ASAP As Simple As Possible

营业中

休息中

屋企附近新開的ASAP As Simple As Possibl, 裝潢好鮮明簡潔, 感覺好舒服, 襯著weekend去食個早餐, 試一試先可能生意太好關係, 枱的位置有咁埋得咁埋, 枱的數量有幾多就幾多, 今次被安排坐門口位, 睇相就知有幾近門口, 仲要得半邊梳化坐, 好彩都係食個早餐, 唔需要坐太耐早餐選擇多, 要輕食又有, 飽肚啲又有早餐K - 厚切餐肉香煎太陽蛋出前一丁餐肉真係厚切, 雞蛋有脆邊...(有誠意!)...出前一丁唔會煮到淋晒, 整體食物唔錯後話: 隔離枱食客的食物錯完又錯, 店員一直黑著臉, 仲問即係呢個唔啱食啦? 要換就要再等!今時今日咁嘅服務態度!!!

今日(24-3-2017 Fri)去醫院接受治療,到食晏時間就行o黎上月同女友人VL o黎,重未開張o既呢間,去到都算多人等位,我等o左大約5分鐘就有位.我坐低後研究o左兩份menu,就決定要$78.00o既炭燒雞脾扒意粉,點知女侍應話個扒爐壞o左,所有扒類同D4 o既野菜窩蛋大蘑菇芝士農夫包都冇.咁我就轉要$65.00o既野菌雞肉忌廉意粉,揀柚子醋田園沙律,飲熱伯爵茶.等o左幾分鐘,柚子醋田園沙律到o黎,菜新鮮,柚子醋落得o岩o岩好,好味味道: 5分之後伯爵茶到o黎,好熱,但味道怪怪.味道: 2分然後等好耐,野菌雞肉忌廉意粉至到o黎,應該因為廚房只做炒o野,所以要等耐啲.呢個又係好熱,份量適中,野菌唔算少,而味道,食唔到忌廉味,只有油,而所有食材o既口感都正常 OK.味道: 2.3分服務:坐低後想叫o野食,但冇人應,唔知係睇唔到定聽唔到.既然知道自己供應唔到扒類,就應該o係門口個餐牌貼上”暫停供應”,而唔係等客人入到去坐低叫o野食至講.

set lunch份量很多，前菜可揀粟米湯，蕃茄湯或沙律，粟米湯食得出粟米蓉，好味!蕃茄湯就一般啦。沙律好清新，好開胃!主菜蛋蓋飯唔錯，炸魚柳的外皮好脆好薄，唔會係成舊粉漿嗰種，魚肉好厚，真係啖啖肉!而且完全冇雪味!豚肉唔係一般豬扒貨色，有質素!炸雞就略嫌乾咗D。餐飲加錢轉朱古力，好好飲!

職員服務態度好，食品高質數，食具清潔地方舒適同一枱客人由於陸續來到，所以於唔同時間落幾次order, 每位職員都表現有礼和誠懇，都能用心友善地招呼。食具擺放整齊又清潔。餐牌寫得清楚又設計簡潔。裝修和燈光配搭得宜，價錢又合理，是難得的食店。

第一城的消費能力強勁， 很多住戶已經供完層樓， 早已脫離蝸居時代。可惜，屋村內好的餐廳不多。 我也從來沒有機會或感覺為其中餐廳寫感受的衝動，今天品嘗過新開的ASAP, 的確是一家用心的餐廳， 值得推薦。食物雖然很簡單， 但廚師用了新鮮的食材， 用心調味， 簡單的食物賦予了新的生命。 今天選了炭燒豬排沙律， 和粟米湯。 豬排肉質鮮美， 經過炭燒， 肉汁被鎖住，在口中慢慢滲出。 沙律其實很簡單， 但很多餐廳所用的蔬菜都不夠新鮮， ASAP 選用了新鮮的食材， 加上開胃的調味汁，又健康又好味。 濃濃的暖暖的粟米湯在冬天是很明智的選擇，鮮甜的滋味在口中蔓延。 飯後配上傳統的港式奶茶， 讓週日多了一段柔軟的時光。 ASAP已成為屋村內的新寵， 有這樣一家美味可口又用心的餐廳進駐區內， 是大家的福氣， 希望她的美味可以持續ALAP (as long as possible) 。

今日lunch試新野 經過見到開左間餐廳係第一城HSBC舊址 咁就去試下囉 入內覺得寬敞舒適 空間感大 伙計拿來Menu但得兩張我揀左個煙豚片濃湯意粉+多士滑蛋特式腸 還配粟米湯 加轉凍朱古力香滑軟綿 蛋香濃 多士唔夠脆特式腸反而好味喎 有肉質感唔係淋既個湯少去油 但有蔬菜味 煙豚片同火腿片無分別粟米湯多粟米有濃味 最緊要係熱辣辣濃郁凍朱古力 yummy賣相吸引份量滿足 要加$8 不過值得其他既套餐都吸引 同事都試左咖喱牛肋肉滑蛋飯 賣相非常靚 味道唔錯不過d咖喱一d辣味都無 有點兒失望

諗住樓下新開餐廳不妨一試，但係試後覺得餐廳食物快餐店食物但要餐廳價錢，肉眼扒餐用炭燒肉眼扒柴皮三分一係肥羔但服務員並無問客人要幾乘熟，隨餐跟焗飯及伴碟但係番茄同飯都係凍嘅相信番茄係雪櫃攞出嚟飯係焗好放係度先等扒出。而意粉上枱成灘水賣相差，餐湯味道有驚喜好味但份量少，服務員係年靑但服務唉……！埋單比500蚊佢找錢竟然放係張枱面就走，餐廳環境清潔，裝修可以。如果200蚊—個餐去附近餐廳都食到｡我相信無下次！

我第一時間去到個度 就感受到尼間ASAP好舒服 好符合佢地間嘢ASAP嘅主題 一去到就好有食欲 食物幾好食 間舖啲員工好有服務 啲員工幾靚仔靚女 大家可以去試下 感受下個度既氣氛 幾好幾好 好評👍👍👍