Aldou Cafe (已易手) 新餐厅

朋友成日路過劇院同新元朗圖書館，見到呢間餐廳中午同晚上都成日滿座，甚至有人喺出面排隊等候，都知道佢一定係好受歡迎。於是今晚同朋友就去食吓，試一試佢係咪真係咁好食。 我叫咗一個前菜係白酒忌廉煮大蜆，主菜就係鴨肝手打牛肉芝士漢堡配薯條。Hm……Yummy!  大蜆一到，睇到肥dudu、大大隻既蜆就知佢新鮮啦！即刻一口咬落去，嘩，好香好新鮮呀！心裏舉起手指頭! 我估唔到入黎呢間小餐廳有海鮮食，更估唔到佢咁新鮮（開頭都只係諗住博一博），佢用白酒忌廉煮，唔會蓋過蜆味，好match!跟住黎就係個鴨肝手打牛肉芝士漢堡配薯條， 成個包好豐富，中間夾咗個鴨肝手打牛肉，中間有菜有蕃茄有芝士，個包脆脆的。一切開，見到熱騰騰既煙走出黎，一啖咬落去個鴨肝牛肉到，好juicy, 好林，唔散，可能佢溝咗鴨肝，令到牛既騷味冇咗，好好味，食落有几種口感，可encore!我明白佢點解成日都full, 好食得黎價錢都唔貴!

雖然一週一行係少左人O黎, 但元朗依然穏坐”避開行李箱”冠軍寶座其實很多行李黨都係集中係大馬路同商場同藥房, 行側少少ga 地方就唔會見到我唔係特登避, 但就係避到囉~之前連3日假, 想去悠閒同文青下訓到Brunch hour 先去食野係馬田O個邊有D 細餐廳雖然YOHO 魔開左後少左生意, 但都多人等架12:30 係Aldou Cafe 外都要排隊好在唔曬又唔係勁熱, 不過都唔敢坐出面邊排隊邊擇野食基本上鍾意西式cafe ga 野食ga 人係樣樣都想食囉超多人點澳洲和牛漢堡, 但當日唔想食burger所以都係食意粉元朗區有質素ga 意粉呢… 諗唔到~.~ 午餐跟餐湯~唔知點解我會聽到龍蝦湯-“-呢個應該係南瓜湯甜甜地 稀稀地 (本人表示鍾意稠稠地), 包包少焦好好味終極抉擇香蒜蟹肉意粉個意粉係少辣的, 除左太多油之外都幾好味意粉QQ的, 不過點解蟹肉係魚肉腸味XD跟餐有普通茶同Ice Fruit Tea 之類但我係為左個Green Tea Latte O黎的confirm 不含咖啡~少少似抹茶味~茶味好濃呀, 叫左少甜剛好Green+Blue 係咪好靚呢~仲要坐窗邊藍色杯係坐室內先用

星期五中午, 好容易搵到位，終於試到一直想去評分咁高的Aldou Cafe。講真，元朗好多好野食，成日都試唔同的CAFE，暫時JC ROOM都係我首選，今次都抱有期待黎試 Aldou Cafe。餐廳都算闊落，但係有D油煙味，我自問都幾敏感，怕油煙大的餐廳。 我同朋友分別點左香煎蝦肉黑松露忌廉意大利飯, 燒菠蘿烤雞扒漢堡配薯條。先講漢堡，雞扒煎得好香，加上酸酸甜甜的菠蘿，食落一D都吾膩，仲要雞扒本身好滑。下下食牛肉漢堡，偶爾轉下雞扒都唔錯。本身係薯條控，對薯條都幾高要求，Aldou Cafe 的粗薯條都幾好，吾會太淋，炸得岩岩好!自己一向鐘意食意大利飯，黎到一心想點黑松露意大利飯，但係味道冇預期咁好。黑松露味吾出，意大利飯吾夠硬身，仲有蝦冇煎香，勝在粒粒蘑菇入口，忌廉味道OK。餐飲方面點左杯 Cappuccino + Iced Fruit Tea 。朋友大讚Cappuccino ，咖啡香濃。而佢地自家製的Iced Fruit Tea 生果味好消暑解渴。下次應該會再黎試晚餐。

Happy Friday 秘密小花園老友忙到甩碌，作為好友梗係要好好陪佢盡訴心中情，元朗呢間隱世秘密花園，見到門面已經被深深吸引，一入去已經坐滿哂人，唔怪得可以開分店啦！只要用心，一定會成功！由於好肚餓，一坐低就極速點左兩個餐，帶子墨魚麵同比目魚意大利飯，一顆充滿期待既心先黎餐包，餐包脆卜卜，熱辣辣，通常食餐包都可以預測到呢間餐廳既食物水準，因為愈簡單既野愈睇得出餐廳既細心，大讚！餐廳一早已經坐滿哂人，燈飾令整個環境更加浪漫，談心特別暢快！帶子墨魚麵，帶子好肥美，好新鮮，咬落去唔會散，煎得香口，加埋魚子同榛子，簡直最佳組合！比目魚意大利飯真係大師級，唔食哂對唔住自己同廚師，因為真係超好食，有cream既香，濃度適中，唔會好heavy，條魚好似bb既皮膚咁滑，食多幾舊我都覺得可以有返bb肌膚！賣相又靚，又好食，簡得無得輸！最後送上自家製鮮果茶，一路飲一路談心，好消暑

