AMONA

营业中

休息中

約好閨蜜嚟屋企同佢食個生日飯本身都煩緊係邊度有啲細細個兩個人都食到嘅蛋糕size出面成日見嘅麵包蛋糕店實在有點悶…………好彩我而家嘅生活圈係觀塘而呢頭真係好多寶藏可以發掘架 係社交平台搵到呢間蛋糕店見蛋糕款式好多而且SIZE 細細個啱啱好呀就訂個嚟試試揀咗呢個係：☕️特濃咖啡+豆腐布甸🍮口味咖啡味真係超超超濃完全係飲緊杯Expresso 嘅感覺而內裡係豆腐味嘅布甸夠滑又夠特別唔錯唔錯size 剛剛好下次可以再試埋其他味

呢間小店喺工廈入面，出𨋢轉右，係好多好多格仔店，呢間蛋糕店好易應，門口有大嘅黑白logo比Whisky吸引咗，好想試吓呢個Roll cake 外觀非常靚，淡黃色加白色花花，好可愛！本身諗住咁多cream，可以先食一半，留返第二日食。點知，食落口，蛋糕嘅部份好鬆軟，啲cream一啲都唔油膩，好輕盈，唔會太heavy，所以食下食下就全個食晒！Cream有好香蜂蜜味，中心有浸滿Whisky既蛋糕，Whisky味好濃，同蜂蜜都幾夾，鍾意酒味嘅人一定要試吓!

Banoffee Paradise 6吋 $480下面chiffon好濕潤而輕盈, 夾住焦糖香蕉果蓉, 仲有香蕉slice, 上面炙燒過既棉花糖、salted caramel cream同lotus 焦糖餅乾, 最底下係lotus 餅碎雖然係caramel 加香蕉組合, 個Salted Caramel Spread 帶有少少咸, 連topping烤棉花糖都有恰到好處甜度, 奶油香濃而順滑, 甜而不膩, 有d 似拖肥糖既味, 連屋企長輩都讚好食呢款蛋糕仲有提供純素版本, 今次去觀塘自取, 第一次去怡生原來都幾難搵. 相信google map , 小巷嘅門入去停車場係岩嘅入口Amona觀塘成業街16號怡生工業中心H座1樓H10號舖@amona.hk

《AMONA - 觀塘》觀塘工廈一向都多好野食，特別係有好多既手作甜品店，而為食既我都會成日捐窿捐罅試下啲手作小店既糕點的😋今次我就試左位於怡生果邊既一間專做Chiffon cake 既餅房既蛋糕，因為屋企要招待客人，所以我都揀左件外觀好靚仔既Banoffee Paradise (6吋 $480)下面係濕潤既戚風蛋糕，夾住焦糖香蕉果蓉，而上面係炙燒過既棉花糖、海鹽焦糖醬、cream同埋焦糖餅乾，最底下仲有大量既焦糖餅碎增加口感以為個蛋糕咁多焦糖會好甜？出奇地佢係帶有少少咸味，有啲似拖肥糖既味道，完全唔會過甜咼🤓連媽咪唔太喜歡食太甜既都覺得味道幾balance 😌下次可以試埋佢個開心果蛋糕添🍰

在觀塘發現了一家隱藏的小店 ❣️特別推薦新推出的的茘枝桂花蛋糕🎂這款蛋糕的獨特之處在於桂花🌼的香氣與茘枝的甜味完美融合🥰每一口都帶來驚喜蛋糕的外觀精緻用料新鮮 吃起來既有層次感又不會過於甜膩是個人非常喜愛的選擇😚

