After School (已結業)

香港的夏天也真是太可怕了有時候真的熱得連胃口都失去也因為吃太多肉的關係腰間肉也與日俱增於是決定跟好姊妹go green!這間是很特別的樓上café位於賣yoga產品的小店內店子用上很多木桌椅很有學校課室的感覺踏進去後也頓然覺得自己有品味，有氣質多了店子不大 一晚只招待12位客人每天晚上都有其指定的餐單這就是我光顧當晚的..start with Veggie SnacksSoupParsnip & Celeriac Broth SaladCabbage, Swede & Cranberries Salad Main CourseQuinoa Tabbouleh & Minty yogurtDessertHome-made Banana ice-cream with Poached Pears當中我最喜歡的是main course*藜麥蕃茄沙律起初吃的時候感覺味道有點怪不過越吃越喜歡很有嚼勁加上minty yogurt吃後還有點點薄荷的清新而且是飽肚之選據說藜麥是南美的有穀植物營養價值極高有補全氨基酸 能被人體完全消化還有豐富且對心臟很好的脂肪酸omega-3絕對值得一試$200 可以吃到

20050723 11pm食完晚飯去埋shopping 先去飲o野.唔想飲酒, 男友問我附近有無的上樓coffee shop 好介紹, 咁我諗起成年無上o黎o既after school.裝修無乜大改, 係老闆Pokit 個工作室再間o左間大房, o的位再逼o的咁lor, 坐響近窗位置. 又居然成年無上過o黎老闆都仲仍得記得我叫咩名, 犀利. 全吸煙區, 80% 滿座, 煙霧霾漫.2個人order 兩個飲品-* 男友飲- iced mocha, 咖啡係用illy, 我試o左啖, 好濃.* 我飲- blackberry(?) yoghurt tea, 其實我唔sure 個名, 因為menu 好似係無, 係我order very very berry o既時候老細話有新o野好o飲o的叫我試. 味道比very very berry 淡, 但係香氣依然. 送茶夠杏仁cookie 依舊美味.半包煙傾計談心後, 快樂不知時日過, 原來已是12.30am, 就搭車歸家去了.講開又講, 我唔知openrice 同呢度coffee shop 有咩過節仇口, 我本人就相當鍾意呢度, 始終食品quality

triple chocolate cake 有d似大家好鐘意食既朱古力軟心布甸, 都係好多朱古力架! d chocolate 醬就唔係向入面, 係淋在面頭.蛋糕面雖然有朱古力醬, 但因為剛焗好, 形成外脆內熱又軟, 好味! cafe baileys, 幾得意, 因為比平時飲到baileys 多咖啡味, 應該話係咖啡入面有baileys 味岩d...而附上既餅仔幾有心思, 味道homemade 咁款, 好親切.環境唔多講, 大家都知好有特色, 可惜真係坐得唔舒服~~ 所以我同朋友就霸左個sofa lor! heehee!ps. 見到何超儀呀~~

哦, 原來係皇后果到附近!! 咁我估我會搵到啦... 因為我成日都以為佢會有d 大既logo o係d 窗上面, 不過次次行過都唔先.thank you 各位!!另, 我果日真係打左2次去, 第一次響左好耐先有人聽, 佢話我打錯. 之後再打, 係同一個女人話我打錯... 我都唔係好知.

就響皇后餅店同"買錯胸圍戴錯bra"果間內衣店隔離, 唐樓, 行幾層樓睇, 樓下個閘通常瑣o左, 要細心睇鐘果個位有貼住"after school"貼紙再鐘開下低個閘,希望幫到你啦^_^

嘻，你哩種「搵唔到」ｏ既心情，我相當明白。因為之前教我路ｏ既人淨係話：「呢，就係恩平中心對面果頭附近啦．．．！」結果一條友傻乎乎大大話係果個銅鑼灣位置「繞場一周」幾次咁多都搵唔到咯，好彩番黎問過阿cat再加自己少少印象先搵到咋。簡單而言，我唔用「對面有ｏ的乜」黎指引妳，若妳有印象，咪有一個位係封左做緊「地盤」ｏ既，行過小小就應該係一間珠寶店，隔離就有一個唐樓門鐘位，面向門鐘，妳右手邊ｏ既其中一個「門鐘」就有連相片好細粒demo字印上After School字樣ｏ架喇～當初錯過左哩楝唐樓，係因為行左咁多個圈，兼唔好意思企定定咁睇「門鐘」，一心諗住至少有水牌睇下，點知無。希望妳搵到啦～

我最近轉左工o係呢頭附近, 但係我一直都搵唔到呀!!另外, 呢到個電話錯架喎, 攪到我冇得打去問添(編按：電話沒有寫錯，可能是巧合沒人聽，請再試)

19 June 2004, 10pm基本上，每次上親o黎都必飲花茶，多數揀Very Very Berry，貪其送茶果件杏仁小曲奇，今次就肚餓食埋我另一最愛水牛芝士牛油果蕃茄乾toast，係貴o架，得兩小件賣$70，不過好好食，無一度食得返。又，基本上座底一個月去一次，又，每次去都會撞到朋友，這可是我們的聚腳點啊~ I love after school !

