b.o.t.h By Texas Burger

营业中

休息中

在德福二期 看到 新店開張 門口擺放著靚靚花牌 🥳🥳🥳新裝修呈工業風一於入去試下先水泥牆上 畫上特色壁畫店內開揚整齊清潔 座位舒適服務員有笑容有禮貌，勤快。很喜歡❤️ #自助下單 形式圖文並茂可以慢慢睇慢慢揀✅先來金黃色 #南瓜湯口感綿綿, 加左少少薑粒帶點微辣暖胃，有驚喜✅#招牌漢堡套餐#德州燒烤牛肉漢堡（＋50）配炸薯條🍟 + 飲品🍹：漢堡包鬆厚外脆帶甜味餡料有煙肉🥓脆口漢堡扒充滿肉汁🤤醬汁調味微咸中帶點甜足料，大滿足😍✅長長嘅 #薯條🍟 未食先興奮唔會炸到油膩 外脆香口✅#榛子拿鐵☕靚靚拉花，又香又滑✅#青蕃茄鯕鰍魚柳🐟精選魚柳 色香美味俱全嫩滑可口火喉夠 唔會老多色配菜 🍅🥦先滿足視覺享受全部均有調味香煎， 配料用心 健康又好味

好耐冇去過德福二期上面 呢晚喺九龍灣行行吓見到呢間應該係新開嘅餐廳 門口仲擺住花牌 見門面都幾靚就入咗去😂入咗先發現原來呢間同朗豪坊頂層對住legoland嗰間係同一間burger店嚟🤣經過咗佢咁多次 估唔到第一次食係喺九龍灣分店🤭店內使用QRcode落單 店員都好nice好有禮貌😄🥪墨西哥手撕豬肉三文治 💰88三文治烘得好脆 表面金黃色 而且好香牛油味😋手撕豬肉唔乾唔嚡 用特製醬汁醃製過 有啲辣辣哋又甜甜哋 就算平時唔食辣嘅朋友都完全接受到👍🏻中間除咗基本嘅生菜同芝士 仲夾咗炸豬皮 口感爽爽哋 配搭三文治幾特別😚伴碟配菜有洋蔥 醃青瓜 酸酸甜甜 幾好味🤤🍔德州燒烤牛肉漢堡 💰88漢堡麵包好鬆軟 配上自家製BBQ汁 味道濃郁 牛肉juicy 炸洋蔥圈&炸煙肉增加口感🍽️套餐 💰+50/set每個包都可以加50轉套餐 跟餐有餐湯+餐包+薯條+精選飲品(轉其他飲品要補錢)🥣南瓜湯加薑蓉 味道幾特別🍞兩小片烤麵包片🍟薯條份量足 香脆好味🍹Pink Panther💰+29以粉紅頑皮豹命名嘅mixed berries milkshake💗淡淡嘅粉紅色好靚🥰甜度可接受 唔係死甜☺️🍹Garfield

美式漢堡店有素食選擇，一班朋友有肉有素易話為。除了圖中的素食漢堡，另外仲有素食牛角窩夫、墨西哥煎餅和薄餅等，甜品亦很吸引，下次約朋友食飯多個選擇。b.o.t.h By Texas Burger 在荃灣和九龍灣都有分店，這天來到德福廣場二期新店，少少工業風裝修，環境都幾開揚舒服。我幾鍾意沙發位勁闊落，坐得鬆動舒舒服服，張檯又夠大可以放好多野食，一班人食飯最爽。現在都用QR Code手機落單，紙本餐牌都係參考之用，點餐的時候還發現有些蔬菜小食可以揀下。甜品比預計中吸引，竟然有梳乎厘班戟，好耐無食即刻想點一份。叫主食都有餐湯和飲品送，今日係甘筍薑湯幾特別，飲落唔會太辣薑味，但又食到一絲絲薑纖維，味道好又能暖身，塊多士仔都幾香好味。素食植物芝士漢堡 HK$108素扒採用 Impossible Burger，我諗你都大概知係咩味啦。堆砌得很高中間有大量生菜、番茄片和洋蔥圈，夾了脆脆炸物係幾有趣，個沙律醬亦很好吃。伴碟有兩款酸菜，醃櫛瓜和紅洋蔥都很少吃到，我覺得醃櫛瓜好美味。香草拉絲芝士條 +HK$38漢堡包加配薯條要HK$35，我見芝士條只係差3蚊所以要芝士。新鮮熱辣上桌的時候真係可以拉絲㗎，好

