Bakehouse

营业中

休息中

今次試咗呢間餐廳，店員態度友善值得一讚，不過食物方面就令人失望--Blue Crab Omelette索價208蚊，但蟹肉唔算新鮮，調味普通，份量偏少，加上粟米冇令整體好味咗，個人覺得唔值呢個價錢。Brioche French Toast灑滿肉桂砂糖，甜度對香港人嚟講可能過高，個柚子cream冇乜柚子味，得酸味。Hash Brown Nuggets 迷你薯餅香脆但過鹹，食完要狂飲水。 整體而言，食物質素同價錢唔成正比，味道平庸無特色，同樣預算絕對可以喺其他餐廳食到更好選擇。短期內唔會再訪，亦唔會推薦俾朋友。

最出名的酸種蛋撻，真係層層薄脆鬆化，蛋醬甜度適中，即使放凍咗亦都很好食，難怪成為必食之選，一次過食2個都唔夠喉。另外買多個士多啤梨丹麥酥，中間的吉利醬超好味，加上酸酸哋的士多啤梨兩者味道超夾，不過，$40一個係有d小貴。我去過銅鑼灣店同灣仔店，灣仔店的店員比較禮貌同有效率。

食過外賣包，想試堂食好耐。星期日諗住又排等，點知都係等咗一陣。地方雖小，但環境唔算逼夾。Yogurt同牛油果新鮮，蛋煮得啱啱好，味道幾好。麵包對我嚟講有啲硬，可能食唔慣，但係味道OK。塊牛話要五成熟，就真係五成熟，要俾like，但係黑咗啲。叫咗2杯咖啡，一杯flat white，有酸味，多氣泡，味道一般。一杯cappuccino，無酸味，味到唔錯。難道唔係同一部機沖？唔同人沖？用唔同嘅奶？定唔同一種豆？味道可以差咁遠？

灣仔開早會前梗係要搵個舒服地方食早餐，今日同同事揀咗Bakehouse。入到去有少少人排隊，但輪轉好快，冇等太耐。點咗個牛角包同一杯flat white，早餐簡單但質素高。牛角包外層酥脆唔會飛散到周圍都係，入面仲有少少牛油香，咬落鬆化，幾滿足。咖啡方面，奶泡打得滑，唔會過熱，入口順滑得嚟有啲堅果香，好正！坐位唔算多，不過氛圍好chill，有啲歐洲café感覺☕️。坐低慢慢食，一邊同同事傾下project update，一邊享受食物，開會前放鬆一下，真係幾寫意。之後仲買咗牛角包外賣返office做下午茶。Bakehouse唔係平，但質素對得住價錢，下次會再嚟試其他pastry！🥐💻

**🍳Sourdough egg tart｜酸種の華麗變身**呢個蛋撻絕對係我見過最特別嘅版本！撻皮用咗酸種麵包嘅概念，外層超級酥脆，帶少少微微嘅酸香～😍 入面嘅燉蛋滑溜到不可思議，蛋香濃郁得嚟唔會太甜，面頭仲有少少焦糖脆面！一啖咬落去，先係脆皮嘅「咔嚓」聲，跟住係燉蛋嘅綿滑，最後係焦糖嘅微苦回甘，層次豐富到令人閉眼享受～💛！**🥐Croissant｜牛油の黃金比例**一見到個蜂窩組織就知係高手出品！🐝 牛角包外皮金黃酥脆到會掉渣，入面嘅氣孔靚到似藝術品～牛油香濃得嚟唔會膩，仲帶少少蜂蜜甜香！最正係撕開時個「嘶啦」聲，同埋層層分明嘅酥皮～配埋杯咖啡簡直係完美早餐組合！☕

