Add Some Thai Restaurant

营业中

休息中

第一次係openrice比review係比呢間，食左4人餐，中大伏！味道淡，椰青雞湯淡，菠羅炒飯淡，招牌火山排骨話係辣但又係冇味冇辣。唯有個蒜炒通菜係ok。未食過咁淡既泰菜。最後既椰汁千層糕還過得去。優點我諗係裝修靚同坐得舒服。上菜時間都要半個鐘到。服務員不過不失。平時討論區都話openrice好評唔信得過，我冇上心，呢次真係經一事長一智。伏都冇所謂，問題係你又唔平，觀塘另一間泰菜我以為已經夠一般，原來一山還有一山高

自上次帶朋友來「Add Some Thai Restaurant」之後，這裏就變成朋友的首選用餐食肆。二人套餐非常豐富，有頭盤、餐湯、小食、主菜、蔬菜和甜品，另可加配飲品。🥥 泰• 椰青(冷)大大個的椰青，椰青水甘甜可口👍✨️ 泰式酸辣鳳爪沙律無骨鳳爪沙律， 泰式酸辣味道令人開胃。✨️ 泰皇椰青雞湯（2人）泰皇椰青雞湯富清幽的椰子香氣，鮮甜清香。 雖說是二人套餐，但足夠四人分量。✨️ 小食拼盤（2人）： 經典炭燒豬頸肉香口，肉質爽口，帶有淡淡的煙燻味。炸至金黃酥脆的曼谷經典手打蝦餅，外皮帶脆，蝦餅爽滑彈牙。香燒沙爹雞肉串、香燒沙爹豬肉串肉香惹味，蘸點特製泰式醬汁更增添風味。蝦片非常脆口。✨️ 脆皮豬手泰皇炒飯豬手外皮酥脆，肉質不乾柴。而泰式炒飯粒粒分明，富獨特的泰式風味，甜甜酸酸的，口感豐富。✨️ 薑汁炒翡翠苗蔬菜選擇不少，用來炒菜的配料也不少。今次首嚐薑汁炒翡翠苗，薑汁味道足，菜苗脆綠鮮嫩，不錯。✨️ 三色芒果糯米飯椰子雪糕，內含粒粒椰子果肉，天然椰味濃郁三色糯米飯（蝶豆花、斑蘭、原味）口感軟糯，加上香甜的芒果，再添加椰奶，必食之選。朋友喜歡「Add Some Thai Restaurant」的

好耐冇食泰國菜了，原來近近地返工附近都有間泰菜，收左工就同同事一齊食飯😀睇完餐牌見到二人餐有齊我想食既野，所以都冇多想，好快就叫左套餐。泰式鮮蝦青木瓜沙律首先開胃前菜係清爽的泰式鮮蝦青木瓜沙律，青木瓜口感脆嫩，搭配鮮甜的蝦肉，帶一絲辣度，令人胃口大開。椰皇椰青雞湯湯底以新鮮椰青水熬煮，散發濃郁椰香，搭配泰式香料，鐘意飲湯既我好快清左。小食拼盤包含豬頸肉、蝦片、炸蝦餅和烤串等。蝦餅彈牙，烤串肉質嫩滑，展現南洋料理的細膩用心。酥炸軟殼蟹炒黃咖哩配法式蒜茸包黃咖哩風味濃郁，椰奶中和了辛香，軟殼蟹保持了外酥內嫩，與咖哩的濃香相得益彰，加上蒜茸包烤得香脆。蒜蓉炒椰菜苗椰菜苗新鮮脆嫩，保留了蔬菜的清甜與爽脆。泰式奶茶凍因為椰汁千層糕賣哂，轉了泰式奶茶凍雖然好想食千層糕，但奶茶凍都有驚喜，濃郁的泰式奶茶凍入口Q彈，令人意猶未盡。

