Amour Cafe (已搬遷) 新店位置

Environment: took a seat near the front door, quite messy with boxes of eggs nearby.Taste: not bad. out of the blue i think it's quite tasty, and the portion of the main dish made me feel just bloated. applause!Service: nothing's specialPrice: normal price. $34 a set lunch, but u got a dessert to eat!Cleanliness: satisfactory

今日陪同一位女友人到這間cafe食lunch.眼見lunch hour個場full晒.心想這cafe一定具備個人之處.但我們最終在無位情況下.唯有要坐在近門口的一張枱.唔單止冷氣吹唔到.我個fd身後仲一大堆貨物.感覺似在貨倉中食飯.所以我們只叫了一個set lunch.打算食完就算.但係最攪笑係點解個廚房咁多人.但係只得一個男仔做樓面.眼見佢都忙到唔停手.雖然我地都唔想咁煩.但杯飲品都等左好耐都未到.實在好口渴.所以我地叫了那位樓面攞兩杯水.佢都有幫我地叫入去好多次..不過都係冇水.到叫左唔知幾多次.我地見到個水吧仲要好不耐煩咁發脾氣.真係唔知點解一間rest會咁.請D咁既人.不過有些抱歉係好似令到個樓面好無辜.所以我地都驚比佢話.係咁講唔該.不過出奇地佢竟然仲好有禮貌咁講唔使客氣.總括我覺得呢間rest真係一般.點解攞杯水都咁困難.仲要人等左咁耐仲要發同事脾氣.真係有D睇唔過眼.唔通兩個人食一個餐就冇權飲水咩..所以下次都唔會再幫親

今天晚上參如完喪禮後，約了朋友到佐敦會合恐龍一起吃飯，恐龍原本計劃去食印度菜，但有人怕食辣，所以再到附近的AMOUR CAFE，我上次到訪的印像不錯，今天可以再試吓品質是否能保持水準。菜牌上的意式套餐由三十幾至四十多元，跟以往差不多，牌上註明今天供應咖啡豆的品種，可知這裹的咖啡不是普通咖啡粉調製，餐茶可選餐牌上$16或以下飲品，單以咖啡計已值十多元，真是一個超值的套餐。今天我叫了一客香草焗雞肉意粉套餐，跟香草忌廉雞湯、芝士餅或吉士蛋及一杯飲品，PASTA 的味道保持水準，依然今人滿意，飲品方面我要了一杯ICED MOCHA，同行的朋友飲ICED CAPPUCCINO，我向來較少飲摩卡，但這裹的不似星巴克那麽多朱古力糖醬今到咖啡味變得太甜。這裹還有十多款夜茶套餐，提供一些一般茶記的食品如一丁麵餐，加六元也可選$16元的飲品一杯。見在咖啡的價格下調了一點，倒如IRISH COFFEE 由三十五减至廿二元、DOUBLE ESPRESSO 由廿二減至十六元，現價較為合理。依然質高味美，價錢超值，但環境實在需要改進一下。

本人在此cafe附近工作，食了這間cafe多年，是這間cafe的熟客，無疑，這間cafe的野食是超級無敵好食，無奈這間cafe的decorate太差，而且後巷的hygiene非常差，一有客人開門，即刻勁bad smell，唔想食野不過這間cafe的野食是超級好食，無論是下午茶，還是set lunch，都做得非常出色，價錢還是超級底，不過希望老闆能真的improve the environment seriously，so it can provide an comfortable environment for eating.

