Amour Cafe (已搬遷) 新店位置

看舖面門口再望入去真係冇信心入去食, 因感覺環境幾殘舊, 座位又唔多, 連那些各式各樣的食用配料, 罐頭.....等等.....都放滿椅子底.......,,因看到 Open Rice 的食評後就去試一試.....二人食了一個好滿足的午餐, 我們叫了套餐 (2)椒蒜蜆肉意粉 & (3)蒜香番茄豬扒意粉, 除了主菜意粉之外此套餐還有薯仔忌廉湯, 配芝士餅或吉士蛋 <我們揀齊了兩款>,, 連一杯餐飲((意大利咖啡或茶))先來了個薯仔忌廉湯 ~ 薯仔味唔夠濃成個湯味道好淡又浠要加鹽和胡椒粉才夠味道. 之後來了椒蒜蜆肉意粉 ~ 椒蒜味唔太濃郁, 有一陣辣椒味道, 香而不算太辣, 而蜆肉細不多的. 再來蒜香番茄豬扒意粉 ~ 這個番茄味好淡, 意粉食落沒甚味道, 相信那番茄肉加番茄醬 不夠所致了......但相反那陣香草味就好重下,, 豬扒大大塊, 味道幾好係肉質一般.. 最後食埋甜品芝士餅和吉士蛋 ~ 兩樣都相當之好味, 個芝士餅雖然芝士味唔係太濃厚, 但食落沒有膩的感覺,

這裡套餐的賣點一向是以"平"取勝。只需付出四十多大洋，便吃到一個包有湯、主菜、甜品及飲品的set，於旺區來說，實在相亷得很。怪不得平日的晚上，要在店找一個二人座位，可是有點難度呢.....很久之前吃過一次午餐，對食物沒有留下挺深的印象。只記得吃完後寫了個一份對這裏的評論，之後馬上收到店方善意的回覆。可見小店對食物是有一份堅持的最近跟太座到處去找一些相對上價亷物美的東西吃。人在佐敦，想起了這小店，於是放棄了原本的想法，到了這兒開餐....晚餐只有四款選擇。始終在這種小型家庭式的小店，是不能苛求有太多的選擇了。Menu上大部份的主菜都是以意粉為主，看來廚師是以此作主打吧....隨便挑了份香草忌亷雞扒意粉吃吃。賣相是有點亂糟糟，蠻"草根"的。粉淥得有點過淰，不算很al dente；忌亷汁不夠濃稠。始終這裡不是甚麼高級名店，不能有甚麼要求了。可取的是調味做得很不錯，鹹淡得宜，香草味頗見香濃，而且雞扒煎得皮脆脆的，也沒有很重的雪藏味。以這樣的價錢來說，已是收貨有餘了試了一口太太的老酒醋豬扒。豬扒只是微微煎了一下便奉客，焦香味有點不足，味也有點淡。好的是豬扒的邊位是帶點脂膏，吃進口沒有那麼"寡"。

經朋友介紹專登來這兒吃意粉~這間舖又細又舊 ...... (感覺不好呀.... .. 無SERVICE呀．．．）嚟到都差不多FULL, 只好搭枱....不見有MENU, 只見白板上寫了三個SET~1.紅咖喱牛肉反 2.白汁吞拿魚意粉 $393.蕃茄雞扒天使面 $39配意大利咖啡 甜品 (芝士餅 / 吉士蛋 / TRUSUMI+6元) 餐湯後來發現有餐牌, 但都係叫SET 抵D~ 所以叫咗 2 & 3薯仔湯~ OK 啦, 味道一般喳白汁吞拿魚意粉，　真係好好味，味道好好，意粉質地適中呀果然有水準呀天使面, 面質能做到一條條的效果,不會沾住...好味呀~雞扒就普通啦~吉士蛋~ OK喎, 夠滑, 不甜不滯..TXXXXX ~ 味道幾好,夠輕身又有酒味..GOOD AR飲品: ICE MOCHA 好味呀~ 都有水準,咁既價錢真係抵...但佢吔既服務態度就超級差呀...

意粉好味尤其鍾意bacon mushroom onion creamsauce但係門面同廁所真係核突= =個門口真係幾趕客唔係朋友講起係附近讀咁多年書都唔知佢存在不過因為地方太細lunchtime成日冇位同埋趕時間既話千祈唔好試呢間預一個鐘啦

與男朋友來叫了兩個set dinner1個係煙肉磨菇意粉, 1個係老酒醋豬扒炒意粉本來男朋友想叫飯,但侍應說沒有飯,搞到男朋友大為不悅薯仔湯先到, 感覺味道似稀薯蓉, ok的然後煙肉磨菇意粉來了,很香意粉煮得岩岩好,好好味,但如果個汁可以傑返少少就好喇之後老酒醋豬扒炒意粉到, 先發現仲香! 男朋友食的時侯,香味不斷撲埋尼!試左一啖都唔錯,味道特別,唔錯!叫了兩杯普通的凍飲及一個芝士餅一個吉士蛋芝士餅雖然芝士味淡,但味道好吉士蛋有泡泡賣相唔好多,而且苦苦地, 感覺係帶2%苦味的敦蛋, 唔喜歡店面唔ok, 但食落好ok,價錢亦相宜但係晚上的女侍應似乎係印傭/菲傭, 那怕店主有天比警察拉進監獄希望店主早日正正經經整返好門面,請返個合法員工!