呢間泰式餐廳好出色非常有驚喜☺️無論係食物、環境及態度都攞滿分💯✨酸辣鳳爪沙律開胃首選鳳爪去骨爽脆 醃得好入味魚露同青檸汁嘅平衡做得好好搭配洋蔥絲、芹菜同指天椒🌶️✨椰皇椰青雞湯椰皇湯頭清甜不膩 椰香層次分明—雞肉嫩滑 裡面足料有草菇、紅棗等等 好滋補呀 😍 ✨泰式炭燒豬頸肉炒金邊粉鑊氣十足 金邊粉彈牙炭燒豬頸肉外脆內軟 側邊仲有辣椒碎、花生粒、青檸等調味✨小食拼盤一次過滿足貪心鬼蝦餅脆卜卜 魚餅香茅味重仲有串燒添呀😍✨奶茶布甸+椰子雪糕甜品唔會太甜 岩晒我😜🥬薑汁炒娃娃菜薑味足夠 點到即止 清甜解膩

兩個人一共點左三個經典泰菜，全都係伏，認真難食。第一道菜：串燒雞串，系油炸嘅，難食。第二道菜：蔬菜炸春卷，勁多油，難食。第三道菜：豬頸肉炒金邊粉，豬頸肉又系冇燒過，似水煮，金邊粉完全冇鍋氣，味都調得唔好，難食。呢間餐廳系工廈里邊，環境一航，勝在鋪面夠大，坐得唔逼，但冷氣又唔夠，又唔好食仲要收一個唔平嘅價錢，真係勁。自己平時都幾鐘意食泰菜，但好少食到難食嘅泰國餐，真係大跌眼鏡。特登揸車過嚟食，希望越大，失望越大。

位於觀塘工廈區之前已經試過晚市，今次就試佢地午市佢地最正嘅係，憑傳單上去堂食，可以免費送一杯奶茶或檸茶普通飲品🥰唔好以為普通奶茶或檸檬茶，佢地茶底係用左泰色茶底沖，茶底超香。留意返想free佢飲品記得要搵職員落單就可以👍而我地分別叫左一份海南雞拼豬頸肉飯及軟殼蟹炒金邊粉估唔到比預其中出色，而且份量都比較多有d唔滿意就係個油飯，比較偏乾，如果油多少少比較好另外佢地賣點就係堂食送椰青雞湯及泰式湯水任飲，係任飲甘抵真係飽住走😆😆😆

前幾日約咗朋友嚟到觀塘駱駝漆樓上嘅泰國菜餐廳慶祝生日🎂佢嘅菜式睇落都好吸引🤩入面仲有Party Room添椰蘭風光好香嘅椰子沙冰🍧有好濃郁嘅椰子味🥥凍凍地，好適合食完泰國菜解辣冰鎮卡通泰奶茶好得意嘅泰式奶茶，佢有個啡色嘅卡通熊啤啤公仔係面🧸幾適合啲鍾意可愛卡通公仔嘅人攞嚟打卡～泰式奶茶幾甜椰子雞湯一大鍋椰子雞湯，仲有好多雞肉喺入面～我哋都幾鍾意佢嘅椰子雞湯，幾鮮甜，雞肉幾嫩滑，幾好食😋椰香墨魚汁意粉配軟殼蟹墨魚汁黑色嘅意粉🍝食落覺得好香好爽口，軟殼蟹脆卜卜嘅口感,仲有淡淡嘅椰香味幾正泰式無骨海南雞半隻一大碟海南雞,食落好鮮嫩,仲有佢搭配嘅醬汁好好味🤤泰式雜菌金邊粉一大碟雜菌金邊粉，有好多唔同種類嘅菇，我哋都好鍾意食菇，感覺幾健康香燒沙爹羊肉串好香嘅羊肉串，食落無羊臊味，配埋沙嗲汁食好滋味泰椰青一大個椰青，飲落好香甜，有好多椰青肉🥥食完辣嘢飲一流生日碟適逢我哋就嚟生日，準備咗生日蛋糕嚟堂食🎂餐廳準備咗happy birthday嘅生日碟俾我哋打卡影相📸超級sweet🥰

