A Tavola Bar & Grill

营业中

休息中

放假難得同家人去東涌行下，睇完日落經過海堤灣畔嗰邊見到有好多有特色嘅餐廳，有少少似去咗Soho區，好Chill~就決定食埋晚餐先回家~🤣 呢間餐廳環境好大，坐位好寛落，坐得好舒服，裝飾幾靚，仲有露天坐位，打卡一流!😝 有啲似去咗外國旅行嘅感覺😛 仲有大電視可以俾大家睇球賽，有時仲會有Liveband😙👍 聽住歌食嘢真係幾享受😍✨✨1. 🐑Rack of Lamb ($315)有4大件羊扒，煎得幾香，羊扒唔算好羶，怕羶味嘅朋友都食到👍 落單時叫咗七成熟，雖然上枱時接近八成熟，但肉質軟腍，又唔會好似其他餐廳咁多肥肉，啖啖肉!😍 仲可以自選醬汁和配菜，我揀咗配Rosemary汁，係分開上俾你，客人可以自行決定加幾多，食落香草味好出，幾夾~😎 而配菜我揀咗薯條，新鮮即炸，香脆熱辣辣😙，份量好多，大約有一大包快餐店薯條嘅份量!😮👍 旁邊仲有啲沙律菜，中和一下，無咁熱氣~😛2. 🐟Grilled Snapper ($235)有2大件魚扒，接近3/4個前臂咁長!😛 食一件都開始飽，好適合開心share~👯 魚扒煎到外面微脆，肉質嫩滑! 😍 仲可以自選醬汁和配菜，揀咗配檸檬牛油汁，質地比較creamy

東涌，真係好遠好遠，如果唔係住喺呢度嘅人，真係好難發掘呢個地方嘅美食寶藏。我都一樣！朋友帶我嚟呢間bar，好似一條迷你酒吧街咁，寶物沉歸底，佢係最最入面！牛肉千層面好耐無食，突然之間好想食！一上枱，陣芝士味香到我哋流晒口水咁濟，一大塊正方形嘅千層，面頭係融晒嘅芝士，好吸引！味道方面都唔錯，唔會好咸，都未去到好冧，啱晒我呢啲煙韌控！朱古力布朗尼忍唔住叫左個甜品，份量合適，作為兩個人份量啱啱好。一冷一熱，Brownie 仲有少少合桃，增添左口感。Tequila Sunrise 好陽光嘅顏色，帶有少少橙味，下次再試下其他先！

住係東涌，成日比人以為無啖好食。其實好多好高質，環境服務都好好嘅餐廳。我同朋友不時都會嚟呢到chill下relax下，又唔逼，又唔貴，掂！ 加勒比烤雞我哋平時係嗌普通烤雞，今日心血來潮都試新嘢，都唔錯唔錯。我覺得幾啱健身人士食，哈哈，因為有兩大塊好厚嘅雞胸，肉質都唔柴。我哋揀左薯條同廚師精選醬汁，醬汁係咩都真係唔知，酸酸地咁。一啖薯條，一啖雞，一啖沙律，都幾夾，又唔會好油膩。 Long Island 好似係cocktail 入面最勁嘅酒？我覺得算係咁多次最足料嘅一次，酒精味濃，啱晒求買醉人士。個環境配埋杯酒，真係一流！

遇上8號風球的staycation，選擇A Tavola Bar & Grill滿足味蕾的選擇。食物質素不錯，擺盤亦講究，色香味俱全。餐廳服務員亦非常細心，見我地枱面已放滿食物同餐具，主動拍多張餐枱比我地，令我地坐得更舒適。

