add@Prince (裝修中)

見酒店門口有poster 見有個Movenpick Ice Cream High Tea 一位$188 , 兩位 $358 .我同個客入去一試.果然超低.餐廳環境清靜, 有window seat .最啱傾生意或朋友傾計. 我們點了一個兩人的High Tea , 先黎左兩杯咖啡, 等了約十分鐘個High Tea 到了, 整體上感覺很優雅, 除了一般精美的英式小食外,每人仲有兩球Movenpick雪糕.雪糕可在雪糕柜內任選口味,客人說減肥, 我當然高興代勞啦. 英式小食賣相很出色,咸甜都有,有三文治, 西餅, 甜點, scone . 我地一邊講一邊食不知不覺食到差不到五點, 但D嘢食都食唔哂,為免浪費食物.唯有打包走.益下老媽子. 因我是酒店會員, 更有七五折優惠.埋單加埋一都係$305.真的很滿足

仔仔考完試放暑假了，驚喜呢間餐廳有小童優惠，一家大細黎食個Dinner buffet ,本來諗住咁嘅優惠會將貨就價，但老實說真的不差，應有盡有，晚上有即開蠔，龍蝦，長腳蟹，麵包蟹，加菲蟹，海螺等等海鮮。食海鮮都食飽，我真係mug 食熱嘢，只係食左燒牛肉，質素都唔錯。呀仔就狂食movenpick 雪糕。好似唔駛錢咁，但佢未夠10歲真係唔駛錢喎，細女就攞左一大碟軟糖係咁食，佢由細到大都未食過咁多糖，但糖果counter 真係幾吸引。我地都食得好開心

我前晚同我D舊同學去海港城太子酒店食自助晚餐慶祝生日！有好多超新鮮嘅即開生蠔, 開邊龍蝦，法國麵包蟹，加菲蟹,藍青口,凍蝦,美國燒肉眼扒，羊架等等款式種類超多！令到鍾意食海鮮嘅我非常開心！之前聽朋友講呢度D冬蔭公湯好好味, 一試下果然沒有失望,泰國廚師還向我介紹,佢D笑容真係好可愛！甜品有我極力推介 M字頭雪糕,平時係超市買勁貴,食多幾球回本先！廚師Jacky很好人,因為當晚人多,龍蝦身很快比人攞哂,次次出到去都冇哂.他主動幫我攞了兩件,感激!Ken 亦很貼心, 我們取了一些甜品問他取candle, 他知道我們有人生日,主動送來一個小蛋糕,真的有點驚喜!生果亦非常新鮮！地方環境寬敞舒適，招呼周到！非常樂意幫助人客拍照留念！同學帶左個女去仲係免費喎呢度唯一不足之處是較難搵餐廳入口. 

今日家姐生日，早一天上open rice睇下有邊間自助餐好食，見到呢間食評唔錯，online open rice 訂位仲有7折，就決定去試試，酒店送了一個藍梅芝士蛋糕比我家姐，家姐感到驚喜又開心，這已達到預期的期望了👏🏻酒店餐廳環境唔錯，座位舒適，服務員態度非常好，今時今日服務態度真係好緊要。講返食物先，凍盤有龍蝦仔，青口，蝦🦐，螺（有沙），長腳蟹，麵包蟹，壽司🍣，魚生，全部夠新鮮，熱盤今日主題是泰國風味，冬陰公湯夠辣夠酸，好好味，泰式凍盤全部足料夠味，冇馬虎，最估唔到係竟然有田雞粥，我就夾了兩大條田雞腳加皮旦，師傅煲好就送到我張枱，粥底夠棉，但田雞腳可能經過處理，肉質似食豬肉，肉質唔滑，但我都滿意的😁。

第1次嚟這間食lunch buffet, 覺得不錯,而且2大人送1小童,簡直抵食。食物質數不錯,以這價錢都有這個級數,絕對超值,4個人食唔多已飽到上心口😂還有很多都還未試😔。環境清靜,服務員態度有禮,十分滿意,會再次去👍。

朋友聯誼，自助餐是個不錯的提案。小弟腸胃一直不太理想，平時都以熱食為主。而自助餐給人的印象不外乎生蠔、龍蝦或長腳蟹等海鮮冷盤為主，熱食較為欠奉。友人邀約下到add@Prince品嚐自助餐，而小弟第一時間當然要「視察」熱食質素，而令小弟稱心，就是熱食選擇豐富！除中西風味外、亦提供多款印度咖哩，以及是晚主題的泰式風味。除此之外，招牌素菜千層麵、冬陰功更值得一讚而最令人驚喜是清湯蘿蔔牛腩！甜！嫩！鮮！（蘿蔔一掃而空）甜品方面，add@Prince提供多款蛋糕（推介：朱古力慕斯蛋糕）、movenpick雪糕等add@Prince的菜餚款式配搭中，看得出一份心思，照顧不同年齡層食客，值得一讚，下次都會再試！