只要人在佐敦~根本不愁找不到吃的地方~熱鬧程度好比馬交的手信街~是夜不吃咖哩不吃火鍋~無意中在OpenRice看見此店的簡介~就來到這間在紅燈區之中靜靜的Backstreet Café ~門面真的不起眼~甚至是那種平時路過都不會多望一眼的小店~格局與神廚館有過半相似~難道又是隱世高手的店麼~?還在咕嚕甚麼~進去吧! 裝潢是舊舊的而且廁所就光明正大地在眼前~但也掛上不少名畫去粉飾一下~黃昏時份的客路都是雜誌送飯的售貨員為主~督見下午茶至七時止~又有意粉選擇~就二話不說選了蒜香番茄豬扒意粉~還有一個受盡好評的甜品吉士蛋~廿多塊錢的下午茶~本預期都是迷你份量~但呈上眼前的是正常份量~與番茄蓉同煮的意粉每一條都染上粉橙色~將茄蓉淋面之後加上香草裝飾~單單是這微不足道的工序~就足以加一加印象分~~意粉有咬口而非糊口之作~每條也帶有甜甜茄味~但豬扒就是急凍厚切那種~所以不用期待肉汁不肉汁的問題~切也要用上十二分之力~但主角是意粉本身嘛..只計意粉的話~功力都不錯~!自家製的吉士蛋也就是Crème Brulee~最近身邊的朋友都對這甜品著了迷~這裡是平常日式焦糖布丁杯面層沒有燒過那種~賣相不夠滑溜~

上一回說過，這裡的環境令人很難起勁再來，結果還是再來光顧，一而再再而三，變了我的飯堂! 因為pasta平靚正，有雜誌看，顧客不多，適合獨自看電影時來醫肚......最喜歡老酒醋炒豬扒意粉，'老酒醋'酸酸甜甜很香，豬扒就不過不失，此價錢的份量當然較少，不夠鬆軟。Amour的白汁亦不錯，味道creamy而texture不creamy，能剛好拌勻意粉。另外下午茶的白汁意粉配上一大隻雞翼，不太油、外皮略脆、帶肉汁，只是$22連飲品，很抵吃。還嚐過其他款式，都有水準，我會繼續來試試看......

睇咗食評先o黎，環境心中有數，細…真係細咗o的，櫈…都真係坐得唔係幾舒服，不過，意粉又真係幾好味！同太太兩個都係叫餐：布朗尼斯肉醬意粉、香草忌廉雞扒意粉，叫做一紅一白…餐湯係意大利菜湯，用杯上，味道淡，有o的油…麻麻地。主菜上場，布朗尼斯肉醬意粉，好多汁，以為會好淡，點知幾夠味。茄汁帶o的甜味，幾特別，唔知係咪人人鍾意，我就覺得唔錯。肉醬同意粉o既份量都好多，實食得飽。香草忌廉雞扒意粉，同樣係足本！！粉多扒大，同樣係多汁，不過忌廉味仲濃o的。個人覺得雞扒唔係好夾個意粉，配火腿或者雞絲可能好o的，o的味冇咁搶。甜品一個加錢(+$6)轉咗黑森林芝士餅，另一個要咗吉士蛋。第一次食黑森林芝士餅，芝士好有彈力，雖然唔係好有芝士味，但甜味適中。正斗之選！吉士蛋唔滑、唔夠凍(事先同我o地講咗)，個人喜好，唔敢推介！餐飲要咗意大利咖啡，味道偏淡，而且勁多奶。以價錢o黎講，算平！以食物質素o黎講，算好！以服務o黎講，算有禮貌！唯一要彈，出菜混亂同慢。p.s. 見個個食友都叫佢o地執下個 look，不過，細心諗下，疑似家庭式經營，人手、規模有限，如果裝修大攪，價錢會唔會仲咁經濟？幫襯@9-11-08

之前已經睇過d食評好似幾好但有人話環境mama都一早有心理準備但估唔到環境真係咁差......感覺上成間食店都好似從來冇清潔過....雖然環境好差但食物質素都幾高(咁當然以同等價錢既食店la)叫左兩個tea set同bf share唔算好大份但都夠既!最抵讚係d 雜誌好新下..新到連最近期既non-no都有!!但基於衛生問題我唔知會唔會會去!

