Alva House

营业中

休息中

喜歡食自助餐又想悠閒地享受一個下午?  呢間酒店餐廳 Alva House 或者會係一個好選擇。 餐廳內有一面係落地玻璃，讓外面陽光透入來，環境舒適寬闊。  酒店開幕約一年， 餐龐佈置清潔時尚,  餐具色調配搭亦見心思。很適合悠閒享受一個自助午餐。 午餐收費三百幾, 有八折約二百幾蚊, 食物各式各樣， 選擇種類多， 除自助餐指家壽司、刺身、海鮮、燒牛肉、燒味、甜品外, 有幾款食物比較有特別。1. 有印度廚師即做薄餅2. 當然唔少得沙田出名既沙田乳鴿同雞粥3. 即炸天婦羅同串燒好食4. 仲有即煮雲吞麵值得一讚廚房服務幾唔錯， 取食物之後會同你講多謝哂, 唔怪得當日中午都見到有唔少人係到食自助午餐。甜品櫃的甜品有不少選擇， 尚算可以。

聽聞呢間新開自助餐最近喺沙田區走得火熱就過嚟試吓。一入到黎裝修唔錯陽光充足，魚生同凍海鮮display精美，其他熱食款式多，有沙田雞粥同埋乳鴿。餐廳同事服務殷勤。有驚喜

沙田這間新酒店裡的自助餐廳，水準非常之高無論裝飾佈置或食物質素都一絲不苟，地方簡潔光猛食物款式數之不盡，在此吃午餐或晚餐都一樣好舒服。餐廳門口放置了很多綠葉花朵做配襯，令人很舒服好像遠離繁囂的感覺。餐廳旁就是甜品櫃，望着已經很吸睛食指大動。而在抗疫方面下了很多功夫，每枱桌面的餐具都會用保鮮紙包著，令每位食客很放心。中式廚窗放滿不同種類的燒味。日式就有炸物，吉列炸蝦、薯餅、餃子、天婦羅同串物。海鮮方面有新鮮生蠔、龍蝦鉗、凍蝦、蜆。主菜有羊扒、脆皮燒腩而當然不少得就是燒牛扒，師傅已經準備好大大份的燒牛扒為我們奉上。到刺身放面有三款擺放得很精美，給大家點選。海鮮盤有蓋保護著令食客非常放心，海鮮很新鮮在這個海鮮區我已經遊走好幾次了。生果區都是一樣，放得很整齊又乾淨。最令我期待的就是平常酒店自助餐未必吃到的食物，因為這間酒店坐落沙田區嘅關係，在這裡竟然會見到沙田雞粥同乳鴿的菜式放進在內，所以很欣賞這間酒店同總廚嘅細心，可以有個賣點叫食客來惠顧。

夜晚同老公去慶祝生日，又有朋友推介，話食過呢間幾好Booked左枱，話由晚上6點食到晚上九點半，我地就由7 點食到9點半，個人認為食飯既時間好充足，比起其他自助餐限時限刻，呢度就值得一讚服務：收碟速度開頭好快，但去到8點幾打後就好似冇咩反應。最後佢話有人無做泊車優惠，就幫我做多兩個鐘，令我好開心🥳食物質素：回本野：生蠔🦪，龍蝦🦞，鵝肝（DUCK Liver)，都係好味😍，其他凍海鮮就一般野，無特別熟食：有檔日本🇯🇵檔口，有串燒，天婦羅🍤都唔錯；其他就都冇特別沙律🥗：冇特別甜品🍮：有榴連主題既甜品、蛋糕，都一般個；個熱鮮奶🍑膠，就幾好味😋個人認為可以再食