德福廣場開咗b.o.t.h 啦🥳餐廳裝潢走懷舊美式風格 又chill又型格梳化卡位好闊落 坐得舒適 食物選擇都好多 Burger Pizza 扒類 意粉 班㦸..etc 樣樣都好吸引😍 難怪一開業已經人氣爆燈！艾斯阿格牛肉漢堡🍔麵包烘得香脆 賣相好吸引！牛肉又厚又多肉汁 仲有一層甜蕃薯條 配搭得好好味加咗side dish 薯條嘅份量都好多！咖啡帶骨豬鞍扒🍽️好厚嘅豬鞍扒 切開剛剛好夠晒嫩滑😍食到微微嘅咖啡味 估唔到又同豬肉幾夾覺得有點似炭燒烤嘅味道 幾有創意薯蓉同配菜都好好味呀加配餐湯有南瓜湯 香甜濃郁餐飲揀咗Hot Americano同Pink Panther Pink Panther 係由雜莓、雪糕及乳酪打成奶昔 又靚又好飲💓

九龍灣真係好多野食，最近德福仲開咁間Texas Burger，7點就好快滿座喇！鐘意食漢堡嘅朋友記得去試吓，特別推薦「德州燒烤牛肉漢堡 」！✍🏻 /德州燒烤牛肉漢堡▫附餐湯▪️價錢：HK$88▫️薯條及飲品 +HK$50▪️美味指數：♥♥♥♥♥嚟到Texas Burger嘅餐廳，當然要叫返個招牌漢堡，食完真心推薦！塊漢堡有厚度、有肉汁，唔會乾噌噌，仲有兩塊煎到脆卜卜嘅煙肉、芝士、生菜、炸洋蔥圈，配埋個燒烤醬，好惹味！另外，加多50蚊就有埋熱辣辣薯條同飲品，由於飲其他特飲就要額外加多十幾廿蚊，所以飲品我哋揀咗杯hot white peach black tea☕️✨✍🏻 /煙鮭魚.茴香.芝士白汁義大利麵▫附餐湯▪️價錢：HK$76▪️美味指數：♥♥♥♥♡今次餐湯係好濃郁嘅南瓜湯，仲配有細細舊微脆嘅丹麥包。呢款義大利麵嘅煙三文魚份量都算多，個芝士白汁食落唔會膩，性價比ok🍝✨✍🏻 /雀眼椒香辣雞翼：6隻▪️價錢：HK$98▪️美味指數：♥♥♥♥♡就咁睇個菜式名真係以為淨係辣味雞翼，點知原來仲附有一碟蜜糖，而且蜜糖份量都幾多，食落甜甜辣辣！最後，連佢4條伴碟青瓜都食埋🥒✨

熔岩提拉米蘇梳乎厘班戟$118德洲燒烤牛肉漢堡套餐$138墨西哥手撕豬肉三文治套餐$138Garfield+$29好味指數：😋😋😋😋😋抵食指數：💲💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：有天去了九龍灣ikea 買點東西，買完坐shuttle bus 🚌 返回德福廣場二期。有點餓，男朋友又想吃漢堡飽，就去了這間新開不久的餐廳。點了一份漢堡，一份三文治🥪。另加了$50要薯條🍟跟桃茶，覺得比較抵。然後上餐時竟還有餐湯跟2片丹麥多士，實在超值！餐湯是南瓜🎃濃湯，猶如南瓜溶般。湯加了栗子🌰，令湯喝起來更甜更香。德洲燒烤牛肉漢堡堆砌得高高的，內有香脆煙肉🥓，半溶芝士、生菜🥬、juicy 漢堡扒、濃郁的燒烤醬等。麵包烘烤過，外脆內軟。墨西哥手撕豬肉三文治🥪醬汁甜甜的，好醒胃。餡料多得滿瀉。豬肉不覺乾身。加了$29將套餐的白桃茶轉為Garfield ，即伯爵茶味奶昔。奶昔不會太甜。加了雪糕，好邪惡。減肥減了一段日子，跟男朋友分享了這杯奶昔，好滿足！提拉米蘇梳乎厘班戟好重咖啡酒味，班戟本身有蛋香味。另有爆谷🍿、爆炸糖、杏仁片，可說是多重口感。重

大隻仔今次覓食嘅店舖就係💥 b.o.t.h. by Texas burger 💥 大隻仔今日經過九龍灣試食一間新開嘅餐廳，食物味道中上，服務、環境都可以拎好高分。服務：細心留意就會發覺提供既水杯同餐碟微暖，除咗fine dining 一般餐廳都唔會吧，值得欣賞。員工好有禮貌，只係人客太多，人手不足，做唔切，但可以體諒。環境：好難得一間餐廳座位與座位之間咁闊落，就算座椅拉後都唔會撞到後面枱嘅座椅。餐廳走型格路線，食物、飲品都好適合打卡。短短時間已經喺香港開第五間分店，食物質素不會太差吧。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 德州燒烤牛肉漢堡 $88burger bun 有烘過，麵包鬆軟，中間夾住洋蔥圈、芝士、生菜、牛肉漢堡扒、煙肉片，再配上微辣嘅BBQ汁，味道好夾，碟邊有幾片酸黃瓜、青瓜片同酸紫洋蔥，可以放入burger內一齊食，增加味道。煙肉片係美式漢堡乾硬脆卜卜果一款，不過大隻仔中意食軟身煙肉片多啲。唯一挑剔就係牛