27號去左呢到食, 都係無意中0係"開飯喇"搵到. 見到食評都幾好, 決定一試.當日我去到的時候6:30pm, 仲0係下午茶時間(佢地下午茶時間由2pm-7pm), 所以我就order了一個tea set - 香辣煙肉意大利粉跟餐飲凍蜂蜜柚子茶. 由order到上菜的時間約十分鐘左右, 都唔係太耐, 但係我食完, 杯飲品仲未到, 好耐, 要追先有.間餐廳環境真係唔太好, 服務都不太好, 但食物質素真係好, 份量以下午茶的來說是一個好的選擇. (都適合食較少份量的女士們). 我會再試.雖然鋪面小, 但當日我食完離開的時候(大約7pm), 已經座無虛席0架.

之前都食過一次 .. 今次再encore .. 4個人 .. 食左番茄磨菇長通粉 .. 意粉 .. 白醋豬排長通粉 .. cream 鴨胸意粉...我個番茄磨菇長通粉轉左做意粉真係大碟好多呀 .. 總括黎講個個都幾好味 ... 不過 .. 我覺得個waiter服務好差 ... 好似唔想做我地生意咁 .. 寫錯野又好似係因為我地講錯咁 ... 見到佢咁既樣都唔想再去 .. 仲有 .. 送餐既時間真係耐左好多 .. 之前都唔係咁既 .. 而家一個都要等成20分鐘我諗食埋呢次之後要諗下下次黎唔黎啦

趕着晚上去講座, 以為在這裏點個set dinner 會快點,誰知都要在喝了餐湯25分鐘後才送main dish來。下次都係要預鬆動少少時間才好來吃飯。但那碟龍俐魚柳意粉 的確出色, 尤其欣賞意粉的彈口感和蕃茄茸仔細混合後才送給你的感覺, 見不到一大堆汁"淋面", 實在覺得不枉等候良久。魚柳也外脆內軟, 但有點雪味。芝士餅, 一如其他評論,是最home made感和不太甜, 是兩隻拇指向上!咖啡:House coffee水準如意料之中, 可以的話, 下次我會再試其他咖啡。環境: 真誠盼望店主裝修一下鋪面, 至少門口真係要執乾淨少少, 係真的 話,您們將會在金融海嘯中成為逆巿狂飆的食店!!!暈暈地

一入去馬上覺得好地茂, 環境真係一般 !!! 一個人都冇, 我重估係唔係收左 , 原來未..11點先收 !! 好彩22:15 !!我同女友叫一紅一白意粉, 白意粉上先...馬上有人以超熟手地捲起一束俾我先試下有冇劇毒 !!! 銀針一試發覺係....正..好味 !!! 白既磨姑煙肉出奇地好食 , 係好味既又夠熱 !! 我既紅都ok, 不過冇白咁搶味就真既 !!coffee 同 cheese cake就一般啦 !!! 以$75兩個餐真係好抵 !!!重要係包場 !!! !!(有湯有意粉有coffee有cake仔)我地個湯唔係碗上, 係杯上 , 你地去時係唔係都係杯上???好奇怪門口可泊車....正!!!, 但係有位都唔敢泊既位...哈哈哈

when I just reached the cafe, i am hestiatebecause the environment here is worse than "cha chan tang"but my friend said the food here is goodso I tried oncethe food is excellent!the taste and the combination are goodMy friend ordered a pasta but he though the dish is too smallthe waiter heard that and gave us extra pastathe service here deserves 99 marksand the cheese cake here is also attractivethe italian food here is better than many Italian restaurnet in HKbut the environment is not good eno

琴日小休半天, 約了朋友在佐敦食飯, 朋友帶我到此店lunch.呢間食店裝修比較殘舊, 坐位都幾迫, 環生環境亦唔算太好, 但朋友話呢間店既食物好味, 所以推介我試一試.兩個人都叫左煙肉磨菇意粉, 餐湯係薯仔湯, 仲有一客cheese cake.薯仔湯: 用茶杯上, 味道幾好, 杰度剛好, 薯仔味夠出.煙肉磨菇意粉: 等左一段時間先上枱, 原來朋友話呢間舖係當收到客人order時, 先會開始烚意粉, 所以須要等上一段時間, 但好處係每碟意粉都熱辣辣. 個人認為意粉質感好, 但汁稀左少少, 但味道好.甜品: 由於太飽既關係, 實在食唔落, 最後由朋友打包拎返公司請同事食.餐荼: 我只係飲冰檸檬茶, 但朋友飲左coffee, 原來餐牌上每上都會寫明是日house coffee係邊一種咖啡豆做, 真係好細心.每個餐都只係$37, 絕對超價.