯, 叫左咩我都唔係太知! 不過佢果麵(有芝士蝦既,不過有D "留") 同飯都好正! 反而當晚既精選MEAU上冇既豬手串燒$140, 唔好食! 另燒了其他既都麻麻! PANCAKE 都一般, 咩俄國麵包更加不要TRY !不過佢既羅宋湯好正! 雖成$45 一碗, 都抵既!果度好多外籍人士幫襯! 有個透明冰室可以比你一試冰凍既環境係點, 內面好似有D 酒板比你睇......LIVE BAND 嘈唔嘈都見仁見智啦! 不過你地果D 俄國MUSIC 我就聽唔明, 有D 悶囉!不過食完都唔太飽. 仲有沙發椅太矮, 坐得好辛苦!

昨日同另外三位女性朋友去0個度食飯, 當係幫我同另一位朋友慶祝生日。先唔講食物, 正如先前有人講過, 餐廰會一對男女唱歌贈慶。其實間中唱一唱, 係可以令間餐廰增添氣氛。但係成日唱, 我真係覺得好嘈, 同0的fd 咁耐冇見, 想傾0下計都好難。講返食物, 昨天叫0左兩個包(磨姑,菠菜), 都ok丫。芝士波菜焗大蝦︰呢個就好好味, 唔會覺得"濟"。麵包焗鴨︰0的鴨較為"un", 同埋好少汁, 都撈唔到飯gei 。串燒牛︰個外皮燒得比較硬, 不過入面0的肉都ok, 可能唔燒咁耐會好少少。甜品叫0左Russian pudding 同埋Cream bxxxxx(sorry , 唔記得名)。兩個都好好味, 大家記住試。我地仲叫0左一枝Ginger 0既果汁share, 甜甜地, 又ok wor。佢地0的waitress 都幾好人, 問佢有咩好食, 佢好認真咁答, 又唔會淨係介紹0的貴0野俾你。之後叫甜品, 佢話IT 張黑色咭有得送個Russian pudding, 又或者匯豐卡全單有9 折。佢都主動話幫我地睇0下點樣平0的, 抵讚。

這間俄國餐廳食都ok,紅酒亦不錯而且價錢大衆化,但如果是想兩個朋友出來食飯傾計,就不要選擇此餐廳了,因為佢地有個live band,而且會去各張枱去搞氣氛,所以一大班人去會好玩些.侍應的服務也不差,因為我同朋友兩個女仔,原本我地叫了一個燒海鮮,麵包焗鴨腿及炒什菜,但侍應叫我地叫住前兩個先,唔夠先叫番什菜,後來飯菜上枱真的已足夠,不用叫什菜了,所以我覺得整體上都唔錯.

service is just soso ... remember we went there some time ago .. we were waiting for a friend before we actually ordered the food .. the waitress came by every 3 minutes asking us if we need to order some wine or drinks .. it's ok for them to ask but we already told you we were fine and we would let you know if we were ordering then it was definitely a nuisance that she kept on asking !

同朋友兩個人去食, 因為之前太遲食lunch, 唔算好肚餓, 所以只係order左好少野, 兩個俄式麵包, 一個係磨菇, 一個係波菜, 真係無乜特別喎, 包一個囉, 係多餡少少. 另一個南瓜湯, 個湯好唔得呀, 奶油味好重, 仲係好幾咸, 我地朋友兩個人share 一碗都飲唔哂呀. 另一個三文魚子pancake, 因為我唔食三文魚子, 所以無試過. 另叫多一個羊膝, 我覺得唔夠淋, 但佢有好多薯蓉, 加埋個汁都幾好味. 環境係嘈左少少, 我自己麻麻地鍾意囉

同客食飯, o黎o左依間食, 不過今次坐房, 無咁嘈~ 否則坐出面聽住d唔停o既live band, 真係似去Bar多d.... (本來環境我想俾4分, 但真係好嘈, 扣1分)食物一如以往唔多掂~ 俄羅斯包食落無咩特別, 十幾蚊一個, 好唔抵~ 串燒牛柳好似好乾, 串燒羊架好多筋, 個個都淨番好多... 我之前領教過d串燒, 所以叫紅酒燴牛肉, 味道ok喇~ 總之.... 食物真係唔多得....但最想講o既係一位似乎高年資T字頭o既waitress.... 佢好似好pro咁o既態度去serve我o地, 仲要唔識咩叫禮貌~ 我真係好想同佢講:1) "快"唔等於pro, 佢o既"快"令到我o地個個好似玩閃避球咁~2) 木無表情, 好假o既笑容, 講o野無尾音唔代表pro~3) 中式酒樓坐圓檯坐得好逼, waiter要o係人與人中間攝入去上菜外, 我覺得無問題~ 但一張咁大o既長檯, 吉o左一半, 點解佢問o野都係要攝o係兩個客人中間問? 佢好鍾意俾人夾住o既感覺呀??4) 坐得房就係唔想嘈, 唔該佢唔好成日又出又入, 或者出入唔關門啦~5) 客人自己傾緊計, 佢眼定定望住客人係好無禮貌o既

