Alva House

营业中

休息中

夏天太多戶外活動，所以室內活動都要有，最重要係咩？梗係食啦！今次除咗食自助餐，仲有遊戲玩，我仔女同朋友仔玩到唔捨得走添呀！我哋今次仲約埋一大班朋友齊齊去食！必食新鮮海鮮包括即開生蠔、冰鎮龍蝦、麵包蟹。日式美食又點少得壽司刺身，仲會不定時更換壽司款式。小朋友至愛嘅 pizza，印度薄餅都有幾款，仲可以配搭唔同嘅醬料！肉醬千層闊麵都好好味。無論係泰式、西式定中式，呢啲脆口嘢梗係要食啦！仲有即煎鵝肝配多士，好味到停唔到口。仲有靚靚嘅冷盤，千祈唔好錯過！雖然食到好飽，但甜品係一定要食！泰國最出名嘅甜品點少得芒果糯米飯；仲有 Alva House 嘅雪葩 ，有椰子、蜜桃、檸檬茶、仲有榴連揀添呀！今期佢哋嘅主題係泰、韓滋味海鮮，泰國菜要試泰式牛肉沙律 & 泰式烤魚，仲要泰菜超出名嘅咖哩，鍾意食辣嘅一定要試泰式青咖喱鴨肉，仲有泰式黃咖喱雞肉。韓國菜就必然係韓式人蔘雞湯，同埋韓國經典韓式拌飯。除咗食仲有得玩，場內提供5個攤位遊戲包括電流急急棒、歡樂彩虹谷、棒球九宮格等⋯食客憑遊戲券仲可以參加遊戲，贏取小禮物，我哋都有贏到禮物呀！另外，仲有個約2米高充氣城堡，小朋友應該玩到嘢都唔食。總結：小朋友玩得開心

有得食又有得玩！ 真心爽😍阿女s放暑假，真係辛苦過返工，除左我帶佢地走嚟走去，婆婆都成日要幫手湊，所以帶埋婆婆去食餐好嘅，慰勞一下佢🥰 今次呢個全新泰．韓滋味海鮮自助晚餐 一系列泰式及韓式美饌真心有驚喜！ 必食推介即開生蠔、冰鎮龍蝦、麵包蟹…即開生蠔超新鮮，冰鎮龍蝦、麵包蟹，長腳蟹啖啖肉😚推介必食香煎鴨肝！煎到外脆內軟，油香撲鼻🤩唔小心食左好多件…😅講到泰、韓菜，必定要試人蔘雞啦，夠晒足料，人蔘味濃雞又夠滑。蒜蓉大蝦、黑胡椒蟹鉗，超惹味😋仲有勁多雪糕任揀，激推薦！ 榴連、椰子Gelato 😋😋 本來以為榴連已經夠超高質！ 估唔到椰子🥥更超班！椰子雪糕🍦椰香飄逸，味道清香天然，忍唔住食左2杯🫢。當然仲有Häagen-Dazs任君選擇。日式壽司食材矜貴，蟹籽海膽杯、吞拿魚腩壽司杯，三文魚腩壽司…. 樣樣都新鮮好味😋 仲有超多甜品數唔晒，只可惜胃唔夠大，好多甜品都冇食到😂😂 一定要再去！ 今次呢間自助餐，除左有得食、彈彈城堡🏰 ，滑梯🛝 ，啱晒小朋友！ 掉彩虹🌈、射鴨鴨🐤、套圈圈⭕️、九宮格9️⃣。仲有豐富獎品，連媽媽我都玩得好開心😂 仲掉中左大獎呀😂

放暑假除左玩盡佢，就緊係食盡佢啦🤭，加上呀女🐣入都心儀嘅小學，點可以唔慶祝一下呢☺️今次我哋就揀左帝逸酒店嘅Alva House喇，暑假佢哋就推出全新泰．韓滋味海鮮自助晚餐，連泰國🇹🇭旅遊達人胡慧沖都勁推薦，就好似泰式牛肉沙律、泰式烤魚、泰式青咖喱鴨肉、同泰式黃咖喱雞肉，仲有我最鍾意嘅串燒，真係食到停唔到口😋，除咗泰菜又點少得韓國🇰🇷菜啦，兩個小朋友最鍾意食嘅就係韓式炸雞🍗，爸爸就就大愛韓式人蔘雞😍，仲有經典嘅韓式拌飯同泡菜炒年糕都超正❤️其實Alva House食物嘅種類都確實好多，除咗泰韓風味之外，其實中、西、日嘅菜式都有，仲有不停refill嘅海鮮🦞bar、即開生蠔🦪、香煎鵝肝、中式片皮鴨🦆、各式火腿芝士🧀，仲有爐端燒同天婦羅🍤，真係應有盡有，食到捧住個肚🤭食完正餐緊係要拎返個甜品胃出嚟啦😆，除咗各式甜品🍮外，佢個芒果糯米飯真係好有去咗泰國嘅感覺，我同小朋友都最驚喜嘅就係有Gelto，有👩🏻媽媽同弟弟鍾情榴連、🐣就鍾意韓國🇰🇷香桃味，爸爸👨🏻就最欣賞椰子味🍨，另外，韓國香桃希臘乳酪撻真係一試便愛上😋你以為自助餐即係食咁簡單？咁就錯喇，今次真係食自助餐食得最盡興嘅一次，皆因Alva H

