Applegreen (已結業)

這天要到旺角辦事,順道在旺角午飯. 選擇Apple Green,完全因為某食友的食評好吸引. 相約友人兩點見面,到達的時候,整個大堂空空的,原來十多檯客坐在裝飾牆後面的大玻璃前,的確風水幾好. 午餐有兩個選擇,主菜為沙律或麵包HK$58,而扒就要HK$88. 餐包湯或沙律,主菜同飲品. 反正都是貴,就看看你有何特色,所以二人選了三文魚扒同牛扒.先上的係薑蓉南瓜湯,賣相幾靚,湯面加上忌廉點綴. 味道亦不錯,南瓜同薑幾friend幾夾. 南瓜蓉同薑蓉增加了湯的口感,但食到有d老薑的渣.主菜上,份量就夠哂,味道就hehehe... 我選的三文魚,煎得唔夠,應該係個鑊燒得唔夠,做不到皮脆肉嫩. 甜薯好幼細,食的時候沾少少牛油汁,可減少甜薯的甜同膩,不錯! 而朋友的牛扒,煎到五成熟,幾稔幾有牛味,只可惜有荕. 配菜有煎薯仔片,洋蔥絲炒煙肉,好香,好襯,好味!吃罷,送上熱檸水,熱咖啡,跟茶記沒兩樣. 地方清靜,坐得好舒服,當然吸引,但沒有美味的食物,就太沒意思了!這個佰元午餐絶對物非所值. 雖然有點失望,我還是會再來,試它出名的沙律,好讓它板回面子!

上上個星期去左MK既Apple Green, 期待左好耐~ 因為見到d食評講到佢d芝士食品同甜品好正, 而2樣都係我至愛!! 於是一行3人去左大開殺界!!之前一晚book 第2晚9 點都要waiting list....真係咁多人?! 搞到果晚趕到去, 個場都仲有位...前菜叫左: Cajun fries in a trash can: 好脆, 但較幼, 薯片既味道, 食完一條又一條, 有D口渴 Potato boats: 正!! 薯皮脆, 面頭勁多芝士, 有d salad dressing & tomato cubes 好fresh! 最正係咬落入面全部都係煙肉, 勁滿足!! Four cheese quesedilla: 又係好多芝士, 切果陣拉到d芝士絲勁長~~~ 幾特別Pasta:因為想食多d甜品 只係叫左人人都讚既 Carbonara~~~ 同一個完全無特別既 macaroni and cheese... Carbonara: 最衰唔係好熱, 如果唔係一定仲好食....有好濃既芝士味, 基本上係食到一粒粒仔既cheese~ 煙肉碎令個粉好香~ 塊包就好mama...

餐前小插曲在點餐前傻傻的粉仔便已經鬧出個大笑話事情是這樣子的 由於粉仔是第一個到餐廳的人便先拿起餐牌研究有甚麼美食可是全是英文的餐牌弄得粉仔一頭霧水而跟粉仔一樣像一團飯的飯婦人到來時粉仔問他看不看得懂某幾個是甚麼 他也是一個呆直到高貴的伯爵大大來到粉仔正想向他求救時伯爵竟然像變魔術似的拿出了一個中文版餐牌 (暈~~~~)然後伯爵用很鄙視的眼光看著粉仔........ (天使粉:乖乖乖~不哭~發雞盲不是罪!!!哈哈)回到正題後來經商討下(哈哈!應該是在粉仔的威迫下)決定了今天的菜單:每人一個餐湯、燒野菌沙津、薯皮、德國芝士烘餅、卡邦尼意粉、Chocolate Brownie Sundae、Applegreen Crisp當天的湯是西蘭花煙肉忌廉湯和南瓜忌廉湯粉仔不喜歡南瓜所以跟飯婦人一樣選擇了前者, 而伯爵則選擇了後者先上的是西蘭花煙肉忌廉湯嗯... 喝下去有淡淡的西蘭花和煙肉味還算ok 但不夠濃粉仔喝慣了outback濃濃的湯 所以還是喜歡outback的 hehe 然後是伯爵的南瓜忌廉 粉仔為了完成一個完整的食評所以就算不太喜歡南瓜也偷了伯爵的少少來試味很甜的南瓜味 但就是太甜了 而

