Applegreen (已結業)

星期日想食lunch，見四周餐廳都好多人，Applegreen有位就想入去立刻坐低，而且門口沒有待應接待的。但待應在途中叫停了我們，問我們幾位，然後左盼右盼了幾秒就指我們到最遠處的地方坐下。他的態度並不是差，但亦不是很好的態度。兩個人每人叫一份lunch，有飲品、沙律、餐包、湯及主菜，大概$118-138。落單時候的侍應態度不太好，全程落單冇出過一粒聲。一直用盯着你的眼神下單，不是要你問我吃什麼喝什麼，但也應該要有作為一個待應應有的態度。沙律味道很好，有淡淡芝士味，但不是沙律菜，只是普通生菜。牛角包是冷的，但都吃到牛油味。薯仔湯質感好傑，味道一般。涷檸檬茶，無咩特別。黑松露野菌意大利飯味道太咸，而且太溜（芝士味既溜）。睇到黑松露，但食唔到黑松露味。而且意大利飯都有D林，冇煙韌嘅感覺。忌廉三文魚意大利粉，三文魚非常多，而且忌廉汁有少少似青醬汁。整體味道係都唔錯，但冇特別驚喜。

今日同個朋友食個下午茶，$88 二人餐，連埋+1 就99蚊，不過個款好睇唔好食，餐包捨有2款迷你漢堡包、凍冰冰，麵包硬。牛角包、超硬芝士通粉，一般最好味系炸薯條，岩岩炸出黎

係元朗行街，因為天氣太熱，決定行商場好了，順便早點食飯回家，見呢到有apple green，裝潢比其他分店靚好多，加上好耐冇食，於是呢間了。發現yoho入面，有不少餐廳及地方都有單車作擺設，唔知係味因為店子面積大。開放式設計的餐廳，樓底高面積大，甚有空間感，裝潢充滿田園氣息，實木色枱椅，到處有盆栽綠草的力擺設，感覺舒適。二人套餐，$338，有頭盤x2、主菜x2、餐湯及餐飲。菠蘿檸檬特飲，檸檬味較突出，感覺清涼，消暑佳品。士多啤梨檸檬特飲，友人的。椰菜花煙肉湯，口感比稠身，似薯仔湯，幾好味。加州棒棒雞沙律，有片片的脆卜卜，配上沙律菜及雞肉碎，味道清新。焗薯皮，薯味濃郁，味道香口，好味呀。夏威夷燒肉眼牛扒，賣相十分吸引，有大塊的肉眼扒、燒菠蘿及薯條，份量十足，肉眼牛扒充滿焦香味，肉質鮮嫩多汁，好食呀，燒菠蘿味道香甜，幼身薯條香脆好味。火炙吞拿魚番石榴意大利飯。火炙吞拿魚，魚肉軟滑有咬口，而且夠鮮味，一片片的番石榴令意大利飯帶有清香的味道，幾好味呀。環境坐得舒服，食物有水準，服務態度友善，整體不俗呢。

今日熱到爆汗食d咩已經唔係重點，最重要係要有冷氣元朗好多小店都好有個性話休息就休息。。。摸左門釘唯有入大商場搵食😑😑😑入到呢到冷氣好夠 一入門口就決定食呢到可能已經2點幾 人流唔多加上平日難得2點幾仲有lunch set 唔錯唔錯一人點左一個set再加薯條Set有沙律同湯跟埋仲有個牛角包 都幾好食 微暖嘅食得到唔係隔夜 仲有沙律都好新鮮👍🏻👍🏻不過個湯就好一般 咩湯我飲唔出蕃茄味 但又好希 又有d粒粒米咁奇怪的湯😑飲品可選氣水or特飲or檸茶我朋友要左可樂 我同另外朋友就點左綠茶味道啖但顏色深😅單點嘅辣粉薯條最快好脆好香 不過有少少overcook 味道是可以的明太子忌廉意粉 無任何配菜 只有明太子忌廉有d悶 至少有d菇都無咁慘丫。。。😂😂😂呢個係巴馬火腿蜜瓜脆餅脆就脆 仲好薄 但個味好怪本來蜜瓜同火腿好夾。。但加左好多黑醋蓋過哂蜜瓜嘅甜味 ☹️☹️☹️炭燒肉眼扒點左7成熟。。。但煮到有9成熟 好硬好鞋旁邊嘅薯條無單點咁脆口 又淡牛下面嘅配菜係南瓜同紅羅白。。。好淋 不過凍凍地。。。我記得上次食晚飯是可以的今次lunch做得好一般！