這幾星期工作特別忙，所以好期待這天的飯局，可以放鬆下，咩都唔諗，密密食。這間店，我好喜歡，在鬧市的一條街，在某個角落有一個小花園，好寧靜，我想很多香港都市人都好鍾意。門口擺設好西式，掛幾棵植物，好有味道。店內唔大，但好有氣氛，有少許燈飾點綴，為大家營造浪漫氣氛。選了兩個套餐，包湯、餐包、凍果茶、兩個主食，今次order 了比目魚risotto 和 帶子墨魚面。頭盆：餐包＋湯特別欣賞餐廳把餐包叮熱，吃下去又脆又軟，餐湯有ginger的味道，好特別，令佢冇好「漏」嘅感覺，可以留肚食主菜。比目魚RISOTTO：如此小店，竟然有大廚的功藝，果然高手在民間！比目魚真係好滑，好新鮮，皮特登煎脆左，好耐冇食過咁好食嘅魚，10分滿分我會俾100分，個個魚真係好滑，比起酒樓蒸嘅東剔班更滑。RISOTTO粒粒分明，CREAMY度適中，食完一口，會好食食第二口，魚嘅份量好多，有幾舊，大推！帶子墨魚面：帶子三大粒，完全唔孤寒，都係新鮮無腥味，煎得剛剛好。墨魚面上細心加埋魚子，作為點綴，色香味俱全，吃墨魚面係好有趣的，因為會食到D牙黑哂，大家笑下大家，好開心。這餐晚飯為我繁忙嘅工作減減壓，加上食飯質素極高，絕對

店面較小，預左坐得逼少少，如果你8點半後過去，就會少好多人。店員友善有禮，會主動加水及同埋推介食物，最體貼係準備曬D籃俾你放野，唔洗拎住咁唔舒服。上菜速度好快，前菜有我最愛ge牛角包，外皮鬆脆; 內裡就非常鬆軟。沙律亦令人非常驚喜，大碟之餘，亦都用左非常新鮮ge水果，仲耍唔少份量，加埋檸檬醋，好清新! 個主菜亦唔馬虎，著條好脆，個鰻魚burger足足4層，條鰻魚都好大條，而且處理得好好，唔會掩蓋曬D蔬果味。帶子墨魚汁意粉，俾足三粒你，D意粉都好爽口，正!埋單每人二百蚊到，又食到幾飽，都好抵!大家都去支持下小店啦!

難得約到舊同事聚聚，揀個好少去既地方食新野！見係元朗評分都幾高，就決定食呢間Aldou Cafe，地點同輕鐵站有點距離。Lunch set 選擇都多，價錢對我來說可以接受！餐湯是忌廉磨菇湯～濃郁湯很滑口，重磨菇味道而我選擇的主菜是－自家製手打牛肉芝士漢堡配粗薯條牛肉好厚呀～除左牛肉厚之外薯條都厚架，舊牛肉好多肉汁，食落口不會乾而拮口，味道適中，不屬於重口味，好食！朋友就叫了個All day breakfast份量都好多餐飲就揀左凍果茶～～不太甜，都幾好飲仲有D果肉添！整體食物味道非常好，尾中不足是鋪頭比較細少，如要傾計比較困難，因為當天飲品都還未飲完就比侍應要求交台，這點就很失望⋯⋯

食左兩個主菜，一個前菜，加左湯、麵包、甜品，食物一半一半ok... 坐的環境比較迫...南瓜湯：好飲餐包：幾脆但有d硬，個人不太喜歡硬的包...香茅白酒煮蜆：侍應極力推介。蜆係大隻，但無香茅味又無酒味...芝士豬肋排：味道還可以，不過薯條擺係 ribs下面，淋淋地...日式鰻魚意粉：唔得！雖然條鰻魚都大條，但又乾又韌！甜品 cheese cake：好食，唔會太漏幾樣食物裡面，得一半ok，每人差不多二百蚊，未必有下次...

價錢跟其他CAFE差不多,但食物質素卻一般,點了豬肉腸扁意粉,總算不過不失但有點油膩份量也偏少朋友A點了韓式泡菜烤雞芝士漢堡一食便覺得雞塊乾硬.朋友B點了沙律,唯一可以讚賞的食物.至於餐飲,最基本的檸檬水也沒有,點了不知名牌子的有機茶.員工木口木面服務態度也有待改善.在元朗如此多選擇的地方,可以肯定地說沒有下次.