呢間嘢成日都話full.就要睇吓有咩咁巴閉，其實今年係第二次食呢間dinner buffet。對上第一次係5月，因為難得老公又話想食海鮮自助餐就倍佢啦。今次去到比第一次有好大的進步。員工執碟速度快。同埋食物refill都好快，貴價原隻龍蝦/生蠔/蟹腳同鵝肝都有員工分配只要人人排隊都有份。因為太多嘢食選擇都無咩時間影相。-粥雖然無味但幾好食-片皮鴨就真係唔掂。片到舊肉細細粒手指頭咁。可能尾位我都唔知係咩位。總知覺得好難食好so只得啲皮，我都忍唔住要包雲吞意思係吐返出嚟用紙巾包住再都無再拎，好心唔好咁肉酸啦。如果有得揀我食乳鴿好過，可惜無唔知乳鴿唔知係咪lunch buffet先有。-乳豬好食啲皮脆又唔太肥-麵包蟹原隻龍蝦都好爆膏-串燒好多款。但我只食試咗腎同牛肉都-斧頭牛扒大約4至5成熟，我接受到，好嫩好淋不過有啲人真係會覺得太生唔熟咁- Parma Ham仲有日式小食八爪魚裙邊 大阪燒 冷麵- 天婦羅 軟榖蟹 紫薯餅-炸蝦手卷和軟榖蟹卷都可能11月做蟹主題有蟹小龍包，蟹炒飯 意粉 熱嘢等等我都無食，因為要留肚食甜品 上次無留意佢哋有自家制雪糕錯過咗今次補返原來要19:00後先有。因為我

之前食過午餐覺得都幾豐富,所以對晚餐都幾有期望,但其實食嘅野差唔多,有d失望,今次食刺身好在換左師傅,上一次黎果個負責刺身嘅師傅好明顯係唔識切,刀又唔抹,切完好似堆垃圾咁比客,今次換左師傅,覺得自己切大舊左又切多野切番細舊d,但油甘魚刺身竟然有骨,炸軟殼蟹幾好味,片皮鴨好似好枯寒咁,都食唔到咩味,但最唔滿意係雪櫃有可樂,想要罐無糖唔可以仲要加錢買,冇其他選擇。

好多野食，抵食，但好難訂枱中午自助餐有即開生蠔食，依家好少地方有冷盤有龍蝦，蝦，蜆 等 refill 都好快炸天婦羅好多款，最好食炸紫薯餅沙田馳名乳鴿，雞粥都有咖啡奶茶任飲，仲可以換杯香檳添咁抵食，邊度搵，埋單每位350左右

Alva houseOpenrice 優惠 成人$270 (Lunch)美國生蠔師傅即場開即場洗, 每人每次兩隻, 口感清淡 味道鮮甜 肥美肉滑, 新鮮, 生果美味地方大可以容納好多人, 防疫工作ok 枱與枱相隔一段距離, 有禮換碟速度快.

十月尾疫情冇咁緊張，就約朋友出嚟飲飲食食，朋友推介這一間上年年尾開幕的帝逸酒店食自助早午餐。地方大食物選擇多元化及豐富。 食物整體味道和質素都ok，對三百幾元來說性價比很高。燒乳豬現場燒制， 皮脆唔肥，好味生蠔生鮮甜品種類很多很吸引，其中一款魔鬼天使蛋糕(薯片蛋糕)口感特別可以一試

疫情下又掛念久違了的自助餐，在一番資料搜集下得知沙田石門帝逸酒店的自助餐口啤不錯，便預約一試。由入座到離開的流程安排得不錯，侍應及 live station的服務亦算有禮亦到位。食物以午餐來說算很豐富。冷盤區雖然款式不多但算是精選，有鮮甜的即開生蠔，新鮮彈牙的海虾，刺身沒有吞拿魚算是有少許失望，但以此價位實在無話可說。熟食區有海南雞丶羊扒丶牛扒及脆皮乳豬，質素都很不錯。餐廳亦有供應沙田乳鴿，但不夠熱，味道很一般。串燒做得不錯，最美味是惹味的沙爹醬。 天婦羅炸得亦好，但每次出去都只見到蔬菜類天婦羅，看見師父是有在炸虾及蟹的，但炸好後會被整盆送走，似乎並不提供。甜品種類算可以，可惜生果只有切粒的西瓜及哈蜜瓜。結賬時由於使用信用卡優惠，每人平均二百多，性價比高。美中不足是職員沒有確認是次出席，要幾番折騰才獲補發，把原來很不錯的印象打了個折扣。

有信用卡折扣其實性價比就高了，食物多樣化，有誠意，refill也算做得足！基本上食到的食物也不錯！👍🏼👍🏼👍🏼👍🏼👍🏼會再來也推薦了朋友過來，朋友也覺得很可以！女仕最著重的甜品款式也很多😻😻疫情緩和期間，員工看到有忘記帶口罩取食物的客人，都仍十分緊張，小跑步到客人面前提醒他帶回口罩才可離開座位👍🏼👍🏼看到這場面也挺安心的！吃完這餐生日Buffet 的第二天，疫情即爆發第三波⋯⋯😔我也算吃得合時了⋯⋯⋯

