A Tavola Bar & Grill

营业中

休息中

星期六放假瞓到中午，瞓醒就去咗東涌海堤灣畔嘅Tavola Bar & Grill食返個brunch，chill一下。餐廳喺晚上會變身成酒吧，而中午嘅感覺好似置身於外國咁，地方寬敞，樓底極高，讓人感覺放鬆舒適除咗有各式酒類飲品供應，仲有多元化嘅西式食物肉醬千層麵面上焗香左嘅芝士好吸引啊，份量十足好大件內裏有四至五層，每層都有勁多肉醬同芝士，用料十足，充滿芝士同豬肉香，好美味又邪惡！仲有番茄蓉增添左酸甜清新感覺！$138絕對係超值經典牛肉漢堡鬆軟芝麻包夾著豐盛餡料，材料好豐富的啊有漢堡肉扒、半溶芝士、蕃茄、紫洋蔥、酸瓜、沙律醬等等，所以漢堡包好有厚度，一啖係咬唔晒架！牛肉漢堡扒充滿肉汁，牛肉味濃郁，正啊！薯條係用粗身且大塊嘅板薯，滿載薯肉，好味道哦總括而言，食物好，服務都不錯，假日可以過來輕鬆一下哦

在晚上從博覽館到了東涌，原來是在東涌倒車到市區的，後來發現了這家西餐廳，它有室外室內兩區，都有很多人外國人坐著吃晚餐或者飲酒聊天，感覺上好像去了旅遊吃晚餐。我要了一份nachos，上桌子的時候是熱辣辣的，而且份量相當大，在上面的牛肉多的不得了(只需加$25) ，這個份量的nachos我在市區裡的餐廳很少見到，而且裡面的醬料和芝士也是很多，絶不欺塲。另外我也教了一份Fish and chips，份量也是相當大，有兩條炸魚柳，炸粉不是很厚，而且裡面的魚肉都是嫩嫰的，用刀子切的時候，有白煙從裡面冒出來，這就顯出炸魚是剛做出來了。甜品我就要了一份tiramisu，份量不是很大，但是非常好吃，而且他的presentation做的很漂亮很吸引。

因為係機場返工嘅關係，間唔中都會喺呢區度搵下好嘢食。今日同咗幾個同事呢到東涌呢邊， 試一下佢哋介紹嘅隱世西餐美食！佢哋話呢度夜晚都有酒飲，環境幾好，收工過嚟happy hour都唔錯！都有唔少人外國人係度幫襯。今次嚟食呢度啲午餐80幾蚊起有交易，有湯或者沙律，有一個主菜另外仲有一杯嘢飲。沙律上有好多菜，仲有新鮮車厘茄，份量都幾大夠健康。主菜有意粉或者有扒，仲有pizza可以揀，個pizza都幾大個，另外啲意粉呢其中一款海鮮炒意粉辣辣地好好食！加八蚊有iced mocha！食飽要啡啡提一提神！加埋一，大約$100一位， 質素好過喺機場入面食！

好友搬進住了東涌，今日同老公入黎探下呢位好耐冇見嘅朋友！探下佢可愛嘅囡囡！未上佢新屋之前，佢就帶我地去佢樓下一間好開揚好舒服GE餐廳食個LUNCH先！呢度環景光猛，光線自然，非常舒服，仲有好多外國人係到食飯，餐廳侍應都係外國人！仲有個OPEN KITCHEN可以睇到廚師整PIZZA！忌廉南瓜湯，濃淡得宜！配合旁邊的牛油多士，非常香口。朋友的SALAD非常大份新鮮！咖啡係自己加奶，奶係有打熱架！好窩心！PORK STEAK好靚，又係有大量蔬菜，炒過的三色椒都好好食！CARBONARA非常CREAMY, 份量岩岩好！呢度啲午餐都只係$80幾蚊，坐得舒服，味道又好，服務唔錯，所以朋友話好鐘意過黎食！

相識十多年的好朋友提早請我食生日飯，這間已經是第三次來，兩次食扒都無令我哋失望。今次叫了肉眼扒及羊腿12oz肉眼扒好夠份量加上沙律，灰燒7成熟剛好，一上枱已聞好香味，心是粉紅色的，而入口好軟有溶化的感覺，好正底部還有好邪惡嘅薯蓉羊腿一樣是超夠份量也同樣跟沙，羊腿豎起 賣相吸引，鍾意食羊及喜歡帶點騷味的絕對適合，但有些位置煮過火有點硬，但總括來說非常好食，底部也有邪惡的薯蓉👍👍最後點了我最愛的cocktail "Old fashion"，唔知點解今次這杯感覺比之前的甜，但也不錯的。