咁啱喺社交平台有朋友介紹呢一間蛋糕店，宣傳係有機天然+gluten free+vegan整嘅蛋糕，價錢唔算平，但係如果真係佢聲稱嘅咁天然，呢個價錢實屬正常社交平台上面嘅對答同埋服務都係一流，有自提同送貨，或者地鐵站交收服務，我揀咗嘅係門市自取，成個過程都順利方便店舖地址都唔易搵，不過都幾方便，講返個蛋糕，味道比起坊間嘅口感同味道更為出眾！！要知道改變蛋糕嘅配方係要不斷嘗試同失敗，先至可以用唔同嘅材料整到原本嘅口感！佢係完美還原到之餘係出色的我嗌嘅蛋糕係柚子桂花蛋糕，淡淡嘅桂花香味，配合柚子嘅微甜同埋原有既柚子味道，成件事係好fresh！！層次感令到成個口感同味道都好出色，cream比起一般嘢更香口同有口感！今次嗌咗細size嘅，兩個人食啱啱好，每款蛋糕都有唔同嘅size可以揀！唔怕食唔晒擺得耐會影響口感😋

看見網上評論區都推介這間烘焙外賣小店，一家專門製作獨特的蛋糕和曲奇餅，他們主打自家製低糖無麩質蛋糕。適逢有家人生日，就訂了個了六吋新出的荔枝桂花戚風蛋糕送給他😊回到家後，我們迫不及待地打開包裝，將蛋糕擺上桌，並與家人分享。每一口都讓人驚喜，蛋糕的綿密鬆軟，甜甜的蜂蜜餅底，中層包着一絲絲的荔枝果肉，面層鋪上滿滿的桂花果凍，外層的忌廉是用無麩質和無蛋奶素打的，不會過甜，十分健康，大家都表示這小店的蛋糕很吃，讚不絕口👍

成個聖誕、元旦假都約到滿曬～又要外遊～有啲朋友根本見唔切～😅唯有放完假先約啦！朋友話見面要有啲儀式感～訂咗個蛋糕嚟切下啦！於是就叫我去拎～原來工廈真係有隱世餅店㗎！觀塘近我，就梗係我去拎啦～地方都好容易搵，有門牌地址就實搵到！！個蛋糕的的骰骰～幾個女士一人兩三啖啱啱好！🥰😝朋友訂咗「香梨伯爵茶蛋糕」～賣相好清雅，蛋糕面頭仲有啲金箔做裝飾，好高貴，儀式感滿滿呀！面頭嘅cream都係伯爵茶口味，幾鬆軟香滑～入面嘅蛋糕都係伯爵茶味，有啲香梨果肉，非常之清新香甜！！最緊要係蛋糕夾層係伯爵茶果凍，配埋蛋糕同忌廉，多重口感～清新香滑～最重要係咩呀？香港人食甜品嘅最高評價係：唔～會～太～甜～呀！！🥰😝🤣

平時成日整蛋糕，到大時大節真係唔會想自己整，寧願出面買蛋糕慶祝，但又唔想係連鎖店買竟然比我搵到係觀塘工廠區有間主打無麩質、無蛋奶質既蛋糕小店，使用天然材料，每日人手新鮮製作，仲要有迷你size ，岩哂我地食完飯之後食😗我訂左個香梨伯爵茶蛋糕🍰簡潔既純白色外型上面落左啲金箔，令蛋糕瞬間高貴左😆蛋糕切開有3層伯爵茶戚風蛋糕，蛋糕好鬆軟，伯爵茶味都幾重，中間有2層cream，cream入面有啲香梨果肉粒，有啲咬口，唔錯唔錯😍

朋友生日要訂生日蛋糕，但幾個女仔食完生日飯之後食唔落咁大既蛋糕，又想買原個蛋糕，影相靚d！搵到呢間觀塘蛋糕小店，有超細size既蛋糕買，每人分一細件，又有儀式感，仲要有我地鍾意既檸檬伯爵茶味😍 滿分💯面頭加左d金箔碎做點綴，打卡一流～ 切開有伯爵茶海綿蛋糕、鮮奶油、鮮果肉，茶味香，奶油好軟滑，雲呢拿籽味突出，果肉令層次感更豐富，中和到cream既膩，食落幾fresh又有口感🙈 老闆幾nice🥰🥰