已經來過呢間餐廳好多次，覺得呢度環境好好，地方大，食物選擇亦都好多！侍應服務都好好，好有禮貌！今次都係平日食午餐自助餐！每次來都係食午餐自助餐都有生蠔，亦都係我鍾意來呢個自助午餐嘅原因之一！但係今日就冇咗生蠔🦪，變咗長腳蟹好失望…而且今日特別多人😅食物質素都係同平時差唔多，好味！只係生蠔，變咗長腳蟹…雪糕一樣有Häagen-Dazs。飲品選擇都係有咖啡，茶，凍飲有清水同埋一款寫住檸檬紅茶，但係啲味道好奇怪…呢度好在食物選擇好多，有串燒款，有炸物，有壽司🍣刺身，有燒味等等…不過今次最推薦係佢啲甜品真係好好味，唔會超甜，而且每款甜品味道都好特別！尤其係個榴槤蛋糕，真係超正！ 最後同Alva house 講返句，好想你地自助午餐有返生蠔供應！🥹🥹

閒日去食自助餐，熟食比較好， 多選擇。長腳蟹很鮮甜， 但刺身相對差， 只有三文魚較像樣， 甜品櫃亦多選擇。 衛生就麻麻地， 一坐低見枱面的餐墊有污積立即請侍應更換， 侍應在放了一堆餐墊的櫃找了很久才找到兩塊比較乾淨的， 感覺不太好。 整體來說食物是還好的， 當然不是五星級酒店的級數。

帝逸酒店自助餐算是沙田區最好吃的一家了，對比同區酒店，美食款式亦是最多，所以評價一直不錯。午市亦有生蠔、蝦、青口等海鮮供應。熱盤種類也很豐富，有美國斧頭牛扒、葡式燒乳豬、燒鴨、沙田馳名雞粥，還有日式天婦羅、串燒、大阪燒，全部也做得水準而上，而且補充得很快，是近期我食過種類繁多的酒店自助餐。*中途還會有個火焰雪山環節吸引一家大小，邀請大家排隊取

生蠔十分新鮮, 連我唔食嘅人都忍唔住食一隻🤣, 甜品、炸物、湯類、熱盤、通通好味又新鮮！好耐沒有試過食得咁飽, 值得再嚟！我們十二人, 安排了一個邊位, 可以食足三小時, 正！

如果你想找一個地方消磨一個懶懶閒的早上／ 中午，這個地方是最好不過。泊車容易，地方又寬敞。最好是沒有瘋狂的客人跟你搶食物。有師傅開新鮮生蠔，調製夏日特飲。小朋友仲有地方玩彈床，桌上遊戲。家庭飯局理想地點。👍🏻

一年前公司聚餐食呢間,我出post鬧爆咗🤯~一年後公司又去呢間,心中暗罵咗好耐😒...但今次去食,喜見佢真係有好大進步👍,所以都要出post讚下~今次去嘅職員態度好好多,雖然我哋成幾十人喺lobby轉嚟轉去都係無人理😂😂~但負責嘅職員出嚟見到我哋都好好笑容😊~上次最正常嘅串燒同炸物今次終於有比較易拎了🍢!(起碼每次出去都見到有幾款)水準仍然唔錯,炸海鮮卷🐟同埋天婦羅蔬菜都好食🥔~皮夠薄,但蝦有少少梅🦐...而串燒真係必食,雞腎,大葱,雞皮都好推介~其他同事拎到五花腩嘅都話好正😋~今次生蠔不見了🦪,變成咗長腳蟹🦀同龍蝦鉗🦞~長腳蟹都有海水味,味道亦夠鮮,不過龍蟹鉗好鮮甜,更勝一籌~至於刺身種類唔算多,我就獨愛希靈魚同八爪魚🦑,八爪魚完全無筋,比預期中好~甜品控上次鬧到佢嘅甜品一文不值,今次真心覺得最大進步獎屬於甜品部🏆!上次去係好多舊式屋村西餅店款,啲螢光粉紅螢光綠嘅西餅🍰...但今次起碼賣相都靚咗好多!舊朱古力蛋糕係會令我想encore嘅~而同事食咗焙茶蛋糕,話比朱古力蛋糕🍫更encorable,實在不得了~仲有啲榴槤奶凍,椰青凍呢啲都廣受好評~

