B.Duck & Buffy 德記茶樓 (已結業)

雖然就唔係b duck嘅fans但係一入到去真係嘩咗一聲成間好似b duck嘅小型博物館咁連坐低都唔記得呀掛住望啲鴨仔同係咁chapchapchap影相💕本身諗住會好似tst咪有間成日唔同主題嘅點心餐廳一樣都係食賣相果間野食就真係麻麻喇唔開心啦kaka點知又唔係喎！係咁叫啲有公仔嘅嚟食 順便打卡呀嘛🤓奶皇包巧cute呀雖然唔知點解有兩個樣食落冇流沙 原來有兩款一款流一款唔流大家叫嘅時候睇清楚嚕 唔會太甜 好食！燒賣蝦餃都係平時中上酒樓質素都ok燒賣都幾實淨 唔係話啖啖肥膏 good！最like就係個蝦多士拼蘋果沙律！！本身以為啲蝦係多士上面因爲塊多士真係勁薄勁薄一咬之下原來係中間！咁細嘅完間都塞倒入去表示好勁🤪同埋勁香勁脆 夾埋蘋果沙律中和咗啲油膩仲好夾 想encore多碟！！入到呢啲主題店點可以冇新穎啲嘅野飲呀巧靚巧有心思 見倒都唔想插入去搞破壞哂不過就唔係我叫嘅朋友就話好味喎 唔太甜咁話～

我同朋友都鐘意b duck覺得b duck ho q ，所以去下呢間主題餐廳間餐廳佈置得好靚好多b duck 公仔😍😍點心價錢比想像中平，同出面d點心餐廳差吾多！性價比高😍😍每一樣點心都好好食 （認真）同整得好靚😍我同朋友特別鐘意佢個墨魚球 香口啖啖肉😍😍上湯白菜都好食，份量都算多！朋友都鐘意佢既春卷😍間餐廳仲有手調飲品，有草莓同芒果沙冰，同一般傳統餐廳好吾同，味道都正，吾比出面d手調飲品差😍👍🏿👍🏿推介👍🏿👍🏿

我朋友係一個"黃鴨"迷，佢知道油麻地開左間"B Duck"店，其實都想去好耐，但成日都就唔到時間，今次終於大家都就到，可以去朝聖。地方好方便，油麻地站A1出口行幾分鐘就到。一出lift,全部都係"黃鴨",好可愛，朋友雙眼發光連飲茶茶壺茶杯都係有"B Duck"logo,真係每一刻都見到佢我地叫左個蛋撻，係我地最鍾意食既牛油皮，個皮好鬆化，個蛋漿好香蛋味好滑，唔大隻，2啖一個，唔會好漏。飲茶點少得"叉燒包","奶皇包",竟然全部包都有"B Duck"個樣，真係樣樣食物都係打卡位，睇得又食得叫左個牛肉腸，雖然個樣就冇黃鴨樣，但個皮好滑，好足料雖然話就話茶樓，但都有d小菜食，我地就叫左個咕嚕肉食，甜酸度適中依d咁有特色既飲茶真係好特別，下次要再來。

我朋友非常喜歡BDUCK，由油麻地鐵站行過去，5分鐘都不用就到，一開LIFT，好精緻既裝潢，有好大隻BDUCK懸掛在空中，亦有好多BDUCK的公仔、燈飾、海報、橫額，連餐具也是BDUCK。流沙奶黃包$32朋友見到有BDUCK樣的點心，勁開心!!一撕開，奶黃很有咸香，而且非常流汁包亦很鬆軟。蝦餃$46蝦餃皮晶瑩剔透，蝦餃亦大大隻，咬下去，有流汁，蝦肉爽滑彈牙。鬼馬墨魚$72甜甜酸酸的外表，外表香脆，內裡墨魚肉軟，仲有一舊新鮮脆脆的條炸鬼，個感覺好新奇。叉燒拉布腸粉$36腸粉很滑，加上甜甜的豉油，很match而且擺設很優雅，內裡的叉燒份量很多，啜一聲便可以吞落肚!XO醬蘿蔔糕$48每粒蘿蔔糕都是是正正，外層乾爽，但食下去XO醬很豐富，蘿蔔糕邊也煎得香脆。秘汁和牛粒飯$76牛肉嫩滑，米飯粒粒分明，配菜又多，醬汁咸甜適中，送飯一流。甜酸咕嚕肉$62這一味非常出色!!想知個廚房得唔得，就係試咕嚕肉，一條條咕嚕肉被炸得脆身，而且沾上醬後亦不淋身，我們4個人食，每人也有好多塊肉，配菜有菠蘿之外，仲有蘋果，很新鮮，爽甜!