在網上蛋糕店 amona 訂購的Banoffee Paradise真是好推介！呢款蛋糕的基底是鬆軟的巧克力chiffon cake，濕潤而綿密，搭配中間的朱古力和香蕉奶油，層次感十足。上面的烤棉花糖不僅增添了趣味，還帶來鬆軟的口感，與鹹焦糖醬完美結合，讓整體的甜度保持平衡。蛋糕的淡淡香蕉香味和鹹甜的焦糖醬好吸引，無論是生日聚會還是節日慶祝，都是吸引眼球的亮點。記得一定要即日食啊！ 此外，Amona使用天然食材，無防腐劑，更讓人安心。這款蛋糕還提供純素版本，適合素食者。

📍 AMONA｛觀塘｝鍾意食甜品控超多cream嘅您依款蛋糕啱晒你 ！一咬落去啲cream多到即刻爆出嚟，而且仲係✨黑糖紅茶栗子🌰味，第一次食到一隻咁特別嘅味道👅黑糖嘅甜度剛剛好，唔會太甜，而且好有濃郁嘅栗子味，啱晒而家秋季🍂就算自己一個人食晒半條，都唔會覺得好膩！柔軟嘅蛋糕，夾住嫩滑嘅cream，真係不可抵擋🩷淨係蛋糕上面都已經有好多粒栗子，無論打卡定係送俾朋友都一流！可以一件件買、亦都可以成個蛋糕完整買、更可以半條咁樣去買，隨你心意🩷

觀塘有好多小店一向都知，但係總有幾間你未試過。今日就去咗觀塘老母市中心地帶嘅工廠區，搵咗一間專賣純素嘅蛋糕甜品。近幾年都市人越嚟越注重健康，每次要慶祝嘅時候都會食蛋糕，但係往往就係食完蛋糕又怕太甜太肥膩，呢間小店嘅蛋糕唔會過甜，而且味道仲成日有新出，配合返每季嘅當做生果，仲要連素食人士都適合。小店嘅蛋糕有6同8寸可以選擇，開party嘅朋友就可以揀返人數去選擇大細。桂花荔枝蛋糕今次就試咗佢哋嘅新出嘅蛋糕，感覺非常清新。店主分享話呢個蛋糕講求平衡返個味道，所以選用咗桂花去帶出香味，而且中間同面層仲有一啲啫喱，令到口感更加豐富。中間咬落去有淡淡的荔枝果肉，加埋桂花嘅清新香氣，非常之配合。最重要係味道唔會過甜，食落去好清爽，而且唔會淨係得cream，佢蛋糕層都做得好好。

早前聖誕收到朋友送嘅聖誕禮盒呢間小店堅持選用天然食材 全人手製作無添加真係值得介紹一下比大家 純素黑朱古力杏仁脆片 總共有3款口味每塊都沾上濃郁香醇嘅黑朱古力杏仁片亦增加脆片嘅口感開心果味開心果味都幾香 不過就唔算太重味脆片口感酥脆 真係幾啱下午茶食咖啡味濃郁咖啡香同香醇黑朱古力完美融合一啲都冇苦澀嘅味道玉桂+薑味獨特嘅玉桂香味加上薑味真係好有聖誕嘅感覺 有啲似薑餅曲奇嘅味道另外仲見到佢哋有無麩質既蛋糕同其他甜品啱哂注重健康但又有啲為食嘅朋友仔

呢間專注手作甜品嘅小店，用天然材料製作，無添加防腐劑，每日新鮮出爐，健康又低糖🍃。今日口痕，見佢哋有呢個酥皮撻就試吓。1️⃣ 鹹蛋黃酥皮撻 🥚✨鹹蛋黃餡料滿滿，鹹香濃郁，酥皮鬆脆，入口香氣十足，好適合鐘意濃味嘅朋友😋。2️⃣ 開心果酥皮撻 🌰💚開心果碎同果仁醬夠香濃，層次豐富，入口有淡淡果香，仲帶少少脆口質感🤤。🍴 食用貼士：焗爐預熱到 140度，焗 4分鐘，味道更加香濃，酥皮亦會變得更加脆口～✨