自從港珠澳大橋通車之後，都無嚟過東涌，見新聞東涌勁多遊客尤如旺角，有D怕怕，就算到亞博AWE工作都直接上車出市區，今晚就約左以前響東涌嘅舊同事食飯，去左海堤灣畔食西餐，由東薈城北面出口，過橋行到海堤嘅扶手電梯都唔算太多人，落到地下已見到好多新開食肆，我哋就揀左最多人嘅一間😁坐位有露天及室內，我氣管弱，為免吸煙味，所以入咗室內坐，室內相對比較少人。舊同事係素食者，叫左Vegetarian Mezze Platter，好大份足夠我哋慢慢食慢慢傾，有八樣美食＋中間青瓜紅蘿蔔香葉配檸檬蜜糖汁，個 Platter 包左塊 pita bread ，可以配豆蓉食，其中有兩樣炸物，雖然唔知佢係乜料，但好香脆，總之好食😋Ladies talk 緊有甜品啦，叫左個tiramisu ，唔太甜、夠creamy，中間將粒士多啤梨切成朵玫瑰咁，令我哋口甜心甜連眼仔到甜埋😍

今日去咗港珠澳大橋，反來香港經過東涌突然間好肚餓想搵啲好嘢食下， 搵下搵下係一個私人屋苑嘅地下海邊有間環境優美裝修別緻嘅酒吧一於入去試下，酒吧後面一粒大嘅酒櫃感覺好似去咗外國的名流紳士去出入嘅地方，而且播住好多唔同外國嘅體育賽事令人一個非常之優閒舒適嘅感覺，因為去到嘅時間比較早 ，所以首先點咗一杯mocha感受下呢種環境 ，餐廳裏面嘅外國人一般都會叫一杯嘢飲 慢慢坐過住一啲慢活嘅生活，令到我好寫意 mocha嘅味道非常之香濃，淡淡嘅咖啡未充斥住我喉嚨每一個角落，比起一般賣咖啡嘅專門店，真係好飲好多好多好多，用咗個半至兩個鐘頭嘆完杯咖啡之後開始點嘢食，牛肉控嘅我梗係叫咗一個七成熟嘅香煎牛柳，牛肉非常之鬆化，而且外層煎至非常之香，但內裏鬆軟無比而且牛味香濃，配上燒汁，果然係無比嘅享受，經過一日嘅港珠澳大橋緊密嘅行程會到東涌呀五點幾一直 嘆到夜晚八點，呢三個鐘頭係我今日追享受嘅三個鐘頭

在東涌返工，同事帶黎先識行過黎，在東薈城附近，環境清幽餐廳地方大，食客不多，唔知係咪d人同我一樣唔識黎，所以較少人坐在梳位，2個人慢慢嘆午餐午餐$88加一包餐湯/沙律+主菜+餐飲主菜有8款㨂1㨂左食沙律，大大份，新鮮又落左少少醋今日黎係主打食意粉呢個係白汁煙肉意粉熱辣辣好creamy~好好食啊下邊呢個係蜆肉意粉，微辣，蜆肉無沙，好惹味。賣相都好靚。餐飲㨂左熱咖啡要讚下，咖啡的奶係另上，仲係加熱左的，一d都唔hea架

宜家真係好鍾意起假日時間去呢頖bar餐廳，特別係中午時間黎，有陽光微風下慢慢食番餐，真係好輕鬆，餐廳樓底高，地方相當大，完全無局促感覺，店員服務親切有禮。 今次想重點推介係呢個<Classic beef burger$140>，店員將漢堡送上枱，心中哇左一下，漢堡賣相大之外，仲配埋粗身薯條同沙津，好正呀。即刻襯熱食，馬上咬一口充滿非常香濃牛肉香，外層麵包好軟熟，最驚喜入面有好多芝士，芝士有拉絲效果，又有新鮮蔬菜同煙肉成個漢堡味道好夾，粗身薯條即叫即炸熱騰騰食，薯味十足。 呢到我地一定會再黎，講起又掛住個漢堡喇>3<

去東涌行街及晚飯，由於東薈城已變得十分多人，於是徒步往旁邊屋苑找找吧。只是十數分鐘路程，人流隨即減卻許多，寧靜感覺再現。這夜走到A Tavola Bar & Grill，享用具外國風情的晚餐。餐廳充滿西歐格調，環境舒適，而且可選戶外用餐，言而天氣太冷，還是室內合適我們。餐牌全是英語，沒太多圖片；侍應也是說英文的，選擇到訪的話，得要有些心理準備了。吃了一客三文魚意大利粉Penne Salmon Pasta。醬汁很濃厚，很creamy，也很充足。三文魚碎很多，每口也是滿滿的三文魚香味。意粉彈牙，整體份量足以飽肚。個人又喜歡香口食品於是便點了炸墨魚，新鮮即炸，墨魚非常新鮮嫩滑，外面炸得鬆化，十分可口。 叫了一杯Pineapple smoothie，味道清甜，沙冰中帶著菠蘿香甜，值得一試。可惜個人食量不多，未能多試其他美食，但論環境絕對值得推薦，唯有留返下次有機會再來吧！