早前吃過荃灣店令我回味，最近於九龍灣德福廣場開設分店，當然不能錯過，即刻約朋友去大飽口福！馬里蘭蟹餅 ($108)金黃香脆，內裡軟綿，配上蕃茄粒、黃椒、芥末醬、辣粉等調味料，每一口皆滲出清新滋味。咖啡帶骨豬鞍扒 ($208)豬鞍扒厚身，肉質鬆軟而多汁，爽口彈牙，油花細緻適中，帶有陣陣咖啡香，吃起來更香口。德州燒烤牛肉漢堡 ($88)漢堡脂香肉香十分平均，咬落juicy，加上酥脆香口的洋葱圈和甜甜辣辣的自家製BBQ醬汁，夠晒惹味，滋味獨特。熔岩提拉米蘇梳乎厘班戟($118)梳乎厘班戟面層有大量mascarpone cream覆蓋，猶如熔岩湧出般澎湃，加上baileys爆谷作點綴，賣相極為吸引！班戟軟綿富空氣感，口感鬆軟有彈性，忌廉入口香滑，讓每一口都可沾滿醬汁，吃到香濃Tiramisu味，甜度適中而不膩。Cold Tiramisu Latte ($55)咖啡上加上一層瀑布式滿瀉的奶蓋，邪惡得來超吸引，打卡一流！鹹香綿滑的奶蓋與底下的咖啡融合在一起，增添層次口感，令人十分滿足！

🍴磨菇湯 (8/10)將磨菇打碎，質感好濃稠，好香濃菇味，好好飲！🍴 德州燒烤牛肉漢堡Add On (Golden Fries) + (Soup/Drink) $138 另收加一 (8/10)薯條好幼身，炸得好香脆，有薯仔味，真係放耐咗都好脆！麵包好鬆軟，有用牛油煎香，有牛油香 個包都好好食，入邊有炸洋蔥圈生菜芝士煙肉牛肉餅，用咗燒烤醬汁，甜甜哋，牛肉餅幾香口都幾Juice，比較重黑椒味，，有少少牛肉嘅香味，煙肉油煙油嘅香味，洋蔥圈好香脆，增加咗口感。☕️Cold Hazelnut Latte +$25 另收加一(9/10)咖啡好香濃，入口好滑，好nutty，好正，奶泡都好綿密，Hazelnut好出好香，一啲都唔甜好好飲！🍮蛋酒吉士布丁 $58 另收加一 (10/10)布甸好creamy好滑，好重奶香忌廉味，甜甜哋，同時又有焦糖嘅焦香，上面嗰個係彈走，有蛋嘅香，酒味都好濃烈！勁好食！

今晚打算唔煮飯，就決定去呢間餐廳食Burger! 雖然排左陣隊，但係完全值得嘅！🔥是日精選濃湯今日係南瓜湯配丹麥包，南瓜湯好濃郁又夠滑！🔥香蒜帕馬臣炸魷魚呢個炸魷魚份量都幾多，配上他他醬，作為小食一流好好味！🔥精選意大利麵或燴飯每日都會有唔同嘅精選，今日我哋就揀咗芝士白汁煙鮭魚意大利麵！個意粉都不錯，鮭魚份量幾多！🔥德州燒烤牛肉漢堡呢個burger好經典，有炸洋蔥圈煙肉及芝士牛肉，配上BBQ汁，成件事好夾！另外配上一堆薯條，熱辣辣！🔥極級美國黑安格斯肉眼牛扒我哋叫咗五成熟，塊扒煎得啱啱好，食落好Juicy!🔥Tiramisu latte呢個飲品好似甜品咁，將個Tiramisu變咗做飲品，個奶泡好Rich，配埋latte好正！

