Awesome Bar & Cafe

营业中

休息中

上到餐廳，環境幾靚，好多BE@RBRICK模型，好啱打卡用，仲有盲盒比大家買。由話book左位直至食完飯走人，都吾覺D服務有好既一刻。首先，話book左位之後佢系吾應我，我企系度等佢應我，再等佢帶我位，佢都冇講野/手勢示意我坐某張枱，都算。甘嗌左野食，等左應該都有半個鐘，先有第一道菜。每道菜食淨少少既時候（同朋友傾緊計，未食完），D人都keep住系我地面前行黎行去，感覺到佢地好想收碟，但個場仲有好多位。成餐飯，3-4個侍應隔遠望住你食甘，好似一直被監視🥹 埋單佢比左張$50 coupon我，系滿$400先用得，但其實系尼間餐廳$400話甘易就滿。尼碟實際冇相甘大，一睇到就失望左，但味就好味既，同平時食既卡邦尼分別吾大，系creamy D個類。尼個睇落就豐富好多，靠佢就食得飽喇。龍蝦肉都算比得多，但就真系鹹得濟，好少可食到吾想繼續食。飯就同平時西班牙飯一樣好食。

好耐都無寫食評了，咁今日約左朋友下午尖東寫字樓傾野，咁就食個午飯先啦！避開左最繁忙嘅時間去，人數都少d!係遠處見到原來餐廳同華晨宇演唱會有聯乘緊，場內都好多佈置同埋會見到佢，好多粉絲打緊卡。咁我就坐低望望個餐牌啦！價錢非常貼地wor，款式又多，於是我就點左個魷魚明太子意粉，再加份雞翼同埋熱美式咖啡。首先就黎湯啦！應該係蕃茄忌廉湯，好香蕃茄味。之後就黎個意粉同埋雞翼啦！意粉看似係好細碟，但係其實係收埋左好多係個底嘅，意粉非常之掛汁，啖啖都好多明太子，另外你會食到香葉同埋有少少芫荽風味。雞翼都好大隻，不過唔記得左影相。最後成碟清晒，飲埋杯咖啡，咖啡竟然係fruity 風味，比較少有，但係我係喜歡果香咖啡嘅。食飽就埋單搵老友了，好滿足，會再黎。

抱著期望與朋友歡度午聚，可惜極度失望，12：30落單，等到13：00連餐茶都沒送來，一追再追第一個餐湯送達，唔明點解同一時間order兩個餐，35分鐘後只送來一碗餐湯，另外兩位朋友1300到店，落單後5分鐘就有餐飲，偏偏我和早到既朋友都未有餐飲，再追負責落單位女侍應，全部餐湯送達，再等15分鐘正再示意負責落單既女侍應，佢逃避扮睇唔到我揚手，推個男同事來應酬我哋（後來得知是”負責人”)，13：23午餐陸陸續續到達，但我1230落的小食午餐都未出現，再問該“負責人”就推説電腦系統出現問題，Order入唔到廚房，再等15分鐘13：45，足足等左一小時十五分鐘都仲未有，眼見身邊其他較遲落單的顧客都已經享用完午餐，一氣之下走到收銀處查詢誰是負責人，要求取消該小食午餐，收銀同事大叫XX兩聲，那“負責人”望了我一眼就掉頭走，最終收銀同事代為取消小食午餐，整個過程兩位員工一句對唔住/唔好意思都冇，做錯做漏其實都係好正常，但離譜既係最基本禮貌都冇，員工態度散慢，難怪一間又大又裝修得咁有特色既餐廳只得寥寥可數幾張枱，作為餐廳老闆應該好好選擇員工，好好培訓他們，否則每天在趕客，難不成真的想提早結業嗎？

