Around Wellington (已搬遷) 新店位置

這間小店位置不多堂食，但是服務態度很有禮貌，最重要係食物高質！我昨晚食左醉雞配道庭烏冬，很多串燒，都很好味！醉雞很入味，估唔到係烏冬都好入味！串燒也很驚喜，新鮮而且多汁，食落好似自己屋企煮咁，好正！今午再試 和牛漢堡，Juicy 、新鮮，漢堡包外脆內軟，再加一杯凍檸茶，正！而且擺盤精緻，有心機，很難得！聽日打算嘗試蟹蓋飯😋😋😋😋😋雖然我唔係成日過來中環工作，但一有機會，一定幫襯呢間高質小店！

食咗個醉雞配冷稻庭烏冬。吖，又真係估佢唔到，初頭以為醉雞還醉雞，烏冬咪又有一個sauce咯，吖點知個烏冬sauce係醉雞汁! 吖，又估佢唔到原來咁夾。點解盤古初開以來無人諗到? 係咪好似瀨尿牛丸咁???雖然兩樣嘢都係一個味，但係佢哋又唔係一個味喎。因為雞有雞味又有酒味，而烏冬就只有酒味(同埋烏冬味或者米味掛，如果你味覺夠勁)。加埋啲酒，成個人食到去一個迷離同埋醉醉地既狀態!想講啲酒好香。可能係靚酒?? 不過食親呢啲食材都驚大陸嘢，但我對呢間小店有信心 (不過真係要小心入貨)!食物賣相同衞生情度都係一流。個外賣包裝仲好環保，唔洗用袋。去買吓你就知點。Lunchtime多數要等位。始終小店座位有限。但絕對值得。我下次會再去試埋其他嘢。有機會再同大家滙報!

良心小店，店子小小，座位十多個，幾位年輕人打理，感覺親切有活力👍上次見人太多，所以買外賣，外賣包裝骨子，食物味美高質。今天再來，不用等，坐低吃，年輕人一樣給我活力親切的感覺。點了Omakese set, 店員主動給我會員價👍每一道食物都味美不欺場，西洋菜湯味道濃淡剛好、耦片爽口清甜，牛仔骨軟腍入味、炸魚塊不過不失、哈蜜瓜清甜、還有我最愛的厥餅...賣相骨子、份量剛好，感覺大滿足😋

每日晏晝都要諗食咩係一個難題，一路行下點知越行越遠，就行到 around wellington,見到門口有兩三個人等緊，見唔係好多人我就決定入去叫外賣 （因為之前爆買日係多人到）‘青咖哩螺絲粉炸鯛魚柳’仲送野飲（我揀左凍檸茶）個外賣盒都幾靚架，又環保）最重要係青咖哩螺絲粉好惹味螺絲粉軟硬適中，青咖哩又唔太辣，賣相又靚拎到返公司仲熱辣辣架～ 份量啱啱好～ 大家有機會一定要試下* 鋪頭裡面幾個後生仔女好有幹勁同禮貌值得一讚

由於餐廳堂食位比較少，排隊時間會較長，不過支持小店冇咩所謂，有的是時間。我同兩個朋友分別點咗：虎蝦冬蔭功刀削麵 - 虎蝦大大隻爽口，刀削麵原來配tomyum都好惹味﹗蟹籽蟹肉蓋飯 - 連埋佢滿滿蟹膏嘅蟹蓋簡直一流﹗招牌花雕醉雞配冷稻庭烏冬 - 冇咩特別﹗鐘意醉雞嘅人可以試，因為醉雞汁好味﹗串燒：菠蘿、秋葵、茄子、牛舌 - 焦糖燒菠蘿好味到痴線﹗每一樣嘢都好出色，個人就冇咁BUY花雕醉雞....因為比較普通少少，但個醉雞汁都好yummy~我哋仲order咗佢哋嘅啤酒，如果唔飲酒都有0% beer今次開飯冇咩影相，不過同其他食評嘅相都無異。

位於威靈頓街、開業不久的中環小店，主打fusion菜式。店內位置不多，可能主攻外賣。買了虎蝦冬蔭功刀削麵，呢個combination幾特別。虎蝦大大隻都幾新鮮，冬蔭功汁好開胃，刀削麵既質感都唔錯，仲有新鮮車厘茄、露筍、粟米芯等配菜 88的午餐連飲品，中環區來說合理。初時見外賣盒細細個梯形覺得可能份量偏少，但打開後食落其實份量唔細，不過冬蔭功汁惹味，都食晒成盒。店員都係年青人，親切有禮，主動問外賣要唔要餐具。睇到餐牌仲有和牛漢堡、醉雞烏冬等等新穎菜式，下次希望試埋其他食物。

第一次俾食評！話說唔知食乜，行過威靈頓街，一見到就俾門口吸引入去，點了醉雞烏冬，成隻雞脾上，有心思夠入味。支持香港味道，良心小店！Taste of Hong Kong!