我本人真係唔太喜歡食自助餐，以往的經驗都不太好，去過幾間所謂的五星洒店自助餐，D員工木口木面，有時更黑口黑面，人手又不夠，要搵個員工叫餐飲都搵唔到。一係就係D譚仔呀姐。一般黎講酒店餐廳D質素越來越差。但呢次就有D不同，朋友係加拿大返左黎同理幾個朋友都唔知食乜好，係apple shop 買完i phone x,對面有間酒店就上去食buffet, 行過大堂問餐廳位置，員工答過我们後，送我们一張餐廳优惠卷，真係有點驚喜。上到去見到reception 幾好笑容，雖然我地冇訂枱，亦很快安排我們入座。餐廳氣氛很好，雖然看來都是人手不夠，見他们都辛苦，但仍表現親切，有禮。直得一讚。食物方面 一般五星酒店餐廳有的呢度都有，而且生蠔不需要等。總括黎講是不錯的餐廳。

首先野食好食，員工有禮貌，有關心我家人落雨有無帶遮不在講，35識7做到尼步已經少有，比起其他5星buffet價錢，尼間太子酒店已經係5星既野食5星既服務，野食就由其佢d泰國野真係好有水準，仲要buffet價錢平同有折，值得再去，月尾已book多次再去

哥哥剛做了會員，同埋爸爸媽媽一行四人試下呢間太子酒店buffet 餐廳，訂枱時接線的服務員知道我們是慶祝爸爸生日，還主動送我們一個蛋糕。黎到完來做緊泰國promotion,本來諗住會有好多唔太合我口味嘅辣食物，但係完來唔係，反而好多回本海鮮，有開邊龍蝦，鱈蟹腳，藍青口，龍蝦仔，生蠔，海螺，凍蝦等。魚生都有六款。食完海鮮再食啲貴野，煙三文魚同巴馬火腿。食完頭盤後已飽左五成。再食美味嘅羊架同燒牛肉，好滿足。但一定要留番個肚食榴蓮芝士餅，藍莓芝士餅及出名靚嘢嘅movenpick 雪糕。我個肚已沒有位去試其他食物了。埋單會員有六五折，今次真係食到回本，個生日蛋糕仲可以攞走。埋單同事話兩位大人就有一位小童免費添，下次要叫埋啲小朋友黎先

香港人很喜歡吃自助餐，從經濟角度來說可能是因為覺得抵食，從心理角度來講，也許是因為平日受了不少抑壓、難得可以任性放縱，站在琳琅滿目、色彩繽紛的美食當前，什麼煩惱、擔心、鬱悶等，暫時可以置諸腦後，食咗先再算！ 尖沙咀廣東道 Marco Polo 酒店系列共有三間，每間酒店都有自助餐，我最喜歡太子酒店3樓的 add，因為他有泰籍及印籍廚師坐鎮，尤其是五、六月的主題就是泰國菜，正中下懷，不可能不地道！ 不少人吃自助餐都會專注海鮮刺身及牛排等回本位，雖然沒有錯，但間間都有的食物就冇咩特別，有時候都唔需要計咁多，最緊要好食。 add 的 buffet 相當多元化，回本的海鮮刺身當然有，我都冇執輸，龍蝦、翡翠螺、鱈場蟹、愛爾蘭生蠔趁人未多先食。 接下來就專攻泰國菜，先由泰式沙律開始，泰式海鮮沙律、泰式海鮮粉絲沙律、柚子海鮮沙律及牛肉沙律，風格完全唔同，真係幾辣。 今晚我最鍾意呢個湯，極香夠辣、香料複雜豐富的招牌冬陰公，據說已經因應香港人口味減低辣度，在他處吃過只有酸而不辣的，這個調得合我心意，湯裏面的蝦依然鮮美彈牙，實屬難得！ 旁邊的香葉包雞、蔗蝦、魚餅及沙爹，水準不錯，特別欣賞配