不滿程度有分先後 (由上至下)1. 凍飲得二款, 其中一款係凍水, 汽水都無...2. 生蠔連埋個殼細過片檸檬3. 刺生壽司雪味好重4. 牛扒切定,然後放到成座山咁比你自助拎, 莫講牛味, 連熱都無5. 主食好多都唔掂, 意大利飯得3成熟, 寬條麵韌口6. 自問甜品要求低, 連我呢個甜品木口, 都知道係...死甜,哈根牌雪糕最好食總結: 2,3百蚊放題仲好過佢, 可取之處係收碟快, 環境衛生唔錯要2百字先比評分, 有興趣就睇埋下面, 1. 龍蝦,蟹腳,青口普通, 無鮮味, 但未到差2. 新鮮出爐pizza唔差, 印度飯都OK3. 生果有哈密瓜, 密瓜, 波羅&西瓜, 凍壞既西瓜混埋正常一齊出, 西瓜, 波羅OK, 密瓜無味4. 中餐魚蛋粉個D無試過

母親節一家有大有細去邊好？一於去帝逸酒店Alva House 食個Brunch Buffet 啦！上星期我就同埋daddy mammie，親朋戚友，老公同埋小朋友去Alva House ，有得食有得玩，仲可以享受天輪樂，樂也融融！ Alva House 嘅自助早午餐豐盛美味，除了備受歡迎的🥩烤肉（包括燒美國頂級牛肋肉及迷迭香烤羊腿）外，仲有即開🦪生蠔，隻隻都鮮甜肥美！🦞小龍蝦同樣新鮮！中西日印嘅菜式都有！多款🍣刺身壽司， 🍢日式即燒串燒，仲有🍳雞蛋料理（包括香檳水波蛋、班尼迪蛋及黑松露炒蛋），仲有即叫即煮嘅中式燒味，🥣車仔麵，🌮印度咖喱薄餅等等。 甜品方面都好多選擇，中式紅豆沙、豆腐花，仲有🧁珍寶火焰雪山、琳瑯滿目嘅精緻甜品 🍮🍰🥧🍫🍭（葡撻，tiramisu, cheesecake, puff 等等），仲有🍧Häagen-Dazs雪糕, 滿足視覺及味覺的甜蜜享受。 大人一邊享受美食，小朋友仲可以喺新增設的兒童玩樂區，🎪充氣城堡，⚽️充氣足球飛鏢足球機，以歡樂填滿週未時光！自助早午餐全時段：上午11時15分 – 下午4時30分每位收費 成人$ 638小童（5 – 11歲）$388首輪：上

自助晚餐折完後後都仲要$700一位，完全唔值呢個價，refill 食物好慢，你五叫佢refill d 食物就無得食。食物種類唔算多。西冷牛扒係切好晒，而唔係即刻切俾你。最搞笑以為睇網上YouTube 介紹係會有即整pancake。點知到個陣問個甜品部廚師，佢同我講賣晒。仲有食到2130但190030左右已經好似執嘢收工🥲。值得一讚，只有生蠔，夠鮮。無腥

由於裝咗會員佢有買一送一嘅自助餐優惠特登揀咗今晚食晚市自助餐嘅款式非常多有新鮮生蠔，我哋拎咗十幾隻排咗幾轉每個人每次只限最多拎兩隻而刺身方面都有新鮮三文魚，吞拿魚等等特別嘅係呢間自助餐，佢會有日式燒物所以如果朋友唔啱食生冷嘢嘅話都可以嘗試佢啲日式串燒都有雞軟骨芝士年糕吉列炸蠔等等呢啲居酒屋嘅食品最正㗎就係可以任拎新鮮屬龍蝦大大隻肉質彈牙，我哋仲拎咗10幾隻。呢間自助餐平日都好爆，真係要早一個月先至book到位，未試過嘅都推介大家試吓。

用埋Affinity優惠  勁抵人均330+ 午市跟晚食物相若 只欠開邊龍蝦 值得推介飲品 雪糕及甜品種類很多座位舒適 不太密集生日可請侍應預備 用甜品蛋糕拼砌成蛋糕加蠟燭 很有氣氛 更不智查身分證証明生日

$128+10%=$140.80，就食到酒店buffet，不算貴，通常酒店早餐有的呢度都有，環境不錯，又坐得舒服，最鍾意食奄列、中式魚蛋麵，新鮮生果加乳酪最好味。穀物有多款選擇，每次來都會坐兩個鐘。不過唔知係咪人手唔夠，收碟收得好慢，要叫佢哋過嚟先收，有待改善。