今日黎到東涌既意大利餐廳A Tavola Bar & Grill 雖然正值黑雨但餐廳環境十分寬躺室內採用紅色主調，並且有意大利鄉村風情既感覺Pizza全部人手現製有誠意，平時重有live band 演出.今次叫咗海鮮牛柳餐，同BBQ豬肋骨大大塊牛柳同大蝦相當之美味同豐富值得一試bbq豬肋骨係一個午餐lunch set包沙律選擇亦非常之多,每日沙律款式都唔同沙律菜非常新鮮之餘量都好多😇野飲叫佐Strawberry Mojito 啖啖新鮮士多啤梨🍓肉，好fresh.相信天晴嘅時候黎坐outdoor帶埋狗狗會十分寫意佢由地鐵站行過黎穿過都會東薈城只需要5-8分鐘左右既時間閒時同三五知己黎飲番杯酒happy hour 絕對會覺得舒服重可以shisha🥰勁chill

必食正宗芝士菠菜雲吞🧀環境令人置身意大利！-如果想要旅行嘅感覺，入屯門碼頭，再搭船去東涌係個好方法，無論感覺或路程時間，都好似旅行咁。-🧀Spinach & Ricotta Ravioli 芝士菠菜雲吞 ($130)經典意大利雲吞，芝士極濃厚，每啖都散發忌廉香，同時加入菠菜，完美地中和膩感。🦐King Prawn Risotto 大蝦意大利飯 ($140)睇相都見到，極巨型嘅大蝦，鋪上酸甜嘅蕃茄意大利飯上，鮮甜而開胃。🦪Half Shell Scallop 即開帶子 ($195)8隻新鮮鮮甜帶子，加入蒜蓉牛油，唔算大隻，但勝在惹味香口。👍🏻8/10

間唔中都會去東涌outlet shopping。啱啱個weekend去買完野，突然好想食牛扒， search到呢間A Tavola Bar & Grill，就決定過去試吓。呢間餐廳雖然唔係喺正東涌outlet，但係其實行過去都只需要大概幾分鐘，算係幾方便。餐廳面積非常大，包括外面一個相當大範圍嘅露天區域。因為餐廳非常大，每張枱都有一定距離，坐得幾舒適。牛扒我就揀咗佢哋嘅Angus 肉眼扒，配上黑椒汁同薯蓉。首先講吓塊牛扒，真係非常大塊，絕對有12安士。我揀咗medium rare，廚師控制都好好，一啲都唔太熟。肉眼扒充滿肉汁，配上佢哋嘅黑椒汁，非常滿意。我哋另外叫咗個salami pizza，喺店員推介下揀咗薄底。餅底非常除，salami 非常足夠，茄汁嘅base都做得幾好。呢個Pizza可以話係令我己有驚喜。你餐絕對滿足到我想食牛扒嘅慾望。下次再嚟東涌outlet shopping，我都一定會考慮再嚟呢一間餐廳。

今日見天氣都不錯於是約埋朋友去東涌outlet行吓街，行到攰就搵家坐得舒服嘅餐廳Chill下。我地行咗去藍天海岸嗰頭，嗰度有好多好chill嘅外國人餐廳，最後揀咗atavola 入邊裝修好靚，仲有播緊欖球比賽氣氛超好。我地坐低就點左兩個main courses，一個小食當brunch坐耐啲chill下 。🥰水牛雞翼(Buffalo chicken rings) : 六隻雞翼配特色水牛醬同沙律醬，本身雞翼夠大隻都已經好味😋，脹卜卜啖啖肉，咬落去肉嫩多汁，再配埋水牛醬酸酸甜甜非常之開胃。意大利火腿Pizza (Prosciutto E Rucola) :好彩我地幾個人點左個細份嘅簿批。當然外國人份量3-4人都夠食架，即叫即整，熱辣辣芝士好香再加ham食無得頂。海鮮牛扒餐(Surf and Turf) : 海鮮擺盤都好有心思，相機食先。有牛扒同埋兩隻大蝦，仲有啲薯菜。個大蝦啖啖肉同埋煎到好香，牛扒五成熟剛剛好，非常多汁嫩滑。當然最後我地都將食物清光光。同場加映仲有直播欖球比賽，有好多外國人係度飲酒睇比賽氣氛一流，夜晚仲會有live band睇。呢間餐廳除咗食物好食之外，都非常有氣氛。

