b.o.t.h. by Texas Burger

营业中

休息中

同朋友4人在平日星期三約會食飯，見到餐廳環境舒適及地方闊落，便入去試試. 唔講食物質素，每人口味不同，唔講員工服務，每人接受程度不同.一入座坐低，員工就同我哋講每人最低消費$80，先說明 好的，清楚明白呢一點，點歺時，亦見到QR code 點歺紙上已列明繁忙時間用餐90分鐘，好亦清楚明白，相信呢啲都係餐廳人流管制想接多啲客嘅制度，我和朋友二人約5:38先入座，當時只見有三分之一嘅入坐率，我們已先叫一個set,其餘兩位朋友大概6:20才到達，再叫兩個set,大約7:00亦見入坐率不高，還剩下六、七張枱沒有人坐，門口當然亦沒有人等位，亦不覺得有booking枱入坐情況，根本就市度淡靜，還剩很多吉枱，其實兩位朋友未黎時，職員亦有催促我哋會否再點餐，我話唔好意思，等齊人到才再點好嗎！ 其實我見餐廳入座率不高，諗住不影響餐廳番枱做生意，可以舒舒服服同朋友傾偈詳談慢慢食，殊不知我們都沒有叫埋單，職員就出咗單據，要求我們結帳. 想叫多個甜品食都唔洗啦！感覺是不良好的！明白餐廳老闆可能提出有些制度，叫員工對食客有所實行，準時90分鐘交枱，雖然我們都可能超出咗時間，但希望環境許可下及人流不多時，可以讓食

星期五晚約左三五知己共聚談心，搵間坐得舒服環境優美的餐廳食飯，最後search OpenRice 就搵倒呢間西式餐廳，決定黎試試佢！首先，餐廳嘅環境都幾舒服，感覺好高尚🥰🥰🥰不過略嫌待應反應慢左啲😹😹（可能我個人心急？😂）成日要舉手催佢比餐具🍴我🥱🥱我哋點咗個漢堡包，味道係還可以嘅，不過份量真係細咗啲，個包對我黎講好細份。女仔細食應該ok ，男仔應該唔夠食。個pizza 略嫌細份左啲，有啲失望，味道普通餐廳開到九點就關門，要轉場食糖水先可以延續夜繽紛😂

在香港要尋找美味的手工漢堡飽餐廳，其實也真有不少的選擇 🔥 但想要講求餐廳環境好、坐得舒服；食物品質高而美味之餘更想要「性價比」的就有點難度 💦 「B.o.t.h」是我最近時常光顧的新「飯堂」🌻 ✔️ 一人「有善」坐位✔️ 餐廳環境舒適；半露天設計✔️ 假期也有提供「下午茶」及中午套餐✔️ 主打手工漢堡，店内另有提供Impossible 植物肉漢堡，讓素食者也能大飽口福 🍔✔️ 「青醬雞胸肉芝士漢堡」 雞胸肉質腍嫩；配搭秘製醬汁食感極具層次 🍔✔️ 薯條熱辣辣；外脆內軟 🍟✔️ 午市套餐「青醬雞胸肉漢堡」 $68連飲品；薯條要另+$25

31/08/2024第一次到這家餐廳晚飯，怕星期六人多，所以一早係 OpenRice 訂枱！當我去到餐廳，職員係完全無視咗我呢個訂枱，但都算，職員都即是安排座位俾我！當入座後，職員係完全冇提過我有用膳時間！咁我就如常餐，係用餐期間，全程啲職員都只企係水吧枱前高談闊論，隨咗送餐外，基本上可話完全無服務可言！而整個過程最氣憤嘅事就係，我同朋友傾談期間，突然有個女職員拎住張單同信用卡機行埋枱，豪不客氣、直接了當講一句：夠鐘交枱、唔該買單！其實呢句說話真係難聽過粗口！真係無諗過現時呢個環境，可以有咁嘅工作態度！