星期三晚o係附近開完會再等埋男朋友放學, 等佢期間四圍行, 誤打誤撞見到呢度... 好彩佢算開得夜, 因為我自己九點幾到, 男朋友就... 更夜... @.@(o個晚阻住人關門tim... 實在唔好意思...)我叫o左set , 餐湯今晚係薯仔忌薕湯, Pasta 要o左陳醋汁豬扒炒意粉(不過比我改o左做長通粉), 飲品係Iced Mocha, 甜品要o左Cheese cake (因為無晒吉士蛋... T^T) --- $34+$2, 因為叫凍飲男朋友都係叫set, Pasta 要o左芝士白汁龍柳意粉(不過又學我轉長通粉), 飲品要熱Latte --- $37第一樣想講o既係個Pasta好好食, 個陳醋汁, 我返到屋企都仲有o個種味道o係口腔內呢~ ^^呢種食材, 唔係度度都有, 有又唔係呢個價位; 就算有d唔係呢個價位, 都未必做得咁好食... 老細好o野!長通粉軟硬適中, 不過原來真係唔配個汁... 以個陳醋汁o既texture, 真係應該食意粉... 早知唔亂改啦~ =P男朋友食o個個pasta 就屬於creamy o既上菜o個刻我偷食o左一條充滿汁o既長通粉surpri

拜讀了JJCaptain關於Amour Caf的食評和另外十多篇其他的食評，先生行文率直放懷，快人快語。讀其文章如見其人，實在暢快。關於Amour Caf撉文章，有些地方存有一些錯漏，我們希望加以補充，亦有一些地方想加以說明以表逹我們自己。1)小店共有廿四個座位2)TODAY’S SPECIAL 蕃茄雞扒天使之髮的價錢為HK$353)小店的蕃茄醬是用產於意大利的罐裝蕃茄熬煮而成，這些意大利蕃茄有自己特有的香味，價錢亦遠較一般的新鮮蕃茄為貴。茄膏一般很難用來豐富這種特有的蕃茄香味4)我們製作的甜品都不會太甜，這是我們的特式。我們不太甜的甜品所含的卡路里會較低亦較容易和不同的咖啡豆匹配。目前我們備有六種不同的咖啡豆，分屬四種不同的烘焙深度(Italian Roast, French Roast, Full City Roast & City Roast)每日我們選擇其中一款奉客5)基於健康的理由，甜品中所含的蛋黃成份不宜太高，我們的焦糖吉士蛋所含蛋黃成份不高，著重焦甜、雲尼拿芳香和蛋香的融和6)關於PASTA OVER COOKED 我們並無頭緒，但深信先生所言不虛會多加留意最後想籍這個機

要去佐敦買D嘢。醒起未試過呢間小店，欣然前往...店子真係頗細。數一數，只可以容納十數人...典型家庭式出品。Lunch set選擇咗蕃茄雞扒capellini...穩穩陣陣，應該冇乜失拖啩...雜菜湯料多，味道都可以嘅...個capellini就係below standard嘞 --- 淥得太腍；雞扒層皮煎得唔夠香脆；最大嘅敗筆係落得太多茄膏la，味道好"假"...Dessert嘅custard cream唔夠滑亦唔夠甜，蛋香亦欠奉...最大嘅好處係抵食--- 三十二大洋有湯有pasta有甜品有嘢飲...俾番少少面佢la..

某個晚上匆匆辦完貨兼送完貨後，又餓又累，決定在附近解決晚餐。記得這餐廳似乎有不少好評，便憑記憶摸了過來，毫無難度便找到了，門面簡陋得來有點兒不倫不類，老實說若非看過食評，應該不會光顧。點了一份套餐，餐牌上寫的好像是雜菜湯，上檯的餐湯卻變成薯蓉湯，也懶得深究了。湯的味道有點似味精湯，質地濃稠，頗膩滯，吃畢整頓飯也喝不完。幸好之後的蕃茄煙蠔天使麵表現不俗，最怕軟腍腍的天使麵，這裡做的就軟硬適中；蕃茄就是蕃茄，沒有附送一大團醬汁，非常好；煙蠔雖然應是罐頭貨色，但一分錢一分貨，起碼穩穩陣陣，跟蕃茄的味道也尚算合拍。甜品是吉士蛋，雖然質感粗糙，但味道其實不錯。咖啡就一般。單以食物來計，四十元左右的套餐有如此水準，比起大部分同樣價位的上樓cafe及茶記，可謂物超所值，但環境一項實在令人卻步，抵食也未必會翻兜。

A nice place to have a relaxing time. Its milk tea is up to standard. You can stay here for long time. A good place for relax.

