ABC Kitchen (裝修中)

好少見間係街市嘅餐廳會有咁多人鍾意食，咁多like，所以就黎試下☺️地點都算好易搵，入到去見到好多張枱鋪左紅白格仔枱布，好懷舊👍🏼因為朋友遲左收工，所以白坐咗半個鐘，但啲侍應都好friendly，有同我吹下水😛佢地好funny終於有得食啦～～～🤤🤤🤤叫咗我的最愛——-生蠔🙌🏼好新鮮，好大隻，唔使自己開，仲要好抵食😍必叫之選💁🏻‍♀️之後叫左好出名嘅豬手，係好味既，皮脆肉嫩👍🏼不過份量可以多少少仲叫左個田雞飯，都好好味👍🏼👍🏼👍🏼最後叫左必叫的蛋白餅，我鍾意佢百香果酸酸地嘅汁，好開胃，令個餅無咁溜🤗絕對可以一試再試既餐廳‼️

多數去皇后街街市都係食潮州野多,已經有幾年無黎過食lunch。難得腦細去旅行，自己一個人lunch 時候可以行遠d食飯。今次叫左個egg benedict加個南瓜湯同埋有餐茶。 首先就講下個南瓜湯，幾滑而且個味清清地幾好飲。跟住就講下個主角 egg benedict 咁同以往比賣相無以往咁好睇，但係個sauce 酸酸地又幾開胃喎。餐茶杯咖啡就無咩好講，比上不足比下有餘。環境受到先天所限無得講，係會比較嘈吵。但係食物上水準依然唔錯。

朋友生日，一大班人去食西餐我第一次黎，真係很好奇，位於街市內的ABC kitchen 8個人，將餐牌上面的餐基本上叫曬😂影了太多相西餐紅白格仔台布好搶眼成隻手掌甘大的龍蝦，新鮮，多膏生蠔啊估唔到街市都有得食，海水味都重每個餐都幾精緻，你話好好味又未到😂味道中等，但真心抵食，多人食可以樣樣都試到，好開心甜品都有好多，但是只可以post 12張相，所以其他就冇放出黎，焦糖燉蛋唔錯，好食埋單每人三百幾，真係抵食

即興飯局撞彩睇吓有冇位正book到枱一行四大一小，go go go 食好嘢,很喜歡這裏的廚師很用心去設計菜式，每次都有驚喜，每次都有新款式新口味，從未試過唔好食，不論前菜、主菜、甜品都超喜歡全部菜式都是由店主發板從來未有失望過我不介紹太多，大家一定要親自食過才能感受

通常街市入面既熟食市場都會係大排檔或者茶餐廳居多，但特別地上環呢個熟食市場居然有間西餐係度，感覺好特別🤭呢度既分區都幾隨意下，成個熟食市場望落有三至四間舖係度，但枱就係睇邊間多客d而決定，如果店舖用左就會鋪張紅色格仔枱布，咁個日我地去食個陣，abc kitchen 既佔地都幾多，睇得出幾受歡迎咁😃其實呢日係朋友幫我慶祝生日，我地都預早book左7:30既，不過因為我地都唔熟上環，所以遲左差唔多一個鐘😅真心唔好意思⋯不過遲左上到去都無比人咋型既，佢地好好咁盡快安排枱比我地添😇第一時間點菜店員就問我地：「食唔食蠔？」，話得返最後四隻。一聽到得返最後四隻，愛好食蠔既我即刻決定～要！咁個日既蠔大小都適中，屬於海水味較重，爽口既蠔。我好like😍蠔邊仍然好清晰，證明新鮮既～餐湯係另外加既，是日餐湯係蘑菇湯，呢個蘑菇湯色水比較深🤔不過好飲既。菇味香濃，只係唔夠咸，但可自行加鹽調味。主菜揀左～安格斯配薯仔（5成熟）肉係幾淋香，牛味重，煎既熟度都無問題。唯獨呢塊扒有一兩條筋，比較難切🤔佢跟左d黃芥辣醬，呢個醬我幾欣賞，因為我平時係一d芥末類都唔掂，好怕攻鼻🙈不過呢個唔攻之餘仲好香，點一點真係令牛扒既味