搭咗好耐車去探一個住喺東涌嘅朋友，咁遠水路嚟到無理由唔搵好野食掛😛 於是我哋行咗入去東堤灣岸附近搵正野！ 唔知係咪因爲東涌多外國人住，餐廳食客多數都係外國人😂 我哋坐咗係露天area，附近啲外國人一路chill住睇書傾計食飯，不知不覺我哋都比呢份氣氛感染到🤤 餐廳室內area有個好靚嘅bar枱，仲有得睇波。 我哋叫咗個American classic beef burger，好大份～ 薯條啱啱炸起又足料。 Burger中間塊牛肉厚身又多肉汁，不得了🤤 另外配菜配搭得宜，煙肉好脆，蕃茄同洋蔥更添酸甜口感。 另外叫咗Four cheese pizza，裹面有四種不同味道嘅芝士加蒜片同香料，食落唔會太漏，蒜片仲令到成個pizza更加香口。趁熱食仲有超邪惡芝士拉絲😛 休閒時刻唔小得啤酒，好nice嘅店員推介我哋飲suntory，飲落似生啤。聽聞係隱藏menu嚟😏

最初很擔心港珠澳大橋帶來的人流會把東薈城擠過水洩不通，雖然幸好當日所見未至太誇張，但還是決定匆匆離開東薈城，步行至離地鐵站約十五分鐘的海堤灣畔。第一次到達這個區域，很有愉景灣的感覺。雖然住宅密度比愉景灣高，但交通較為方便；當中的食肆自成一角，內裡以外國人為主，與東薈城面貌截然不同。這夜在>>>A Tavola Bar & Grill<<<用膳，有酒吧座位也有live band表演空間。 餐牌都是寫英文，看來主要客源還是外國人。 先叫一客前菜，選擇了炸脆魷魚Fried Crispy Squid (HKD120)。前菜而言，售價比預期中昂貴，然而食物上檯後，才發現物有所值，因為份量非常非常多，兩個人根本吃不完啦！當然，兩口仔食量本身就不太多。與其說這是前菜，看來是叫一碟用來送酒，更加適合。炸漿外層非常輕巧，帶來鬆脆口感，但又不會太過油膩或熱氣。魷魚佐以兩款調味醬，味道各適其適。 另外點了一個薄餅是燒蔬菜 Grilled Veg (HKD105) ，蔬菜有茄子、意大利青瓜及南瓜，顏色豐富，味道也很吸引，因為加入巴馬臣芝士及意大利青醬，帶來很

今日早收工同男朋友去食餐有氣氛同環境好好既餐廳，呢一邊都幾多餐廳，不過揀左呢一間係因為有音樂同有波睇，同埋早左去，都唔會太多人，不過陸陸續續就多左其他遊客。叫了一份牛扒5 成熟，好岩我口味，有根位，但不會un, 而且牛味重，汁亦都好夾塊牛，即使點左都唔會冇左牛味。燒雞配薯條---- 我地好勁，兩個人食埋呢份，雞燒得掂wo,外皮夠脆，但肉汁keep 到，不會乾 同 鞋，正阿👍薯條又粗又脆，抵讚。餐牌仲有好多類型既西餐，下次會叫多d朋友仔去慶祝生日，值得一試。

話說今天同母親大人行東薈城，行到6 點鍾就覺得肚餓頂唔順，母親大人又要求食西餐之後就上網左呢間餐廳，係東薈城有天橋直行到海堤灣畔就到，好方便飲品叫左雜果賓治好有果味，真材實料肉醬芝士脆餅呢個係staff 推介，好正，食落口好有層次，唔會過咸，staff 果然冇推介錯，醬汁好特別 有肉忌廉 芝士 ，鐘意食芝士既朋友一定唔可以錯過，如果送埋啤酒🍻睇波一流，可惜男朋友不在餐廳都好闊落，如果夜晚係到睇波，飲杯野咁，都幾正，音樂同氣氛都一流，我地早到 個位係要上一級梯，好特別同好舒服

去完360 朋友介紹話帶我去食一間隱世餐廳 地鐵站行過嚟10分鐘左右 之前嚟過東涌都唔知道原來呢一邊係有咁多餐廳 嚟到A TAVOLA BAR 可以選擇坐室內或者室外 天氣涼涼地我哋選擇坐出面 黎呢啲咁舒服嘅地方梗係叫番杯啤酒先啦價錢真係非常之優惠 係市區價錢嘅一半啊！ 唔使慳住飲我哋兩個女仔諗住叫一個小食+一個主菜SHARE 因為唔係好肚餓但估唔到份量咁多 我哋叫咗個炸魷魚🦑份量似係四人份量左右 但超級開胃 唔會油膩 即炸熱辣辣非常有口感 非常之推介 三文魚長通粉$125三文魚嘅份量係非常足料！食落口非常之CREAMY 淡淡都係汁非常之滋味如果入開東涌係非常之推介大家嚟呢一度最衰我哋兩個女仔食唔到好多嘢 下次到東涌我都一定會在來！推介推介