影片
招牌菜
估唔到嚟到又一村都会揾到茶餐厅嘅踪影探访完朋友之后佢带咗我嚟呢一间几得意嘅餐厅点解几得意呢？因为个名好似私房菜咁！喺门口就已经见到呢度嘅招牌猪扒包于是就同朋友一人叫咗一个嚟试吓埋奶茶 价钱都几抵👍🏼猪扒包真系好好食！邪恶嘅猪扒又够「冧」又多汁～配咗啲生菜 冇咁油腻令人冇咁有罪恶感！😆至于奶茶 都颇香滑不过唔记得叫侍应多奶搞到成杯嘢有啲「鞋」😣呢度环境够好 冷气都好够凉 同朋友吹翻一个下就水唔系问题😆
继续阅读
今日有小组活动，所以，先返到嚟母会附属嘅小学，都好耐无过返依花圃街、雀桥街依头。活动前同啲组员一齐先食晏，平时都会拣去雀桥街嘅百味雅，典型茶记，食物质素稳定，但今次见人多，时间少少紧又唔想等，故此就去了后面花圃街嘅宝利厨坊。对比起百味雅，虽然地方细细，但佢嘅环境就新净啲，又企理啲 。一室白衬深啡，加少少藤织櫈，咪以为好型格，到最后都喺打回茶记模样 。午餐有好几个餐牌，不过，分门类别似乎做得有啲「求其」，而且定价都相对贵，贵过百味雅，贴近附近一间酒吧餐厅April K。结果，我哋大部人都拣较为优惠少少嘅精选午餐，A-K共8款，卖$44-$48，跟一杯热饮，如果唔要饭转意粉仲要加$2。 咸蛋蒸肉饼饭 $48饭同𩠌嘅份量绝无偷鸡，旧咸蛋蒸肉饼真喺鎅得几大件，朋友话啲肉饼都唔错㖞，肥猪肉唔多，打得都松化，唔会太硬实 。 茄汁猪扒饭 $44小弟要嘅茄汁猪扒饭，无疑又喺超大碟，如果一碟饭俾两个小朋友食，绝对无问题吖。3大件有骨猪扒，虽然几薄吓，亦算交足货。猪扒炸得几香口，由于薄身，入口几软腍。而茄汁个茄味几重，不过，你唔会有酸香鲜活嘅感觉，因为就好似只有茄汁加茄膏嘅组合 。 咖啡一向晌茶记奶茶喺必然选择，不过，对宝利厨坊嘅奶茶信心唔大，所以，叫咗杯咖啡，算喺不过不失嘅出品。 公司饭 $44𩠌料就喺肠仔、餐肉、火腿、煎蛋各一，配咖喱汁，虽然无问朋友嘅味道，但应该都预期到，尤其见佢都只喺用普通嘅鸡肉肠，餐肉同火腿亦应该唔会用太高级嘅货。除咗上述啲午餐，仲有一个由朝到晏都有供应嘅特餐，比午餐平少少啦，不过，都要$39，主要喺多士配蛋，加碗汤粉面。 牛油厚多士配炒蛋听朋友讲，件厚多士烘得几脆，又搽满牛油，反而个炒蛋麻麻哋，炒得过火少少。 沙嗲牛肉汤意粉汤底比较淡味，而沙嗲牛肉少得可怜 ，味道中规中矩，唯一喺意粉好！如果再去返𠮶边食饭，都喺揾番百味雅稳胆啲，不过，母会嘅重建都仲有两、三年，暂且返过去嘅日子都喺少。
继续阅读
行过母校见到一间新开既餐厅,老板娘推介我食佢地既招牌猪扒包,老板娘话个包系特登揾面包铺订做,所以特别软熟。一咬第一啖果然个包真系好软,块猪扒又林,食得出系冇疏打粉拿过,本来猪扒包有沙律酱,仲系用日本沙律酱,我同我男朋友一人叫左一个,我叫左走酱,但出黎都好够味,又唔油,我男朋友就要左个有酱既,佢都话好正,我一个女仔食一个包都够哂饱! 唔怪得可以做招牌货!下次一定会再试!不过佢间餐厅面积细左d,一到中学放饭就好爆好多人,下次最好过左2点之后先去!
继续阅读
唔记得边一个朝早黎附近工作，顺带要医下个肚。附近既选择都唔太多，是但笃一间试下。沙嗲牛肉公仔面：味道不错；火腿Omelette，烘多士：不过不失；柠檬茶：ok。
继续阅读