其實呢個食評我真係諗咗好耐寫唔寫，作為bakehouse多年顧客嘅我，以前真係好鍾意食bakehouse，但係最近真係覺得堂食嘅質素每況愈下 😵‍💫最近lunch食咗Cured Salmon Royale(2 Courses $138 + $15 = $153)1. 食物份量縮水上完菜真係俾佢個size嚇親，雖然張相睇落好大，但係其實佢只係普通方包大細，嘢食嘅份量真係俾以前細咗好多 😨恕我直言，$153真係好唔抵好懷念佢以前嘢食嘅質素 🥹附上2022年2月嚟食嘅Smoked Salmon Avocado Benedict ($158)，份量真係大好多2. Menu 選擇少咗喺cafe最常見嘅Smoked Salmon Avocado Benedict冇咗 （雖然都已經冇咗好耐），選擇冇以前咁多，而且得噃啲比較特別（偏門）嘅選擇總括嚟講，我覺得佢pastry嘅水準依然唔錯，但係堂食就真係不了 🙅🏻‍♀️

酸種麵包係我早餐嘅主要食量，我時不時都周圍食吓。今日經過bakehouse 唔算多遊客排隊，就入去買咗個原味，同埋合桃無花果味。先嗰個原味，冇乜特別，冇酸味，對我嚟講唔夠酸。跟住個合桃無花果，比原味好少少，合桃同無花果比例都還可以，但係粒粒合桃都好’益’, 唔新鮮，好可惜，食唔到落去，成個要掉。所謂好嘅麵包店，每樣材料都要有要求，呢個絕對唔合格。 唯一我覺得好嘅，就係有自動切麵包機，塊塊都切得好平均，又快。另外個酸種蛋撻，又唔明點解咁多遊客排隊。以前唔使排隊食過一兩次，還好，但文華和而家越來越多地方都有。都係留返比佢哋派啦⋯⋯

第一次來到有堂食的灣仔分店與朋友午餐。二人分別點了各自的2 courses set lunch: 這廂daily soup及mushroom tartine, 那邊leafy green salad 同 spicy chicken burger。很快上菜，目測近處賣相穩勝一籌：不規則一長片蒜蓉法包隨意又優雅地置於忌廉湯碗之上，下方主角餐湯若隱若現；主菜多種籽酸種麵包鋪滿焗至軟身的雜菇，蘑菇們閃動著橄欖油的光澤，還襯托了置頂的水波蛋，整個tartine 甚是吸睛。而對面朋友的一套，沙律雖是新鮮，還不至於很wow,；辣雞漢堡雖有層次，目測雞肉炸得火候過頭了些。忌廉餐湯有驚喜，不是普通奶油的濃厚肥膩，而是吃到有質感又綿滑的類似豆蓉（plant based），這忌廉湯竟吃出清新感來。配合多籽酸種包、蘑菇和入饌的橄欖油，兩個courses多方統一：健康、質感、豐富、平衡。多籽酸種包一如平時外賣吃到的那樣，樸實堅韌。這與本港包、日本包等完全兩個概念，若一時吃不慣或許會覺得乾硬，表皮撒滿的種籽也毫無認知中的芝麻花生之類的香味，要適應了才曉得品味。酸種包有益，可常吃。此刻酸種包配合蘑菇和水波蛋同吃，

琴日路過嗰間傳說中嘅 Bakehouse，見到門口排隊嘅人龍，唔知點解就跟住排埋一份。本嚟抱住好大期待，諗住試下嗰個出名嘅蛋撻究竟有幾好食，排咗差唔多成半個鐘先等到！一咬落個蛋撻，酥皮的確好鬆化，但蛋漿嘅味道就有啲令人失望。冇傳聞中嘅濃郁奶香同蛋香，反而有啲偏甜，食多兩口就覺得膩。個口感亦唔夠滑嫩，比起我以前食過嘅其他出色蛋撻，呢個真係差啲火候囉…🤥🤥除咗食物，店員嘅服務態度都好一般。唔似得其他餐廳咁熱情招待客人，佢哋面無表情，動作有啲慢吞吞，感覺好似唔想做嘢咁。我問佢哋有冇咩推介，都只係愛理不理咁隨便應兩句。總括嚟講，Bakehouse 呢間網紅店真係有啲名過其實😕為咗個蛋撻排隊半個鐘，最後換嚟嘅只係一般般嘅味道同唔太好嘅服務體驗，真係有啲唔抵..如果唔使排隊，可能我仲會考慮再嚟試下其他嘢，但依家咁嘅情況，除非佢哋有好大改善，否則我都唔會特登再嚟😢