於觀塘區搵泰國菜，有水準的好似唔多了，之前食過一間喺工業區內好味的無咗了，上Openrice睇食評後初嘗呢間，但有d失望了！選咗一個4人餐+另加其他食物冷盤揀泰式鳳爪沙律，鳳爪數量太少，沙律多，比例不足，略嫌傳統泰式味道不足。泰式串燒拼盤,肉質比較乾又硬，伴碟蝦片淋晒，唔脆，覺得差！菠蘿海鮮炒飯，味道ok ，配有冬陰功湯一客，味道ok。馬拉盞炒椰菜苗，味道唔正宗，椰菜苗比較老！泰式烤雞，皮唔脆，無泰式的味道，伴碟蝦片又係淋的！芒果沙冰，正常味道龍眼冰，巨峰提梳打，ok 的炸蝦餅，肉身彈牙，無配沙律醬唔襯，但份量太少，6個人要叫兩碟泰式椰子雞湯，椰子味不太足夠，有少量雞肉！自帶蛋糕，不用加切餅費👍另配上餐內甜品，好靚有心思！椰汁糕都好食，口感好，夠香有椰子味👍現今經濟環境差，明白生意難做，但願意留港消費都希望食有質素的餐廳，唔係要超好味，但起碼唔好難食，因為價錢都唔平，真心希望有改善！加油！共挽之！

餐廳裝飾係古典風，再加一條波波流水池係中央，好chill好有泰spa嘅感覺💆🏻食物方面好多選擇!! 各種串燒小炒或小炒都有提供，勁推薦鮮蜆椰子雞湯🥥!!成碗湯充滿椰子香氣，雞嘅油脂令到整體更加creamy，又唔會太膩👍🏻海鮮嘅份量都好多🌊巨多蜆同小墨魚，仲有2隻大青口👅呢度最特別係冰鎮系列飲品會有隻泰茶味熊仔冰🐻keep到凍之如又夠cute，仲唔會整淡杯嘢飲🍹另外佢哋呢度嘅芒果糯米飯會附送2球椰子果肉雪糕🍨可以用佢代替椰汁，非常啱夏天享用☀️-𝙎𝙚𝙩 𝙈𝙚𝙣𝙪▫️ 法式蒜蓉包 $38 ⭑⭑⭑⭒⭒▫️ 白雪鮮蜆椰子雞湯 $112 ⭑⭑⭑⭑⭑▫️ 香燒沙爹牛柳粒串 $78 ⭑⭑⭑⭒⭒▫️ 香燒魷魚串 $48 ⭑⭑⭑⭒⭒▫️ 香燒菠蘿串 $28 ⭑⭑⭑⭑⭒▫️ 泰式酥炸墨魚餅 $68 ⭑⭑⭒⭒⭒▫️ 三色芒果糯米飯 $88 ⭑⭑⭑⭑⭒▫️ 冰鎮卡通泰檸檬茶 $43 ⭑⭑⭑⭒⭒▫️ 冰鎮卡通泰奶茶 $43 ⭑⭑⭑⭑⭒

Add Some Thai Restaurant位於觀塘核心地帶，交通方便。餐廳裝修充滿泰式風情!泰式雜菌金邊粉好多雜菌，配料豐富。金邊粉炒得好入味，賣相吸引，實為健康之選！原隻海蝦雜錦海鮮冬蔭功湯一大鍋，份量似要3至4人先飲得哂。海蝦大大隻，仲有青口、硯等海鮮。湯底以海鮮味濃郁，椰香中又帶點辛辣，好飲！汁燒雜菇串燒得好香，又能保留雜菇的肉汁，十分惹味。翡翠苗翡翠苖鮮嫩，入口爽脆，落了泰式調味，好有風味。泰式酸辣鳳爪雜菜沙律鳳爪新鮮，雜菜爽口，配合泰式醬汁，是前菜的好選。沙灘小子荔枝味重，冰涼清爽！冰鎮卡通泰檸檬茶泰式茶底，甜度適中。Add Some Thai Restaurant空間寬敞，客人私穩度高。然而，餐廳燈光昏暗，朋友聚會宜調亮一點。