Sorry掛住食冇乜影相，嘢食/款式其實同其他食評啲相差唔多，對得住個價錢冇投訴。今次想寫字講下嘢食以外嘅嘢：1. 衛生算係咁，餐具都用保鮮紙包好。真心服務一流，收碟速度亦高。2. 員工態度友善殷勤，見我拖住細路，主動幫我拎碟嘢食埋位。至少我覺得個員工係真心幫我，唔係話跟指引做嘢算數。3. 晚餐價錢大人每位$500中有找，最好係小童5歲先起標。4. 唯一投訴係免費泊車時數少，食咗$16xx都係free得兩粒鐘，好似話$2000先free 3 粒鐘，泊耐咗就每小時$40。

今天繼續分享在ALVA HOTEL BY ROYAL 帝逸酒店Staycation的最後行程！就是車媽媽早上7時半在Alva House吃早餐！對於熟悉我的朋友來說真係太驚訝了是嗎？原因是車爸爸這天要返工的關係所以吃最早的時段，是為了方便他吃飽再回房眠多眠才Check Out吃午餐後下午4時返工！步進餐廳見到有個由農場直送的靚菜櫃，看到我勁想食新鮮沙律啊~第一次踏足Alva House四處也是落地玻璃感覺很有活力！另更有個孩童區用餐位置帶小朋友來更添樂趣！我們被安座於窗邊高樓底的位置用餐，即使當天下雨影相也光線十足如遇上天晴的日子有充沛陽光必定更美！早餐有數款供選擇中、西、日式也齊全能照顧到不同口味的客人，另配有咖啡或茶原來早餐都好大份呢！餐廳做足保護措施以保鮮紙包妥用起來感覺特別放心，防疫措施做到一絲不苟抵讚！早來的關係人客不多所以不消一會我們點的早餐便到齊！影張大合照後便開動我唔客氣喇！車爸爸點了中式的鮑魚雞肉粥配豉油皇炒麵及豬肉燒賣，大家看這份早餐是否很壯觀呢！豉油皇炒麵弄得爽口不油又夠入味，加點豆瓣醬吃更加吸引！鮑魚雞肉粥的粥底很綿內裡的雞肉亦很嫩溜，還有一隻鮑魚在內晨早吃這些

疫情一直持續，很久沒和家人食餐好的，而父母又一直嚷著要吃自助餐，結果挑選了好久才決定 選擇帝逸酒店。看過酒店簡介，食物相片和餐價牌及價錢，帝逸酒店的選擇和口味都比較符合我們一家六口的要求。 晚市自助餐選擇都比較多，有即開美國生蠔，生蠔絕對新鮮，而且鮮甜多肉，有半隻手掌的大。 日式刺身新鮮，天婦羅選擇多，香脆鬆化，味道都不錯。鮑魚雞粥，熱辣辣，雖然鮑魚不是大大隻，但雞粥粥底綿密，每口都融入濃濃的雞味。鵝肝入口即溶又香口，屬回本之選。 斧頭扒鮮嫩多汁，肉味濃郁。京式片皮鴨，皮脆肉香，油脂豐富，家人食不停。龍蝦，長腳蟹，肉質結實 ，啖啖肉， 超美味。山水豆腐花口感幼滑， 非常適合小朋友或老人家。酒店的甜品很多都是酒店自家製的，口味和質感也不輸其他酒店，值得一試。唯一不太習慣的是，疫情期間除了用餐時候， 其餘時間都要戴上口罩，有點不方便， 但是服務，衛生，環境等， 都是無可挑剔的。

今次去試沙田帝逸酒店Alva House嘅 自助午餐。折扣後兩佰幾蚊嘅中午自助餐有生蠔、龍蝦仔、凍蟹鉗、蜆、四式刺身、天婦羅🍤、又有沙田風味嘅雞粥、燒乳鴿，以至燒牛肉、羊脾、串燒、湯粉麵區、熱葷、蛋糕🍰甜品仲有‭ Mövenpick盒裝雪糕⋯⋯⋯‬‭飲品亦有數款自助‬任斟任飲👍🏻整體食物質素同味道在沙田區算係ok！總括來說性價比都算高，較適合一家大細聚餐👍🏻嘅地方！