Amico 1890

营业中

休息中

-🥩 美國安格斯肉眼 $99冇睇錯係99蚊，好抵‼️ 用佢地餐廳推薦既APP下單就可以獲得半價優惠🤫 肉質唔錯，啱啱好5成熟❤‍🔥🍕 巴馬火腿薄餅 $128份量適中，Pizza薄脆～火腿平均分布係每塊Pizza上面，啱啱好👍🏻🍅 意大利雲吞 $58份量約4～5粒，口感方面雲吞皮似未煮熟，仲有小小硬同生既狀態，味道酸甜～🍝 黑松露意大利粉 $98黑松露味濃郁，意粉偏硬🍝 卡邦尼意大利粉 $78奶油味濃郁，意粉未熟 😂🥧 提拉米蘇 $68咖啡味唔突出，面層係奶蓋咸咸香香，中間夾住類似嘉頓小蛋糕，不過不失📍餐廳氣氛帶有少女風，坐得舒適～ 食物味道唔錯，略嫌意粉類可以煮耐小小 🤏🏻🤏🏻🎈Amico 1890旺角洗衣街24號地舖

今次嚟到位於旺角嘅一間Cafe非常受歡迎同出名☺️嗰日係平日去，晏晝時間都有唔少客人專程到訪！❤️先講吓餐廳裏面環境，一樓做嘅風格比較夢幻，主要都係粉紅色綠色等嘅顏色為主💞女仔嘅話應該會幾鍾意，打卡影相度會幾靚呀！但我上次坐嘅就係樓上嘅位置，更加有特色，裝修嘅風格係行比較型格風，亦都加入咗本地一啲潮語等嘅元素🤣🤣最重要係有啲位好似去緊camping咁，好似露營車咁，真係好chill～成間餐廳嘅裝修真係幾有特色😊👍🏻龍蝦汁蟹肉意大利粉 $108意粉食落去唔會太淋，比較有咬口，蟹肉呢啲配料都唔少，增加左個口感！成個意粉個味道都夠，食得出香濃嘅龍蝦汁味道，不過份量就唔算太多🤓煙三文魚牛油果多士配沙律 $78巴馬火腿牛油果多士配沙律 $78呢一款多士係下午茶嘅系列，賣相好靚，多士好鬆軟，唔會係太硬好難切嗰一種～所以食落去都會好好食😋唔會太乾！上面仲有啲牛油果增加左個風味，鍾意食煙三文魚多啲，分量幾多～不過巴馬火腿都唔錯，食落去都幾香㗎！😍水牛城雞翼 $62食落去都幾香脆，不過略嫌佢個醬汁有啲太鹹，我自己唔係太好重口味～提拉米蘇牛角窩夫 $68依家牛角包窩夫真係一個大熱❤️好鍾意呢一款甜品，因為係Ti

必食指數 ❤️❤️❤️ （5❤️為最高）需要出動畫碟@必食指數 ❤️❤️❤️❤️❤️ 生日要慶祝🤓 揾到呢間舖頭就係因為佢神乎其技嘅畫工💗 可以俾我哋打返嗰靚卡👭🏻 最少一天前預訂就可以，可以俾圖佢哋或者話俾佢聽你哋係慶祝生日，佢哋就會幫你安排❤️ 食到咁上下，佢就會自己準備甜品拎俾你🤓 呢隻咁偏門嘅公仔令到我朋友好開心☺️ 仲話做到隻公仔籃籃灰灰嘅色真係💯😆 到嘢食🤪 因為甜品已經有牛角窩夫，所以只係叫咗一嗰前菜、一個意粉🍝 跟餐加杯特飲就$25，原價就$38水牛城雞翼 $62 - 有6隻雞翼，我超級唔建議大家食，酸到打冷震😟 黑松露意粉$98 - 正常發揮😆 有菇菇同洋蔥🧅Tiramisu牛角窩夫 - 正常發揮🤔 無乜特别🤔求其特飲 (🍓莓🫐莓紅莓加檸檬梳打) - 莓味夠淡；垃圾桶 (芒果、檸檬加梳打) - 芒果味唔算突出，不過兩杯都okay，但記得嗌少冰‼️整體嚟講，用食物質素嚟計就唔太值得特別去食，但經過附近想坐低傾下偈💬都係一個幾好嘅地方‼️ 如果係for慶祝用途，就記得book枱，講定你嘅需要💗 呢嗰畫圖服務真係加咗好多分☺️不過‼️‼️佢舖頭附近依家搭咗棚架😓 我都揾咗一陣先揾到，佢好隱蔽😂