我同朋友為左b duck而黎呢道飲茶，因為侷地所整嘅特色包點會有小黃鴨的造型，好特意，而且食落的味道也不錯，奶黃包入面的奶黃好香濃。另外點了個馬拉糕，可惜是他上面的造型印衰左，不過味道唔錯，而且好鬆軟。最滿意是他的芋頭酥，外皮鬆脆內面的芋頭軟唸，點埋個醋一齊食，可以解除佢嘅油膩感，成個味道會有所提升。另外點咗個芥末青瓜拌手撕雞，裏面嘅手撕雞好多幾抵食，而且有啲芥末味令到成道菜好惹味，作為前菜就一流啦。

第一次去食卡通主題點心，嚟之前都擔心食物會又貴又唔飽，得個樣，但係食完好有驚喜，價錢好合理，而且份量好大，比想像中多，差 啲食唔曬㖭。呢度嘅環境已經加曬分，餐廳嘅所有佈置都充滿著b duck ＆buffy卡通，小朋友好興奮。店員都好友善，有笑容。除咗點心之外，呢度都有唔少主菜，所以一定食得飽肚，比起其他中式餐廳，價錢仲算優惠添。最驚喜係蒸鱸魚，魚肉肉質滑嫩，醬汁酸酸甜甜辣辣，好好味。鳳爪排骨蒸飯原本以為好似酒樓咁，細細盅，點知係用竹筒裝住，飯量超多，所以都食淨咗少少。當然仲嗌咗好多點心，例如蛋撻同奶皇包，都有b duck嘅公仔喺上面，好可愛。海膽沙律甜筒都好特別，賣相好似雪糕甜筒，上面有啲海膽甜筒，裏面係蘋果沙律，酸酸甜甜好開胃。

呢間餐廳就咁睇相都只係覺得有個主題，好似幾得意咁。但黎到之後先發現成間野好似樂園，因為啲公仔真係整到好大隻，而且係包圍住你，無處不在。我地一入到去就已經哇哇聲，因為真係太可愛。同埋佢地個點餐係可以用電話點既，都真係幾方便。芥末脆芋手撕雞：呢個真係好特別，佢加左芥辣，但唔會太攻鼻，同埋有啲脆脆地既脆條係仕面，口感好豐富，食到芥辣既要試下呢個。叉燒布拉腸粉：個腸粉係我見過裝飾得最靚既xd。有賣相，味道都好食，雖然係精緻點心，佢個價錢比起普通點心都只係貴少少，我覺得呢個質素值得。火焰叉燒包：個叉燒包都好食，佢個樣真係好可愛，有啲唔舍得食佢。蛋撻：個蛋撻上面個張我地以為係紙黎，但原來係食得既，蛋撻唔會好甜，個皮焗得好蘇脆，呢個都好食。秘汁和牛粒竹筒飯：呢個既汁撈飯真係好正啊，同埋啲牛都好好味，我地忍唔住食曬啲牛先，得返啲飯，只能撈汁xd。呢個布甸唔係中式個種，佢比較實，一個人就咁食佢會飽左一半，佢好在唔會好甜，好味。成晚都食得好開心。

*今日eatmug9 #66繼巨型鴨仔水泡游入維港BBUCK主題餐廳都旋風式襲港唔係誇張 店入面號裝修佈置同啲嘢食都一樣咁Duck鴨 全部都係鴨🐥唔講仲以為係BDUCK 展覽添嘢食都係以酒樓點心同小食為主價錢嚟講唔太貴都算合理依味蝦多士真係極度推薦畀大家塊多士脆卜卜都不在話下仲要同啲蘋果沙律嘅酸甜襯到澎澎聲依味小食真係must try👍👍👍👍👍再嚟就係燒賣同埋奶黃包唔好以為主題食物好睇唔好食 奶黃包夠鬆軟 啲黃起晒沙 流晒出嚟 質感一流👍👍👍👍而依份奶蓋草莓烏龍茶小弟都推介畀唔好濃味嘢嘅朋友清新嘅烏龍茶配草莓 飲落真係有士多啤梨肉再加埋奶蓋嘅咸味成杯嘢飲嘅質感同層次upgrade 晒👍👍👍👍補充少少啲嘢食真心唔差😂