今天要跟大家分享一個超酷的餐廳！最近我們去了一家在尖東超讚的餐廳，這裡的裝潢設計很吸引，非常適合拍照打卡。走上餐廳的樓梯擺放了很多Bearbrick玩具，這種細節的呈現讓整個餐廳充滿了新潮的氛圍。如果你喜歡坐在靠牆的位置，那裡還提供充電服務，這對需要使用電子設備的客人來說非常方便，很適合大家放學後過來一邊喝杯咖啡，一邊做group project。餐廳最近推出了本月限定優惠，讓你可以從三個選項中挑一個。我們選了價值68元的德國豬手配酸椰菜（原價$248）！老實說，這份豬手的分量超足，絕對不馬虎，皮脆肉嫩，它的皮脆肉嫩，吃起來超紮實，一口咬下去，讓你停不下來！它的搭配也非常出色，那火箭菜和薯條味道很好，每一口都是一種幸福的享受。我們還點了他們的烤鷄牛油果香芒沙律，價格是118元。這個沙律很清新，每一口都帶著鷄肉的嫩滑，牛油果和香芒的香氣瞬間爆發！ 還有一杯超特別的蝶豆花拿鐵，價格是48元！這杯拿鐵把蝶豆花加進去後，不僅讓它的顏色變得炫酷，還帶來了一種獨特的口感和花香！ 總的來說，這家餐廳真的是讓我們非常滿意！超值的優惠價格，菜色絕對不馬虎！而且這裡的環境舒適，絕對是讓你放鬆、拍照和享受美

入到泥同佢講1位，完全無視我，講多次先話隨便坐，叫極都無人落單，後來有朋友泥左一齊食飯，諗住問佢拎menu，行到過去問佢拎，又係擰轉面當睇我唔到咁，索性自己拎，極差服務體驗，唔會再幫襯

Awesome Bar & Cafe 近尖東站，地段優越。餐廳佔地兩層，上層有個好大嘅熊仔logo，一定唔會睇唔到，大門口有條長樓梯，兩邊櫥窗放滿左過百隻Bearbrick，全部都有唔同造型，一定要打下卡🐻店內分咗吧枱區域同用餐區域，吧枱嘅設計好fancy，happy hour 時段可以過嚟小酌幾杯。餐廳嘅菜式貴精不貴多，主打唔同種類嘅海鮮，今次就試咗其中三款。🍽️ 香煎比目魚柳伴醬燒鮑魚比目魚煮得好香脆，皮脆肉嫩，魚肉入口香滑。燒鮑魚雖然比較迷你，勝在夠煙靭，配埋特製嘅燒汁，好濃味。伴碟有香滑薯蓉、法式豆角同小蕃茄，沾上鮑魚燒汁一齊食仲惹味。🍽️ 西班牙海鮮意大利飯意大利飯煮到好硬身，米飯粒粒分明，冇多餘嘅水份，而且奶油味好香。主角帶子大大粒，爽口又彈牙，其他海鮮仲有蜆同蝦，大大隻幾新鮮。🍽️ 香辣檸檬汁大蜆三文魚籽意粉蜆肉辣辣地，幾開胃，加埋三文魚籽一齊食，好有口感。意粉軟硬度啱啱好，而且非常掛汁，配埋鮮甜蜆肉汁入口，回味無窮。Awesome Bar & Cafe尖沙咀科學館道14號新文華中心地下1D及1樓100號舖

呢間店近尖東亦都近HUNG HOM.好得意有好多FIGURE既擺設,仲可以現場買玩具添。我叫左個煙三文魚PIZZA,好多煙三文魚,仲有蟹肉同埋蕃茄醬,醬好味,加上配料又多,食到勁飽。青口有GARLIC味,白汁既煮法,味道唔錯,脆脆地既法包片加埋青口,一流呀!飲品叫左杯士多啤梨特飲,有LYCHEE加SYRUP,係梳打所以唔會太甜。甜品係心太軟,朱古力味既流心蛋糕跟VANILA ICE CREAM,好味道!

同幾個朋友平日晚餐嚟咗呢度食飯，主要都係因為尖沙咀比較方便，而且又見到呢間餐廳似乎有幾多好評，就諗住去試一試環境方面都幾舒服，座位大 闊落乾淨 而且即使唔係坐卡位都睇得出啲凳係舒服嘅服務方面就覺得啲侍應唔係太理想尤其係負責收錢嗰位，唔知係唔係經理講嘢粗聲粗氣，而且一直喺度發夢，要其他侍應提醒佢先識得幫手食物方面我哋嗌咗個煙三文魚黑松露醬pizza，卡邦尼意粉，帶子意大利飯同埋兩個小食（一個牛脷另一個炸雞）個煙三文魚pizza就OK嘅唔錯卡邦尼意粉就最難食，個意粉本身已經唔好食，好似茶餐廳煮脹咗嗰啲意粉咁，好失望。煙肉又唔係煙肉，只係火腿。牛脷都OK嘅炸雞我都覺得唔錯，不過朋友就覺得鞋咗啲。但係全部食物嘅份量都非常之少，完全唔夠飽