裝修冇耐嘅西餐廳，前年黎過一次，有唔錯嘅印象，收費比較合理低廉，亦係咁果晚好多年青食客幫襯，非常爆套餐有餐湯，今日係甘筍湯，上次係唔熱，今次就改善左，暖偏熱少少餐沙律係Parma Ham沙律，一樣係少少菜同半塊火腿田園沙律 $ 48感覺更豐富有睇頭，青瓜、車厘茄、粟米等等炸魚薯條 $ 58炸漿有少少煙韌感未夠脆，同埋炸魚膠睇落大，其實肉唔多，另外佢用嘅都係好滑嘅鯰魚柳，不過呢個價錢就算啦，反正合理嘅黑松露雜菌意粉 $98黑松露味好出，一上枱就聞到好香濃，意粉亦煮得啱啱好煙韌油封鴨腿 $ 178跟粗薯條同沙律菜，鴨腿比較乾同硬，同埋味道不足，要蘸多啲黑醋汁同鹽先夠味裝修完之後再轉埋QR Code落單，佢上菜速度太快，唔理頭盤同主菜，所以建議唔肚餓嘅朋友可以自行考慮慢慢落單，否則你食完沙律，主菜都已經凍晒

下午茶時間去食午餐午餐到⏰3:00 中午有午市套餐之後係下午茶午餐$69 有🍔+ ☕️我就加咗$35 升級 原本$48 飲品漢堡包麵包軟熟牛肉有肉汁🍔薯條外脆內軟🍟杯飲品原來係凍嘅👍🏻原本想食甜品但冇牛角包🥐所以淨係嗌咗一個餐咁嘅價錢整體滿意😊

炸魚薯條好好味😋魚肉外脆內軟，值得一試嘅小食！而且仲係熱辣辣👍🏻👍🏻特飲都唔錯，個名又好得意😆價錢又唔會太貴，係第三次黎呢到同朋友慶祝生日🎂生日畫碟都好靚❤️

一個二人餐 除左個沙律 其他都唔知食緊咩 啲味難以想像 雞翼酸到傻 牛扒油到可以浪口 意粉成pat野咁 都唔知食緊啲咩 諗住飲杯野浪下口 杯野飲仲差過普通茶記 埋單成500-600蚊 都唔知貴係邊度 環境又唔係大 服務又唔係多 食物又古靈精怪 埋單送coupon都即刻俾番佢

9月之星慶生，黎旺角西餐試試「掂過碌蔗2人套餐」$398巴馬火腿沙律：超大份，芝麻醬好味松葉蟹蓋多士：5小片多士，蟹膏幾香濃南瓜帶子意大利飯：滿滿南瓜味不過較稀美國安格斯肉眼：肉眼扒夠份量，7成剛好 肉質唔靱飲品可+$25 轉特飲，特飲夠好有趣，可惜兩杯都好普通，細杯及普通賣相日本靜岡縣波多野亞姨：極細杯，不過朋友追幾好飲可遇不可求：零賣相，青檸沈底，以正價$38一杯特飲黎講完全唔合格甜品係雪糕，可加$38upgrade 蛋糕松露朱古力蛋糕+$25:較細件，朱古力香濃蘋果金寶+$25:估唔到勁細件，味道ok 既甜品加$38唔平，不過有得寫生日又畫公仔，就非常好單點：🍟炸魚薯條$58，+$10 配芝士黑松醫醬超大份，炸魚有4件，外脆內滑，粗薯條超級多，芝士醬還好不過冇咩松露味🍕千島海鮮薄餅$128:夠熱辣辣，不過唔係千島醬，似茄汁海鮮主食+$25 可配特飲Amigo ： signature 飲品賣相靚好多，杯都靚好多另單點一杯Tiramisu Latte$48朋友話味道好多層次，飲品賣相好特別，打卡一流下層裝修復古少女風，影相都唔錯既

