BAKE Cheese Tart (已搬遷) 新店位置

根本無可能出現太長人龍的芝士tart…太誇張喇! 現在人氣已經回落~聽聞高峰要排上幾個鐘頭先可以一嚐滋味, 太浮誇喇!朋友經過CWB送我半打芝士tart, 如果要為此tart浪費幾個鐘的人生, 倒不如飛一轉東京更實在吧!芝士tart有三種建議食法, 常溫食、熱食、凍食! 三種各有滋味~常溫食, 味道沒什麼驚人之處, 略嫌芝士味不夠濃, 質感亦不夠實在, 沒有流心之特寫, 普通得好緊要吧。熱食, 擺入微波爐叮一叮, 味道更香, 色澤更吸引。只要輕輕咬開, 嘩! 真係超級流心! 效果就如網上相片一樣都幾震撼! 但味道上都係唔夠芝士味! 其實都幾漏。凍食, 反而係最驚喜! 更加易入口, 好似食甜品一樣, 芝士更滑, 反而一啲都唔漏!試過就算, 要排長龍就免喇~

由細到大都喜歡食撻，近排大熱既半熟芝士撻點可以錯過。排得耐就一定架啦，最難忍都係排排下急尿，好在一早已經解決左先排。芝士撻好似手掌心咁大個，中間芝士部份微微隆起，我忍唔住一口咬左半個，嘩，中間既流心芝士熱到個咀呀，只怪自己太心急。芝士香味標晒出黎，黃色芝士慢慢留出黎，好香好軟滑呀，結果用條舌頭撩晒芝士，個皮都係類似油皮底，我有點後悔早知買多幾件，無理由再排過掛。

期待已久既芝士撻終於食到, SOGO感謝日去掃貨, 順便睇下龍尾去到邊, 最奇怪係搵唔到, 原來改變以往排法, 今法係排去後樓梯, 之後會有店員過嚟派飛仔, 其後憑飛仔再前往購買. 初頭保安姨姨話排20-30分鐘就買到, 諗住排一陣就照排啦, 點知到最後只需排5分鐘就買到, 係好彩定熱潮己過呢???第一口咬落去既感覺係... 點解唔熱既??? 新鮮出爐竟然係和暖, 同我諗既熱辣辣係兩回事, 幸好味道係good同creamy, $20一個都算值, 下次經過我都會再買嚟食, 希望下次果d會熱d啦.

本身特登去sogo排隊試，見到d tart排哂係門口好靚就滿心期待，可惜咬落口完全唔熱，凍冰冰，一點新鮮既感覺都無，似普通蛋tart仲好食d，排完食完先發現得名氣，非常失望呢😞😞😞😞

終於都食到Bake既芝士撻啦 之前因為唔想浪費時間心機去排個幾兩個鐘隊所以無去食～而家趁熱潮退左少少少少少就的起心肝去排下隊 可能平日12點半既緣故，排左半個鐘就買到啦✌️ 買左6個之後迫不及待咁係常溫既情況下食 芝士香真係非常之濃郁！！3種芝士（北海道函館輕味芝士、別海濃味芝士、法國鹽味忌廉芝士）而成果然非同凡響而且外皮都好鬆脆好香牛油味！一咬開軟滑既芝士呈流心狀態，實在太正啦 聽聞有4個食法：雪櫃雪凍、冰箱、翻焗、常溫，我試左當中既3款！最後結論就係翻焗後熱辣辣流心效果更顯著 常溫都有流心但無咁勁，而雪櫃雪凍就好似變左食cheese cake咁，無咩太特別

芝士撻 $20好食指數: 4.5/5抵食指數: 3.9/5呢間芝士撻 日日都排隊排到死芝士撻熱潮減退左少少 先可以去到朝聖 芝士真係香好多😍 而且流心很好緊要撻皮係佢先做到咁實淨香脆真係抵佢有咁多人排隊👍🏻

連續一星期買左3次!每次一半打($110/6, $20/個)!點解?因為要將最好同大家分享!第一次排了40分鐘,之後兩次都係20分鐘到!呢個蛋撻不只CHEESE味香而且皮脆,食過返尋味,令我一買再買,將修身忘記得一乾二淨!幾個鐘後係室溫再食依然味美! 放入雪櫃再拎出來微微焗熱,仍覺美味!最初食CHEESE TART先試半熟工房, 無下次之餘, 依家食芝士撻我只介紹BAKE! 