幾次經過呢間門口兩側擺滿bearbrick嘅餐廳，都心動想去試下，終於今次放工同朋友去左打卡用餐。原來樓梯旁的bearbrick展品都係零售的，擺靚吸客之餘又可以另外做生意，真係想讚下老闆。入到餐廳真係感受到每一個細節都有精心設計過，餐廳的佈局令到每一枱好有空間感，就連燈都有bearbrick design。係尖沙咀呢個鬧市裡面係傾計聚腳的好地方。本來以為主要打卡，但原來野食都有驚喜！最突出的係香煎比目魚柳伴醬燒鮑魚($218)，雖然比其他食物等得耐D，但魚柳煎得皮脆內嫩，肉質唔柴好Juicy，就算係配菜薯仔同粟米仔都唔話得，Grill得好入味，食完依依不捨，想再黎多碟。意式大虎蝦茄蓉意粉($148)，茄汁醬味道鮮甜，剛剛掛面，而虎蝦都煮得剛剛好。餐廳嘅飲品選擇好多，有選擇困難症嘅我哋最後揀咗士多啤梨荔枝梳打，同ice mocha。梳打配上新鮮的士多啤梨同漿好清新，ice mocha 咖啡同朱古力嘅味道夠濃郁。臨走前，仲見到餐廳6pm前有咖啡買一送一優惠，期待下次再臨。

餐廳位於尖東嘅噴水池地點都非常方，餐廳嘅門口望入去已經見到好多bearbrick，上到去望到餐廳，燈光非常光猛，環境清靜，同朋友傾偈嘅好地方西班牙香煎美國西冷扒$328，牛扒份量比想像中多牛未夠濃肉質同脂肪嘅比例非常平均，今次揀咗七成熟，唔會見到有紅色，啱晒我口味，旁邊仲有啲青瓜豆類作為配菜，食埋幾粒薯仔都夠晒飽西班牙海鮮意大利飯＄168，飯嘅軟硬度適中，入邊充滿着蕃茄嘅味道，入口香濃美味，帶子非常厚身，煎到外脆內軟，入口彈牙，又有口感，仲有兩隻蝦size非常大隻，又夠晒鮮味，旁邊仲有幾隻青口，味道鮮甜，又肥尾，外觀仲非常吸引，仲有黃椒紅椒，蕃茄粒同菇粒作為配菜，最重要嘅係店員一放低已經係聞到香味，夠晒熱辣辣，仲非常飽肚柚子蝶豆花梳打$88，飲品唔會太甜，又夠凍，咁熱嘅天氣，飲啖凍冰冰嘅飲品，真係好舒服，香濃嘅柚子味，又清新

Awesome Bar & Cafe (尖沙咀)📇地址：尖沙咀科學館道14號新文華中心地下1D及1樓100號舖🕐營業時間：星期一至日及公眾假期11:00-22:30💸人均消費：～$400/人 dinner👏🏻抵讚位：環境好靚，格局佈置打卡影相一流。上餐廳條樓梯兩邊擺滿bearbrick嘅模型，好啱鍾意bearbrick嘅朋友去。Staff嘅招呼都幾好，我地個位覺得有啲凍都幫手較細啲個冷氣😉🍴Food QC：「生蠔 唔記得咗幾錢隻🤣」試食價叫，所以唔太貴，但唔會好細隻，同埋都新鮮，食得過「煙三文魚蟹肉松露醬薄餅 $168」Pizza邊烤得好脆，但如果啲煙三文魚再多啲就好😂「香煎帶子蟹肉紅花意大利飯 $158」呢個risotto好濃郁，入口又係超級Creamy。啲飯軟硬度適中，食唔停口，令人想繼續食多幾啖「三文魚牛油果他他 $108」正常發揮嘅一道菜，無咩特別，但擺盤幾靚「甲羅燒蟹肉蟹膏意粉 $168」蟹肉份量都算多，甲羅燒同啲意粉一齊撈勻黎食，夠哂creamy，食完好滿足「香煎蒜香黑椒牛脷 $98」兩大兩細嘅牛脷，大個兩塊好厚，牛脷整得好淋，唔使咬咁濟，但食完都有啲膩，即刻飽左「tira