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑更多餐廳分享可到以下平台追蹤訂閱____________👉 不專業食評🍽️.【Angus Rib Eye Steak 12oz】HK$385【American Classic Beef Burger】HK$150【Prosciutto E Rucola Pizza / 10”】HK$130【Apple Crumble】HK$58.(👦) 先講下個餐廳環境，都真係非常之大間😂😂 係入面坐得好舒服，重有大電視睇足球，枱與枱之間好闊落，真係同朋友聚會大聲傾計唔怕影響到人👍👍 夠哂chill☺️☺️ 餐廳環境加分不少✨✨.食物方面，👦覺得味道都有d菜式唔錯，就好似個Rib Eye 5成熟剛剛好，而且上枱已經聞到牛扒嘅油脂香氣😋😋 12oz份量都確實幾大份，岩哂用黎share食😍😍 CP值都Ok👍 可以一試🤣.其次係Pizza 性價比幾高下，意式薄底，唔係行芝士風格🥰🥰 150蚊都唔洗已經10"好大份，真係確實好正！多人一齊食的話重可以揀大d size😄😄.👦總分

Classic Beef Burger 一上枱已經覺得好巨型，牛肉用上Angus Beef，好厚好大塊，夾左2層cheese同bacon，食得出cheese味好濃，少少美中不足係牛肉唔夠juicy，當日煎得有少少乾身，如果麵包皮再熱啲同香脆啲會更正😋 不過咁大個burger再加薯條，整體嚟講都幾抵食👍Angus Rib Eye 12oz 呢道都幾有驚喜，算幾大份， medium啱啱好， 咬落幾嫩滑，唔會太乾👍 Rib Eye嚟講都算幾好食， 餐牌上咁多款牛扒嚟講，呢款性價比算比較高。New Zealand Beef Tenderloin 10oz 比Rib Eye較細，我會expect呢個部位會比rib eye更 soft更嫩滑，但實際上呢份tenderloin係雖然肉質夠soft，但絕對唔夠滑，欠缺入口嘅肉香同油脂感， 雖然表面係烤得幾香，但略嫌肉身有少少乾，而且跟牛扒嘅醬汁都唔太夾🤫 整體而言，性價比冇Rib Eye咁高，不太推薦

餐廳環境開揚濶落， 客人中西交融， 身處現場感覺好似去咗外國旅行咁。LIVE BAND 每逢星期五，六,由8:00~9:00pm 獻唱懷舊英文經典金曲，非常有氣氛。餐牌中西對照， 價錢合理烤雞全隻~ $260用迷迭香，橄欖油， 烤大蒜塗在雞上烤製， 再配上自選醬料 ，味道也不錯，雞肉質嫩滑，配上炸薯條，沙律菜，兩個人share,份量剛剛好。海鮮薄餅~$160apple crumble 蘋果酥 ~$ 58新鮮蘋果與玉桂煮熟, 配上酥皮碎粉加上雲呢拿雪糕，感覺太甜，口感怪怪咁，不欣賞Mocha/ Latte 食後感餐廳氣氛環境超讚，食物反而沒有太大驚喜，但價錢合理，餐廳裝修，環境給人有逃離鬧市煩囂的感覺，再加上每逢星期五，六 有LIVE BAND 駐場唱英文經典金曲， 一路用餐，一路聽歌 ， 又chill又relax