Lunch hour 早放冇乜人 無經驗洗等位 鋪頭有d 細但員工招呼都好好 叫左個花雕醉雞配冷烏冬 烏冬夠味 醉雞都入味同滑 絕對值得一試同支持 ! 價錢黎講lunch hour 都係中環水平啦 食得過

第一次去食，餐廳主力做外賣，但都有數個座位供堂食。食前見都係用即棄餐具，所以事前問定餐廳可唔可以自備，原來自備器皿及餐具可減$2。選擇了醉雞冷烏冬，雞夠入味，有成隻雞脾，烏冬彈牙，份量對我來說剛好，但都希望多DD蔬菜類平衡一天營養^^。另外友人選擇青咖哩螺絲粉配炸魚柳，咖哩汁好吃，但炸魚柳偏咸及油。

本身想食炊豕店，見到人龍長到即時放棄左🤭行2步見到店鋪小小但望落不錯既Around Wellington~~·🦐虎蝦蘆筍冬蔭刀削麵（$88）睇落細份但食落相當飽肚🤣仲食唔哂～～濃濃冬蔭惹味，掛上煙韌刀削麵⋯酸酸辣辣開胃👍🏻👍🏻·🦀蟹籽蟹肉蓋飯配甲羅燒飯（$98）蟹籽蟹肉份量唔少👍🏻👍🏻見朋友撈埋蟹膏相當滋味·☕️紅棗茶 餐飲點左養生茶💓好喜歡好足料💓但店鋪冷氣唔太夠加飲埋熱飲真係有點熱😂·📍Around Wellington中環威靈頓街154號地鋪

過往呢個鋪位係一間我好喜歡的韓國餐廳經過見到已經轉左手。我無法為呢間餐廳定位，有醉雞、有和牛、有冬蔭公刀削麵，多元化得無法界定。已經食過好幾次了醉雞冷烏冬醉雞非常入味，富酒香，冷烏冬已拌入醉雞汁，調味得宜，非常清爽。虎蝦冬蔭公刀削麵虎蝦雖得一隻，卻有掌心的大小，貼心的是已開了一刀挑走了蝦腸，亦不切用手已能用口去殼。冬蔭公醬質地能掛麵，個人口味覺得刀削麵煮得過軟，但整體也是好吃的。 Lunch Omakase由前菜食到甜品，本周有中華沙律、西瓜、奶凍、咖哩魚柳、醬燒雞、餐湯及飲品。老實講，作為普通食量的OL ，我真係食唔哂。整體都是水準之上，沒有令人失望。（原諒我真係好飽，飽到個腦諗唔到點形容)。值得一提是餐廳每天都有自家茶如薏米水、紅棗茶等，相當健康。

本身諗住去食附近嘅越南菜，點知去到大排長龍，午飯時間咁短，想等都等唔切，唯有去睇吓附近有咩其他餐廳。行行吓又來到而家未見過嘅餐廳，有個侍應哥哥喺門口招徠。一於去試吓新野啦！叫咗花雕雞烏冬，食物質素係有嘅，花雕雞尚算入味。但係我有一個小小意見，就係食物唔應該用即棄嘅紙盒裝住。如果用靚靚嘅餐具，會生色不少。特別係依個午餐定價都係偏貴，差唔多$100 ，如果買嘅係好似頹外賣嘅一餐，會令人感覺不值。其實有時候靠實力係唔足夠，食物嘅嘅presentation同埋外表吸唔吸引亦都好重要，做人如是，做餐飲都一樣。同幾位侍應傾計，發現原來唔係侍應，而係幾位合夥人一齊開依間新餐廳。後生仔真係有熱誠，又會問吓我哋好唔好夠唔夠飽（不過唔夠飽係咪可以免費添先），希望佢哋喺中環呢個競爭大嘅地方可以做得住啦

今日放假諗住去上環行下，跟住就見到呢間小店外面貼滿哂香港加油既memo，加上餐牌又幾吸引，所以決定試吓😋我哋兩個人叫咗蟹籽蟹肉蓋飯配甲羅燒飯同埋花雕醉雞稻庭烏冬😋上菜速度幾快👍🏻蟹籽蟹肉蓋飯配甲羅燒飯🦀🦀🦀味道濃郁，足料，夾大件！🤤🤤🤤花雕醉雞稻庭烏冬🐔🐔🐔肉質滑，雞同花雕味配合得剛剛好！烏冬湯底竟然都係花雕!有驚喜!😍總括而言，呢間野性格比超高，坊間既蟹料理要呢個級數通常都要過百埋單，呢度就唔使，絕對係抵食之選👍🏻

中環其實成個聯合國咁，想要搵唔同國家美食，喺中環都會搵到，威靈頓街近排新開咗呢間外賣餐廳Around Wellington，佢嘅菜式就真係集合左各家之大成，沙律、和牛芝士漢堡、醉雞烏冬、紅菜頭配意大利飯，就連刀削麵都有，而我呢日就食咗蟹籽蟹肉蓋飯配甲羅燒，98蚊唔加一，又有嘢飲，對比起其他餐廳算係好抵食㗎啦！我覺得佢好足料，蟹籽蟹肉堅係勁多，撈埋d蟹膏真係好滋味我仲飲到餐廳煲嘅雪梨茶，咁啱嗰日係大暑，飲完真係又開胃又消暑可能呢間餐廳係主打外賣套餐，所以佢哋嘅飯盒主要係方便大家帶走番公司/屋企/其他地方慢慢食，當然佢都有糖食，不過枱櫈就唔算多，可能要同人搭台，如果一大棚人嚟嘅話就未必有咁多位俾你坐，可能就要帶返公司慢慢食啦！