今日同同事諗住試吓，聽聞係唔錯係！嘢食的確係唔錯嘅，但係服務真係好差特別係有位年紀比較大嘅男侍應，明明餐具俾小左一份我唔係我錯，叫佢俾多支叉我，佢居然比一個stop嘅手勢我跟住大大聲講<等等啦！>俾支叉我嘅時候仲要我對面啲同事中間隊過嚟仲要講<拿!>本身都算啦，諗住可能人地真係忙呢(全場得4枱客人全部食緊野無野等緊)事情真係接踵而來㗎，快快脆脆食完返工，點知當我行出近門口叫埋單，男侍應大大叫<返去坐得㗎啦！>我話<但係我有啲趕時間>(我肯定我係有禮貌)男侍應大大叫<你返去坐就得㗎啦，唔使出㗎囉！個收銀喺後面>作為一個客人又點會知道個收銀係後面嘅呢？真係唔明嗰位男侍應係咩心態返工？另外其他店員都好好好幫手，食品落枱都有講係咩嚟至於大家幫唔幫襯就自己諗吓啦！

今次偶然到訪荃灣廣場，正想與好友找個地方享用下午茶時光，發現了這間餐廳。雖然餐廳所提供的食物和飲品沒有特別驚喜，但其用餐環境舒適，適合與朋友一同放鬆享受下午茶時光。▪️ Egg Benedict - $98這份 Egg Benedict 與一般不同的是，底下夾有一塊薯餅。薯餅的味道比較清淡，蛋和英式鬆餅之間的煙肉配料融合得不錯▪️ Cold Espresso Tonic - $50這款飲品是一杯冰鎮的 Espresso Tonic。點單後，需要自行在杯中加入 Tonic 水，趁著炎熱的夏日，享用這款解渴提神的飲品，再適合不過了。

作為荃灣街坊基本上差不多荃灣嘅burger店都試過， 一直都想嚟試試這間burger，事前有做功課見openrice食評對這間店好壞參半，但我抱著一試便知嘅心態去佢試試。雖然餐廳帶位有啲問題，冇飛派但又冇明確嘅排位線，所以便隨便排。 坐下我便叫chicken burger加錢要餐湯跟薯條，餐飲如不另加錢的話便係凍蘋果茶，總數係$108。chicken burger餡料豐富 ，雞扒不是很厚係雞胸但煮得超嫩，burger醬汁不是很多，但burger啲包係軟身的， 烘完也不會很脆有點淋。 雖然個包本身不對我胃口， 但我超like個雞扒超嫩口。 他們的薯條是超幼身比麥當勞還要幼，色比較深但不是很脆，我覺得麻麻地。餐湯係蘑菇湯，味道ok。 整體來講，因為抵食和嫩嫩雞扒，我會再到訪。

翻頭再食系列BOTH by Texas Burger上次兩個人食lunch已覺又抵又好食今次班多三條友再戰晚餐半隻鴨上碟樣好乾柴原來鴨不可以貌相佢係全晚MVP片酥脆肉鮮嫩juicy驚喜到不得了豬鞍又係好得扒好厚切開見白色以為會硬實同乾點知又係肉嫩爽口海鮮意粉好多海鮮Pizza係手工即製個底極酥脆又煙韌再加兩個小食黑松露薯條大人細路都讚好小朋友食到攬住成碟要獨食炸池魚乾脆香口但唔柴Dinner set仲包飲品本來計劃咗安歌抹茶麻糬疏乎厘布甸但後來太飽決定放棄四大一小dinner食飽飽心滿意又坐得舒服你估下埋單幾多錢？開估……七百大元即係一人二百都唔駛大家都感心興奮💛

訂左位食飯 去到冇枱要等一陣唔緊要到有枱竟然唔係比訂左位嘅客人入返先 係咁放排隊嘅人入去到終於有得入 坐係個位到啲風係咁吹住個頭 叫餐廳閂細啲啲風 會同你講閂左其他位會好熱 咁不如換位啦 又話啲位要留比訂左枱嘅客人（有留位比訂枱 咁點解頭先要我係門口等）呢啲都算 個落單qr code 有問題 搵侍應幫手就會換個個code 換到第三次之後叫餐廳人手落單 都仲叫我試多次個qr code先餐廳仲會漏單…..雖然食物都係正常 但係比錢買難受絕對唔會有下一次