行開元朗Yoho Mall, 見攰攰地，就入左黎食下tea!兩個人食咩好？最好梗係搵個set for two啦！唔駛諗唔駛煩丫嘛～＿《High Tea Platter for 2/ 下午茶精選拼盤(二人份)》 $88設加一***Meatball Sliders 香草肉丸芝士小漢堡Roasted Chicken Salad Sliders 燒雞肉沙律小漢堡Parma Ham Asparagus 巴馬火腿露荀卷Classic Mac & Cheese 焗芝士通粉Mega Barbecue Fries 香脆燒烤味薯條70% Dark Chocolate Croissant 朱古力牛角包***食Afternoon tea最好既地方就係有勁多款, 多姿多彩😍 呢度野食整體味道唔錯, 不過偏重口味左少少。個人覺得Meatball Sliders最好食。Meatball Sliders 好香好香牛油味, 食落有肉汁, 質感唔鬆散。香料味道非常鮮明, 令肉丸惹味十足, 但略嫌太強烈, 有點喧賓奪主。Mac & Cheese 通粉細細粒, 幾煙韌彈牙, 不過芝士味十足片裝芝司樂(Chesdale)高鈣芝

同閏密約會食個 tea都食得好豐富蟹肉牛油果青瓜沙律第一次食有牛油果醬包匀哂嘅青瓜原來係噤正！香港唔算十分流行牛油果但呢個反而有好多原條牛油果！超正！另外上面嘅蟹肉都夠鮮又唔會太咸，淡淡海鮮味再配返沙律依然係噤fresh!!下面呢個係黑松露醬薯條配burger 個薯條如果係粗薯條就好啦😂😂不過都好味嘅個醬調得適中對住食薯條唔點醬的我覺得都好味！好香口惹味！Burger 肉好厚！！！！個麵包都好香！不過因為兩人掛住傾計攤左陣先食

最喜歡無目的咁有搵食 隨心所欲今晚約左姐妹係形點食飯 見到青蘋果個二人餐幾抵食就戈坐底左啦😂抵食啦 $298 睇落幾多野食不過人流唔算太多 可能平日掛😅先黎忌廉甘荀湯 略嫌淡左少少 唔夠creamy捧捧雞沙律 沙律菜夠晒新鮮爽甜 👍🏼墨西哥煎餅 餅煎得夠香夠脆 唔錯小妹係食肉獸 當然㨂ribeye啦7成熟岩岩好 入口有牛味 唔錯嘅不過個人比較喜歡粗身薯條😂姐妹㨂左黑毛豬 食落竟然比牛更惹味👍🏼👍🏼特別係面頭嘅芝士 罪惡得黎堅好食最後一人來一杯雜果汁消下暑 爽啊👍🏼埋單每人$170 唔錯😙

想試好耐 但發現只有星期一至五仲要係2點30至5點先有！人唔多一去就有位仲可以擇位好彩等左10分鐘就有個tea set$88 2位好平！咸點好少有仲有包2杯飲料冷熱有！薯條都幾多！炸得又香又脆又有好多香粉惹味 之後又有2款漢堡 特別又好吃我最愛肉丸芝士小漢堡一啖食埋肉質唔*唉*口再加芝士滑口同脆包正平得黎又唔失水準！ 芝士通粉多芝士到爆芝士汁實張住晒個口好中意不過就覺得個朱古力牛角包牛角包實左少少 如果鬆軟會更好埋單加埋一都係$97

