Acapella (已結業)

本來今年聖誕節都打算同朋友隨便搵間餐廳食完就算嫁啦，不過剛好有朋友介紹依間餐廳，見冇咩特別想食，聖誕節當日晚餐就即管去試下！依間餐廳係以露營為主題既，裝飾方面都幾花心思去整，我自己就最鍾意放起牆邊嗰兩個火爐，紅色燈光加埋紙條，好似真既一樣！今日晚餐有七度菜式，首先餐包，餐湯同沙律當然走唔甩啦～依3樣我比較鍾意既就係餐湯，我叫左忌廉磨菇湯，磨湯係用鮮磨菇切碎去整，每更都食到好多磨菇！食完依3樣，之後有一條鹽焗魚，可能我見識得少啦，我未見過鹽焗魚係咁樣整嫁～真係好夠鹽XD再之後有一塊厚切豬扒，大件夾抵食，正！食完仲有自家制既PIZZA，佢地自己猜個皮又唔會好實好硬，口感剛剛好。食到依度都差唔多飽到上心口啦，最後再加埋個甜品就一共7度菜。食得飽之餘，價錢相對又唔算貴，總括而言係抵食既！

朋友介紹，同一班想試新野，又想有私人空間嘅親戚包左呢個新場當做節（因為食酒樓食到悶）。入到去見到場地以camp site做主題，有草地，有營車，有營燈，仲有飛鏢，有feel! 對15/6人嚟講包場地方啱啱好。食物方面，book場嘅時候可以傾好食咩先，今次係第一次所以我地等老闆發板。午餐有5道菜，麵包新鮮味道有幾種；西湯兩款我試晒味道都夠濃；主菜係特厚黑毛豬，有豬味無發粉亦唔會硬邦邦，亦有人叫魚 （好似個名叫鹽焗魚），特別之餘（出面未食過）味道驚喜；甜品焦糖燉蛋味道正路；餐茶正常。星期日近200蚊一位可以包個場食＆傾＆玩（飛鏢）足3個鐘其實都ok，亦係一大班親戚飲茶以外另一個寧靜之選。

聖誕夜到左Acepella 吃晚飯，唸住試吓菜色，結果令人驚喜！晚餐是要預約，似私房菜形色，地方雅潔，以camp site 做主題，好特別。菜色由starter 到dessert , 共六道菜，有美味磨菇湯 配麵包，而搽面包也有三種美味醬👍🏻，包括黑松露醬，番茄洋蔥及橄攬油黑醋。磨菇湯香甜，有磨菇粒，有口感。青口嫩滑。主菜有 鹽焗魚同厚切豬扒，魚相當嫩滑，配白酒一流，朱扒亦有特色，相當不錯。配上最後的焦糖燉蛋，為這頓飯劃上完美句號🎉🎉🎉

今年同男朋友仔過第一個聖誕節, 梗係要諗D特別D既野啦~近年去街食飯大多幫襯連鎖店, 依家愈黎愈treasure 一D小店同自家製的食物. 偶然機會下知道觀塘開左呢間私房菜, 所以就諗住黎試下咯~餐廳以露營為主題, 都幾特別, 入到去感覺寬敞, 空間好夠. 每檯有盞露營燈, 仲有飛鏢盤.  等左無耐, 豐富晚餐就開始啦~共8道菜:1)麵包盆: 🍞醬料講真真的有驚喜, 係我食過最濃最多既黑松露, 堅香!! 🍅洋蔥香草都好食 麵包熱, ,  不過唔知係我論盡定點, 我畢極都畢唔到D料...唔知係咪隻羹細得滯 2) 沙律-醬汁好味, 有微辣3) 湯-講真係我咁多道菜最喜歡的, 可能我本身鐘意飲熱湯, 湯既溫度我估對大眾黎講係岩岩好, 如果問我我覺得可以再熱D 4) 青口-連唔食青口既朋友仔都揀左兩隻最大既黎食...所以係好味的5)🐟: 第一次食鹽焗魚, 好食, 亦都好特別. 我覺得餐廳可以考慮做signature 菜, 魚裏面有檸檬, 如果均勻D會再好味 整體夠汁同夠味 6) 豬排: 非常厚肉, 我堅鐘意個玫瑰粉, 我本身唔太好🐷, 所以唔係太知點樣為之好食...如果以無食開黎講我覺得有D乾

西式私房菜，菜色有驚喜，牛🐂尾湯配麵包🍞，厚切豬扒🐖，鹽焗魚🐠，Pizza 🍕😋可以私人包場，可以同朋友慢慢傾冇時間限制🤗。 露營車設計，另有一返風味🍽