新加坡啲Kopitiam 做到有聲有色，其實我哋香港啲熟食市場都唔差吖，乜都有得食！好似自從N年前，皇后街熟食開咗ABC Kitchen 之後，我哋就可以自傲地講句：「喂，我哋香港熟食連鋸扒都有喎！」朋友歡聚話明食好西，梗係要開支酒先似樣。睇睇個wine list，都幾多選擇，取價亦十分公道。如此隨意舒服嘅環境，叫支prosecco 大家開心吓最啱！嚟得熟食市場食西餐，就係想唔依法辦事。用麵包籃配汽酒又有何不可？更何況呢個麵包，外面香裡面軟，仲帶啲香草味，配乜都好啦！配什菜都仲得！既然唔拘泥食乜course，叫啲main嚟開心些牙最好。先嚟西班牙燒乳豬配皺葉甘藍及薯蓉。乳豬皮脆肉嫩，底下嘅醃菜以為會好似sauerkraut 咁酸酸哋，咦？但原來係甜甜哋梅菜咁嘅味，幾得意。跟住嚟有安格斯西冷配焗蒜苗、長薯及法邊豆。牛肉叫咗五成熟，但出嚟似三成，肉質比較韌。反而長薯夠香，法邊又豆夠嫩，蒜苗亦夠香甜，「妹仔完勝主人婆」添！（噢，掛住食「妹仔」，唔記得影相！）再嚟焗羊肩配露筍苗、薯絲餅及沙沙醬。個狀況同牛扒有啲似，羊肉出到嚟都係比想像中生，講真羊肉係要熟少少先可以造出最佳口感，太生反而變咗食到

今次係第一次去abc kitchen 因為朋友介紹 環境幾特別 係個熟食市場食西餐一行六個人去食 我自己叫左份西班牙乳豬 亦都試左朋友叫嘅野食 1）磨菇湯食得出係真材實料 味道偏淡相信無落味精 2）鵝肝配多士幾好味 鵝肝份量亦都幾大3）西班牙乳豬味道唔錯 皮好脆 肉好軟身 份量亦都相當大 仲有個薯蓉做配菜幾好食4）朋友嘅安格斯肉眼叫左五成熟 扒好大塊但好韌要咬好耐5）魔鬼魚都試左兩啖唔算好特別6）蛋白餅有少少過甜7）蘋果crumble不過不失8）chocolate delice係我比較鍾意嘅 唔甜 朱古力味好重整體黎講覺得啲野食都係真材實料 野食份量幾大 我地全部食到好飽 每人一個湯 total 3份starter 6份main course 同五份甜品再加sangria 埋單每人都唔洗四百蚊 算係幾抵食 味道算不過不失 如果有機會都想試下佢嘅risotto 同意粉 服務態度亦相當唔錯

星期六行完山, 未夠6點去到餐廳才知道晚巿開7點! 服務員非常好, 比咗張枱我哋3人。等到6點9左右可以點餐我哋點咗兩個前菜和3個主菜。前菜係紅椒矮瓜卷同埋雜菜沙律, 味道清新好開胃, 個餐包雖然比較細但好好味令我哋非常期待主菜出場!我哋點咗3個主菜諗住share嚟食, 所以佢哋逐個菜上:第一個係西班牙燒乳豬, 味道唔錯但豬皮唔夠脆有少少失望第二個菜本想叫羊架但是日菜單只有羊脾! 唯有點咗個鹽焗羊脾。味道比較清淡但肉質麻麻, 似煲完老火湯嘅瘦肉, 係失望的食完個羊脾等咗半個鐘第三個菜都未見影, 侍應們都好好, 幫我哋一催再催, 終於等到芥末子燉野兔! 第一次食呢個菜無得比較但沒有驚喜, 肉質尚算嫩滑, 味道還可以吧！到甜品, 我哋點咗法式焦糖燉蛋和梨子拿破崙, 兩款甜品都好香滑, 香脆又唔太甜, 都很可口&滿意!

Facbook彈出嘅所謂專訪。。。冇乜選擇嘅餐牌。叫左羊脾同牛柳。等成個鐘，再吹先上主菜，仲要唔熱，暖暖地。。5成牛柳都要等咁耐。。。切開好似三成熟咁生。味道偏鹹！不值一試。

是日早放lunch，可以去遠d搭個巴士去皇后街街市食下好野，聞名已久，都未曾黎過，環境的確比好多街市乾淨得多。黎到同事推介既abc kitchen，menu選擇唔多，得4款。一坐低店員就放好刀叉好好禮貌咁問我地想食咩，我就決定要個黑松露野菌意大利飯，朋友就要個carbonara。我個risotto就上先，都幾細碟，sauce唔錯，可以再重d黑松露味，個飯就太生太硬，唔夠chewy。朋友個carbonara就等左都幾耐，幾有水準，明顯好食過我個risotto。價錢我覺得係街市黎講risotto真係貴左少少