今日約咗朋友去元朗影點食下午茶,本身諗住睇下有乜嘢下午茶好食,點知入到商場門口就見到依一間餐廳,下午茶時段兩點去到五點鐘,我地入咗嘅時候已經四點半,但係餐廳嘅人數都唔多,而且商場同埋餐廳嘅環境比較安靜所以同朋友傾吓計飲下咖啡都幾舒服亦都幾悠閒。本身都估唔到間餐廳嘅下午茶咁抵食,其實依一間餐廳主要係食沙律,但是下午茶就有套餐,套餐嘅款式都唔少,有漢堡包通粉薯條沙律同埋牛角包等等,食物嘅質素都唔差而且速度都幾快,唔需要等好耐先有得食。本身以為餐牌嘅食物需要簡,點知原來係每一款式乜都有,雖然食物嘅分量唔算太多,但係勝在每一款都可以是小小,對於下午茶嘅份量黎講算係唔錯。最欣賞就係一杯飲品,所有嘅飲品都可以任揀,而且飲品非常大杯,藍山咖啡士多啤梨沙冰等等都有得免費飲,不過呢個下午茶只是星期一至五先有得食, 所以如果放假想同其他朋友過來食就可能要貴少少啦不過$88呢個價錢識到一個咁高質嘅下午茶我都覺得非常之低,下一次都會在介紹朋友過來食。

尋晚同男友37個月紀念，嚟到Yoho Mall諗住搵間大家都鍾意食嘅餐廳。呢度好多餐廳選擇，有部份都做優惠，包括呢家AppleGreen。入面9成滿座，我相信每枱都係被$ 298嘅二人套餐而吸引入座，我地都唔例外。$298包啲乜呢？首先送上每人一份是日例湯先啦，磨菇薯蓉湯，質感較為杰身，薯蓉香味好重，不過稍加pepper先至有啲味道，同埋食唔到啲粒粒湯料，有返會多啲質感。如果唔係太肚餓嘅話，可以唔好要呢碗湯;不過我係好肚餓嘅，所以就算味道麻麻都飲清光，不浪費。飲完湯當然要食前菜啦，有5款揀，包括凱撒沙律、加洲棒棒雞沙律、薯皮、墨西哥豚肉薄餅等等。嗚吖，樣樣都係我favourite。結果點咗棒棒雞同薄餅，介紹俾男友食！加洲棒棒雞沙律好味嘅地方係有唔同種類嘅蔬菜條啦，雞絲，仲有點睛嘅脆片。軟、爽、脆嘅混合口感，加上酸汁，每一口都好refreshing同開胃。建議食完沙律先食呢個墨西哥薄餅，皆因佢味道偏濃，咁呢個食起上嚟就無咁滯。兩塊薄餅夾住嘅係cheese同豚肉，又係脆同軟嘅混合口感，好滿足！有幾口會食到啲酸青瓜同菠蘿，中和晒啲重口味！不過陸續有重口味，就係食主菜嘞！主菜有肉眼扒、黑毛豬、

難得來到元朗，沒有特別覓食，經過商場近大門前的餐廳，原來是以前試過的applegreen，今次跟朋友再試其他食物。但是安排了坐在近大門位置，當晚不停有風吹來，感覺不好受。說回食物，我跟朋友點了沙律，漢堡，通心粉。黑松露焗芝士通心粉，熱辣辣好香黑松露味，每啖都有好多濃郁芝士。份量唔算多，食完都不會太膩。 墨西哥炸雞沙律，點了半份已經夠兩人食。炸雞細細粒，但好脆口帶微辣好香口。沙律菜上有甜甜新鮮粟米蓉好清新。 炭燒安格斯牛扒漢堡配薯條，之前都試過漢堡扒，但今次有進步。漢堡扒五成熟好多肉汁又重肉味，而且漢堡扒比之前厚身及大份。相反是不夠多醬，整個包不夠味。