-//位於旺角·新裝修後變得好粉嫩💕少女風格原來Amico係意大利文係「朋友」既意思😂餐廳主打意粉、薄餅、扒類、沙律、甜品等*大家記得要book位，當日walk in等左好耐*📍套餐包配•意大利風乾火腿沙律🥗📍茄蓉德國腸意大利粉 $78都幾鐘意呢碟意粉，係好夠味🍅 啖啖茄醬配料仲有車厘茄、蘑菇、腸仔等材料去炮製食到有少少辣🌶 但都幾惹味，味蕾更加豐富意粉都幾有咬口🤣下次都可以試埋其他意粉📍Tiramisu Latte $48之前網上見到個賣相好吸引，一直都好想試但Latte上面既手指餅，真心有啲咬唔開🤣Latte就正常發揮，但再多少少奶會更加好飲📍Oreo曲奇奶昔沙冰 $43奶昔沙冰 夠哂凍幾好飲☃️ Oreo味道都濃郁但沙冰暫時得Oreo揀🫣 期待之後有更多味#旺角美食 #餐廳推介設加一服務費✔️抵食程度：🌝🌝🌝🌗🌚📍Amico 1890 (旺角)旺角洗衣街24號地舖

呢間cafe近期都有唔少人推薦🤔一於睇下係咪真係咁好食啦！餐廳有兩層 地下係粉紅色pink lady佈局😍少女心又出返黎啦！上層係八十年代風格！有華麗霓虹燈同連串燈泡做裝飾🥰超有feel❤️講返食物先！首先叫左鵝肝多士！唔係咁多cafe有得食鵝肝架手😍！鵝肝入口即溶，好香口呀！可以媲美酒店級數😳配埋牛油多士法包一齊食唔會太漏👍🏻仲有沙律伴菜添！再黎一份露詩瑪麗羊扒😍叫左七成熟❤️煎得岩岩好👍🏻口感juicy，一啲羶味都冇！薯條又香又脆，雖然係配菜但係絕對唔馬虎！佢既日本帶子刺身沙律勁有驚喜！沙律菜好新鮮！帶子又大又爽甜😍！配埋酸酸地既沙律醬超開胃❤️野飲叫左amico 同小丑❤️Amico其實係有荔枝檸檬橙汁既特飲！而小丑就係藍梅梳打水同汽水既合體！兩杯都好好味喎😳餐廳仲有不同嘅梳打、特飲同咖啡，下次一於試晒佢🤪餐廳最後仲送左tiramisu啊😍朱古力好濃💕仲要入口即溶！好開心🥰 大家黎就記住book位啦～

個晚記念日叫左個二人餐，仲叫左支手工啤，因為每年都會食，印象幾好，個陣未裝修暗暗地有埋霓虹燈，覺得格調幾好。入正題，坐低前講低左淨係可以食90分鐘，都理解嘅小事嚟。之後好快落左二人餐，唔夠幾分鐘就上左沙律，都幾快幾好食，之後佢就一次過上晒意粉牛扒，後手無幾耐就上埋湯同多士，無論你上主菜再上前菜定一次上曬我都無所謂，趕90分鐘時間，理解嘅。但上個陣除咗沙律，意粉同牛扒都係凍嘅，我坐出菜位隔離，覺得唔關廚房事係冷氣太大同出餐次序問題，就同佢地講冷氣太大同埋唔應該上左主菜再上前菜，搞到啲野食凍曬好難食，佢同廚房講左幾句就不了了之，完全無道歉/幫我哋熄細啲冷氣，搞到之後所有野都勁凍。因為開放式廚房，之後聽到佢哋直接抱怨話牛扒要半生熟緊係即上啦，係度發牢騷，我聽到勁火滾，明明係你地出餐次序同環境問題，仲怪返食客轉頭，你唔可以沙律多士上先，再後少少煮意粉牛扒嘅？最後兩個人食左600蚊，連湯都係凍，全部個感覺凍到好似食餸頭餸尾咁，蟹膏凍左腥腥地，完全係勁失望。已經blacklist左，其他朋友都話近年去完好失望返唔去以前嘅水平。第一次會曬時間係度打食評，希望其他人唔好中伏，完！

呢間位於旺角鬧市中既Cafe ☕️淨係門口粉紅色嘅裝修已經好引人注意到💜估唔到內有乾坤🤡一入到去，就見到一邊係充滿少女心嘅粉紅色牆而另一邊係牛油果綠既牆 🥰但係毫無違和感🐷而上到去樓上成個風格就唔同咗😳係型格再加露營風😆😆而食物嘅選擇都非常多 🥐🍔🌭🍗🥩野食方面 當日叫咗千鳥海鮮薄餅 $128水牛城雞翼 $62黑松露野菌飯 $118芝士焗西蘭花 $58提拉米蘇$68野食方面 完全搵唔到挑剔嘅地方🥰樣樣都好食 一放到上枱 🤣 大家影完相即刻開動食晒波多野阿姨 $38求其特飲 $38Tiranisu Latte $38嘢飲方面 🥰 我會特別highlight大家可以試Tiranisu Luatte ❤️🧡💛