呢個月又再到過after school，發現價格變了，coffee無變，不過最愛的tiramisu就好貴。吃不來。不過別的東西都叫reasonable啦，因為我係唔吃的。還有，都唔知個古怪老板攪乜鬼，將所有木台擺成３條長線，好鬼長，又無抹桌，坐得好唔舒服，所以坐一陣就走了。好無癮！下次約朋友唔好去個渡，傾唔到計。

成日哦左好耐o既After School，今日終於「見面」，其實早幾日打左幾個白鴿轉再問問Cat先「知訂」，因為外圍冇大大招牌，再加上佢果楝係唐樓主宅，要係佢樓下門鐘位置先見到細細粒demo字舖名～（係萬寧對面，兩間商舖夾住楝唐樓）環境佈置客路如cat所形容，不多講喇。叫左杯Latte、mocha、仲有一杯凍飲（唔記得問友人係乜，檸乜物體啦～），開左枝有汽（定無汽哩，唔多曉，反正唔多鍾意飲）水。第一啖o既Latte，泡真係好靚好滑，奈何嫌唔夠熱，咖啡味唔係太濃；mocha，朱古力味好重，蓋過咖啡味喇。有一樣可「買」之處係，幾鍾意「隨杯附送o既餅仔」，雖然唔係話好好味，但過下口癮，唔駛咁寡（印象中九龍火車站間colorado都係有塊曲奇餅仔「送口」）。講真，即使係一塊「藍罐」／Oreo我都好滿足～（餅仔「送口」，純粹個人喜好而已！）價錢真的不菲，都係果句：值唔值，鍾唔鍾意，見仁見智；對我黎講，試過一次，總算「大開眼戒」，但並非係「我杯咖啡」！o衣，點解妳影到相呀，我一舉機，佢就「送」張rules紙，講明唔比影，但見有檯客狂影喎，可能係唔比影佢o的佈置啦（嘻，依然偷影了一張）～嘻，好鍾意佢

聽就聽o左好耐, 終於有機會o黎試o下~ 店主想營造舊式小學課室o既環境, 木造o既檯椅似乎真係o係d舊小學拎o既, 連地板同窗框都係木做o既, 最特別係menu, 係一本小學寫字簿造o既, 仲專登整到佢爛爛o地~ 但係其他就modern o左d喎~ 不過樓底高, 夠寬敞, 都幾舒服~ 依度幾多幾yeah o既客人, 相影成趣~order o左杯cappuccino, 泡幾滑幾靚, 咖啡都幾滑, 回甘味算持久, 但咖啡味唔夠濃, 咖啡亦唔夠香~ 但都算唔錯o架喇~ 不過價錢好貴喎~ $38呀~~~~~~睇相啦:http://community.webshots.com/album/128788105ninacV

喂~個FeeL就幾好,但個Tiramisu同杯咖啡就真係...勁重酒味.1)Tiramisu最底個層d酒->滲曬出黎(個Tiramisu好似city super賣隻咁).2)個waitress介紹個杯乜balley...如果唔睇佢個樣,成杯酒咁. *如果下次去唔叫呢兩樣會好D囉*

古老的學校檯椅，白色大沙發，藍綠色的大百褶窗扉，和小小的窗台，置身於如此寧靜樸素的環境中，點點關係過去的回憶慢慢勾起......雖然只喝過一杯咖啡，但已看出店家的細心：造型古雅的意大利手壺和Illy罐豆的咖啡，附帶的奶竟是溫熱過的，不會令咖啡的溫度驟降，這可是很多咖啡室都做不到的哩！有機會的話，希望能再一嘗她的其他飲品和食品

之前在Hot Gossip 都講過，在這裡再講。我去過好幾間樓上Cafe，呢間都算幾特別。同佢老闆寶傑傾過，佢專門找一些全木的古老學校檯椅，加埋地板，好feel。如果唔飲咖啡，我提議大家可以試下佢幾款不同種類的蜜糖茶，一壺壺咁來，夠晒飲。老闆幾樂意分享經驗，年青人一個，冇乜所為。臨走前記住拿張咭片睇，幾特別咖！