知道九龍灣新開了「b.o.t.h By Texas Burger」但較早前總是未能入坐，今日終於提早收工，來到這裡嚐嚐他們的各款美式漢堡，還有扒類、甜品等…這裡裝潢帶點懷舊，設有特色磚牆及以瓷磚鋪桌面等…Tiramisu Latte爆多芝士忌廉在面層，再配上香濃咖啡，做到層次分明，柔滑香甜，啡味濃郁，令人陶醉。特色玉米夾餅玉米夾餅夾著多款材料，今次更選了雞肉作主打，當中還有牛油果醬、蕃茄及酸忌廉作調味，清新爽甜，層次豐富。德州燒烤牛肉漢堡漢堡又點可以唔叫，他們用上Brioche漢堡，入口鬆軟富油香，再有牛肉、炸洋蔥圈、生菜等…及有BBQ燒烤醬汁，入口牛味濃郁，香脆可口，越食越惹味。咖啡帶骨豬鞍扒來到已聞到陣陣咖啡香，入口肉味濃郁，口感嫩滑彈牙，甚有驚喜。熔岩提拉米蘇梳乎厘班戟那濃郁的芝士及朱古力碎粉超流心，而且梳乎厘口感軟彈，空氣感十足，令整體味道更綿密香濃，真的是一款必叫嘅甜品。

今日未到12點就已經去到呢間新開嘅餐廳度等位，以為好多人啦，咁原來仲要係90分鐘食飯時間咁都算啦，咁好啦入到去咁睇完個餐牌咁去諗住叫嘢食就叫個侍應生啦，點知佢就指住嗰張QR code字篤篤兩下，示意即係要用QR code去點餐嘅，咁其實你作為一個侍應其實你講一句嘢又好難，除咗嗰個係麻麻哋其他服務生都服務態度都可以。此外，講到個burger係幾特別嘅都幾好食嘅，但係嗰手工限量Pizza就好一般。杯嘢飲都幾好飲嘅。

食物可以，但服務員態度奇怪(個別人士極其敷衍了事，又有啲掛住同認識嘅食客不停大聲吹水）見到客人檯上冇食物到唔主動幫手check - 當日我隔離檯table for 2, 工人姐姐嘅dish一早到咗, 伯伯嘅dish直到我食完 （我比佢哋遲入座最少15分鐘），冇員工幫手check單睇吓咩事(唔好要求員工主動，係唔會），連我唔識隔離枱都幫手叫啲staff check of coz, 答案只係話整緊，時間要耐啲bla bla bla) … service係離譜的差。另外冇人知道應變…我哋當日食晒嘢，準備pay the bill時佢先上湯⋯冇原因，不解釋而有個服務員同識嘅食客吹水係話因為lunch 太多人冇晒湯要重新煮⋯點解啲員工送食物俾客時唔講聲，又或者用其他（like salad?)代替？上菜次序都唔理，食物質素又一般，冇services,叫人點推介？BYW, 我寫咗complain letter去佢哋嘅gmail 但冇feedback嘅，我對呢間嘢已經再冇任何期待

Lunch time等候時間極耐 如果lunch time既話可以唔使黎食 一定會遲到的 落單QR code都搞錯 2位變4位 落單後問返我地係咪叫左4個餐 要重新等候食物 上菜速度好慢 隔離枱個burger就食晒d飲品都未到 個burger送到黎個包面係燶既 落左request 話走生菜走洋蔥 送到黎全部係晒到 完全ignore左客人既request 入面既牛肉一切就碎晒 蕃薯條好淋芝士好漏 唔知食緊乜 OpenRice一面倒好評 完全唔認為值得排隊入去食

b.o.t.h By Texas Burger （九龍灣）主打美式漢堡的b.o.t.h最近在九龍灣開了新分店，環境闊落，食物選擇非常多，除了漢堡包，仲有供應意大利飯、意粉、薄餅等主食，輕食方面亦有三文治、吐司、沙律等。自家製紐約特色薄餅薄餅底塗上蕃茄醬，上面舖上意大利辣肉腸、香葉和大量芝士，有超強拉絲效果，薄餅邊都好脆口。特級鴨肝牛肉芝士漢堡用上布里歐包 (Brioche)，牛油和蛋味道較重，漢堡包塗了牛油再烘烤，夠香脆。牛肉漢堡肉汁豐富，肉味夠濃；鴨肝味道香濃，脂香味豐富了整個漢堡的口感，再加上半溶芝士和沙律菜，並加入自家醬料草莓香醋，相當美味！日式帶子牛油南瓜燴意大利飯米飯的顏色好治癒，高湯和米飯比例控制得剛好，米粒偏軟身，飽滿地吸收了湯汁，好香濃忌廉和南瓜味道，清甜的南瓜蓉令意大利飯口感更綿密，仲有粒粒南瓜，配上煎得香口的牛油帶子。晚市套餐跟配餐湯、餐包和飲品。可以優惠價升級至特色飲品。飲品選擇好多，有懷舊香港特色飲品、咖啡、雞尾酒、軟雪糕奶昔等。賣相充滿少女心的軟雪糕奶昔吸引了我地：Pink Panther由雜莓、雪糕和乳酪打成的奶昔，酸酸甜甜，口感幼滑。Garfield由伯爵