上網Search到呢間，見到裝修同食物都好特別，所以就黎食。海膽蘋果沙律杯，酸酸甜甜好開胃，而且份量吾少，海膽新鮮，同沙律都幾夾，配上雪糕筒皮，口感好脆，都幾特別。上海小籠包，皮薄涵靚，一咬D汁爆出黎，細細個，一啖就食到！花膠瑤柱灌湯餃，好養生，份量同一般酒樓差不多，材料有花膠，瑤柱，豬肉，都吾錯。黑糖薑汁糕伴迷你芋圓，有薑汁糕同迷你芋芋圓，口感好煙韌，配上椰汁，好似食緊糖水咁，中意食芋圓既朋友吾好錯過啦！豉汁蒸排骨，排骨肥瘦適中，又嫩滑，豉汁甜甜地，好好食。魔法四季春奶蓋茶，奶蓋口感厚實，有淡淡芝士味，加埋四季春，真係好夾。

上網見到呢間充滿童年回憶既 B duck 公仔，所以放工就過黎食😍呢度環境好別緻，好多B duck 既擺設，真係好適應黎同朋友/另一伴黎影相。招牌奶黃包，外型好得意，雖然吾係流沙涵，但奶皇好足料，又香滑，如果想食流沙奶黃包其實都有，可以自己選擇。叉燒布拉腸粉，係我至愛，無諗到個腸粉可整到勁滑，而家俾左好多叉燒，真係啖啖肉，一定要叫❤。肉鬆皮蛋瘦肉粥，份量係夠兩個食的。D粥煮到好綿，吾會一粒粒米，瘦肉喊到適中，皮蛋正常。蛋撻，有B duck 既樣，極可愛，雖然個皮可以食，但吾係特快好咪，蛋撻係我最愛既牛油皮，有蛋香味，睇得又食得！黑糖薑汁糕伴迷你芋圓，黑糖咪既薑汁糕，好皇黑糖同薑味，而且口感好煙韌，迷你芋芋圓都係好煙韌，而家好有台灣風味，配埋椰汁，真係好好食！羅漢果冬瓜龍眼茶，好足料，俾左好多龍眼肉，養生既女士必叫!

終於都輪到我啦！我自己本身係B.Duck既fans, 所以當我知道有出B.Duck主題餐廳既時候真係開心到唔識形容，我真係恨左好耐喇😭即刻拉埋男朋友去試！入到間餐廳我真係感動想喊出黎，因為周圍都有勁多B.Duck既佈置，而且仲好細緻，裝修好用心機，完全係我夢想既畫面，搞到我想屋企都佈置成咁！除左裝修靚之外，我覺得食物質素都好高。首先我覺得呢個黃金雞翼好出色，皮夠脆，蛋黃味濃，好邪惡又好好味。跟住布拉蝦腸，我自己其實唔係好中意腸粉漿住既味道，但呢道既腸粉就真係好滑無漿住既感覺，牛肉又多，絕對滿分。跟住叫左幾個點心，叉燒包，馬拉糕，上海小籠包同蝦餃。其中叉燒包，馬拉糕同蝦餃仲有B.Duck個樣呀！搞到我真係有d唔捨得食，但係食落都好好味，小籠包就用左豬肉做餡，幾特別。呢餐真係食得勁開心，最後梗係買d紀念品先走啦。

話說我女朋友就非常中意B Duck既，屋企有B Duck既產品我諗超過100件，每年都進貢不少。之前佢見到B Duck開主題餐廳隻眼完全係雙眼發光，係咁叫我一定要去，我本身自己就覺得呢d gimmick野都唔會好食，係佢想去就佢一次，點知原來食落我覺得好好食咼！首先簡單講下裝修，其實就真係好用心既，就算我興趣不大去到都吸引到我。食物方面我覺得就真係好出色，最有驚喜我覺得係呢個菠蘿生炒骨，好有港式風味，皮脆又夠薄，肉夠甜但又唔會太甜，肉質夠實，好味！蝦多士都唔錯，蝦肉夠多好有誠意，多士好香脆。牛肉腸粉我覺得都高質，因為個皮真係好滑，牛肉份量好多，令我非常滿意。蟲草花香菇滑雞飯，飯好香同吸左雞同蟲草花既精華，所以特別甜，雞就非常滑。點心就叫左蝦餃，上海小籠包同牛肉球。三樣都好精緻，功夫十足，味道唔錯。最後當然係買埋記念品啦，整體黎講價錢唔貴，我食得好開心，女朋友就直頭唔捨得走啦。

