Baan Phadthai (已結業)

📍HONG KONG 📍#燒豬頸肉炒金邊粉金邊粉勁煙韌帶少少酸，未落辣粉就已經辣辣地不過粉煙韌到太過火🫣豬頸肉都係偏甜口味，都算入味，又無話好乾。就係食到落底油左少少 但我重可以接受嘅🫠雖然佢係個粉個底度放d豆乾黎遮掩佢份量少🫠#海南雞半隻黎講我覺得細隻左d少少🥹 D雞皮重勁厚 好唔好就睇你口味喇😂都勉強可以叫做滑嘅 但有渣 重有少少硬🤦🏻‍♀️雞入面好紅 不過問左佢話係咁🥹如果為左泰國本店米芝連推介就可以唔洗黎🤣問多2句隻雞比2個人一齊解釋完重見到佢地一轉彎就密密傾，感覺就真係唔好囉。___________________________________#燒豬頸肉炒金邊粉💰HKD : 88#海南雞(半隻)💰HKD : 120

嗌左個燒豬頸肉炒金邊粉啲粉係靭既，好難咬開，食落好似食緊橡膠咁，食完un住個胃，個粉落左好多油去炒，但都仲係炒到痴埋一舊舊之於個飯，啲飯又硬又凍，斷估係隔夜飯又冇落水叮埋單每人都要100，極度不推介

之前同屋企人，食過一次晚餐都ok豬頸肉金邊粉 咖哩軟殼蟹 海南雞飯 晚餐黎講都ok今次lunch 試肉碎煎蛋飯質素就好麻麻啲肉碎超鹹基本上淨係食咗隻蛋加少少汁撈埋啲飯最後大半肉碎都冇食因為真係超鹹頂唔順， 食到中途 ，要影相做食評冇嘢飲，加埋一，要70蚊有點貴同埋我想講，佢個帶位真係過份高級明明lunch時間,入面都有5-6張吉枱出面又有好幾個number等緊佢都要逐個number叫然後帶位入去，放低餐具餐牌咁又唔係快喎帶位嘅得一個 ， 仲做埋reception 搞一輪，先出返嚟，叫第二個其實佢可以叫曬幾個number然後叫人入曬去先先慢慢放低餐具可能慣咗隔離itamama 個方式係咁指指隻手入去，其實啲人都識入去邊個位e家就真係好似法國餐廳咁,帶到你去個位度，然後放低餐具同餐牌， 係高級啲嘅，但係就慢好多囉， 值唔值就真係見仁見智同埋佢個餐牌喺ipad， 但係得個睇字，冇得ipad點餐， 點餐就要舉手同waiter講咁佢個ipad要嚟做咩呢？點解唔用返個纸餐牌呢？真係拗曬頭.

諗住有消費券就嚟試吓新開嘅泰國餐廳。唔知點解覺得坑口特別多伏嘢，但佢講到話米之蓮推介乜乜乜，就對佢期望高咗啲。總共食咗四樣嘢，全部都好普通🙃甚至係難食。冬陰功味道中規中矩，但係落咗好多辣油（明明話係小辣），飲落去就係死辣，搞到我同屋企人飲完之後都胃痛😇😇😇鮮菠蘿炒飯，第一次見泰式炒飯要自己組裝💩，唔通呢度係IKXX?啲材料擺晒係側邊唔知做乜，要自己撈勻先食，根本就唔係炒飯。個飯一啲味都冇，仲要炒到一pat pat🤮🤢，唔係粒粒分明無骨海南雞飯，超級普通，啲雞又唔係特別好食， 性價比低。燒豬頸肉炒金邊粉，成餐唯一最好食嘅嘢係燒豬頸肉，雖然冇乜豬肉味，但有啲人可能會鍾意。啲金邊粉咬落去好似有啲生嘅感覺。總之就係性價比低，裝修係幾靚嘅😂最後埋單居然淨係可以俾現金同碌卡，錯晒🫠