每次經過荃灣廣場，就會想起呢間Cafe嘅鴨，唔知點解佢可以令我朝思暮想。今日我又特登過嚟搵鴨😅。🥣 忌廉南瓜湯配香蒜牛油包忌廉南瓜湯的口感幼滑香甜、奶香濃郁配埋香濃嘅蒜蓉牛油包，絕對係perfect match。🍽️ 法式慢煮五香脆皮焗鴨慢煮可以令到鴨肉保持住一種軟嫩同埋多汁，另外用咗五種香料去調味，呢啲香料嘅味道都深深滲入鴨肉中，使到佢嘅味道好豐富，另外鴨皮又焗到好脆口，鴨肉嘅嫩同鴨皮嘅脆配合得非常好。☕️ Hazelnut Latte飲落去有好明顯嘅榛子香味，呢種香甜味同咖啡嘅微苦配搭得剛剛好。

收工🌇黎到荃灣廣場，其實都未諗定想食咩🙈。行下行下見到呢間餐廳門外大排長龍，入面滿座，雖然未食過，但估到應該唔會差🤔，加上望落整體環境好舒服好有氣氛，所以我地都跟住一齊排隊，等左三張枱大概十零分鐘就入得去坐。🤗🤗就咁掃掃個餐牌，有幾款主食🍽跟餐再加埋一 都可以💯蚊有找，價錢的確相當實惠吸引⭐️⭐️先上甘荀餐湯🥕同香蒜牛油包🍞， 食到餐湯有少少薑汁味，即刻打開味蕾。個包係微溫，食落幾有口感。冬陰功燒蝦意粉🍝-有4隻大蝦🦐, 味道唔錯法式慢煮焗鴨（半隻）🍗🍖-鴨肉醃得幾入味,焗得剛剛好,好似食緊炸乳鴨咁,再配上青檸🍋和醬汁, 好match!芝士松露薯條🍟-少少鹹卜卜脆！一路食都見到出面仲有客人排隊入座，店員係8點半左右同每一枱客人交待會截單，我就偷偷地掃qr code 落左個梳乎里pancake🍰 同朋友慶生，雖然無得加祝福字句，但店員好細心插左生日牌同蠟燭🎂，朋友見到收到十分之驚喜！🍭

叫咗個三文魚青醬意粉同一個pizza,個意粉完全唔似青醬，個味好似茶餐廳中式意粉咁，唔好食⋯個pizza就好少料，平均cut開每塊都唔夠3粒料，好似齋咬pizza皮咁，冇味唔好食。Btw店員服務態度都唔太好，好hea好似想打發人走咗，入到去要個2人枱，問完話冇book枱就求其指咗張門口位嘅枱比我地，咩都冇講就走咗⋯好似事不關己咁加咗$15要一份餐湯同蒜蓉包，上到嚟得一粒提子切包嘅尾尾😂😂，連一片蒜蓉包都冇，我同男朋友仲以為上錯咗，見隔離枱都望住個餐包面面相覷先知真係得一粒⋯😂

食物是OK，但是服務就不敢恭維，過程是這樣的：點了個餐之後，餐裏叫了熱飲，但送凍飲過來。另外兩個餐之中，其中一個餐先到，另外一個餐足足接近一個鐘都未到，期間問了職員三次，他們都是敷衍了事，最後唔等埋單，我直接問他們的員工為什麼要等那麼久？他說星期六日及公眾假期是這樣。一句唔好意思都冇，即是你去餐廳，等是應該的，其實當時現場只有六七成客人，一個餐都要等那麼久。現在這樣的服務態度，真是我都不會再去光顧了。

今日happy Friday，同同事一齊來食lunch，我就叫左半份all day，同事就要左全份，再加份黑松露薯條🍟，味道都OK，但唔知點解條腸係一d味都無薯條好好味服務態度都OK啦，唔熱情，唔黑面

最近去咗呢間burger餐廳食lunch，餐廳環境好舒服，除咗burger 之外都仲有其他意粉同all day breakfast 嘅選擇🫶🏻 🍝椰香冬陰功燒蝦雞肉意粉 $125意粉賣相幾靚，而且冬陰功味好香濃，意粉texture 岩岩好，配料蝦同雞肉份量都唔少☺️🍔意大利青醬雞胸煙肉漢堡 $68呢個好有驚喜，雞胸肉比想像中嫩滑，而且有啲炭燒grill 嘅香味，漢堡包唔會好乾身😋 加埋青醬同煙肉唔錯，仲要比起一般嘅牛肉burger健康啲🥰📍b.o.t.h. by Texas Burger 🍽️ 8.2/10