中意綠色~每天必食蘋果的我怎么能不來Applegreen一試呢？店面沒有預想的美~~挑座位照例要視野開闊的其是外面看出去只是旺角殘破舊樓~即使這樣也仍中意面窗而坐雖然最想吃甜品，但此行目的是棒棒雞沙律~和青豆湯~甜品就留待下次吧~青豆湯~綠色的~就會有好感啊~味道很自然~棒棒雞沙律~~低卡之選~酸酸的爽口！雖然牛扒并不吸引~但喜歡配菜~下一個目標~甜品！！！

下午開 OT, 早上有個空檔, 約了舊朋友相聚, 事前看了 OR, 做了些功課, 訂了 1130, 到達門口時看到寫著 1200....但卻是準時 1130 營業, 何解呢? 周六沒有 set lunch, 散叫了兩個主菜及一個甜品, sesame orange chicken salad, 半份/$49, 半份也不少, 面頭仲有一件合桃蛋糕, 清新的蔬菜也不會缺少了碳水化合物, 內有雞肉絲, 甜柑, 炸米粉絲, 到最後也吃不完!, 然後叫了一道很多食評也讚的意粉, Carbonara, $78, 個人較喜歡吃硬身傳統的意粉, 這個絕對合乎要求, 煙肉多....但令味道偏鹹, 忌廉汁很濃稠! 最後叫了個 baked apple crisp, $48, 最喜歡的感覺 - 熱辣辣, 蘋果肉大大粒, 但甜度可以稍減就更完美, 鋪面的脆脆....有賴牛油的作用, 雖知它是致肥的, 但卻是我會跟人爭食的食物, 下次的目標是creme brulee!一讚的是接待我們的侍應很熱誠, 令我們吃得舒適自在, 頻添水, 下次要跟老公再來試試!

lunch去食，叫左2個$88既商務套餐，價錢係貴左d~ 青豆湯+香草烹蝦意粉+餐飲田園沙律(配蜜餞芥辣汁)+香燒西冷牛扒+餐飲青豆湯普普通通，田園沙律好大碗，不過果汁好失望lor... 一樽芥辣自己畢... 邊有咩蜜餞呀？？個主菜好食，意粉煮得夠硬身，好香~ d蝦又大隻，不過一碟得3隻少左d.... 個牛扒真係好好食，仲有好多肉汁，無其他獻汁遮住哂d肉味反而好好食~ 餐飲可以叫不同既紅茶，不妨叫侍應介紹去試試。

一星期前訂位都只可訂9點,不過又真的是滿座的,雖然在門口等的人不算多叫了當日的兩款湯忌廉菜湯：非常好味~推介甘蔗湯：好鮮的甘蔗味Chicken Caesar Salad：真的好大碗,沒有可能吃完......我很喜歡這個醋的味道剛剛好~吞拿魚天婦羅卷：雖然都好食~但熟了的吞拿魚好像沒什麼味要完全靠點個wasabi汁焗薯皮：雖然配酸忌廉很好吃~但感覺很普通忌廉煙肉意粉：沒想像中重忌廉味,不過意粉好彈牙~環境竟然比大排檔還要嘈吵= =絕對不是慢慢談天傾計的好地方......侍應的服務態度非常好~題外話：在等位期間預到自私的人......門外得一列座位比等的人坐,有一對著到行政人員咁的男女坐正中間,佢地d一袋二袋放曬上坐位,2個人霸左5個人的位,我地行過去坐係邊邊,佢見到我地坐都完全冇諗過移開少少野.......其實佢只要移開少少,我地就唔會咁迫,其他人亦可以坐d人真係自私到死......唉= =影響左少少食飯心情~

