Aldou Cafe (已易手) 新餐厅

這天來到怡豐花園旁的aldou cafe，玻璃窗以及不少綠色植物，簡單而清新，讓人感覺休閒寫意。看一看門外的set dinner menu，價錢不貴，今晚一個人的晚飯就鎖定在這兒吧！日式和風蒲燒鰻魚意粉($98)意粉用上原條鰻魚，長度幾乎橫跨整個碟，份量十足，收費$98確實是「元朗價」，如果同樣岀品在尖沙咀吃，相信價錢起碼要收兩倍吧。滑嫩而充滿膠質的鰻魚加上甜甜的燒汁，味道甜美，燒汁份量尤其恰到好處，不會太少，又不會太多致過鹹。意粉也同樣岀色，煮到al dente，彈牙爽口，很有口感，而且每條意粉都色澤亮麗，十分入味，充滿燒汁、蒜油和蘑菇香。+$28 也可升級套餐，有餐湯以及(甜品或飲品)。是日餐湯為粟米羹，味道濃郁，而且入口啖啖粟米粒，口感豐富。既然有溫水提供，身為甜魔當然要試試甜品！是日甜品是blueberry cheese cake。雖然只是daily dessert，但岀品亳不馬虎。蛋糕質感濕潤，芝士香濃creamy，加上酸酸甜甜的藍莓醬，吃完整件蛋糕也不覺濟。是晚每樣食物都深得我心，加上店內處處洋溢的休閒氣氛，值得推薦給每位想輕食慢活的都市人。

去咗元朗,食咗想試好耐久嘅Aldou Cafe.餐廳晌中低密度住宅區入面,同大馬路嗰邊人撞人咁確係天壤之別.入面就係淺藍色為主,當中仲有啲有關小狗嘅佈置.呢邊窗邊係高身檯,外面行人唔算多,一邊睇住街景一邊用餐,感覺唔錯.午餐時段只有九個選擇,好彩想食嘅都有.是日餐湯係番茄湯,湯質幾濃,入面有啲切得大粒同明顯嘅鮮番茄粒,飲落微酸有忌廉香.另外嘅半個法包就稍為烘暖,外皮挺身帶脆,拎嚟蘸湯食都唔錯.蟹肉南瓜忌廉意大利飯,用咗櫻桃蘿蔔同香草點綴,蟹肉完整量多,肉爽唔爛,淋上黑松露醬令佢仲香口.意大利飯被南瓜染成橙黃色,煮得幾軟腍易咀嚼,仲加咗啲切絲洋蔥同厚切雜菌增加咬口.香桃芒果凍果茶,輕輕攪拌時可以清楚睇到杯入面有細碎果肉晌茶中飄浮,飲落淡香微甜,感覺唔錯.

上次嚟過一次，但未開門，今日終於都可以試到啦！ cafe 內地方小小，枱數唔多，但地方總算感覺舒服，整潔還可以，但我發現我果杯水上 ，有條頭髮 可能咁啱姐，我諗見到食評咁多人都食 “ 波菜意粉”，點都要試下，另外，呢度上菜速度算快，唔使等太耐。今日的餐湯係 ： 南瓜湯 ＆ 蜜桃荔枝果茶。可能會幾日轉一次吧！]]南瓜湯 配上 暖暖的餐包 ，南瓜湯香濃夠creamy ,味道偏甜。]雞柳菠菜意粉 ：雞柳肉質較為有些嚡口，有些比較嫩滑，顏色十分之清新，醬汁調得剛好，唔太濃又唔太傑，十分creamy。而意粉係爽口的，總括嚟講係唔錯， 但如果有人share食會較好，因為會冇咁膩。又可以試多個口味。]]果茶，味道較為清淡。

Cafe門外裝修已好特別又精緻，如外國feel的休閒cafe😍😍入到cafe細細間，但都不失休閒舒服的感覺，當晚安排坐在高檯高櫈位置，望出窗外都幾舒服😄😄待應態度勤殷勤又好南瓜湯煮得不錯，配上香草好味👍👍白酒煮蜆，蜆肉大隻新鮮😋😋Fish & Chips炸得鬆化，不油膩，魚塊厚啖啖肉😍😍最後配埋羊架，羊架大件可兩個人分，煮得剛到火位，美味下次想試試佢地lunch，因為見到佢哋嘅咖啡，看似好吸引😍😍

琴日同4個囡囡一心諗住食呢度嘅下午茶，但女仔出門所講的5分鐘就是50分鐘，所以當我地去到個陣，佢已經就黎落場🙈 好彩佢都比我地食到8個字，太滾動了👏我地總共點左4個Tea set，價錢都係50~60蚊左右💁 算是合理。 侍應姐姐都好有耐性咁講解 Menu，無因為我地臨落場先入黎而有所轉變😊👍 但佢有建議我地食沙律，因為上得快哈哈(講笑 嘰)總括而言，環境幾舒適，係個岩聚會嘅地方👭 但要留意反落場嘅時間💁