之前去過海x王同埋布x狗嘅主題餐廳食過，兩間都中晒伏，今次同我位B duck 迷朋友嚟到呢間主題茶樓，我都有晒心理準備架喇！😂😂一入去到去，環境唔算大，一眼睇晒，十張枱都冇，但布置得真係好靚好有心思！張張枱都有隻B duck望住你食，目測好似每枱都唔同衫仔！所有餐具都印咗B duck嘅logo我哋兩個人叫咗3個點心同埋2個主食，埋單二百零蚊有找，價錢都算OK！呢碟蝦餃唔係得賣相靚架，皮係厚薄適中，入面嘅蝦都大大隻，好彈牙！ 鳯爪同牛肉球同一般酒樓嘅水準差唔多呢碗係皮蛋肉鬆粥，朋友話想食下粥喎，我都試咗少少，粥底夠晒綿，材料都算幾足，仲有啲脆片同蔥花係分開上，唔錯！呢個秘汁和牛粒飯都好唔錯！個汁真係超好食，甜甜哋，勁開胃，撈飯食一流！啲和牛粒都入晒味！

油麻地開左呢間新式茶樓，係B.Duck品牌旗下，今日就特登過黎打下卡。呢度裝修絕對係打卡一流，滿佈B.Duck公仔佈置。呢度茶芥$8位。食物有大路點心同粥粉麵飯，絕對係飲茶唔錯既選擇。今日唔想食咁多澱粉，就食肉同菜為主。<芥末脆芋手撕雞>（$68）芥末味唔會太辣或攻鼻，比較用左柔和調味。手撕雞切得幾幼身，味道入味。上面一條條脆芋絲真係第一次見，一開始以為咬到牙籤哈哈哈。真係好脆口，同青瓜絲好夾啊。蝦餃皇（$46）呢個蝦餃皮上印有B.Duck圖案，好靚啊，真係唔捨得食啊！入面既蝦絕對足料，夠彈牙！金腿上湯娃娃菜（$62）呢個超大盤，目測兩個人都食唔曬，上湯味道配合得宜，蘑菇好大片，口感豐富。上面灑左啲脆脆既火腿碎。花膠瑤柱灌湯餃（$52）最後出場呢個灌湯餃用左足足20分鐘啊，果然係用心製作。個湯好濃郁，加上少少紅醋絕對風味非凡，入面有花膠、蝦、菇等等，係個湯肚亦無散到，師傅果然技術高超！原來呢度下午茶中有85折添。

今天又来德记茶樓飲茶，小黃鴨會上癮的！人生如戲又像電影🎬坐在餐廳裡面等著上菜時候，感覺自己穿越時空去到了另外一個卡通世界。這也許就是他們家的特色之處，充滿了愛，讓你忘記世俗的塵囂。點了推薦的芥末翠芋手撕雞，梅菜扣肉，還有蟲草花滑雞飯。手撕鸡很特别，脆脆的香芋丝加上芥末青瓜，让手撕鸡的味道令人难忘。第一次吃到这样的做法，让我眼前一亮。鸡肉很入味，麻酱和白芝麻提起了整道菜的鲜香，可口入味。梅菜扣肉也是做得很有特色。肉质很嫩，瘦肉很多，但是不塞牙🦷，肥肉也刚刚好，不会觉得腻人。梅菜也是很入味很软，整道菜都很美味。最喜欢的是梅菜的汁渗入到肉里面，猪肉的鲜味也混入到梅菜里面。互相交融，美味可口，下饭的不二选择。蟲草花滑雞飯也是很大份，也許是因為這兩天自己太餓了，點了好多實在的飯。吃到一半就已經很飽很滿足了。滑雞🐔很嫩，肉質鮮美，蟲草花很養生，加上米飯🍚這一頓營養滿滿，為忙碌的一天畫上完美句號。