尖東Awesome bar夠大間，坐位多。試咗佢嘅法式牛尾煲配法包、菜香無骨卷春雞配蜜糖醬油汁、士多啤梨梳打🍹同熱朱古力咖啡☕️首先講下法式牛尾煲配法包，牛尾煲煮得好入味，肉質軟腍多汁。湯底濃郁，配埋蔬菜同埋香料，好香。法包脆口，可以用嚟沾湯汁食。菜香無骨卷春雞配蜜糖醬油汁係另一款非常美味嘅菜式。春雞煎得金黃酥脆，肉質嫩滑。蜜糖醬油汁係一個很特別嘅調味料，有一種甜中帶咸嘅味道，同春雞非常配合。士多啤梨梳打係一個非常清爽嘅飲品。士多啤梨嘅酸甜味道同梳打水結合在一起，味道爽口又解渴。熱朱古力咖啡，熱朱古力同埋濃郁嘅咖啡結合在一起，味道濃郁又香甜。

Awesome Bar & Cafe (尖沙咀)放工食好西系列🤭今日去咗尖沙咀一間西餐廳😍😍😍非常有情調🥰有過百隻超型格bearbrick🤭食物質素都好唔錯😜▪ Deep-FriedSquid Tentacles三式粉魷魚鬚 $98 魷魚鬚非常鬆脆😋▪ Spaghetti Carbonara卡邦尼意大利粉🍝$118 卡邦尼味道好濃郁 有好多煙肉🥓意粉軟硬度適中▪ Smoked Salmon Crab MeatTruffle Sauce Pizza煙三文魚蟹肉松露醬薄餅$168 好鍾意食佢嘅煙三文魚好新鮮 pizza餅底都夠鬆化🥰😍▪ Summer Citrus, Soda Pineapple, Lime $88 味道甜甜酸酸 好夾🧡🧡🧡食物：🌕🌕🌕🌖🌑價錢： 🌕🌕🌕🌗🌑回頭指數 ：🌕🌕🌕🌖🌑尖沙咀科學館道14號新文華中心地下1D及1樓100號舖

尖東嘅Awesome Bar & Cafe，內含大量BE@RBRICK，有咖啡、酒、仲有美食供應！Latte $42咖啡香，奶泡綿密！Lolly Pop $88好香甜嘅mocktail，真係好似食緊士多啤梨味嘅珍寶珠！Caesar Salad $88＋Roasted Chicken $30沙律菜葉新鮮爽脆，加購嘅香草烤雞肉大大片，提供優質嘅蛋白質！Spaghetti with Tiger Prawn and Tomato $148開邊嘅虎蝦更顯大隻，鮮甜可口，食起上嚟好方便！意粉掛滿蕃茄蓉，味道討好！

.@awesomebarcafe.hk （尖沙咀）.尖東人一定會見到呢間嘢.. 好搶眼🤣經過咗幾次都無機會試..今日dinner時間 諗住請屋企人係附近食食西餐..就想試試佢.. 感覺如何呢？.美國西冷 $328.我哋叫咗7成 （適合長輩多啲🤣）味道 肉質 都正常 我覺得ok的！擺盤有心思.. 但我覺得cp 值唔算太高.意式大虎蝦番茄意粉 $148.醬汁唔錯！番茄味爆棚.. 口感少濕 但因為番茄味嘅組合我覺得可接受..大蝦雖然唔多 但香甜可以作為晚市意粉..價錢 味道都可以的👌🏻.凱撒沙律 $88 加雞胸 （+ $30）.菜新鮮嘅 雞胸肉質偏柴..件事就係.. 你唔會有咩期望..但正常發揮 有蛋白質有纖維🤣.整體感覺呢.. 環境ok！但感覺燈光/氛圍有少少 dup..店員們都比較難叫到.. 反應比較慢？但態度可以的..🤣👌🏻.希望資訊幫到大家食得開心 & 放心 阿門.