佢在中環開新店，故上次halloween 跟朋友在此餐廳吃，剛坐在窗口位，望晒成條蘭桂芳。一絕啊~ 唔洗同人迫又可以感受到個氣氛! 佢的串燒好特別，在你面前點火，之後佢俾三種醬你點來吃~ 仲有俄羅斯人又唱又跳俾你睇。佢的甜品青蘋果雪芭都好好味~

今晚一家人黎食晚飯. 可能係星期五o既關係啦, 全場爆滿, 好彩一早有book檯, 所以唔駛等位. 我地叫左:1) 鵝肝醬煙鴨胸配香脆麵包-- 爸媽想試, 所以叫左. 我無試到, 佢地話okay.2) 俄式麵包(磨菇) -- 今次比上次細個, 餡好多, 亦都好好味, 但係皮太薄, 焗到乾晒, 退步退步!3) 海鮮串燒-- 由於無乜加調味料, 所以食前落d鹽同胡椒粉會帶出鮮味, 好味d!4) 俄式牛柳絲配飯-- 我覺得唔錯, 但係家姐嫌佢有陣牛羶味喎!食完之後就係我熱切期待o既甜品啦! 上次o既russian pudding令我念念不忘, 今日o係我大力推谷下, 我地叫左三客, 爸媽share一客, 我同家姐一人一客. 真係好好味呀! 佢令我地o既晚餐有完美o既句號!p.s.現場表演o既音樂聲好大聲, 幾嘈, 唔o岩想傾計o既人去.

尋日同朋友一行五人去左呢度食飯.呢度既環境都唔錯, 一邊係餐廳既裝修, 而另一邊係好有農村感覺既長木凳, 整間鋪頭既燈光都偏暗, 而且一陣有歌手表演, 到稍後時間仲會行到每張檯同客人一齊演奏.若果唔鍾意熱鬧同埋嘈既環境就唔好去啦, 因為完全聽唔到人地講野架.食物方面, 我地點左九樣野.1 ) 五個唔同既麵包2 ) 芝士焗大蝦菠菜3 ) 鱘龍魚湯4 ) 羅宋牛尾湯5 ) 南瓜忌廉湯6 ) 俄式奄列7 ) 基輔炸雞卷8 ) 串燒什錦9 ) 鵝肝醬煙鴨胸麵包都幾軟熟, 不過裏面既肉碎或者草菇都只係一般, 整體都只屬普通.芝士焗大蝦菠菜既味道唔錯, 可以話係全晚最好食既一味, 雖然用左芝士焗, 但係就無話漏既感覺, 再加埋菠菜整得好入味. 正~~三個湯方面, 鱘龍魚湯太腥同埋鹹, 所以係最唔好飲ge; 羅宋牛尾湯只係一般, 同一般羅宋湯無乜分別, 只係多左少少既牛肉絲; 而南瓜忌廉湯就比一般忌廉湯為稀, 但係南瓜既咪道反而令到成碗湯好甜, 可以一試.俄式奄列用一個好似pizza hut 裝pizza咁既兜裝住,同一般食開既好唔同, 反而比較似蒸肉餅. 而味道亦只係一般.而基輔炸雞卷就只係將雞肉

未食過俄國菜, 因為朋友生日, 便去試試(2 Sep 04)。但如果想過個熱鬧的生日, 不為一個好提意; 但如果想傾偈, 真係太嘈了, 我還被突然經過的表演者, 的樂器聲嚇了一跳! 講番食物方面:Russian Bread - 菠菜包, 同蘑菇包, 沒什麼特別好食, 真係如平時麵包店賣的差唔多, 只是皮薄D, 仲要賣成$15一個!!蟹肉什麼pancake, 食唔出有蟹肉味, 似罐頭吞拿魚味多D, 而pancake皮幾軟菠菜煙肉雲吞, 用菠菜汁做皮, 餡是薯蓉及煙肉粹, 雲吞面淋上酸忌廉, 都幾好味麵包焗鴨Duck Stew –器皿面包住類似焗脆了的麥包? 略嫌un了點, 內裡有四個鴨脾&一點薯仔, 另外配一小碟飯, 那碟飯本身已很好味, 再淋D鴨汁, 更是match!串燒春雞Chicken Shashlik –真是成隻春雞, 分了四件一串過來燒, 味道比快餐店的入味, 肉, 燒得很洽當, 不會覺”鞋”口, 甜品當然試了各食評推介的Russian Pudding, 其實味道就如鮮奶布甸, 外圍包了鬆脆的手指餅, 只是那個士多啤梨, 藍梅汁做得很出色本人反而覺得那個燉蛋Cream Brul