見屋企留下新開左間餐廳 咁就同fd去試下啦 我地各自叫左個午餐 佢叫金邊粉 我就叫海南雞飯咁我個餐黎先嘅 一見到 哇 啲雞肉少得可憐 得4舊 但係飯就比左一大碗 同埋野飲嘅分量都少得誇張 一杯有半杯都係冰 個杯仲要係矮杯我fd個餐黎到 一望落去好似好多咁啦點知一撩開個低佢地用啲豆腐粒放係下面等個粉望落去多啲我覺得份量少都算但起碼價錢要對得起個分量啦一個餐$68再加一 埋單都要70幾野食又唔係話好食份量又少我諗唔到仲有咩原因要令我去食第二次

滿心歡喜知道開了間泰國餐廳，仲要以米芝蓮招徠，諗住生日近近地去試吓啦，點知一入去個格局已經似快餐店，店員放了個iPad menu在枱上，我真的不敢按下去，個mon好似被一層嘢包住，要用濕紙巾抹完先敢用，太污糟啦😩，看完餐牌，吓…..連咖喱炒蟹都沒有，點叫做泰國餐廳呀，在沒有太多選擇之下，叫了蟹肉金邊粉及其他小食，來到又是另一個驚嚇，仲以為叫左個前菜添，碟粉嘅份量少到無朋友，蟹肉差啲都見唔到，但價錢又唔係平，坐低左半個鐘就好似想趕你走咁，一定無下次囉😠

東港城又有新餐廳 ～ Baan phadthai✨，位於將軍澳坑口重華路8號東港城1樓187A及187B號舖。 泰國過江龍首次衝出泰國就在觀塘APM food court， 好開心坑口都有分店了🤩。 店內裝修顏色以藍白色為主， 今次就點了燒豬頸肉炒金邊粉$88、 泰式豬手飯$78、 炸春捲$58、 泰式奶茶$30、白咖啡$28。🔹泰式豬手飯🍛 ～ 豬手好入味， 質感軟腍😋， 加上鹹酸菜，拌飯真是一流。 🔹燒豬頸肉炒金邊粉🍝 ～ 豬頸肉燒得好香有肉汁又爽彈， 炒金邊粉鑊氣十足，用懷舊搪瓷大盤盛載， 外觀精美，味道正宗👍🏻。 🔹炸春捲🫔 ～ 一碟又五條， 香脆好味。 🔹泰式奶茶🥤 ～ 甜甜的泰式風味，是正宗的泰式奶茶風味。 🔹白咖啡🥤 ～ 厚重咖啡口感， 非常濃郁。 整體味道不錯， 下次想試下這裏的芒果糯米飯😊。 🏷️溫馨提示～ 整個用餐體驗均屬個人分享意見， 只作參考😊。

東港城商場內新開張的泰國餐廳，開張前的宣傳說位於泰國的本店是米芝連推介。午市有套餐Menu，不算太貴，但比觀塘APM同店價錢略高。跟餐飲品要加12-18HKD，再加一，平均每人約110HKD。這次點了：無骨海南雞飯套餐，轉脾。油飯。燒豬頸肉炒金邊粉。凍泰式奶茶。青檸梳打。整體評價：以這價錢來說，不過不失。不要帶著米芝連的高期望，還是ok的。———————————————海南雞算是不俗，值這個價，特別是油飯調味剛好又不太油。金邊粉合理水準。調味粉有點辣，小心點別加太多。奶茶差了一點茶味。

下午茶時間入左去，因為未好肚餓，點左個炸芋絲雞翼，上飲品時可樂另配一杯冰，覺得有驚喜，後來左個雞翼，有3隻1 開2, 但就好細隻，再睇下d 芋絲，真係絲黎，一食"益"既，而且份量好少，隻碟都已經好靚其實真係唔需要d 芋絲伴碟，食完個餐一陣風咁。真係靠杯可樂頂住先叫食左d 野。連加一$55來講，一d 都唔抵食。下午茶其他餐未食過，見都有粉面 飯餐，但絕不建議炸雞翼餐。唯一可取既係餐廳環境唔錯，座位闊落，坐得舒服。