假日走到元朗一日遊，最近天氣開熱了，商場人頭湧湧，怕等位的我們，6點半便吃晚飯了，我們一行8人，有大有細，看見餐廳內只有2成客人，所以選了applegreen, 感覺比較適合小朋友口味。但接待員看到有小朋友一臉不悅，不知道是她不喜歡小朋友，還是餐廳不歡迎？如果這間餐廳沒有預計有小朋友消費，大可以學到五星級法國餐廳一樣清清楚楚寫明不招待兒童，但請你們收起接待員的嘴臉！還記得兩星期前才稱讚過餐廳分店的店員，現在差別太大了吧。不悅還不悅，位置最後還是按排了，不要影響享受食物既心情。點菜！我們點了沙律，雞翼小食，薯格，意粉3客，漢堡包同Pizza!薯格非常美味👍🏻上面的配料醬汁令整個薯格味道提升十倍🙌🏻 雞翼賣相一般，但味道很特別，很重香料味，又辣又酸的，值得一試！ Carbonara-煮得很出色，我不知道味道正不正宗，但味道濃郁而且不會太乾或太濕，所以點了兩個😋 Burger亦十分美味，肉汁juicy，足料！ Pizza襯熱食左冇影到相🙄👉🏻👈🏻我們點了幾款可以refill的飲品，但要客人主動要求才refill~其實整間餐廳的服務員同食物都不差，就是第一個接觸你既人影響了你對餐廳

之前見呢間d食評都不太好但機緣巧合下試到 其實又唔錯呀白松露薯條 $48其實食唔出白松露味不過係粗身薯條 外脆內軟一條一條就上癮了Honey Fennel Sausage Flatbread搵唔到中文名...蜜糖味加上鹹鹹地嘅味好正仲有少少芥末汁 批皮十分薄脆原來蜜糖配pizza係可以有咁奇妙既味道Carbonara Stuffed Mushroom上面係多士粒堆積成下面有蘑菇汁同燒烤菇內有cream cheese蘑菇味附上多士粒十分香濃好食但份量唔夠喉巴馬火腿意大利粉 $92不過不失嘅感覺巴馬火腿肉味幾香如果鍾愛巴馬火腿既話應該鍾意焗芝士通粉(芝士漢堡) $58芝士味濃郁下底仲有d漢堡扒既肉碎要趁熱食 熱呼呼更香凍蜂蜜綠茶比想像中澀 甚至有d草青味特色煎蛋 Egg In a Hole上菜時貌似好多食物 好豐富嘅感覺有薯片跟煙肉 仲有兩舊令人好奇既麪包忍不住切下去 麪包內原來藏著蛋油味道雖係十分正常既但十分有心思既感覺突然發現尼間餐廳既菜式都鍾意隱藏第二樣食物

晚飯時間到處也是人山人海，所以選擇了這間相對少人等位的餐廳。原來⋯⋯是有原因的。我們點了三款食物，包括意粉、牛扒和魚，打算不同種類也可以品嚐一下。大家的肚子餓了，幸好上菜的時間也挺快。首先的是蜆肉意粉，其實我很喜歡吃菇菌類，所以就加了蘑菇$20。剛開始食的時候，已經心裡：噢～意味偏向硬身，但不要緊 還可接受因為本身自己是偏愛軟身 所以不能相題而論。底部有少許蕃茄 但看見要加錢的蘑菇只有幾片，加上吃不到白酒的香，太過普通了。重點是蜆亦不新鮮和有沙店員說牛排好薄所以應該會七成 沒得選擇，可是上到檯幾乎是全熟又乾巴巴的，香料太多 不明白這就是墨西哥風味？魚本身是沒有問題的，但伴汁實在太鹹 是要讓我們叫碗白飯來吃麼？ 整餐吃到我像是牙軟軟，東西有鹹有韌有乾，吃得一點都不滿足。難怪不用怎樣等待就可以進去吃~

I've ordered chicken prawn flatbread for 160 and Corne Asada beef for 240. Good quality beef but a bit dry! It came with lemon and lime. Still dry though. On the side they had corn pita filled, you guessed right.. CORN.. and something that supposed to taste like cheddar sauce. Flatbread was a combination of many toppings that didn't blend well together... A lot of corn, corn, corn and corn. Some other ingredients, mayonnaise based sauce and cheese like substance on top. Wait! There ar