Antoshimo Okinawa Donut (已結業)

行咗好耐都諗唔到食乜，於是去朗豪坊由高掃落嚟，睇吓有咩食，行到依間沖繩烏冬，之前見好多人等，今日等嘅人唔算多，就俾個機會佢等我品評一吓(自我感覺良好)今日吃咗兩個餐，一個是蒸餃牛肉，另一個是豚肉壽喜燒湯。 食物嚟喇，有兩個托盤放食物，將兩盤分開再重疊一部分，有啲似砌Lego一盤放餃子另一盤放烏冬，烏冬好滾熱，食咗半鍋都keep住熱，餃子上面放咗橙橙哋色嘅汁，微微酸帶點辣，幾開胃; 跟餐仲有一個海鹽焦糖冬甩新地，上面放咗一個cute cute公仔朱古力牌，雖然雪糕再加冬甩係有啲過甜，但冬甩放咗海鹽，中和咗部分甜味，說實話，成餐飯我最鍾意個甜品，咸+甜，凍+暖。$80幾，味道不錯，有烏冬，有肉，有餃子，有飲品同甜品，環境乾乾淨淨，是晚餐不錯選擇

今天我和男友放工後去朗豪坊逛街，在下午4時左右剛好逛到這間餐廳附近，看見這間餐廳每天下午4時左右便免費派發冬甩50個，我們當然立即師奶上身去排隊換取啦！免費冬甩每人限取一件，口味只得2款選擇，分別是原味海鹽焦糖和香燈味。我們2個人當然各自要一件啦！滿心歡喜拿了冬甩後，看見冬甩外型這麼可愛，當然要立即拍照留念la！原以為冬甩這麼可愛，而且又是日本的食物，味道應該不差…點知，一咬下去，便是惡夢的開始我終於知道點解會免費派發了，因為真的十分甜甜甜和難吃！！！我們先吃香橙冬甩，我首先吃了最可愛的朱古力牌，味道不太甜，原來這是最美味的食物了…當我咬下冬甩的時候，便是惡夢的開始了第一口的時候，我便嚐到了很甜的橙味，橙味是橡膠糖和類似藥水的橙味，啖啖都甜到爆炸！吃了幾口我便想掉了它！放棄了香橙冬甩後，我們便試一試原味海鹽焦糖冬甩，原以為有海鹽，應該可以中和一下冬甩的甜味la，如果你有這個想法，便大錯特錯了！因為這個冬甩比香橙冬甩更難吃！當我吃第一口的時候，便嚐到了海鹽的咸味，而且都比較咸，同一時間，更嚐到了甜到漏的焦糖味2種味道混合了一起後，又甜又咸到爆炸的味道，簡直是 "絕配” + "畢生難忘"

次次行經過朗豪坊，都見到呢間好多人圍住好想試吓但係又唔想排隊，咁啱今日行過冇乜人，就即刻買咗個麻薯來食裝修得好靚，日本運送過嚟香港，連裝修都行日本風好得意嘅朱古力裝飾，我呢一個係抹茶紅豆麻薯，啲抹茶係cream嚟嘅，唔會苦亦唔會太甜，麻薯係用類似炸饅頭包住，中間再有紅豆餡，咬落去又外面嗰層係除嘅然後係煙韌之後就係紅豆餡，配合得好好呢一度有冬甩，有麻薯，有炸包揀岩曬唔同口味既食客～

同朋友係旺角食過晚飯，行左陣街，到10 點左右，又覺得有有少少肚餓，就想揾少少野食醫下我地猶如黑洞般既肚子。咁岩行緊朗豪坊，見到呢間食沖繩野既鋪頭，入面食野既地方已經截左單，但出面賣冬甩既地方仲未關，所以就決定買個冬甩share店員好有禮貌，我地買左呢個椰子黑糖冬甩，太可愛了吧！！！！靚到唔捨得食呢。 中間果個公仔係軟朱古力造的，成個冬甩都好香椰子味，d星星係硬硬地既糖，增加口感岩哂夜晚行完街有少少肚餓食！會想再試其他味道

人生第一個openrice食評，就係為左呢個donut😰今日放工同同事去朗豪坊行左個圈，經過呢度見佢啲donut好cute，加埋同事一句話呢個咪沖繩果個donut囉，就諗住唔會差得去邊，就毫不猶豫咁買左個紅芋吉士麻糬試試。見到個膠盒旁邊hi左啲似cream嘅物體，所以首先撩左啲cream黎品嚐，果pat類似cream嘅物體陣味簡直令人一試難忘😰冇誇大，真心人生未食過一啲難食到咁嘅食物，果陣味唔係正常食物味，難食到我一度懷疑佢係咪變壞左。然後心諗，果pat唔知係乜嘅野難食啫，入面個紅芋餡好難會難食架喎，於是就切開試試。撩左啲紅芋餡，唔知點解係酸嘅🤢最後做了大㗰鬼，一整個被肢解左嘅donut送左去垃圾桶！

尋日經過lanham place見到個宣傳單張寫住donuts 買三送一，而且d donuts好似幾靚咁，就上左去十樓睇下👀上到去，見到實物同d相都好相似👍🏽我自己揀左抹茶紅豆，tiramisu，lemon同埋mango😋個staff姐姐話d donuts係常溫下可以keep到5🕔至8hours🕗所以我就take away同屋企人分享分享🍩🍪👏🏼我自己最中意就係tiramisu同抹茶紅豆，d料好足🍩又唔會太甜希望個優惠可以做長d👍🏽

見個樣咁得意，又有Mochi, 就買黎試下啦。「買三送一」好似好抵，不過都係試下少少先。買左tiramisu mochi味，勁藥水，好伏呀！！喊出黎。第二個買左紫薯吉士mochi，我的吉士在那？？好傷心。未試過咁伏。所以我人生第一個Openrice comment 要俾佢！😠

今晚有個fd買左佢既donut俾我食，有triple chocolate, 黑糖同mocha, 由於要個口食先所以剩係影得個triple chocolate留為紀念😂 一入口簡直好食到癲左，如果大家鍾意食舊式麵包舖既一個圈既沙翁，我推介黑糖donut, 真係好食到一個點，勁正👍🏻 mocha同triple chocolate入面係chocolate及mocha味既cream, 重有一層mochi係底，勁正呀🤤