想食泰國嘢，見哩間eat some thai restaurant有二人餐咁方便，就揀咗呢間食。泰式鮮蝦青木瓜沙律鮮蝦幾爽彈，青木瓜口感好脆，加埋砸底有啲沙律菜，食落好fresh。加埋有條試管比你擠啲酸酸甜甜嘅醬汁落去，幾盞鬼。海蝦雜錦海鮮冬蔭公海鮮有唔少，主要係蝦、魷魚同埋蜆，少酸唔辣。個人偏好黎講，如果香料味再重啲會更好。小食拼盤有蝦餅、一串雞一串豬、豬頸肉同埋蝦餅。個人最鐘意係蝦餅，幾紮實彈牙。串燒就香茅味比較重，肉質嚡口，大串少少會過癮啲；燒豬頸肉就煙靭彈牙幾香口。Add some thai 招牌火山骨見人哋啲圖好似好浮誇好吸引咁，一上枱個下果然好震憾，因為真係好大盆，海量芫荽加有四大舊豬肋排，真係名符其實排骨山。味道幾特別，鹹香得黎帶少少辣味，大口大口吃肉份量十足好飽肚。馬拉盞椰菜苗調味啱啱好，唔會過鹹過油。三色芒果糯米飯幾鐘意佢個椰子雪糕，好香唔易溶，仲有啲椰子肉係入面，幾有咬口。芒果夠甜，三色糯米飯口感黏軟，配埋椰奶食唔錯。泥漿浴沙冰話係朱古力、牛奶、咖啡加朱古力雪糕調成，幾大杯，有得飲又有得食，可以當半個甜品。

觀塘真係有好多樓上食肆，我最鍾意食泰國菜，搵到呢間泰國餐廳-Add Some Thai Restaurant,好有泰國風味，座位好寬敞，最特別有個流水式七彩水燈,非常吸睛😍Add Some Thai Restaurant，二人晚餐套餐，價錢非常實惠、抵食😍（$388另加一服務）套餐有頭盤、餐湯、小食、主菜、泰式甜品（一路點菜一路已經流晒口水）🤤🤤沙律選擇酸辣鳳爪沙律，鳳爪非常脆口，配上酸汁，味道即刻提升👍非常開胃.椰皇椰青雞湯，入口陣陣椰香味再配搭雞肉香菇，超清甜😍非常足料😘小食拼盤~豬頸肉、沙嗲雞肉串、手打蝦餅、脆卜卜印尼蝦片，再配上香濃沙嗲醬，味道非常惹味爽口。酥炸軟殼蟹炒黃咖喱配法式蒜蓉包，軟殼蟹炸得很鬆脆，再配上兩片脆卜卜蒜蓉包。食泰國菜必定要食馬拉盞通菜👍非常有鑊氣，加上鹹香味十分惹味爽亂😍招牌椰汁千層糕，一啖咬落去😍有驚喜👍熱辣辣、煙煙韌韌👍👍再加添兩款串燒😁香燒沙嗲牛柳粒串（4串$58） / 香燒雞軟骨串 （4串 $35）其實個套餐已經好豐富夠飽，但係又好想食串燒喎，食到捧住個肚走🤭🤭🤭

