ASAP As Simple As Possible

营业中

休息中

Order左一個西班牙海鮮炒飯和一個海鮮鍋，整體味道還不錯，不過就是青口不新鮮，跟職員反應之後，職員竟然講係百里香的味道，但是其實是個青口不新鮮😤 顿时无语😕

以前食過幾次晚餐，質素不錯，價錢正路！ 於是結婚周年諗住同老婆輕輕鬆鬆食late breakfast，入去時已過繁忙時間，有張未執好的2人枱，我坐下感到冷氣吹頭不舒服，還未點餐又見到有梳化位剛空出，於是轉位。禮貌地向餐廳職員示意，誰知她很不禮貌地說“又轉位”，實在很差的服務態度，茶餐廳還比她好。往後我和太太點了一樣的早餐，牛乳滑蛋特色腸仔三文治+蕃茄湯雞肉通粉。早餐到來，未食已知中伏，肉眼見到蛋是又乾又散，食落口是微暖，明顯是炒定大量放在鐵板或爐暖至又乾又散，亦沒有牛乳，極之差，連街邊檔也不如。明顯是廚房懶惰所至，即叫即炒有多難？我自己炒也只需十數秒。蕃茄湯通粉味道還可以，但只是少暖，勉強合格。雖然價錢只是$34另加一，但如此服務及質素，算吧！

係石門返工一段時間，附近嘅食肆都已經試得7788，而個人認為石門有一半既野都唔係特別好食。返工咁辛苦食lunch梗係想食好少少，所以行多幾分鐘去隔離第一城搵食。比我發現到一間外表睇落幾有格調又唔係連鎖既餐廳。睇餐牌發現都有好多種類，最後我揀咗牛乳炒滑蛋加迷你日式吉列牛扒三文治半份再加粟米煙鴨胸湯意粉，依個餐仲包埋粟米湯或者沙律同埋一杯嘢飲。佢個炒蛋真係好滑，平時出面好少食到。鴨胸亦好好味。雖然個份量就唔係好大，但其實都夠飽。整體嚟講性價比都算中上，不枉我由石門行到第一城食lunch。

常常誤會這一家的名字的全稱是As soon as possible但其實他們的出菜出品是挺有心思不錯的。今天下午正準備游水的時候路經此餐廳，看到他們的新菜單就想試試他們的香蕉榛子醬朱古力pancake。外形是不錯，pancake上面有半溶化的棉花糖，兩塊pancake內裏夾著幾片香蕉及查了朱古力醬，可惜的是pancake過於乾，我估計應該是蛋鮮奶和麵粉的比例不對缺乏了一種香軟的感覺，要好好改進才是。

初四開年飯，大佬選了ASAP，這間其實一直都想試，但看到價錢後實在讓人卻步!午餐餐牌，10個選擇，只有一款意粉 - 黑松露帶子意粉，但我實在只想吃意粉，就點這個啦！午餐奉送沙律或餐湯，及飲品(可選洋甘菊/伯爵茶/薄荷茶等)。餐湯我選了粟米湯，味道不錯，也有粟米粒。誰知沒有帶子，換了鮮蝦，都okay啦！怎知道，整碟意粉黑松露香氣味道也欠奉，鮮蝦亦只是放上去，沒有一同煮。最離譜是那意粉，完全是用滾水煮熟的味道，從未吃過一碟索價百多元但這個質數的意粉! 完全是快餐店的水準，好失望!

今日同朋友去咗沙田度食晏勁想讚下呢一間餐廳雖然lunch等位比較耐不過可能因為新年人手比較不足但不得不讚係佢哋嘅食物質素首先lunch會包餐湯或者沙律佢哋嘅餐廳係粟米忌廉湯但最正都係個主菜我揀咗呢個炸豬柳配鰻魚日式咖喱滑蛋蓋飯估唔到個炸豬柳可以咁juicy鰻魚嘅份量亦都不少滑蛋蓋飯做得好好味淨係個賣相已經夠晒吸引成個餐好滿足份量真係好多

今日放假行過依面見到依間餐廳名好過癮👍ASAP同友人二人入到餐廳，因為避左午餐人流，所以唔需要等位，環境幾闊落入到餐廳坐底，Meun都可為多選擇（相比起午餐黎講）我同友人揀左好耐蒲燒鰻魚吉列黑豚滑蛋飯（$98）豚肉的口感唔錯另外友人叫左個海鮮濃湯泡飯（$86）汁唔算多，但湯用黎撈飯食真係一流Set Menu 都包野飲，特意覺得洋甘菊茶不錯價錢尚算合理，舒適既環境，坐位闊落。特色環境加上餐具都可為用心

男朋友友住第一城，其他連鎖食店都食到厭哂，今次終於的起心肝試呢間開左都一段日子的餐廳。一直都知道佢價錢唔平，不過店舖裝修都幾好睇，坐得都舒服的。午餐時分，都要拎飛等位，等左約5分鐘入座。餐牌大大分約易睇，款式唔算好多。同男朋友一人點左一個餐，有湯有飲品。我地一個叫左粟米湯，一個叫左黑松露忌廉湯。啲湯用佢地既特式杯裝，幾精緻。粟米湯好濃郁香甜，唔似得茶餐廳果啲冇味又稀咁，飲得好滋味。而另一個黑松露湯聞落同食落都好大陣黑松露味，一樣係好濃郁同埋幾rich，好味道先上菜係男友既黑松露雜菌意粉。賣相就普普通通，聞落有黑松露香味，可惜食落就冇乜。意粉炒得過淋，口感一般，而個汁都唔夠rich。啲菇都多既，意粉份量適中，不過咁既質素賣80幾蚊就唔太值啦。然後就係我呢個海鮮濃蝦湯泡飯。份量都幾多，上面海鮮亦唔少，有蜆、蝦、魚、青口等。青口唔太新鮮，其餘既都唔錯。個湯底幾濃郁，配埋個飯食都唔錯。另外飲品叫左凍奶茶凍檸茶，質素都不過不失啦。總結而言，食物質素都還可以既，但價錢就偏貴囉。

