影片
港铁西营盘站 A2 出口, 步行约5分钟
继续阅读
电话号码
92788227
开饭介绍
ABC Kitchen is a unqiue restaurant combining various Western flavors together. Its signature dishes originate from Spain, Brazil, France, etc. Some of the restaurant's most popular dishes include the suckling pig, seafood paella and eggs benedict.
继续阅读
营业时间
今日营业
12:00 - 14:30
19:00 - 22:30
星期一至六
12:00 - 14:30
19:00 - 22:30
星期日
全日休息
以上资料只供参考，请与餐厅确认详情
相关文章
食记 (255)
见人post就见过好多次但小编都喺第一次食🤣估唔到味道都真喺唔错 而且份量十足喺熟食市场里面食西餐够哂过瘾 仲要free corkage🍾好新适合四至八人嚟一齐食🥳/📸1️⃣ 威灵顿羊架配薯蓉 (HK$398)2️⃣ 香煎鹅肝配无花果酱 (HK$138)3️⃣ 西班牙烧乳猪配薯蓉及酸椰菜(HK$268)4️⃣ 顶级黑安格斯西冷配小椰菜及烧暑仔(HK$368)5️⃣ 芝士/ 火腿拼盘 (HK$168)6️⃣ 水牛芝士/ 车厘茄沙律 (HK$118)
继续阅读
朋友介绍呢间位于刚翻新嘅熟食中心入面有间精致特别嘅西餐，果然无介绍错，喺一堆大排档/港式餐厅入面有一个区域系铺满红白格仔枱布嘅枱 ，环境宽敞得嚟以熟食中心嚟讲算非常干净。一坐低就有店员热情介绍menu。香煎鹅肝配意大利陈醋 ($138) ★★★★✰呢个前菜鹅肝几大嚿，可以2-4人分享，煎得好香口；下面面包烤得脆身，系一道简单而好食嘅前菜。龙虾汁大虾手工阔面 ($188) ★★★★★我好中意食扁意粉，呢道fettuccine做到al dente感觉，只系用好简单嘅香草同盐加少少龙虾汁；大虾肉质鲜嫩。炭烧慢煮美国有机春鸡配香草牛油 ($238) ★★★★★好少见烧春鸡系用慢煮，果然有惊喜：外皮用炭烧烧得香脆，里面嘅肉仅熟而肉汁完全保留到。虽然价钱相比其他主菜唔平，但味道很有质素。西班牙烧乳猪配薯蓉及酸椰菜 ($288) ★★★★✰呢道菜就好有澳葡菜感觉，乳猪肉煮得非常软腍，乳猪皮又保持到好脆，同下面酸菜+少少mustard (应该系Dijon mustard)系绝配。伯爵茶梳乎厘 ($68) ★★★✰✰焗到膨胀，卖相好得；口感非常轻盈，不过略嫌茶味唔浓，蛋味亦唔得出，味道唔算吸引。巴伐洛娃蛋白饼 (Pavlova) ($78) ★★★★✰香港唔系好多地方食到Pavlova，蛋白霜有少少棉花糖感觉，外壳就系比较硬身嘅，外型好优雅，配埋唔同水果食落都好有满足感。埋单连饮品每人$300-400左右，以呢个质素嘅西餐嚟讲系好抵食；而且啲菜式有特色，老板/店员热情招待，气氛好好，值得再嚟！
继续阅读
🔤ABC Kitchen🔤皇后熟食中心竟然有西餐!喺熟食中心，就一定冇出面嘅西餐厅咁华丽，但佢有好 iconic 嘅红白格仔枱布🔴⚪️环境都好干净企理, 同朋友嚟食饭，一啲都唔失礼. 两次嚟食都要订位, 餐厅都系坐满人👀老细同埋服务员都好亲切，会详细介绍每一道𩠌~————————————————感想:❆ 油封鸭脾伴香橙及甜菜头沙律 Duck Confit with orange and beets salad $228鸭肉好嫩，夹埋佢个香橙汁一齐食系啱啱好可以解腻🦆❆ 西班牙烧乳猪配薯蓉及酸什菜 Roasted Suckling Pig ~ served on verdures agridulces and mashed potato $218烧乳猪猪皮好脆，但同时肉质鲜嫩，铺喺底嘅薯蓉吸晒啲汁好入味🫶🏻❆ 巴伐洛娃蛋白饼 Pavlova $68入口溶化，蛋白霜唔会太甜，配埋酸度啱啱好嘅水果,以呢个价钱食到咁嘅质素实在太物超所值🥹真系CP值几高，样样都好好食，隐藏既西餐厅🥰🇫🇷————————————————整体:✦ 价格: 4.5/5✦ 味道: 4.4/5✦ 服务: 4.5/5✦ 环境: 3.9/5✦ 再访指数: 4.4/5
继续阅读
之前睇Youtube见到有人推介ABC，所以一直都好想黎试。今次适逢系记念日，二话不说就打电话黎订台！ABC佢为一间西餐厅，竟然坐立系熟食市场入面，十分有gimmick。而且皇后街呢个熟食市场亦相对干净企理，除咗本地人之外，亦不少外国人同游客帮衬。一坐低职员就问你要唔要点杯酒，然后介绍左呢枝岩女仔又易入口既Moscato，味道偏甜，个人非常喜欢。精选生蚝 (市价)今次头盘点左职员介绍既法国生蚝，生蚝好新鲜，而且海水味浓，唔错！龙虾汤 $98味道浓郁，入面有几块龙虾肉，够睇头亦十分美味。香煎鹅肝配苹果酱 $138鹅肝好大一块，外脆内软，配上面包同苹果酱，酸酸甜甜，亦可以剔咗鹅肝嘅腥味，必点！西班牙乳猪配薯蓉及酸什菜 $218乳猪皮烤得好香脆，入面嘅肉质幼嫩，配上薯蓉同酸菜，减少油腻感。顶级肉眼配发豆及长薯仔 $338牛扒叫左5成熟，虽然今次火喉稍微过咗少少，但本身个调味同肉味都岩口味，所以唔太影响。金万利香橙疏乎厘 $68最后甜品点左疏乎厘，即叫即整，制作需时。疏乎厘做到空气感，有种棉密泡泡系口中化开既口感。入面亦有橙皮，所以好香橙味。
继续阅读
午饭时间，同事推介我去上环皇后街熟食中心食嘢，估唔到入边竟然有西餐食间铺有lunch set，包主菜同饮品，我拣咗班尼迪蛋，听店员讲成日好快卖晒，上碟就知点解，因为真系几足料，烟三文鱼劲大块，而班尼迪蛋亦都系留心嘅，酱汁亦都系正宗荷兰酱，加埋伴碟嘅沙律， $80真系超值！同事叫咗意粉、risotto, pizza都觉得唔错，唯一唔好就系呢度油烟比较大，扣咗啲分
继续阅读