馬田路安興足球場附近 沿途都有好多好野食呢間Cafe都開左一段時間 見好評不絕 試試啦店面不大 食前食後都有等位群餐包 包有包味 無咩驚喜餐湯：忌廉蘑菇湯 中上啦叫Set lunch加$18 配粗薯條 淡而無味 唔值All Day Breakfast $82 貴價茶餐廳貨薯餅 不脆香 炒蛋不滑並凍了其他用料也只係味道平平 最吸引已經係個牛角包 大蝦野菌忌廉意大利飯 $72是日最吸引之作 賣相味道都好Hazelnut Latte 跟餐加$12喝不出Hazelnut味 咖啡很多氣泡 差Green Tea Latte 跟餐加$12 多氣泡 味道差 唔夠熱 最底啲抹茶粉完全溶唔到亦已經攪勻唔到 唔知點解食評咁多推薦咖啡 差服務都只係平平 但總算唔太貴路過都可以試試既⋯⋯

上完瑜伽Workshop, 就到附近食返個tea補充體力, 見到依間小店幾有feel，風格有啲工廠歐美嘅味道，就入咗去試吓。始終啱啱做完運動食返個輕食，煙三文魚香草醬意式包。個包食落都幾fresh, 配埋個沙律，清清地一流。仲有杯Green tea latte, 綠茶味好重好濃，綠茶迷must try 😋😋😋

清幽的元朗原來開了一間CAFE仔, 在很遠的內街, 旁邊的都是茶餐廳很明顯是個下午茶的好地方還有些手作的飲品, 例如鹹檸啤之類的東西50至120的午餐SET, 不算平, 但說貴也不是貴餐湯是普通粟米湯, 沒有太糊仔, 餐湯底濃度適中, 粟米味也很濃很甜呢, 真的是粟米打成蓉的濃湯啊!餐包比較普通, 用餐湯點著吃會比較好, 不過質地有點硬身而已泡菜漢堡令人有驚喜呢, 首先漢堡包有下牛油煎過, 脆脆的非常美味, 泡菜加雞肉效果比想飲好, 令個包跟雞扒都變JUICY了, 微微的辣很開胃粗薯條是鮮炸的, 熱辣辣, 裡面還有半流心的薯蓉, 好好吃!

之前光顧過屋企樓下甚有氣氛跟盛意的Darci by Aldou後, 對於開飯網中評價十分高的總店 - Aldou Cafe甚有興趣, 趁星期五老公有一天的假期, 便去窺探這地區小店的總店水準。總店位於馬田路那邊的私人屋苑樓下, 深淺灰主調的門面頗為起眼未算很難找, 加上左右隔離都是食店。 正值午飯時間, 等位也是預料中事。 等位之際, 順帶看看餐牌。 午市套餐的選擇有9款, 配搭簡單而直接, 從名稱上已略懂內容用料的一二: 雞肉沙律、 三文魚意式包、 豬頸肉意粉、 豬肉腸意粉、 烤雞漢堡、 大蝦意大利飯、 豬肉眼和牛扒, 還有少不了的all day breakfast, 由最平的$52到最貴的$118, 豐儉由人的價位, 等了大概7、8分鐘就可入座。 總店比分店的佔地略為細小一點也較樸實, 兩邊窗戶令小店充滿自然光, 悠閒舒服, 靠窗的高座最為享受窗外風景, 不言而喻的位置亦最多人選擇, 溫暖的擺設細節不及分店精緻, 但仍有可觀性, 牆上用燈帶圍成的狗圖案也成焦點。 點餐後不久就送上餐湯和烘熱了的麵包。 餐湯是甘筍薑湯, 薑味很突出但不至搶喉, 跟香甜甘筍原來也蠻平衡配合, 質

同朋友入元朗食好西, 摸到入教育路對入的這家CAFE, 套餐款不多, 不過勝在悠閒, 坐得好舒服元朗都幾多這類型的CAFE仔, 店子細細, 主打輕鬆進餐難得有茉莉花茶, 不用加錢, 真的有種花香撲鼻的感覺, 慢慢喝還有種回甘, 好過喝咖啡豬頸肉意粉, 下了大量的木魚和生熟洋蔥, 醬汁好甜比較像日式粉麵, 蒜頭吊起了味道. 意粉也煮得不錯, 口感煙韌, 豬頸肉份量很多, 算是很完整的一份LUNCH SET

經常經過這間cafe，每次見到入面食客如鯽，都總想找機會來試試。這晚趁家人去了旅行，就自己一人去嘆番個靚晚餐，對自己好一點！Set dinner有不少選擇，選了手打和牛煙肉漢堡($108)非常足料的漢堡！和牛非常厚身，切開可以見到佔整個漢堡二分一面積，選用的和牛十分優質，牛味夠濃，而且還保留不少肉汁，吃的時候不少肉汁滲岀，好味！除了和牛，還有一般會有的煙肉、蕃茄、青瓜和芝士，層次豐富。所選用的麵包也有不錯的質素，質感軟熟，入口微暖，一點也不硬。我特別喜歡伴菜的粗薯條，內裡軟綿綿的，薯味十足，加上新鮮炸好，熱騰騰的，風味十足，怕熱氣的我也忍不住吃清光！餐湯和飲品需加$28，但還是值得的。因為兩樣都味道不錯。餐湯是粟米湯，入面有許多粟米粒，所以每一啖都口感豐富。湯的質感也適中，不會太稀，也不會太稠令到太飽濟。飲品是小店特配的果茶，茶味香濃之餘還有淡淡果酸，飯後喝一杯十分消膩。