上次去過一次、覺得牛尾湯非常的好喝、湯内還有些溶了一半的芝士、配合得非常好。還有印象較深的就是菠菜芝士焗帶子、味道不會太濃。還有那個天使麵、好好吃。當然不少得最後的甜品、最好吃的是它們的布丁、很香、很滑。除了食物外、其實氣氛都非常之好、有Live Band、歌聲優美、非常動聽、很有俄羅斯的感覺。而且Staff的態度非常之親切。希望大家會去試試看！！！

老同學一個即興電話要食俄羅斯菜，隨即想起四件：紅湯、波波夫、俄羅斯妹、俄羅斯方塊。可想而知，對俄菜有幾多認知啦！胡亂地點左什麼甘荀雜菜包、豬肉洋蔥、菠菜雞肉班戟（即其他食評所寫ｏ既可能出面幾蚊雞買到ｏ既包），咁叫班戟啦，至少會「裝身」一下上碟，賣相唔錯，味道都OK！麵包焗紅酒牛乜差差（太長，年紀大，記唔到）：面頭ｏ既麵包面，幾好ｏ趙下，有點近似麥包薄脆，將ｏ的汁撈飯或點包係唔錯，略嫌飯少左ｏ的唔夠點，無理由淨食，因為會好咸；豬仔肋骨串燒：果然見識到「熄熄燈拍拍手火光烈焰」一式喎。真係幾香，食得過，但我反而鍾意食佢ｏ的薯蛋。Russian pudding：無介紹錯，真係好好味，一定要試，最鍾意底下ｏ的草莓，帶點酒，正。噱頭：一．賣點係兩位民族裝live musician，無疑氣氛係好bright好cheerful（生日不妨係度唔錯），但都要講句真係好嘈，佢地隔一段時間，巡檯咁唱或者係台到唱，所以有什麼密偈、心事、談心．．．就唔好揀哩度講喇，任何一張檯無一幸免，除左VIP房。二．vodka冷藏庫，最抵死佢地提供埋fur比人著入去飲／試酒，貪新意ｏ既同學仔猛影相，而我跟華dee係潔癖情況之下

The atmosphere is great, but the food is just so-so. The barbecue dishes are over cooked.

I went there to celebrate my husband's b-day. That night is ok but serving is too slow, live music is nice, just too long the show time, make it noisy all the time. Must try the scallop, very big, one palm big! Don't order too many Russian bread, no space for other food!

昨晚一行十三人去吃晚飯,要了四個2人套餐, 及另外叫了兩個MAIN COURSES,面包：真係全場最好食, 好軟, 又多料沙津：十三個人都食唔晒, 可想有幾好味啦.餐湯：番茄湯, 普通啦天使面：水準不俗, 夠香濃，不過冇BABY BLUE咁正豬頸肉飯：好咸，唔係咁啱食仲叫左一條鮭魚, 一個薯蓉牛肉…等等, 味道都比較普通, 有乜好講呢度D食物水準真係普通啦, 不過氣氛幾好, 有D俄羅斯人係度自彈自唱,食到差唔多, D WAITER會邀請全場D人出去, 教你跳舞, 最好玩係呢PART, <氣氛好熱鬧, 個個都好HIGH, 跳得最好幾個會有奬品, 一杯細細杯o既飲料, 唔知係乜,啱啱我地有人生日, d俄羅斯歌手會走嚟唱生日歌, 仲要唱完英文之後唱中文添, 好正.服務亦不俗, 會起勢幫你換碟. 燈光昏暗同埋有d焗, 食飽後個個都好眼瞓.埋單二千幾蚊, 因為2人餐用citibank找數有七折, 平均一個人要160大元,咁多人食都要咁o既價錢都算貴啦, 玩過就算, 自己就唔會嚟啦, 假如人多都會再幫襯o既臨走時係樓下見到stephy耶…