粟米湯 呢個粟米湯嘅粟米味呢非常之濃郁香甜，食到一粒粒嘅粟米 ，上面加咗少少香草做襯托， 味道都唔錯㗎。醬燒豬仔骨呢個豬仔骨嘅份量相當之大呀， 切完之後大概有五六條骨，佢嘅肉質呢一咬就即開， 唔會好韌， 外面嘅醬汁有少少惹味，唔會太咸。黑松露帶子炒意粉整體上佢嘅意粉都係偏淡，黑松露味唔強，而炒嘅時候我諗就落多咗少少油，變咗食起嚟有啲肥膩嘅感覺， 以配菜只有少少菇，唔係太特別。熱朱古力朱古力味都幾濃㗎，飲完暖笠笠。

This restaurant has a wide range of delicious delicious that are always cooked to perfection and the staff are quite welcoming. I really enjoy the simple aesthetic this restaurent has. Even though I have been here countless times, I still find every dish scrumptious!

今日經過第一城，晚餐想搵一間特別的餐廳。經過ASAP，見到食物都幾吸引，價錢合理，所以入左去試。海鮮龍蝦湯泡飯($86)，龍蝦湯味濃，而且海鮮份量都不少，有帶子，蝦，青口，魚，再加一d瓜。可以揀烏冬，我就揀左泡飯，食時連湯飲，感覺一流，最後成碗湯飲哂。咖哩滑蛋吉列豚肉飯($76),賣相ok,滑蛋上淋了少許蕃茄汁。豚肉以條狀炸成，食落脆口，豚肉也保持水份，沒有炸得太乾身。配上咖哩汁。整體上滿意，我覺得可以encore

星期日一家四口下午兩點去食飯，門口無人帶位，入到去見到侍應一個二個企左o係度，當見我唔到，因為仲有好多位剩，自己搵位座，坐左兩三分鐘都係無人肯過黎，要自己主動問佢地攞餐牌，之後又無攞水過黎，又係要主動問，記住佢地唔係忙，係一個二個企左o係度呀，然後再叫佢地點野食，全程態度語氣好差。之後食物黎度，味度品質都趟算唔錯，但當時滿腔怒火，導致食慾減少，真係浪費哂d 食物，老實講，沙田第一城好多餐廳都係服務麻麻，因為選擇始終唔多，但去到呢個服務水平就真係唔多啦。

這食店有時都要排隊， 入內裝修簡樸，環境舒適，落地玻璃可以望出街，有梳化位，都適合 一家大細有小朋友。我們一家三口點了三個餐，前菜可以揀田園沙律或粟米忌廉湯，細細杯，有粟米粒，好滑好好飲，如果加錢可以試黑松露湯。沙律有蕃茄仔、粟米、生菜及火龍果，使用了柚子醋，酸酸地，非常省胃。燒汁牛脷吉列黑豚飯，牛脷煮得好香，有肉味，一點兒也不韌，吉列黑豚熱辣辣炸起，十分香脆可口，這裏的吉列炸粉薄薄的，很仔細，非常鬆脆。吉列魚柳滑蛋蓋飯配咖哩汁，大大塊魚柳很滑，滑蛋很精美，配咖哩汁最好吃，蓋飯份量 可以再多一點，因為有咖哩汁。海鮮龍蝦湯泡飯，龍蝦湯香味撲鼻，豐富海鮮材料，包括青口、蜆、蝦及魚柳，阿女最鍾意湯飯，成碗飲曬食曬。餐飲選擇了熱咖啡、熱檸水及凍檸茶，熱咖啡好香好滑。

Smile😄ASPA係第一城算係唔錯既餐廳每張枱紙都會有一張smile😄添。.食lunch時間，如果過1:00pm多數要等位，今次叫了個比較邪惡既午餐同亞女share，個名都幾長下喎😅.「蒲燒鰻魚吉列黑豚滑蛋蓋飯」我諗因為用左日式咖哩汁，所以完全唔辣，鰻魚都好大塊，都ok。吉列黑豚肉外皮都夠脆。個滑蛋就熟左少少。.套餐可以簡沙律/湯，我就簡左粟米湯，粟米湯係超水準，個湯幾香濃仲有粒粒粟米添，用柸上幾別緻，但匙羹都幾的骰。

去沙田第一城搵lunch食，見到呢間比較吸引就走左入去試下，兩個人點左兩個set lunch, 叫左個鰻魚吉列豚肉蛋飯同吉列魚柳意粉，兩個都點左柚子汁沙律，我有柚子汁好味好開胃，吉列豚肉外脆內juicy,好好味，個鰻魚都ok,整體都好味。至於吉列魚柳意粉，個吉列魚好味，好大件，絕對夠飽。再點左餐飲，兩個人埋單$195，我覺得稍為貴過d,服務好馬馬，店員愛理不理。不過我好surprise d 野食係好味既！