聽講呢間餐廳好多人食,如果唔BOOK位就要等好耐。於是一個禮拜前就訂定位。到八點嘅時候已經成間餐廳人頭湧湧。值得一提係間餐廳啲女侍應幾靚女。叫左四個餸:焗薯皮: 有四件,黎嘅時候已經好熱。啱啱好嘅芝士加蕃茄。必食。墨西哥脆片: 嫌個脆片唔夠脆,牛油果好香,不過如果食哂就有啲「溜」。肉醬意粉: 比較硬身、加左香腸同磨菇。個汁啱啱好。雞肉沙律: 太大喇。啲菜苦嘅!!!只係食左一半。叫左一杯可樂同一杯檸樂,估唔到比$28嘅價值原來係可以REFILL。侍應不停加水。唔錯。

上月約左朋友仔黎試呢間係網上面好多好評既店~~~同朋友仔都係第一次黎食，睇完一輪 Menu 就點左以下幾樣野叫得The house of Salad，咁就梗係order 左一客salads 啦！Classic Caesar Salads (half)食過之後我鐘意左食Salads呢！入面有Romaine Leaves, Shaved Parmesan cheese, Tassed with Applegreen signature caesar dressing個包包甜甜地，不過Parmesan Cheese有點太碎，唔似得其他網友點上黎咁大片！但好好味，我平時唔鐘意食Salad但都覺得好味！Buffalo Wings我本身好鐘意雞肉的，但呢個雞肉好實，個汁都ok 好味道，影唔到啲配菜，個甘荀條幾好味喎~~~~Cajun Seafood Bag呢個Seadfood Bag，係我今次比喊樣既原因，實在太唔掂，入面啲海鮮好"梅"，唔新鮮唔好食... 好失望！！！我諗我整會好味過佢好多... 其實如果明知食材唔新鮮，就寧願同客講叫客人order 過另一樣野好過......不過呢，如果一大班人

第二次光顧,早兩日訂位又係例牌full哂,唯有膽粗粗放工早少少去,果然毋須等位,但7時入座,8時半要枱是日menu1) 墨西哥脆片 -- 味道清新, 牛油果味重,前菜一流~推介!2) 炒雜菌salad --- 一貫水準3) 焗薯皮 --- 味道普通4) 煙肉忌廉意粉 ---- 誠意推介, 再點然保持水準5) baked apple crisp --- 肉桂味濃, 本人不好....整體ok~但係似乎水準稍為回落~不值咁多笑哈哈~

見到open rice d人講到咁好食..特登去左食6點鐘去到問佢有冇得book位佢話full哂...ok..問佢有冇得waiting list..話冇..算..男朋友話到時黎walk in睇完戲再返黎.9:30話冇得入因為10點鐘last order..同我講連最後waiting list個d人都入哂咁頭先佢地又話冇waiting list???者係咩?火都黎埋男朋友話走唔食..但我堅持要食..因為想食左好耐..2個中叫左捧捧雞salad一份-_-一個薯皮..一個pasta.個salad好大份..但係我覺得好難食d雞好鞋..薯皮簡直不知所謂我食緊薯蓉???食左2舊就冇食到..最後個pasta食左carbonara都算ok..食左少少想叫甜品的時候已經冇得叫喇...埋單400蚊..跟本就唔值呢個價lor!以後都唔會黎食真係唔識咩叫好食 !!!