星期六約左好友K.G.G.係銅鑼灣食晏見時間尚早，去左Sogo地庫行，一轉彎就見到Bake, 啲半熟芝士撻靚靚仔仔，買件做飯前甜品都好喎 跟住指示，行到去走火通道位置"排隊"。已有十多人等候中，排左15分鐘就買到喇 買左二件，同K.G.G.一人一件 佢未到，自隊一件先 嘩~ 好~ 好~ 味~ 呀~ 曲奇撻皮，非常非常非常香脆脆脆 呢種口感就係曲奇皮焗過二次嘅神功效喇 半熟芝士不是流心狀態，但味道香滑可口，甜而不漏 件半熟芝士撻只係室温，如果熱返啲，會仲 食完一件，太好味喇 忍唔住要食埋買比K.G.G.果件，二件到肚後，滿足晒

last day那天 非常幸運, 資深同事請了我吃一個流心芝士撻,萬分雀躍看外形 撻的表面的漲漲的, 而且邊皮也是不均勻,沒什麼特別! 但真的不要看表面, 內裡卻是充滿芝士的, 你咬一下,濃濃的芝士就湧了出來, 配搭着脆脆的外邊, 真的是一大享受!賣20蚊一個也是非常合理的, 能夠食到真幸運呢

開業一段時間才來光顧，諗住唔洗排咁耐，點知都排左1.5小時見到一個個漲卜卜，已經流口水喇！咁辛苦先買到，當然買夠12個啦同朋友分享~~~包裝精美，紙袋同盒一set的，仲附有卡片同芝士撻既簡介添~用焗爐輕微加熱後，流心效果很好！除了芝士香，也富有奶香，聽說芝士餡是由兩款不同既日本芝士製作而成，難怪芝味特別香濃~曲奇撻皮比較厚硬，不夠鬆化~簡介卡有介紹可冷藏冰格後吃，試過冷藏後芝士餡質感像 new York cheesecake, 芝味更香濃，不錯吃！冷熱吃各有風味呢。

BAKE CHEESE TART位於銅鑼灣SOGO地庫幸好只是排咗十幾分鐘，終於買到來自日本bake 的半熟流心芝士撻，每人最多可以買到12個，每個是$20，不過半打就只是$110。我一口氣當然買走了12個啦!! 總共$220! 如果將它翻熱來食，香噴噴已經好有澎湃流心的狀態，芝士味相當濃郁，聽聞有三種濃淡芝士混入，包括北海道函館產輕味芝士、法國產鹽味忌廉芝士和別海產濃味芝士。芝士的鹹香都好突出!如果品嚐室溫的芝士撻，芝士的質地果然似食軟身的芝士餅，吃起來十分香滑creamy又晤會太甜膩，曲奇餅撻皮仍然脆口且富牛油香，難怪可以吸引不少fans來光顧。

上個月，同事個朋友出開銅鑼灣，經過 Sogo 地庫，順道幫她買 BAKE CHEESE TART 的名物流心芝士撻！ 我們有口福嘞！她朋友平日中午排了 45 分鐘便買到了！$20/個  $110/6件 (每人只限買 12 件！)流心芝士撻這個人氣流心芝士撻個子的骰！軟心芝士餡料由三種芝士配搭而成，當中包括北海道函館產輕味芝士、別海產濃味芝士及法國產鹽味忌廉芝士，芝味香濃！散發芝士香之餘，半溶狀態的流心芝士餡入口即溶，撻身鬆化香口！芝味無窮又不膩！

星期日早上十點到，人唔算好多，大概排左20分鐘就買到。拿葛時候係溫溫地，咬落去係酸酸地葛忌廉芝士味，芝士味好濃，撻皮好似曲奇，夠硬，牛油味都幾香。不過流心程度就麻麻，一個都幾細。值唔值得排長隊就見人見智啦。

Decided to bite the bullet and lined up after work last night since I was surprised they still had stock. I remembered in the beginning they would be all sold out by afternoon. Took about an hour or so and you can buy up to a dozen now at HK$20 for 1 or $110 for 6. You can eat the BAKE cheese tarts in a few ways like hot, cold or frozen but I liked it hot the most with a deliciously cheesy molten center! Just popped it in the oven at 180C for 4-5 minutes and it was good as new. Eating it frozen

早前食過一次，念念不忘，食完晏一於買幾個返屋企，平日一點多排左廿分鐘左右就買到喇。我買左三件，個紙袋有啲狼狽，我問店員有無紙袋可以俾我，可能佢地做得太耐重覆性工作，連野都廢事講，就咁耍手擰頭連眼神接觸都唔知有無，從別人口中先得知原來買三件以上先有盒有手挽袋。上次試室溫芝士撻係軟滑口感，酸味出，芝士味都香，今次試新食法，將芝士撻放入冰格雪硬，品嚐另一風味。雪硬之後樣貌無分別，但成個感受係完全唔同！首先芝士撻個撻變得好脆，而芝士餡味道亦都改變左，酸味唔見晒但芝士味 condensed 到係室溫食法既幾倍。跟住口感又係截然不同，軟滑口感變成好似 New York cheesecake 實實地咁更為充實，咬開好似雪糕咁一層層。經此一役發現原來雪硬食係禁鬼正，有機會再試埋其他食法！