六月天, 很熱. 沒有胃口了嗎? 不如辣一辣吧, 刺激味蕾, 刺激胃訥. add@Prince現在做的, 是泰式風味自助晚餐. 精緻而有水準的泰菜, 放在自助餐檯上, 有點不比日式主題輸蝕呢.甚麼也不說, 先說價位. 平日的晚上, 用上OpenRice的折扣, 每位實收$440. 尖沙咀黃金地段的晚市自助餐, 還要是在五星酒店內, 您說, 超值吧. 好, 開始吃頭盤, 一開始就要吃辣. 泰式豬肉碎, 跟生菜吃, 看見那些辣椒, 您知道辣度應該也不輕宜吧. 三款沙律, 泰式海鮮粉絲沙律, 泰式鳳爪沙律, 跟柚子海鮮沙律, 皆是很開胃的沙律, 這個天氣下, 吃辣, 還是錯不了的選擇.除了泰菜, 頭盤自然還有沙律, 凍肉, 芝士, 煙薰類, 加上壽司跟刺身, 這個部份, 一向有不少捧場客.更旺場的要數冰鎮海鮮. 您去某些餐廳, 海鮮供應或許有限, 要搶的. 在這裡, 當然沒有這個問題, 供應充足, 替補得超快. 就算去到後段, 也沒有借勢換掉了貴價海鮮. 總之, 就是all-you-can-eat. 龍蝦, 生蠔, 鱈蟹腳, 青口, 翡翠螺, 龍蝦仔, 跟凍蝦就是這晚的陣容, 全部皆是新鮮貨

「add@Prince」屬香港太子酒店旗下的餐廳。餐廳取名「add」，內含 all day dining 的意思。在午餐或晚餐時段，餐廳主要提供自助餐美食。 自助餐市場競爭激烈，要突圍而出講求gimmick。最近，add@Prince 以東南亞風味作主題，推出一系列泰國特色美食，並加插與榴槤有關的菜餚，為食客帶來新鮮感。小編自問對榴槤興趣不大，但對泰菜倒富興趣，最後約了三數好友前來試試。 沙律冷盤 沙律冷盤專區的食品與坊間其他自助餐分別不大，約有五六款沙律菜、四五款預製沙律，以及三四款火腿凍肉等等。喜歡芝士的朋友，亦有五款味道選擇。小編鍾愛淡香的口味，產自法國的 Edam 芝士與瑞士的 Emmenthal 芝士皆屬心頭好。 生蠔海鮮 生蠔在酒店眼中屬高危食品，能在自助餐出現已屬不錯的安排。是晚的 Irish Rock 生蠔產自愛爾蘭，體型嬌小，質感偏爽，蠔香與海水味道輕盈平衡。 海鮮方面，除了有大小龍蝦外，亦有長蟹腳、翡翠螺、青口、海蝦、蟹鉗等供應。羔多肉實的龍蝦與肥美味鮮的青口屬小編推介。 刺身壽司 礙於質素，自助餐的刺身壽司通常只作點綴。三文魚、吞拿魚、甜蝦與仿鮑片是在自

天氣炎熱, 正是吃泰菜的時候. 是晚來到add@Prince, 主題就是泰式風味自助晚餐, 除了一口氣吃了多款泰菜, 當然還有不少其他菜式, 是相當豐富的陣容. 而且折扣後每位只需$440, 很抵食. 吃泰菜, 自然要有解辣的準備, 這裡有任飲的橙汁, 蘋果汁, 以及西柚汁, 真貼心.頭盤: 8分, 頭盤方面, 泰菜選擇有柚子海鮮沙律, 泰式豬肉碎, 泰式鳳爪沙律, 以及泰式海鮮粉絲沙律. 當中以柚子海鮮沙律最有個性, 先吃到柚子的清新感覺, 再感受到那辣勁. 接下來再吃泰式豬肉碎, 辣度再標升, 夾上生菜同吃, 不俗.其他頭盤也有不少選項, 有各式沙律, 煙雞胸, 煙火雞, 煙三文魚, 煙鮫魚等等, 凍肉的選擇就包括有巴馬火腿, 沙樂美腸. 我的心水就是鹹香有致的巴馬火腿. 少不了的有幾款芝士, Cheddar, Emmental, Goat Cheese, 以及Edam等等. 最後還有壽司及刺身, 選擇包括有甜蝦, 仿鮑片, 北寄貝, 吞拿魚, 三文魚, 以及雜錦卷物等等.海鮮: 8.5分, 就算是泰式風味, 冰鎮海鮮還是常規項目. 是晚供應的海鮮包括有龍蝦, 青口, 翡翠螺, 龍

第一次呢度食buffet，食物新鮮，味道好，最緊要海鮮令我喜出望外，蟹腳、龍蝦、生蠔好味，牛同羊架必食，最最加上甜品雪糕，如果鐘意榴槤可以食榴槤芝士餅，食物選擇雖然不多，但質素高。下次番食之選😎😎😎😎😎

已經食過呢間酒店好多次，喜歡佢嘅食物質素，今次經open rice訂座更享有7折優惠，而酒店亦不會因優惠多咗而令食物質素下降，最特別係酒店有位工作人員扭波波送小朋友，見小朋友好開心。