我之前去食lunch 叫左兩個餐等左半個鐘都未黎 後來見到遲過我地入黎既另一枱客個餐同我地個餐一齊上枱我即刻問佢啲野點解要整咁耐先上枱 其中一個店員唔識答 另一店員行埋黎問發生咩事知道因由後 個店員用輕佻語氣同另一店員講：一齊落單咪一齊上囉但事實我飲緊餐湯時 另一枱客都未入黎然後兩個店員更在我面前竊竊私語 討論剛才件事作為一個侍應 咁做係極冇禮貌 對顧客亦極唔專重野食係唔錯 但服務質素惡劣十分失望 非常差既經歷 以後唔會再去 除非轉左店員

又係時候發掘好既餐廳啦，近元朗公園附近發現左一間充滿聖誕氣氛既餐廳。鋪仔雖然細細，但完全唔會覺得侷促。木質餐桌加上周邊聖誕裝飾 有至身外國小屋既感覺午餐選擇有8款，我當然選我最鐘意食既大蝦啦！西班牙大蝦菠菜忌廉意大利飯！前菜，有南瓜湯+麵包。南瓜湯非常好飲，好甜主菜10分鐘左右就到，熟蝦既橙色再加上綠色既飯同蕃茄仔 唔需要食都有視覺上既衝擊。食落味道相當之好 唔會太cream，菠菜味濃中間仲有d菇菇，大蝦大隻又好爽口 味道+顏色配搭都有8-9分以上。

今日放假，一早入左元朗公園郊遊。入得元朗緊係圍下特色餐廳架啦。順住元朗公園正門口一直行，見到沿路非常多既餐廳，但一式一樣沉悶既店門已經令我無晒食慾。 再行前幾步，眼前一亮，眾多餐廳中間有一間環境開陽同旁邊格格不入既西式Cafe。入到去，因為年近聖誕餐廳裝飾圍繞着聖誕為主題襯木質餐桌 非常有氣氛。（當時太多人唔敢影）睇完Menu 見到有一個雞肉漢堡，好奇心驅使之下叫左黎試試。（一般餐廳漢堡以牛肉為主）大約等左十分鐘左右就攪掂，大大個雞扒漢堡，咬落入好香既菇味，同濃濃既芝士，再加上上下都有疏菜去控制個味道，令到佢味道唔會太重，又可以帶番d雞味出後，配搭出奇地好食，再加上薯條伴碟，非常滿足！

元朗出名多好嘢食，今天是Happy Friday，當然要吃好一點。來到元朗，找了家西餐廳吃晚飯，8時來到，不斷有客人前來等位，建議客人要預早booking。遠看餐廳的入口，充滿心思的佈置，入夜後的燈飾份外浪漫。餐廳玻璃門內有2張高桌，遠觀餐廳的景象，顯得很有格調。這幾天病了，本來胃口不好，但吃了這頓晚飯，心情好了起來。食物果然能帶動情緒，好吃的食物為我帶來好心情。點了餐後，喝了一碗又甜又滑的南瓜湯，熱哄哄，香噴噴。南瓜香味濃郁，加入了淡忌廉令口感更香滑。餐包新鮮脆口，配合湯一起吃，兩者很配，吃得一乾二淨。主菜是豬肋骨配溶岩芝士醬($178)。份量不少，燒烤醬的味道，芝士醬鋪面，效果新鮮。豬肋骨多肉，肉質不錯，不會很難切入。配搭薯仔沙律，味道更佳。三文魚籽蟹肉南瓜忌廉意大利飯 ($128)賣相跟味道成正比。上碟的賣相值得加分。三文魚籽份量多，粒粒新鮮飽滿，令整個飯的味道突出。蟹肉吃得出是新鮮的蟹肉，帶有鮮甜的味道。食材算得上很用心。意大利飯沒有過硬的感覺，忌廉汁調配得宜，不太黏身。喉嚨乾的天氣最適宜配一杯熱的茉莉花茶。淡淡花茶清新，一解喉嚨的乾涸感。至於凍果茶，味道像羅拔臣啫喱，少甜，帶

沿大坑渠直走，怡豐B座，位於元朗劇院附近有數間食肆，日、中、西式都有。Aldou這家餐廳開業不久，記得從前來這裡吃飯，處處都是大排檔，或是Awakening(就在Aldou旁邊)，附近的Cafe不多，相信這裡近年才開業。今天想靜靜吃一頓晚餐，就來試試吧。Aldou cafe從外面的裝潢看，充滿翠綠感，既有文青的味道，又為餐廳帶來點點朝氣。門口放置數張木椅，添上優雅感。等位的客人一家大小坐著閒聊一下，不讓時間空空白過 。南瓜忌廉湯暖暖的，味道一流。濃郁的南瓜味，口感香滑，南瓜味道與忌廉融為一體，喝到最後也沒有半點南瓜渣。餐包的溫度適中，新鮮，香脆。燒烤醬豬肋骨配溶岩芝士醬($178)的味道豐富，份量足夠2至3人食用。燒烤醬的味道濃，大量芝士醬淋面，吃下去有拉絲的效果，跟韓式芝士拉絲炸雞的弄法相似。豬肋骨不只有骨，而且啖啖肉。薯仔蓉加入蛋醬，配搭一流。三文魚籽蟹肉南瓜忌廉意大利飯 ($128)的食材多樣，看得出廚師配搭用心，而且賣相相相當不錯。三文魚籽份量很多，粒粒晶瑩，跟意大利飯一口吃，沒有膩的感覺。蟹肉新鮮，偶爾吃到一塊軟軟的蟹殼，證明蟹肉真的從新鮮蟹身拆出，真材實料。跟了杯熱辣辣茉莉