餐廳最近重新裝修，搖身一變為打卡able 餐廳！餐廳共有兩層，下層為少女心 粉紅/綠色佈置，當天我地訂座安排了上層camping 主題佈置。 因為星期六都較多人，不太多機會下層影相，大家可以考慮下訂座時看看可可特別要求。▪️掂過碌蔗二人套餐 $398頭盤：巴馬火腿沙律,松葉蟹蓋多士First Course: 南瓜帶子意大利飯Main Course: 美國安格斯肉眼甜品和配餐飲 套餐整體質素中規中距，蟹蓋多士很香口，南瓜帶子飯偏淡味，肉眼扒因為朋友不能食太生，所以叫了七成，有一少少韌。因為我哋自行帶了生日蛋糕，又另外叫了幾杯特飲，所以都冇飲到餐飲。職員推介的特飲"垃圾桶", 芒果梳打味很清涼解渴。▪️加拿大豬鞍扒 $128煮得軟熟，亦很juicy, 入口有驚喜。▪️炸魚薯條 $58(+$10 可配黑松露醬)原來豬扒牛扒都已經配有薯條，所以再另外叫了炸魚薯條就太多了，大家可以留意這一點。餐廳有多個打卡位，下層會較為光猛，上層建議帶專業一些的相機來影相，職員友善，推薦可以來一試。▫️Amico 1890 (旺角)📍旺角洗衣街24號地舖

今晚嚟到位於旺角嘅Amico 1980，依間餐廳一向都己有人氣，很區內都好受歡迎㗎。餐廳餐牌嘅食物價錢都幾親民，普遍都只需要100多少少就可以食到一個主菜。鵝肝多士鵝肝入口有鵝油香，入口即溶。多士烘得香脆，鵝肝配上多士正好以解解膩。慢煮脆皮挪威三文魚三文魚魚油香味非常突出，魚皮好香脆，魚肉鮮美多汁，入口非常之惹味。安格斯肉眼外皮煎得好香脆，一咬開，成個嘴都係肉汁。牛肉味道非常香濃，肉質亦都好嫩滑。提拉米蘇窩夫賣相吸引，咖啡味道香濃，手指餅唔會浸得太過冧，窩夫好香脆，牛油香味特出。整體黎講，餐廳嘅食物價廉物美，當中既鵝肝多士，更加係令人回味。依間餐廳除左晚餐之外，佢地亦都有下午茶menu，佢地下午茶都幾抵食架，下次如果有機會我都會再黎試吓佢個下午茶。❤️Amico 1890 (旺角)旺角洗衣街24號地舖#旺角美食 #旺角好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongresta

🌸滋味精緻打卡Café 🌸Amico1890🍽想品嚐滋味親民精緻的西餐？今天我便相約好友到了旺角一間主打滋味精緻西餐的餐廳-「Amico1890」品嚐是日晚餐❗餐廳鋪面寬敞，裝修精緻，下層呈粉系少女風，上層為玩味露營輕工業風，座位寬敞，店員十分親切殷勤有禮，店員細心為客人下單及不時收拾碗碟。我們一行2人點了以下餐點：1️⃣煙三文魚及巴馬火腿多士 以鮮味煙三文魚及咸香巴馬火腿，配搭質感軟綿的麵包多士，還配有清新沙律，十分滋味。2️⃣美國安格斯肉眼嚴選來自美國的安格斯肉眼扒，肉眼扒份量十足，肉質鮮嫩多汁，口感香嫩，配搭黃金香脆厚切炸薯條及清新健怡沙律，配搭豐盛，十分滋味！3️⃣茄蓉海鮮意大利飯茄蓉開胃，海鮮新鮮美味，有蜆肉及魷魚等，配搭粒粒意大利飯，還有擺盤精美的巴馬火腿，十分惹味！4️⃣水牛城雞翼水牛城雞翼香辣惹味，味道辣而不燥，甜甜酸酸，肉質香嫩多汁，十分入味❗5️⃣墨西哥雞鎚墨西哥雞鎚香脆，帶淡淡焦香，外皮香脆，內裏肉質香嫩多汁，十分滋味❗6️⃣Tiramisu Latte這是Tiramisu 味的Latte，帶香甜Tiramisu 味道，咖啡郁濃香滑，有Tiramisu 味的酥脆手指餅，賣相精緻，十分醒神