個日啲set dinner都無我想食既野, 咁就叫左個白汁磨茹煙肉長通粉無晒什菜湯, 得返薯仔忌廉湯, 唔好白湯, 試過覺得好似食緊好稀既薯蓉咁, 飲左大半巳經好飽白汁磨茹煙肉長通粉: 如果個汁可以稠返啲就好, 但係都好好味, 啲粉幾有咬口, 但係我就鐘意腍身少少甜品係New york cheese cake, 都過得去, 幾濃既芝士, 軟硬適中, 唔太甜朋友個咖喱都幾難食下, 好似加左啲plum落去咁, 怪怪的

呢度環境真係好差．．．．．仲差過茶記．．叫左個蕃茄豬排湯飯．．老實講．．真係ｏｋ難食架．一ｐａｔｐａｔ．．未食過咁既湯飯．．個ｓｅｔ　ｄｉｎｎｅｒ．．個薯仔湯一般．．個蕃茄煙蠔天使麵都ｏｋ．．不過ｄ汁太稀．．味道ｏｋ．．個咖啡同埋吉士旦不錯咁既價錢真係ｏｋ扺．．但環境真係太差了！

有一個朋友喺佐敦返工，佢食過話好食就帶咗我去食，真係好食到不得了，喺咁平既價錢嚟講可以話係無懈可擊，跟住我就帶過我老婆同啲親戚去食，個個都有讚冇彈，我最鍾意係白汁磨菇煙蠔長通粉，超正！

To An Ex-Customer, 多謝你的提點和愛護，對於你的意見我們會"有則改之，無則勉之"。Amour Cafe

因各方好評,價錢合理, 雖衛生差, 仍惠顧數次, 但每況愈下, 雖以後應不會再來, 但仍希望東主注意員工衛生有禮貌,有誠意, 不等於衛生可以差頭兩次,發現杯口破損及污漬第三次,用餐巾抹叉後發現幼髮在餐巾上第四次,餐具全有水漬,(如需證據有相為證) 員工不理數次皆發現發現用手摸頭摸面,第四次更挖鼻孔,差點想即時離去, 卻見東主而非員工煮食才留下, 所以進食前特別小心, 不幸在意粉中發現黑髮, 信心盡失, 無奈離去雖以後應不會再來, 但仍希望東主注意員工衛生

今晚同左朋友仔出街食晚飯黎左呢度叫左兩個DINNER SET分別係蕃茄大蜆意粉($42)同南瓜忌廉長通粉($36)跟餐有薯仔忌廉湯,餐飲同甜品(芝士餅或吉士蛋)薯仔湯麻麻,似係溝水O個d反而主菜兩個意粉清清地幾好味蜆肉真係好大雖然鮮味不足但勝在一d都唔韌意粉亦保持彈牙蕃茄汁多到似湯意粉但因為較稀身又唔油所以食味都ok我個南瓜忌廉長通粉個汁相對杰番dd味道夠又唔會覺得漏長通粉亦彈牙雞扒厚身煎得唔油又唔韌個人黎講覺得好味過個蜆意粉唯一可以改善係雞扒最好切件上因為佢上碟o個個係深碟當成個碟都放滿意粉同湯汁時切起上黎有d難度我同朋友仔要合二人之力一個切一個扶起隻碟先勉強切到餐飲加左2蚊要左凍朱古力唔太甜又夠朱古力味朋友仔個熱咖啡亦夠奶味唔太苦都幾好甜品加左6蚊要左黑森林芝士餅另外一個亦加左2蚊要芒果芝士餅芒果芝士餅個底係消化餅底脆脆地幾好味但餡料o個層芝士味不足口感同味道似食緊芒果布甸同芒果mousse之間甜味中等唔覺漏黑森林芝士餅無餅底上面似係朱古力味mousse下面就似加左jelly既芝士mousse上碟時再加上朱古力漿所以食落較甜同漏同朋友仔兩個share食完都覺得幾漏服務ok雖然好似係