朋友飯聚, 有人提議呢間, 上星期五打黎訂已經要 waiting list , 心諗真係咁好味?! 我係第一次黎, 個 menu 都幾吸引, 不過環境真係好嘈, 唔係傾計既好地方!8個人叫咗:加州棒棒雞沙律 (半份) - d 汁好好味, 菜新鮮, 不過雞肉就少咗d. 讚!讚!讚!華多夫沙律 (半份) - 一般, 無california pizza 咁好味.日式吞拿魚沙律 - 吞拿魚略為熟咗d, 個醋汁好味!燒菠蘿肉眼扒(7成) - 菠蘿好味! 肉眼扒略嫌太薄太鬆軟, 無牛味~烤腸拼盤薯蓉 - ok, 著蓉唔夠 creamy焗芝士雞扒薯蓉 - 好鞋好乾!!! 唔好食!!! 香蒜意粉 x 2 - 不過不失芝士三文魚薯蓉 - 普通, 有d 乾.side dish: 薯條 - cajun 味比較咸叫咗4個 desserts, 只有 creme brulee 較好味, 烤水果可以不試! 總括來說, 唔係好明白點解有咁多 happy face & good comments.

事源就係因為我個工人整左d奇奇怪怪o既晚餐, 我嬲嬲地就索性出街同囝囝兩個去撐檯腳. 因為明天囝囝仲要返學, 所以是是但但嚮新世紀搵d野食就算喇. 我地叫左一客cabonara, 一客sausage platter, 一客cajun fries 及peanut butter banana turnover. cabonara 都夠哂蛋香, 分量就比較大, 所以我地都係食唔哂, sausage platter 都好有水準, 肉香四溢, cajun fries 應該係辣辣地要好食o既, 不過由於囝囝唔食得辣, 所以就走辣囉, 變左好似m 記咁, 有d失色. 最正都係個banana turnover, peanut butter 好香加埋banana 當然係絕配囉.

自從認識蘋果綠, 飯聚常有幫襯, 尤其是女生多的時候.飯前一盆自選沙律, 好玩好吃, 感覺健康, 不會少的.我的winning formula是鮮菇核桃提子乾加黑醋, 配任何菜吃, 也好吃得不得了, 就連想起來, 唾腺也有所反應. 其它頭盤, 如薯皮呀, 德州芝士烘餅呀, 都很不錯. 反是昨天試了個水牛雞翼, 竟不好吃. 辣味太強, 甜酸鹹太弱, 惹味不足, 刺激有餘...主菜/pasta類一直以canbonara最為穩打, 昨天吃的, 香滑依然, 而且醬汁稠濃稍減, 令捲起來吃起來也輕鬆多了, 抵讚! 肉類表現不很穩定, 如昨天的牛扒好吃, 但雞肉則太熟太實, 义子也义不進去.甜點方面, 昨天試了個baked apple crisp, 值得推介, 還有crème burlee也不俗. 不過早前試了個燒鮮菓, 味道平平, 及不上水果本來的美味. 其實, 每次吃applegreen, 點甜品也不很熱烈, 真是大反常態... (可能是否頭陣青菜太強之故... 青菜萬歲!)

同朋友慶祝生日去試下一入去覺得好嘈坐低叫左4樣野凱撒沙律- 清清地,菜幾新鮮.味道都幾好,不過菜之外好似冇咩其他野放落去,有D貴.焗薯皮- 辣辣地幾好味,仲有D好脆既薯片係底,唔錯! 雞中翼- 都係辣辣地,外皮脆脆地咁,OK啦.煙肉忌廉意粉- 味道都幾好,不過我覺得個意粉硬左少少.環境好嘈,唔知係唔係有幾大班人係附近既關係,D人好似鬥大聲咁,嘈到差D連同朋友傾計都聽唔到.服務就麻麻地,埋單果時個侍應冇打開單簿,就咁放左係台面就行左去,我自己打開睇完價錢,放張卡落去佢就來收返.碌完卡佢抽返佢要既單尾,其他單尾同卡又就咁夾係單簿放係台面就行左去.都唔係親手交返D野比我,全程又一句聲都冇出過. 完全冇禮貌!! 食物方面都OK,係價錢有D貴.環境同服務真係麻麻.只適合一大班朋友去多D.