好一段時間沒有到ABC晚餐了，因餐牌許久才會更新，有時候真的會吃膩。七點多來到餐廳，今晚只有3枱客人 ，所以不用等位。餐前麵包依舊有香草餐包，外脆內軟。翻點的有煎鵝肝配龍珠果醬$128鵝肝份量變小了，只有兩小口，而且未有隔油便上碟。海膽意大利飯$128意大利飯口感軟硬適中，海膽亦非常鮮味，可惜份量少，眼觀碟子雖大，但其實意大利飯只得薄薄的一層，剛好舖滿碟子。焗羊柳配千層薯及炒菠菜$208五成熟的小小羊柳帶筋、味道可。伴碟菠菜太油，薯仔只是數塊普通焗薯，並沒有切到薄片，感覺有點馬虎。 原本以為自己會錯意，回家後中英對照下上網查看potato galette ，均是指將切片的薯仔焗成薯塔，但餐廳提供的卻貨不對牌（餐牌）。從前許多人到ABC都是因爲性價比高，始終在市政街市吃法國菜，價錢比一般餐廳便宜，但現在份量減少了許多，難怪人流比從前少。

因為準備去旅行，在上環一帶行完旅行裝備鋪頭都差不多8點了。於是就依朋友提議去皇后街市上一試。第一次到這裡晚餐，比想像中地方細，我心目中以為跟文娛中心那邊差不多大細，去到發覺就是一大堂，3邊店鋪1邊窗口，每邊4，5個鋪位，有些食市連租幾個鋪位。見到格仔枱布好吸引，於是一試這西班牙菜。話係西班牙菜，感覺同意大利菜差不多，個人覺得口味一般，價錢亦唔算好經濟，碟頭份量好意大利。4個人點了2前菜，1瓶果酒，3主菜，3甜品，差不多1100。另外在旁邊鋪頭點了一個咖喱薯仔青豆同2份印度簿餅，118大元。好彩有幾塊簿餅，剛好夠飽。

期待而久冇失望！樣樣都好好味但可能risotto 吾岩我地口味！其實係好食既，但我呢d local食開炒飯，Risottos 就吾係我杯茶。但係好味既！飲埋白酒同啤酒，人均都係300頭！爽呀！Ps 店員非常nice，好有人情味！佢地仲比我地叫左小小隔離店既印度野！又係好食！

已經是第三次到這間餐廳吃晚餐，雖然是街市的食肆，但食物水準更勝一般酒店。每次和親友來這裡吃，大家都對食物讚口不絕。這晚共六人去食，所以有很多食物，大飽口福。一坐下，便order 飲品，本先叫了白酒，飲完後，見隔離枱飲緊Sangria，但我唔鍾意飲紅酒，侍應就話幫我改用白酒整Sangria ，味道更易入口。頭盤有生蠔、生蝦、海膽和麵包蟹，都很新鮮，海膽最鮮味。這味青口煮得很美味，青口嫰滑冇渣的。我的至愛--鵝肝多士，鵝肝上有酸果醬，配搭一流。主菜一 海膽意大利飯，我對意大利飯一般，不大喜愛吃，雖然這碟有我喜歡嘅海膽，味道很好，但我始終不愛吃硬飯。西班牙燒豬，皮十分脆口，肉卻十分鬆滑。伴碟有紅菜頭和薯茸，很特別的配搭。燒鴨肶，又係皮脆，肉也軟，但沒有燒豬咁滑。牛扒煎得剛剛好七成熟，充滿牛香味，這晚主菜中最好的一道菜。這碟海鮮有蝦、青口、魚柳、魷魚，個汁點麵包好味。羊肉很嫰滑，又唔羶，十分美味。甜品共有六款，每款都好好味。每道菜都感覺到廚師很用心去煮的，賣相和味道都很出色，所以我一定會再去的。

坐落於上環街市食市中心的ABC餐廳，第二次去光顧，水準依舊！食物價格合理，感覺親民，而且食物的味道同賣相都岀乎意料，完全被餐廳的賣相暪騙。隨餐附贈燒乳豬，皮脆肉嫩，仲鎖住肉汁，伴菜薯泥勁幼滑，有入口溶化的感覺，香滑。海膽意大利飯，海膽味不太濃，飯粒半軟熟，有口感，感覺頗正宗。推介呢個蛋白餅既甜品！酸酸甜甜，底層蛋白入口即溶！味道層次豐富