幾乎每逢星期六都會落元朗，試過好多間cafe，覺得價錢同食物質素黎講，Aldou算好好，不過今次lunch令我有點失望。南瓜湯好creamy，很喜歡，但今次個麵包硬到咬唔開，唔知係唔新鮮，定翻熱時間既問題。All day breakfast 個黑松露炒蛋好正，但今日炒得好油，又唔滑。菠菜牛油大蝦扁意粉，味道好好，意粉唔會太硬或太冧，蝦食得出應該係新鮮（至少呃到我係新鮮）。但同炒蛋一樣，好油！今日個廚師做乜事咁重手？希望下次黎可以食返以前既水準！😢整體黎講，呢間cafe係元朗其中一間最值得推介👍

星期六上午，衝衝忙忙的帶阿狗去沖涼，放低阿狗後，才發覺我們未吃早餐，好肚餓，望一望原來已經12點半多，唯有在附近覓食發現有間幾悠哉悠哉的Cafe，望了餐牌後，便決定食一個全日早餐，一個餐還跟餐湯，再加錢轉杯Iced Mocha！果然好嘆味道都不錯，地方雖細，但坐得舒適，不錯！

今晚相約中學同學聚舊，朋友提議aldou cafe，剛好早前我去了它的姊妹店覺得水準不錯，故亦對aldou cafe充滿期待。我們先選了主菜，再加$28配餐湯 以及甜品或餐飲。我選了鴨胸野菌忌廉意大利飯($168)，老實說這個價錢連餐湯也不包，定價頗為進取。不過和朋友聚舊，還是想吃得好一點，所以我還是加了$28升級套餐。餐湯南瓜忌廉湯質地幼滑，吃到淡淡的南瓜味，少少香草更加提升香氣。餐包略為較硬，而且涼掉了，個人喜歡較軟熟一點的。到主菜了！鴨胸野菌忌廉意大利飯的鴨胸份量足，而意大利飯夠濕潤，黏黏的卻口感帶嚼勁，很有咬口，不會太淋，做法正宗，入口盡是野菌的香味，如果忌廉份量可以少一些會可以減少飽滯感。甜品朱古力奶凍滑溜溜，很Q彈，而且朱古力味非常濃郁突出，朱古力迷一定喜歡。

喺元朗難得有一間餐廳個門面咁清新，裝潢亦都好合我心意，所以一直想試好耐，但係經過嘅時候經常都大排長龍 ，適逢今日落雨，機會嚟喇。見到隔離枱個牛扒好靚，好似好好味咁，不過月尾流流，這些機會...都係嗌番個意粉set罷啦，跟餐嘅南瓜湯飲得出係真材實料，如果加埋薯仔同多啲cream落去一齊打應該會更好。跟餐嘅麵包就略嫌硬咗啲，不過一啖包一啖湯咁餸住食又幾和諧喎。香煎孖寶虎蝦意式茄醬意粉，對蝦好大隻啊，幾乎遮哂成碟意粉咁滯，肉質爽口彈牙，蝦頭仲有少少膏喺度㗎。意粉嘅硬度啱啱好，係我最鍾意嘅 al dente，個汁嘅味道比起外面啲餐廳整嘅偏酸，不過對於鍾意食酸野既我就覺得啱啱好喇。臨尾呢個朱古力奶凍朱古力味濃郁，入口滑溜，唔洗一陣就畀我清哂。月頭黎試埋個牛扒先。

响元朗怡豐花園旁 有間都幾有文青feel嘅cafe小店《Aldou》每次經過都想入去品嚐一下咖啡尤其是喺假日 都不時會見到有人排隊今晚經過 心思思想食西餐一於就試下Cafe採用簡約風格裝修氣氛休閒今晚就試咗佢個香煎香草鴨胸野菌忌廉意大利飯$118加28蚊配埋餐廳同嘢飲黎黎嘅係 南瓜忌廉湯配餐包南瓜湯非常香滑 而且南瓜味亦好出餐包熱辣辣香煎香草鴨胸 外皮香脆 鴨肉嫩滑而且鴨胸亦帶點橙香 非常醒神意大利飯混有大量芝士同黑松露芝士味濃郁意大利飯份量都幾大 一個人食曬都幾飽最後餐飲同甜品二揀一 我就揀咗凍果茶 果茶帶有柚子同荔枝味 味道微甜 感覺清新飲落第一啖 果香味久久不散喺元朗可以有一間咁休閒氣氛嘅cafe實在難得無論係假日一家人抑或 兩口子食晚飯都非常適合 大家不妨多多支持小店呀