呢間餐廳最大嘅特色就係佢有令人覺得好舒服嘅裝飾風格 同埋咁啱星期六晚有現場音樂表現 令到食客都食得放鬆又好chill🎊🙈Popcorn Chicken 炸雞粒($110)先來講吓佢哋嘅炸雞粒，佢哋嘅炸雞粒唔單止好大粒而且脆卜卜， 配醬料食落唔乾幾香口🐣Calamari Fritti 炸魷魚圈($120)外脆內軟魷魚圈，兩款醬汁同時沾更好味😋Chicken Tikka 海鮮薄餅 10吋 ($125)有烤雞同烤洋蔥配特製醬料嘅toppings，拉芝好邪惡🤤🤤整體味道不過不失~Earl Grey Tea 伯爵茶 ($45) 一壺茶大概可以斟到4杯，適合share一齊嘆下茶咁飲☕️茶味濃而不濁，消濟之選！

#東涌海旁live band扒房以前行完東薈城 通常喺附近食埋飯 今次入啲啲 去海濱路海堤灣畔 嗰度有幾間bar相連 室內戶外座位都有 氣氛輕鬆有live band 極有海旁渡假feel-🍔Beef burger $150沙律之外 竟然有大堆頭現炸脆薯條🍟 實在喜出望外 麵包軟熟 安格斯牛肉漢堡成吋厚 肉汁多 啖啖肉而且肉味濃郁😝 食佢嘅時候要有心理準備 因為會滿手肉汁醬汁-🐟Grilled salmon $235三文魚扒好厚身 難得香煎至外皮微焦而裏面肉質鮮嫩色美 仲唔嚡口𠻹 牛油汁好重牛油香 增加魚肉滑溜口感 魚扒色澤更亮麗吸引-🍨 Chocolate brownie with vanilla ice cream $58店員推介 布朗尼蛋糕微熱 同雪糕冷凍成為對比 入口柔軟 味道香甜-🍹Fruit punch $54由橙汁味主導 少甜唔酸-📍A Tavola Bar & Grill東涌海濱路8號海堤灣畔地下E&F號舖

前排難得有長假期就淋著入東涌行下outlet，行到肚餓又吾想係東薈城入面食，揾到間幾正嘅餐廳係海堤灣畔個邊，行到係東薈城尾篤係酒店再落，行過去就5分鐘都吾洗🙆🏻‍♀️我哋去到餐廳都有室內同室外，個日我哋就坐室內，室內有時仲會有live show睇，個日都見到有班外國小朋友搞生日party！餐廳夜晚都可以比你同朋友坐底飲下野同shisha下❤️個日我哋晏晝去到就叫咗一個水牛雞翼、bbq chicken burger 🍔 中東style嘅烤雞肉串，仲有個tiramisu 😋全部都好好食，估唔到每樣野食都有驚喜😙水牛雞翼$98 雞翼烤得都岩岩好，食得出係即刻烤出嚟的，因為都好熱而且個雞翼皮有脆香味，仲配有墨西哥辣椒仔汁，雞翼本身都有少少調味，再點埋辣椒仔汁會令到雞翼冇咁流，佢仲陪有少少沙律菜！BBQ chicken burger $140依個烤雞漢堡真係一定要試，我覺得係食過最好食嘅漢堡頭三名❤️🍔首先佢份量都好大個，唔單止淨係沙律菜多連塊雞扒都係好大塊！佢嘅麵包雖然唔係用牛油烘過，但係超級軟熟😋成個漢堡一齊食真係好正，食吾停到口！Shish Taouk $85中東style烤雞肉串🍢烤雞肉質好嫩

幾個月之前嚟過東涌海邊食野覺得幾舒服, 於是小妹今日又再過嚟行下食下野! 🌟Corona🍺🌟Sea Breeze飲落好重檸檬味同薄荷味, 非常清新解渴🌟蒜蓉炒蜆炒蜆用大蒜, 辣椒, 檸檬同酒炒煮過, 蒜香味濃, 微辣惹味!🌟炸魷魚圈魷魚圈份量夠多, 炸得金黃香脆, 炸粉夠薄, 魷魚質感柔軟爽彈, 沾埋他他醬或者甜辣椒醬, 佐酒一流🍻!🌟意式千層麵千層麵超濃超濃超濃芝士味🧀, 牛肉好足量, 配搭奶油調味醬, 一啖一芝味!