新一代手信應該是Bakehouse莫屬， 竟然能吸引世界各地遊客排隊， 甚至越洋代購就是因為它，心念念的程度不下於港人對日本手信的熱情， 可以說是香港手信的代表。記得以前來灣仔Bakehouse總是大排長龍，到了後來就是內地遊客的天下， 今天下午偶然路過竟然人潮不多， 那就快刀斬亂麻買幾個蛋撻回家當下午茶。蛋撻(@$12) 作為伴手禮這價格絕對可以， 也難怪不少人會買回國當手信， 買了一盒四個蛋撻包裝非常四正。感覺BakeHouse水準如一， 酥脆多層的酥皮帶焦糖的甜香， 濃郁的蛋香也帶著焦糖甜味， 難得的是回家擱了一個下午，沒有翻熱下仍是十分美味， 能成為香港手信實在是當之無愧。近年Bakehouse開了幾間分店， 是故它沒以前那麼難買， 沒有沽名釣譽反而更加討喜， 可以一直支持下去。

一早8點過到嚟Bakehouse 食早餐諗住可以直入，點知都已經多人到要排隊等位，我排第三張，好在都係等左15分鐘左右。叫左個crushed avocado toast 同朱古力。sourdough toast 上有厚厚的牛油果蓉加粒粒牛油果肉，上面再有滿滿的 Parmesan cheese，頂再加一隻poached egg, 切開蛋汁流落toast 度，味道十分豐富。熱朱古力感覺稍甜，但係有拉花好靚。堂食最開心係蛋撻一出爐，佢會每台都問要唔要order, 保證你食到新鮮出爐嘅sourdough 蛋撻。

睇過廣告都知道係酒店大廚自己出嚟開嘅麵包舖，麵包嘅種類都好多，試過幾次買葡撻，不過都比長長嘅人龍嚇怕咗，今次撞啱一個時間嚟到冇咁多人等，但係原來買完冇得即刻拎，要之後先返嚟可以拎，葡撻味道唔錯

照例人多多又係要排隊 .... 冇辦法啦 次次都係咁， 今日都算好好彩，買到喜歡食嘅蛋撻。 唔知係咪佢哋用嘅麵粉特別 ，嗰個質感口感真係唔同，食落去 無論乜嘢 款式 都有返咁上下水準。 影咗幾幅相大家睇睇。

食過bakeHouse嘅蛋撻好多次, 每次都係外賣。今次第一次行過堂食食lunch，原來都好好味。首先第一樣係BakeHouse Breakfast 兩隻蛋可以自己揀煮法，我就揀咗要太陽蛋。煙肉唔算太鹹， 個腸係帶少少辣味配埋個蕃茄醬好夾個酸種麵包係用牛油煎過，好脆，但仍然帶少少鬆化煙靭Flat white 有靚拉花最後唔少得一定係蛋撻呢度係堂食都唔使+1 下次會再黎食lunchset 👍🏻👍🏻👍🏻👍🏻👍🏻

Bakehouse的蛋撻同牛角酥出晒名就係人都知，我自己都係常客，每次經過都總會買一些回去，還會買些回去給家人做早餐，但就未試過堂食，上星期終於抽到時間去灣仔分店，坐低感受一下呢間打卡名店的brunch。灣仔店唯一一間是有堂食的，位置唔算多，有個閣樓，風格係我喜歡的英式工業風。兩個人唔算十分肚餓，叫左一份bakehouse breakfast，有兩片脆卜卜煙肉，sausages, 車厘茄，仲有我至愛的大啡菇，再加一件ham & cheese croissant，磨菇湯，兩個人share啱啱好。Bakehouse始終係主打pastries，咖啡飲品只係陪襯品，叫左一杯flat white，無期望之下竟然水準都幾唔錯，為呢餐畫上完美句號。臨走時當然要買些手信回去啦，今次買左Strawberry Vanilla Danish同Sourdough Egg Tart各一件返去比屋企人做下午茶，拎到返屋企都仲有少少温度，所有包類都是一如既往地好食😋，👍🏻👍🏻👍🏻