凍冰冰想食惹味泰國菜，就約埋朋友仔一齊係觀塘行完街，再上駱駝漆食返個泰國菜暖暖身。呢間餐廳仲有兩間獨立箱房，朋友聚會人多的話仲可以包房邊食泰菜邊唱K打牌一齊玩，夠哂私隱，仲有自助免費椰子雞湯同埋泰式甜品提供。而且餐廳中間仲有1個打卡位，就係特色彩虹流水池，唔同顏色波波沿水流飄動，好有特色。四人套餐$788泰式鮮蝦青木瓜沙律有4隻大蝦配青木瓜同沙律菜，樣樣都新鮮爽口，沙律汁酸酸辣辣，夠哂清新開胃。泰皇椰青雞湯椰青水好清香，加埋嫩雞件更加鮮甜。泰式小食拼盤小食拼盤勁豐富，有超脆口蝦片、入味鮮嫩外脆內軟豬頸肉、金黃爽口炸蝦餅、酸酸辣辣無骨鳳爪、炸得酥脆單骨雞翼，每一樣都十分惹味。泰式無骨海南雞（半隻）最中意食去骨海南雞夠方便，雞肉新鮮嫩滑，完全無雪味。泰式明爐青斑（+$128）明火燒魚，魚肉鮮嫩無腥味，醬汁酸酸辣辣，更加開胃，精華係鋪底的芽菜同生菜，索哂魚汁精華。泰式炭燒豬頸肉炒金邊粉金邊粉好入味，酸酸甜甜，條條掛汁，同花生碎同蛋絲一齊食口感更上一層。蒜蓉炒通菜通菜好大碟，見到粒粒香蒜，真材實料，健康之選。芒果糯米飯（+$78）三色分別係蝶豆花、斑蘭同原味，糯米飯暖笠笠，同冰凍甜美芒果一齊食

今日去觀塘 APM 買運動衫, 好想食泰菜,  選擇了 Add Some Thai Restaurant, 這間是泰西融合菜餐廳.餐廳在工廈樓上, 面積大, 座位多,  燈飾別緻, 餐廳中央有流水彩色浮波, 迎來活躍動感,  打卡一流.有大型水吧及廚房, 傢具裝飾有泰國古典品味,店員安排我們座位,  隨即送上暖開水, 餐牌,  通知用 QR  Code 落單 ,  服務好好, 我們點餐了,  晚市二人套餐 $388.   豐富抵食, 自選食品特別多.   頭盤: 二選一.    餐湯 : 二選一.    小食:  包四款.    主菜: 五選一,  蔬菜: 五選一,    甜品.      飲品:  追加也有優惠.   追加飲品 $30,  女友 點了 西貢少女特飲, 冰凍清涼, 帶點酸甜味, 不錯.    我叫了 芒果茉莉花茶 , 好清甜. 頭盤: 我們揀了   泰式鮮蝦青木瓜沙律,  用玻璃瓶盛載.內有大蝦, 青木瓜, 芽菜, 沙律醋, 大蝦四隻,  每人兩隻,  好鮮甜,  沙律菜新鮮爽脆, 吃得開胃. 椰皇椰青雞湯, 用鐵鍋仔上臺, 配有火具, 幫助保溫. 湯頭帶濃濃椰香味,

朋友揀咗去呢間Add Some Thai Restaurant泰國菜🇹🇭，我哋叫咗個二人餐，幾豐富，真係飽到捧住個肚走！一嚟就上咗個酸辣鳳爪沙律🥗酸酸辣辣咁，好醒胃！鳳爪爽口彈牙，配埋芫荽、辣椒等等，好惹味！之後就到個海蝦雜錦海鮮冬蔭功湯，湯底酸辣，海鮮有海蝦、蜆等等。小食拼盤就有手打炸蝦餅、炭燒豬頸肉、沙爹雞肉串、沙爹豬肉串。埋泰式醬汁更惹味。主食方面，我哋叫咗個脆皮豬手泰皇炒飯。個炒飯辣辣地，豬手份量多。蒜蓉炒椰菜苗夠翠綠。最後甜品就係三色芒果糯米飯，椰汁夠晒香濃，芒果都好甜，糯米飯都煮得軟糯。飲品方面，我哋叫咗泰式檸檬茶同冰鎮卡通蝶豆花茶。檸檬茶夠晒凍，酸酸甜甜咁，好解渴！蝶豆花茶就比較特別，顏色好靚，個冰仲有醒獅樣。另外，我哋仲單點咗個泰式酥炸墨魚餅，點埋泰式甜辣醬，不錯！想食泰國菜可試呢間Add Some Thai Restaurant。